ᐸᕐᓇᒃᑕᐅᓯᒪᔪᖅ ᓱᑉᓗᓕᒃᓴᖅ ᐊᒡᓂᒍ ᐃᒍᒃᑯᓐᓂᙶᖅᑐᖅ ᑕᓯᕐᔪᐊᕐᒥᙶᖅᑐᖅ ᐃᑎᕕᐊᓄᑦ ᑲᖏᖅᖠᓂᕐᒥ ᐊᖏᖅᑕᐅᓕᒑᓯᒪᓕᖅᑐᖅ ᐃᓄᐃᑦ ᑲᑎᒪᑎᑕᐅᑎᓪᓗᒋᑦ ᐋᖅᑭᒋᐊᖅᑕᐅᓗᓂᓗ Hᐊᒻᓚᒃᑯᑎᒍᑦ ᒪᓕᒐᖓᒍᑦ ᑲᔪᓯᓂᖃᕈᓐᓇᖁᑉᓗᒍ.
“ᒫᓐᓇᐅᔪᖅ ᒪᓕᒐᕆᔭᖅᐳᑦ ᑕᐃᒪᐃᑦᑐᓂᒃ ᐱᕙᓪᓕᐊᑎᑦᑎᓇᔭᕐᓂᕐᒧᑦ ᐱᔪᓐᓇᐅᑎᑖᖅᑎᑦᑎᔪᓐᓇᙱᒻᒪᑕ,” ᑕᐃᒪᓐᓇ ᑐᑭᓯᑎᑦᑎᒋᐊᖅᖢᓂ ᐱᓛᔾᔨ ᐹᐱᒃ, ᐸᕐᓇᐃᔨ ᐊᒻᒪᓗ ᓄᓇᓕᕆᔨ ᑲᖏᖅᖠᓂᐅᑉ Hᐊᒻᓚᒃᑯᖓᓄᑦ, ᒪᐃ 18-ᒥ ᐃᓄᐃᑦ ᑲᑎᒪᑎᑕᐅᑎᓪᓗᒋᑦ.
ᒪᓕᒐᖅ 328, ᐋᖅᑭᒋᐊᖅᑕᐅᓗᓂ ᒪᓕᒐᕆᔭᐅᓕᕋᔭᖅᑐᖅ ᓈᓴᐅᑎᓕᒃᑯᑦ 265-ᒥ ᐊᒻᒪᓗ 266-ᒥ, ᐱᕕᒃᓴᖃᖅᑎᑦᑎᓇᔭᖅᑐᖅ Hᐊᒻᓚᒃᑯᑦ ᑲᑎᒪᔨᖏᓐᓄᑦ ᐃᓱᒪᓕᐅᕈᓐᓇᖁᑉᓗᒋᑦ ᓱᑉᓗᓕᐊᖑᔪᒪᔪᖅ ᒥᒃᓵᓄᑦ ᓇᓕᐊᒃᑯᑐᐃᓐᓇᖅ, ᒫᓐᓇᐅᔪᕐᓕ ᑕᐃᒪᐃᓕᐅᕈᑕᐅᔪᓐᓇᙱᖦᖢᓂ. ᒪᓕᒐᖅ ᐃᓄᖕᓄᑦ ᑲᑎᒪᔾᔪᑕᐅᔭᕆᐊᖃᓚᐅᕐᒪᑦ − ᐊᖏᕐᓗᑎᐅᖏᑦᑐᖅ ᓱᑉᓗᓕᒃᓴᒥᒃ ᒫᓐᓇᐅᔪᖅ − ᑐᒡᓕᐊᒍᓪᓗ ᐅᖃᓕᒫᖅᑕᐅᓯᒪᓕᖅᖢᓂ Hᐊᒻᓚᒃᑯᑦ ᑲᑎᒪᔨᖏᓐᓄᑦ, ᑐᓂᕐᕈᑕᐅᓯᒪᓕᖅᖢᓂ ᓄᓇᓕᖕᓂᒃ ᒐᕙᒪᒃᑯᓐᓂᓗ ᐱᔨᑦᓯᕋᖅᑎᒃᑯᑦ ᒥᓂᔅᑕᖓᓄᑦ ᐊᖏᖅᑕᐅᔪᓐᓇᖁᑉᓗᒍ.
ᓱᑉᓗᓕᒃᓴᖅ ᐃᒪᕐᒥᒃ ᑰᒃᑎᑦᑎᓇᔭᖅᑐᖅ ᑕᓯᕐᔪᐊᕐᒥ ᐃᑎᕕᐊᓄᑦ 16 inch − ᓂᒃ ᐊᖏᓂᓕᖕᓂᒃ ᓱᑉᓗᓕᒃᑯᑦ ᑯᕕᖅᑕᖅᑕᐅᔪᓐᓇᖁᑉᓗᒍ ᑕᕆᐅᕐᒧᑦ, ᓄᓇᒃᑰᕈᑎᒃᑯᑦ ᐊᒡᔭᖅᑐᖅᑕᐅᙱᖔᕐᓗᑎᒃ ᑕᐃᒪᐃᒻᒪᑕ ᒫᓐᓇᐅᔪᖅ.
