ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ, ᐃᒡᓗᒃᓴᓂ, ᑮᓇᐅᔾᔭᒃᓴᓂᕐᒧᑦ ᓴᐃᒻᒪᖃᑎᒌᖕᓂᐅᔪᒥ ᐊᒻᒪ ᐋᓐᓂᐊᖃᕐᓇᑎᑦᑐᓕᕆᓂᕐᒥ ᐸᖅᑭᓂᐅᔪᒥ ᐃᓚᒋᔭᐅᕗᑦ ᖁᑦᑎᓛᖑᔪᓂ ᓯᕗᓪᓕᐅᔾᔭᐅᖁᔭᐅᔪᓂ ᓄᓇᕗᒻᒥ ᑲᓇᑕᐅᑉ ᒪᓕᒐᓕᐅᖅᑎᖏᓐᓂ ᐃᓚᒋᔭᐅᔪᖅ ᓗᐊᕆ ᐃᓪᓚᐅᑦ ᐊᒻᒪ ᓄᓇᕗᒻᒥ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎ ᑕᓂᔅ ᐹᑐᓴᓐ 2023-24−ᒥ ᒐᕙᒪᑐᖃᒃᑯᑦ ᓯᕗᓂᐊᓂ-ᑮᓇᐅᔭᓂᒃ ᐊᑐᖅᑐᒃᓴᓂ ᑐᓂᓯᓂᐅᔪᒥ ᑯᕆᔅᑎᐊ ᕗᕇᓚᓐᒧᑦ, ᑲᓇᑕᐅᑉ ᐊᖓᒧᖅᑳᕐᔪᐊᖓᑕ ᑐᒡᓕᖓᓄᑦ ᐊᒻᒪ ᒥᓂᔅᑕ ᑮᓇᐅᔭᓕᕆᔨᒃᑯᓐᓄᑦ.
“ᓄᓇᕗᑦ ᓵᙵᕗᖅ ᐊᖏᔪᒻᒪᕆᐊᓗᖕᒥ ᐊᒃᓱᕈᕈᑕᐅᔪᓂ ᐱᔾᔪᑎᖃᖅᑐᒥ ᓄᓇᖓᓂ ᐊᒻᒪ ᐱᑕᖃᙱᓗᐊᕐᓂᖓᓂ ᐅᓯᑲᑦᑕᕐᓂᕐᒧᑦ, ᐆᒻᒪᖅᑯᑎᓄᑦ ᐊᒻᒪ ᑐᓴᐅᒪᑎᑦᑎᓂᕐᒧᑦ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ,” ᑐᓂᓯᓂᐅᔪᖅ ᐅᖃᓕᒫᖅᐳᖅ, ᐅᖃᐅᓯᖃᖅᖢᓂ ᓄᓇᕗᒻᒥ ᑐᙵᕕᒃᑯᑦ ᓄᓇᕗᒻᒥ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐅᓂᒃᑳᓕᐊᖓᓂ, ᐅᑭᐅᖅᑕᖅᑐᒥ ᐊᒻᒪ ᐅᐊᖕᓇᒥ ᐊᑐᐊᒐᖓᓄᑦ ᐋᖅᑭᒃᓱᖅᓯᒪᓂᖓᓐᓂ ᐊᒻᒪ ᑐᓴᒐᒃᓴᓕᐊᖑᔪᒥ.
ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐱᓕᕆᐊᒃᓴᐅᔪᑦ ᐃᓪᓚᐅᑦ ᐊᒻᒪ ᐹᑐᓴᓐ ᑕᑯᔪᒪᓇᔭᖅᐳᑦ ᒐᕙᒪᑐᖃᒃᑯᓐᓂ ᑲᑎᖅᓱᖅᑕᐅᕙᓪᓕᐊᓂᕐᒥ ᑮᓇᐅᔭᓂ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑕᐅᔪᓂ ᐃᓚᖃᕐᓂᖓᓂ ᖁᕐᓗᖅᑐᐊᕐᔪᒃ ᐊᖅᑯᑎᖓᓂ ᐊᒻᒪ ᑐᓚᒃᑕᕐᕕᒃᓴᒥ ᐱᓕᕆᐊᒃᓴᐅᔪᖅ, ᑐᒃᓯᕋᖅᑕᐅᔪᒥ 227-ᑭᓛᒥᑐᒥ, ᖃᓄᑐᐃᓐᓇᖅ−ᓯᓚᒧᑦ ᐊᖅᑯᒻᒥ ᐊᒻᒪ ᐃᑎᔪᒥ−ᐃᒪᕐᒥ ᑐᓚᒃᑕᕐᕕᒃᓴᒥ ᑲᑎᑎᕆᔪᒥ ᕿᑎᕐᒥᐅᓂ ᐊᕕᒃᑐᖅᓯᒪᓂᐅᔪᒥ ᓄᓇᑦᓯᐊᕐᒧᑦ. ᐊᓯᖓ ᑭᕙᓪᓕᕐᒥ ᐃᒪᕐᒧᑦ−ᕙᐃᐸᒧᑦ ᑲᓱᖃᑎᖃᕐᓂᐅᔪᒥ, ᑐᕌᕋᓱᐊᖅᑐᒥ ᓴᓇᓂᕐᒥ ᐆᒻᒪᖅᑯᑎᓂ ᐊᒻᒪ ᖃᕋᓴᐅᔭᒃᑰᕈᑕᐅᔪᓂ ᑐᓂᓯᓂᐅᔪᒥ ᐅᐊᔭᓂ ᒫᓂᑑᐸᒥ ᑭᕙᓪᓕᕐᒧᑦ ᓄᓇᓕᐅᔪᓄᑦ ᐊᒻᒪ ᖄᒃᑲᓐᓂᐊᒍᑦ $2.1-ᒥᓕᐊᓐᓂ ᑲᑎᖅᓱᖅᑕᐅᕙᓪᓕᐊᔪᓂ ᑮᓇᐅᔭᓂ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑕᐅᔪᓂ ᐱᔭᕇᖅᓯᓂᕐᒧᑦ ᐊᖏᒡᓕᒋᐊᖅᑕᐅᓂᖓᓂ ᐊᒻᒪ ᓄᑖᙳᕆᐊᖅᑎᑦᑎᓗᓂ ᐃᖃᓗᖕᓂ ᑯᕕᖅᑕᖅᑕᐅᓂᖓᓂ ᐱᓕᕆᔾᔪᓯᐅᔪᒥ, ᐃᑲᔪᖅᓱᐃᓇᔭᖅᑐᒥ ᐃᓄᒋᐊᖕᓂᐅᔪᓄᑦ ᐊᖏᒡᓕᒋᐊᕐᓂᖓᓂ ᓄᓇᕘᑉ ᐊᖓᔪᖅᑳᖃᕐᕕᖓᓂ.
ᒪᕐᕉᒃ ᕿᓂᕆᕗᑦ ᖁᕝᕙᕆᐊᖅᑎᑦᑎᓂᕐᒥ ᑲᑎᖅᓱᖅᑕᐅᕙᓪᓕᐊᔪᓂ ᑮᓇᐅᔭᓂ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑕᐅᔪᓂ ᐋᖅᑭᒋᐊᖅᑕᐅᔪᒥ ᓱᓇᑐᐃᓐᓇᐃᑦ ᐊᑭᑦᑐᖅᐸᓪᓕᐊᓂᖏᓐᓂ ᐅᐊᖕᓇᒥ ᕿᑭᖅᑖᓗᖕᒥ ᓄᓇᓕᐅᔪᓄᑦ ᐱᓕᕆᐊᕆᔭᐅᓂᐊᕐᓂᕋᓚᐅᖅᑐᓂ ᐅᕘᓇ ᑕᓪᓗᕈᑎᐅᑉ ᐃᒪᖓᓂ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓄᑦ ᐊᒻᒪᓗ ᐱᕚᓪᓕᕈᑎᒃᓴᓄᑦ ᐊᖏᕈᑎᒥ (IIBA), ᐃᓚᖃᖅᑐᒥ $26.3 ᒥᓕᐊᓐᓂ ᑲᓇᑕᒥ ᒥᕐᙳᐃᖅᓯᕐᕕᖕᓂ ᖃᔅᓯᒐᓚᖕᓄᑦ−ᐊᑐᖅᑕᐅᓂᕐᒧᑦ ᐃᒡᓗᖁᑕᐅᔪᓂ ᐃᒃᐱᐊᕐᔪᖕᒥ, ᒥᑦᑎᒪᑕᓕᒃ, ᑲᖏᖅᖢᒑᐱᒃ, ᐊᐅᓱᐃᑦᑐᖅ ᐊᒻᒪ ᖃᐅᓱᐃᑦᑐᕐᒥ. $10 ᒥᓕᐊᓐᑲᓐᓂᕐᓂ ᐱᔪᒪᕗᑦ ᐊᑐᓂ ᑲᓇᑕᒥ ᐅᑭᐅᖅᑕᖅᑐᒥ ᑮᓴᐅᔾᔭᒃᓴᓂᕐᒧᑦ ᐱᒡᒍᔾᔨᔨᓄᑦ ᐊᒻᒪ ᐹᕙᓐᓛᓐᒥ ᐊᕕᒃᑐᖅᓯᒪᓂᐅᔪᒥ ᐱᓕᒻᒪᒃᓴᓂᕐᒧᑦ ᐱᓕᕆᕝᕕᖕᒧᑦ ᒥᑦᑎᒪᑕᓕᖕᒥ; $76.5 ᒥᓕᐊᓐᓂ ᑲᓇᑕᒥ ᐅᓯᑲᑦᑕᖅᑎᐅᔪᓂ ᓄᓇᕗᒻᒥ ᒐᕙᒪᒃᑯᓐᓄᑦ ᓄᓇᓕᖕᓂ ᑭᓴᕐᕕᒃᓴᓄᑦ ᖃᐅᓱᐃᑦᑐᕐᒥ ᐊᒻᒪ ᐊᐅᓱᐃᑦᑐᕐᒥ, ᐊᒻᒪᓗᑦᑕᐅᖅ ᓱᓕᒃᑲᓐᓂᖅ ᐊᖏᕈᑕᐅᓯᒪᔪᓂ ᒥᑭᑦᑐᓄᑦ ᐅᒥᐊᕐᓄᑦ ᑭᓴᕐᕕᒃᓴᓄᑦ ᐃᒃᐱᐊᕐᔪᖕᒥ ᐊᒻᒪ ᑲᖏᖅᖢᒑᐱᖕᒥ.
ᒥᑦᑕᕐᕕᖕᒥ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐱᔭᕆᐊᖃᕆᕗᑦ ᓄᓇᕗᒻᒥ, ᒪᕐᕈᑐᐊᓂᒃ ᕿᑯᖅᑎᕆᓯᒪᔪᓂ ᒥᕝᕕᖃᖅᑐᓂ ᑕᐅᑐᒃᖢᒍ 32−ᖑᔪᓂ ᑐᐊᐸᖕᓂ ᒥᕝᕕᐅᔪᓂ. ᑖᓐᓇ ᑭᐅᓂᕐᒧᑦ, ᐹᑐᓴᓐ ᐊᒻᒪ ᐃᓪᓚᐅᑦ ᕿᓂᖅᐳᑦ ᓴᖅᑭᑎᑕᐅᒃᑲᓐᓂᕐᓂᖓᓂ ᒥᑭᑦᑐᓄᑦ ᓄᓇᓕᐅᔪᓄᑦ ᑮᓇᐅᔭᖃᖅᑎᑕᐅᓂᐅᔪᒥ, ᑐᕌᒐᕆᔭᖃᖅᑐᓂ ᐃᑲᔪᖅᓱᐃᓂᕐᒥ ᓄᓇᓕᐅᔪᓂ ᐅᓄᙱᓐᓂᖅᓴᐅᔪᓂ 100,000−ᓂ ᐃᓄᖃᖅᑐᓂ.
“ᐃᒡᓗᖃᖅᑎᑦᑎᓂᖅ ᓱᓕ ᐱᓪᓚᕆᐅᓪᓗᓂ ᐊᒃᓱᕈᕈᑕᐅᕗᖅ ᓄᓇᕗᒻᒥ ᑕᒪᐃᑎᒍᑦ,” ᑎᑎᕋᓚᐅᖅᐳᖅ ᐹᑐᓴᓐ, ᐅᖃᐅᓯᖃᓚᐅᖅᑐᒥ ᑲᓇᑕᒥ ᐊᑭᓕᐅᑕᐅᔪᖅ ᐃᒡᓗᒃᓴᒧᑦ ᓄᓇᒧᓪᓘᓐᓃᑦ ᐊᒻᒪ ᐃᒡᓗᓕᕆᔨᕐᔪᐊᒃᑯᑦ ᐅᓂᒃᑳᓕᐊᖓ, ᓇᓗᓇᐃᖅᓯᔪᒥ ᓄᓇᕗᒻᒥ ᒐᕙᒪᒃᑯᑦ ᐸᕐᓇᐅᑎᖓᓂ ᓴᓇᓂᕐᒧᑦ 3,000−ᓂ ᐃᒡᓗᒃᓴᓂ 2030−ᖑᕋᓱᖕᓂᖓᓂ.