ᐃᒪᖅ ᑯᕕᖅᑕᖅᑕᐅᖃᑦᑕᕋᔭᖅᑐᖅ ᑭᓯᒥ ᓯᑯᖃᙱᑎᓪᓗᒍ, ᐃᒪᓐᓇ ᑐᑭᖃᖅᑐᖅ ᐊᐅᔭᒃᑯᑦ ᒪᐃᒥ ᐅᑐᐱᕆᒧᑦ, ᑯᕕᖅᑕᕐᓂᐅᔪᖅ ᐃᓱᓕᓪᓗᓂ 2032-ᒥ ᐊᒻᒪᓗ ᓱᑉᓗᓕᒃ ᐲᔭᖅᑕᐅᓗᓂ ᐅᔭᕋᖕᓂᐊᕐᕕᒃ ᒪᑐᒃᐸᑦ.
ᓱᑉᓗᓕᐅᑉ ᓇᐅᒃᑰᕐᕕᖓ ᒪᓕᒐᔭᖅᑐᖅ ᐊᑉᖁᑎᓕᐊᖑᓯᒪᔪᒃ, ᓇᐅᒃᑰᕐᕕᖃᖔᕐᓗᓂ Apache Pass-ᑯᑦ, ᐅᔭᕋᖃᓗᐊᕐᓂᖓᓄᑦ.
ᓱᑉᓗᓕᒃᓴᖅ ᑲᒪᒋᔭᐅᕌᓂᒃᓯᒪᔪᖅ ᓄᓇᕗᒻᒥ ᐊᕙᑎᓕᕆᔨᒃᑯᓐᓄᑦ ᐊᒻᒪᓗ ᐋᖅᑭᒋᐊᖅᓯᒍᑕᐅᓚᐅᖅᖢᓂ ᐱᓕᕆᐊᖑᔪᒃᑯᑦ ᐱᓕᕆᒋᐊᕈᓐᓇᖅᓯᓂᒃᑯᑦ ᒫᑦᓯ 2022-ᒥ.
ᕋᐱᓐ ᐊᓛᑦ, ᓄᓇᓕᖕᒥ ᐅᖃᖃᑎᒌᒃᑐᓂᒃ ᖃᐅᔨᒪᔨᒋᔭᐅᔪᖅ ᐊᒡᓂᒍ ᐃᒍᒃᑯᑎᒍᑦ, ᑎᑎᕋᓚᐅᖅᑐᖅ ᐱᓕᕆᐊᖑᔪᒪᓯᒪᔪᓂᒃ ᐅᔭᕋᖕᓂᐊᖅᑐᓕᕆᔨᒃᑯᓐᓄᑦ ᐃᓄᐃᑦ ᑲᑎᒪᑎᑕᐅᑎᓪᓗᒍᑦ.
ᐃᓚᐅᖃᑕᐅᔪᑦ ᓈᓴᐅᑎ ᐅᖃᓗᒡᕕᒃᓴᖅ ᐊᑭᖃᙱᑦᑐᒃᑯᑦ ᓈᒻᒪᙱᑦᑐᒥᒃ ᓴᖅᑭᑦᑐᖃᕐᓂᖅᐸᑦ ᐅᔾᔨᕆᔭᐅᔪᒥᒃ ᓄᓇᖅᑲᑎᒌᒃᑐᓄᑦ ᑐᓴᖅᑎᑦᑎᔪᓐᓇᖁᑉᓗᒋᑦ; ᓱᑉᓗᓕᒡᓗ ᓴᐅᔭᐅᓯᒪᔪᓐᓇᖁᑉᓗᒍ 80-ᓂᒃ 90%-ᒧᑦ ᑐᒃᑐᑦ ᐃᑳᕋᓱᒃᑐᑦ ᐃᑳᕈᓐᓇᖃᑦᑕᖁᑉᓗᒋᑦ ᐊᒻᒪᓗ ᐃᓕᖅᑯᓯᑐᖃᑎᒍᑦ ᖃᓄᐃᓕᐅᕈᑕᐅᓲᑦ ᑲᔪᓯᑦᑎᐊᕈᓐᓇᖁᑉᓗᒋᑦ; ᐃᓚᐅᖃᑕᐅᑎᓪᓗᒍ ᐃᑳᕐᕕᖕᓄᑦ ᐊᒃᑐᖅᑕᐅᖁᓇᒋᑦ ᐃᖃᓗᐃᑦ ᐊᒻᒪᓗ ᐃᓂᒋᕙᒃᑕᖏᑦ; ᐃᓕᓯᑉᓗᑎᒡᓗ ᐃᕐᖓᓕᕋᔭᖅᐸᑦ ᓇᓗᓇᐃᖅᓯᒍᑎᒥᒃ, ᑰᒡᕕᒃᑕᖃᙱᓪᓗᓂ ᓴᓇᔭᐅᑎᓪᓗᒍ ᑐᒃᑐᑦ ᓅᑉᐸᓪᓕᐊᑎᓪᓗᒋᑦ; ᑐᐊᕕᕐᓇᖅᑐᖃᖅᑎᓪᓗᒍ ᓄᖅᑲᖓᔾᔪᑕᐅᕙᒡᓗᓂ; ᑯᕕᔪᖃᙳᐊᖅᑎᓪᓗᒍᓗ ᐆᒃᑐᕋᙳᐊᖅᑎᑕᐅᕙᒡᓗᑎᒃ ᖃᓄᐃᓕᐅᕋᔭᕐᓂᖏᓐᓄᑦ; ᐊᒻᒪᓗ ᑕᐃᒪᐅᔪᑦ ᐊᓯᖏᑦ.