ᑲᓇᑕᐅᑉ ᒪᓕᒐᓕᐅᖅᑎᖏᓐᓂ ᐃᓚᒋᔭᐅᔪᖅ ᐊᒻᒪ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎ ᐊᖏᖅᐳᑦ ᓄᓇᕗᒻᒥ ᑐᙵᕕᒃᑯᑦ ᐊᒻᒪ ᓄᓇᕗᒻᒥ ᒐᕙᒪᒃᑯᑦ ᐅᒃᑐᐱᕆ 31−ᒥ ᑐᒃᓯᕋᕐᓂᖏᓐᓂ $250 ᒥᓕᐊᓐᓂ ᐊᑐᓂ ᐅᓇᑕᕐᓂᕐᒧᑦ ᓄᓇᕗᒻᒥ ᐃᒡᓗᖃᖅᑎᑦᑎᓂᕐᒥ ᑐᐊᕕᕐᓇᕐᓂᐅᔪᒥ ᐊᒻᒪᓗᑦᑕᐅᖅ $30 ᒥᓕᐊᓐᓂ ᐊᕐᕌᒍᓄᑦ ᑕᓪᓕᒪᓄᑦ ᒐᕙᒪᑐᖃᒃᑯᓐᓂ ᐅᖁᖕᒥ ᐋᖅᑭᒋᐊᕈᑕᐅᔪᒥ ᐱᓕᕆᔭᕆᐊᖃᕐᓂᐅᔪᒥ ᖃᓂᒋᔭᖓᓂ 150−ᓄᑦ ᐃᓄᓕᒫᓄᑦ ᐃᒡᓗᒋᔭᐅᔪᓄᑦ.
ᓄᑖᙳᕆᐊᖅᑎᑦᑎᓂᕐᒥ ᓄᓇᕘᑉ ᐃᒪᕐᒧᑦ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐱᔭᕆᐊᖃᕆᕗᑦ, ᐅᖃᐅᓯᖃᓪᓗᓂ ᓯᕗᓂᐊᓂ−ᑮᓇᐅᔭᓂᒃ ᐊᑐᖅᑐᒃᓴᓄᑦ ᑐᓂᓯᓂᐅᔪᒥ. ᓇᓗᓇᐃᖅᑕᐅᓚᐅᖅᐳᖅ ᖁᑦᑎᓛᖑᓪᓗᓂ ᐊᑲᐅᙱᓕᐅᕈᑕᐅᔪᒥ ᓄᓇᕗᒻᒥ ᓄᓇᓕᐅᔪᓂ ᒪᓕᒃᑐᒥ ᑎᓯᐱᕆ 2021−ᒥ ᓄᓇᕗᒻᒥ ᑲᑐᔾᔨᖃᑎᒌᖑᔪᓂ ᓄᓇᓕᖕᓂ ᑲᑎᒪᓂᐅᔪᒥ. ᐃᒪᐃᖁᔨᓇᔭᖅᑐᒥ ᑲᓇᑕᒥ ᒐᕙᒪᒃᑯᑦ ᖃᐅᔨᓴᐃᓂᖏᓐᓂ ᑲᑎᓪᓗᒍ ᐊᑭᖓᓂ ᓄᑖᙳᕆᐊᖅᑎᑦᑎᓂᕐᒥ ᓄᓇᕘᑉ ᐃᒪᕐᒧᑦ ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ.
ᓇᓪᓕᐅᒃᑯᒫᖃᙱᑦᑐᓄᑦ ᐋᓐᓂᐊᖃᕐᓇᙱᑦᑐᓕᕆᓕᕐᒧᑦ ᐱᕚᓪᓕᕈᑕᐅᔪᑦ (NIHB) ᐊᓯᒃᑲᓐᓂᐊᕗᖅ “ᐱᔭᕆᐊᖃᕐᔪᐊᖅᑐᒥ ᐋᖅᑭᒃᑕᐅᒃᑲᓐᓂᕐᓂᖓᓂ,” ᐅᖃᐅᓯᐅᓪᓗᓂ ᐃᓪᓚᐅᑦᒧᑦ ᐊᒻᒪ ᐹᑐᓴᓐᒧᑦ.
“ᒫᓐᓇᐅᔪᒥ ᐱᓕᕆᐊᖑᔪᖅ ᐃᑲᔪᖅᓱᐃᓂᖃᙱᓗᐊᖅᐳᖅ ᐃᓄᖕᓄᑦ ᐅᑭᐅᖅᑕᖅᑐᒥ ᐊᒻᒪ ᖃᓪᓗᓈᑦ ᓄᓇᖓᓐᓂ ᓄᓇᐅᔪᓂ ᐱᔭᕆᐊᖃᖅᑐᓂ ᐅᓯᑲᑦᑕᕐᓂᐅᔪᒥ ᐊᑐᐃᓐᓇᖃᕐᓂᕐᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᓂᐅᔪᒥ,” ᑐᓂᓯᓂᐅᔪᖅ ᐅᖃᓕᒫᕐᓂᖃᖅᐳᖅ, ᐅᖃᐅᓯᖃᖅᖢᓂ ᐊᒥᒐᓗᐊᕐᓂᐅᔪᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᔭᐅᓂᐅᔪᒥ ᐱᓕᕆᔨᕐᔪᐊᖑᒧᓂ ᓄᓇᕗᒻᒥ ᓄᓇᕗᒻᒥᐅᑦ ᓇᓂᓯᔪᓐᓇᙱᖦᖢᑎᒃ ᑐᓂᓯᔨᐅᔪᓂ ᖃᓪᓗᓈᑦ ᓄᓇᖓᓐᓂ ᓱᖏᐅᑎᓯᒪᔪᓂ ᐊᒻᒪ ᐊᑭᓕᒐᒃᓴᓕᐅᕐᓗᑎᒃ ᓇᓪᓕᐅᒃᑯᒫᖃᙱᑦᑐᓄᑦ ᐋᓐᓂᐊᖃᕐᓇᙱᑦᑐᓕᕆᓕᕐᒧᑦ ᐱᕚᓪᓕᕈᑕᐅᔪᓄᑦ. ᐹᑐᓴᓐ ᐊᒻᒪ ᐃᓪᓚᐅᑦ ᐃᒪᐃᖁᔨᕗᑦ ᐃᓄᓕᒫᓄᑦ ᐊᑐᐃᓐᓇᐅᔪᒥ ᑎᑎᕋᖅᓯᒪᓂᐅᔪᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᔭᐅᓂᐅᔪᓂ ᐊᑭᓕᒐᒃᓴᓕᐅᓲᖑᔪᓄᑦ ᓇᓪᓕᐅᒃᑯᒫᖃᙱᑦᑐᓄᑦ ᐋᓐᓂᐊᖃᕐᓇᙱᑦᑐᓕᕆᓕᕐᒧᑦ ᐱᕚᓪᓕᕈᑕᐅᔪᓄᑦ ᐊᒻᒪᓗ ᑮᓇᐅᔭᑎᒍᑦ ᐃᑲᔪᖅᓱᐃᓗᑎᒃ ᐃᓅᓕᓴᖅᑕᐅᓂᕐᒧᑦ ᐊᐅᓪᓛᖅᑎᐅᔪᓂ.
ᑭᐅᓂᕐᒥ ᐃᖅᑲᓇᐃᔭᖅᑎᖁᑎᖃᕐᓂᕐᒧᑦ ᐊᑲᐅᙱᓕᐅᕈᑕᐅᔪᓂ ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᒡᓗᖁᑕᐅᔪᓂ, ᕿᓂᖅᐳᑦ ᒐᕙᒪᑐᖃᒃᑯᓐᓄᑦ ᐊᖏᖃᑎᖃᕐᓂᕐᒥ ᓄᓇᕗᒻᒥ ᒐᕙᒪᒃᑯᓐᓂ ᓇᓂᓯᓂᕐᒥ ᐊᑐᓂ ᐃᓄᖕᒧᑦ ᑐᕌᒐᕆᔭᐅᔪᒥ ᐋᖅᑭᐅᒪᑎᑦᑎᓂᕐᒧᑦ ᐊᒻᒪ ᐃᖅᑲᓇᐃᔭᖅᑎᑦᑎᓂᕐᒥ ᐃᓅᓕᓴᐃᓂᕐᒧᑦ ᐱᓕᕆᔨᕐᔪᐊᖑᔪᓂ.