ᐅᖃᖅᖢᓂ ᑕᒪᓐᓇ ᐱᓕᕆᐊᖑᔪᖅ ᐱᐊᓂᒃᑕᐅᓯᒪᓕᕋᔭᖅᑐᖅ ᒪᕐᕉᖕᓂᒃ ᐊᐅᔭᓂᒃ ᖃᐃᔫᖕᓂᒃ, ᐊᖏᖅᑕᐅᒃᐸᑦ
ᒪᓕᒐᒃᓴᖅ Hᐊᒻᓚᒃᑯᑦ ᐊᖏᕈᓐᓇᖁᑉᓗᒋᑦ ᐋᒃᑳᕈᓐᓇᖁᑉᓗᒋᓪᓘᓐᓃᑦ ᐅᖃᓕᒫᖅᑕᐅᔭᕆᐊᖃᕋᔭᖅᑐᖅ ᐱᖓᔪᐊᓂ ᐅᑎᖅᓯᒪᓕᖅᐸᑦ ᒐᕙᒪᒃᑯᑦ ᓄᓇᓖᓪᓗ ᐱᔨᑦᓯᕋᖅᑎᒃᑯᖏᑦᑕ ᐊᖏᖅᓯᒪᓕᖅᑎᓪᓗᓂᐅᒃ, ᑕᐃᑲᓂ Hᐊᒻᓚᒃᑯᑦ ᑲᑎᒪᔨᖏᑦ ᐃᓱᒪᓕᐅᕈᓐᓇᖅᑐᑦ ᓱᑉᓗᓕᒃᓴᐅᑉ ᒥᒃᓵᓄᑦ.
A planned waterline from Agnico Eagle that runs from Meliadine Mine to Melvin Bay in Rankin Inlet is one step closer to approval following a public hearing to update the hamlet’s bylaws to allow for it.
“Our current bylaws do not permit this type of development,” explained Pelagie Papak, planning and lands administrator with the Hamlet of Rankin Inlet, at the public hearing May 18.
Bylaw 328, which updates to bylaws 265 and 266, would allow for the hamlet council to make decisions on the pipeline one way or the other, which it currently cannot do. That bylaw was the subject of the public hearing – not necessarily approving the pipeline itself at this stage – and has since passed second reading in council, moving it on to the minister of Community and Government Services for approval.
The pipeline would send water from Meliadine Mine to Melvin Bay through two 16-inch diameter pipes to be discharged into the bay, instead of trucking it as currently approved.
Water would only be discharged when there is no ice in the bay, meaning the summer months of May to October, with discharge ending in 2032 and the waterline removed at closure.
The route of the line is proposed to follow closely with the bypass road, save for a section that splits from the road at Apache Pass, due to the rock outcrop.
The waterline has already gone through the Nunavut Impact and Review Board process and received an amended project certificate in March 2022.
Robin Allard, community consultation specialist with Agnico Eagle, listed a number of commitments made by the mining company at the public hearing.
Those include a toll-free number for community members to report issues with it; keeping the waterline 80 to 90 per cent buried to ensure caribou crossing and traditional land use; attaching it to bridges to avoid impact on fish and their habitat; installing a leakage detection system; no open trenches during construction phase while caribou are migrating; emergency stop function; mock spill practice; and more.
He said the project would be completed over the next two summers, if approved.
The bylaw to allow for the hamlet to approve it or not will still need to pass third reading after returning from CGS approval, at which time the hamlet council can decide on the actual pipeline itself.