ᐱᕙᓪᓕᐊᑎᑦᑎᓂᕐᒥ ᓄᓇᕘᑉ ᐃᖃᓗᓕᕆᓂᕐᒥ ᐅᕝᕙᓘᓐᓃᑦ “ᑐᖑᔪᖅᑐᒥ ᑮᓴᐅᔾᔭᒃᓴᓂᐅᔪᒥ” ᐱᒻᒪᕆᐅᒋᕗᖅ ᐅᖃᐅᓯᐅᓪᓗᓂ ᑐᓂᓯᓂᐅᔪᒥ ᑕᒪᒃᑭᒐᓚᐃᑦ ᓄᓇᕗᒻᒥ ᐃᖅᑲᓇᐃᔮᖑᔪᓂ ᒐᕙᒪᐅᔪᓂ ᐅᕝᕙᓘᓐᓃᑦ ᐅᔭᕋᖕᓂᐊᕐᓂᕐᒥ. ᐃᓪᓚᐅᑦ ᐊᒻᒪ ᐹᑐᓴᓐ ᐊᐱᕆᕗᑦ ᒐᕙᒪᑐᖃᒃᑯᓐᓂ ᑐᓂᓯᓂᕐᒥ ᐊᑯᓂᐅᔪᒥ ᑮᓇᐅᔭᖃᖅᑎᑕᐅᓂᐅᔪᒥ ᐃᖃᓗᓕᕆᓂᕐᒧᑦ ᖃᐅᔨᓴᖅᑕᐅᓂᖓᓂ ᐅᑭᐅᖅᑕᖅᑐᒥ ᑲᑐᔾᔭᐅᔪᒥ ᓂᐅᕕᐊᒃᓴᐅᔭᖅᑐᕐᓗᑎᒃ ᐃᖃᓗᓕᕆᓂᕐᒧᑦ ᐱᒋᐊᕈᑕᐅᔪᒥ ᐃᓂᐅᔪᓂ 0A ᐊᒻᒪ 0B−ᒥ ᕿᑭᖅᑕᓂ ᐊᕕᒃᑐᖅᓯᒪᓂᐅᔪᒥ.
ᐊᓯᖏᓐᓂ ᐊᑐᖁᔭᐅᓇᔭᖅᑐᓂ ᐃᓚᖃᖅᐳᖅ ᕿᓂᕐᓂᕐᒥ ᐊᓯᐊᒎᖅᑐᓂ ᐱᓕᕆᔾᔪᓯᐅᔪᓂ ᑖᒃᓯᓕᕆᓂᕐᒧᑦ, ᓄᓇᕗᒻᒥᐅᓂ ᑖᒃᓯᓕᕆᕙᙱᓐᓂᖏᓐᓂ ᐅᓄᕐᓂᐅᔪᒥ 28.5 ᐳᓴᓐᑎᒥ, ᑕᐅᑐᒃᖢᒍ 14.8 ᐳᓴᓐᑎᒥ ᑲᓇᑕᒥ ᑕᐃᒪᐃᒐᔪᖕᓂᐅᔪᒥ ᐊᒻᒪ ᐊᑐᐃᓐᓇᐅᓗᓂ ᐃᓄᒃᑎᑐᑦ.
ᓂᕆᐅᒋᔭᐅᔪᒥ $4.9 ᐱᓕᐊᓐᓂ NORAD ᐅᓇᑕᖅᑐᒃᓴᓄᑦ ᓴᐳᔾᔨᓂᐅᔪᒥ ᐊᑐᖅᑕᐅᓂᖏᓐᓂ ᒪᓕᒃᑐᓄᑦ ᐊᕐᕌᒍᓄᑦ 20−ᓄᑦ ᓇᑭᙶᕐᓂᐅᓇᔭᖅᐳᖅ ᑮᓴᐅᔾᔭᒃᓴᓂᕐᒥ ᓴᐃᒻᒪᖃᑎᒌᖕᓂᐅᔪᒥ, ᑐᒃᓯᕋᖅᐳᑦ.
“ᐱᓪᓚᕆᐅᕗᖅ ᐃᓄᐃᑦ ᐃᓚᐅᖃᑕᐅᓂᖏᓐᓂ ᑐᑭᖃᕐᓂᖅᓴᐅᔪᒥ ᐅᖃᓪᓚᖕᓂᐅᔪᒥ NORAD ᒫᓐᓇᒨᓕᖓᓕᖅᑎᑕᐅᓂᖓᓂ,” ᑐᓂᓯᓂᐅᔪᖅ ᐹᑐᓴᓐᒥ ᐊᒻᒪ, ᐃᓪᓚᐅᑦᒥ ᐅᖃᓕᒫᕐᓂᖃᖅᐳᖅ.