ᑲᑎᙵᓂᐅᔪᓂ ᖃᒪᓂᑦᑐᐊᕐᒥ ᐊᖑᓇᓱᒃᑎᑦ ᐃᖅᑲᐅᒪᓂᓕᐅᓚᐅᖅᐳᑦ ᐋᒍᔅᑎ 15−ᒥ ᐱᓂᖏᓐᓂ ᓄᓇᓕᖕᓂ ᓯᕗᓪᓕᖅᐸᐅᔪᒥ ᐊᕐᕕᕐᒥᑦ. ᐊᖑᓇᓱᒃᑎᐅᔪᑦ ᐊᐅᓪᓚᓚᐅᖅᐳᑦ ᓄᓇᐃᓐᓇᕐᒥ ᓄᓇᓕᐅᔪᒥ ᔪᓚᐃ 27−ᖑᑎᓪᓗᒍ, ᓄᖅᑲᕐᓂᖃᖅᖢᑎᒃ ᐃᒡᓗᓕᒑᕐᔪᖕᒧᑦ ᐊᒻᒪ ᓇᐅᔮᓄᑦ ᑕᐅᕗᙵᐅᕙᓪᓕᐊᑎᓪᓗᒋᑦ. ᐱᓇᓱᐊᕈᓯᑦ ᐱᖓᓱᑦ ᐅᖓᑖᓂ ᓄᓇᒦᖦᖢᑎᒃ ᐊᒻᒪ ᑕᕆᐅᕐᒥ, ᓄᓇᓕᖕᓂ ᒪᐃᔭᒋᔭᖓ ᕆᔅᓱᑦ ᐊᒃᓵᓂ ᕙᐃᔅᐳᒃᑯᑦ ᑎᑎᕋᓚᐅᖅᐳᖅ ᐋᒍᔅᑎ 16−ᒥ ᐅᖃᐅᓯᖃᖅᖢᓂ ᐊᖑᓇᓱᒃᑎᑦ ᐱᓂᖏᓐᓂ 40−ᐃᓯᒐᓪᓗᐊᓂ ᐊᕐᕕᕐᒥᑦ.
“ᐃᖅᑲᐅᒪᓂᕐᔪᐊᖑᓂᐊᖅᑐᒥ ᐅᓪᓘᕗᖅ ᖃᒪᓂᑦᑐᐊᕐᒧᑦ,” ᐊᒃᓵᓂ ᑎᑎᕋᓚᐅᖅᐳᖅ. “ᑲᑎᙵᓂᐅᔪᓂ ᐊᖑᓇᓱᒃᑎᓂ ᐊᐅᓪᓚᓚᐅᖅᐳᑦ ᖃᒪᓂᑦᑐᐊᕐᒥ 27−ᖓᓂ ᔪᓚᐃᒥ ᓂᕆᐅᖕᓂᖃᖅᖢᑎᒃ ᓄᓇᐅᑉ ᐃᓗᐊᓂᕐᒥᐅᑕᐅᔪᓂ ᓱᖏᐅᑎᓯᒪᙱᑕᖓᓂ ᐆᒪᔪᕐᓂᖃᕐᓂᕐᒥ. ᐊᕐᕕᕐᒥᑦ. ᐅᓪᓗᒥ ᐅᓪᓘᕗᖅ.”
ᐊᖑᓇᓱᒃᑏᑦ ᖄᖏᖅᓯᒪᔪᓂ ᐱᓇᓱᐊᕈᓯᕐᓂ ᐱᖓᓱᓂ ᑕᖕᒫᖅᓯᒪᕗᑦ Harbour ᕿᑭᖅᑕᒥ, ᓇᐅᔮᑦ ᖃᓂᒋᔭᖓᓂ.
ᐅᖃᐅᓯᐅᓪᓗᓂ ᑐᓴᖅᑎᑕᐅᕙᓪᓕᐊᓂᐅᔪᓂ ᐊᖑᓇᓱᖕᓂᕐᒧᑦ ᑎᑎᕋᖅᑕᐅᔪᓂ ᑳᑉᑕᓐ ᕕᓕᑉ ᐳᑐᒥᕋᖅᑐᕐᒧᑦ, ᐊᓄᕆᕐᔪᐊᕐᓂᖓᓂ ᐊᒻᒪ ᒪᖁᖕᒥ ᓄᖅᑲᖅᑎᑦᑎᓯᒪᓂᖓᓂ ᐊᖑᓇᓱᒃᑎᓂ ᑕᕆᐅᕐᒧᐊᕐᓂᖏᓐᓂ.
ᕙᐃᔅᐳᒃᑯᑦ ᑎᑎᕋᕐᓂᐅᔪᒥ ᑕᐃᕕᑦ ᓯᒪᐃᓚᒃ ᑎᑎᕋᓚᐅᖅᐳᖅ ᐳᑐᒥᕋᖅᑐᖅ ᐅᓂᒃᑳᕆᓚᐅᕐᓂᖓᓂ ᐊᕐᕕᖅ ᓇᐅᓕᒃᑕᐅᓚᐅᕐᓂᖓᓂ ᑕᐃᑲᓂᒐᓚᒃ 9 ᐅᓐᓄᒃᑯᑦ ᐋᒍᔅᑎ 15−ᒥ.
ᐅᒥᐊᑦ ᒪᓪᓕᖅᓯᐅᕐᔪᐊᓚᐅᖅᐳᑦ, ᑕᐃᒫᒃ ᐃᓱᒪᓕᐅᕆᓚᐅᖅᐳᑦ ᐊᕐᕕᖕᒥ ᐅᓯᔭᐅᓂᖓᓂ ᓯᒡᔭᒧᑦ ᐳᒃᑕᓛᕐᓂᖓᓂ ᓱᓕ ᐊᒻᒪ ᐊᓂᖅᑎᕆᓂᖓᓂ ᐱᔭᕇᕈᓐᓇᕐᓂᐊᕐᒪᑕ ᑐᖁᑕᐅᓂᖓᓂ.
“ᐱᔭᕇᑦᑎᐊᕈᓐᓇᖅᓯᓚᐅᖅᐳᑦ ᐱᔭᕇᖅᓯᓂᕐᒥ ᐱᓕᕆᐊᒥᓂᑦ,” ᑎᑎᕋᓚᐅᖅᐳᖅ.
ᓯᒪᐃᓚᒃ ᐅᖃᓚᐅᖅᐳᖅ ᐊᔪᕐᓇᕐᓂᕆᓚᐅᖅᑕᖓ ᐱᓚᒃᑐᐃᓂᖓᓂ ᐊᕐᕕᖕᒥ ᒪᓕᓚᐅᖅᐳᖅ ᑎᑎᕋᖅᓯᒪᓂᐅᔪᓂ ᐱᔭᒃᓴᐅᔪᓂ. ᑎᑎᕋᓚᐅᖅᐳᖅ ᐊᖑᓇᓱᒃᑏᑦ ᓇᐅᔮᓂ ᑕᐃᑯᙵᐅᕙᓪᓕᐊᓚᐅᖅᐳᑦ ᐃᑲᔪᕆᐊᕐᓗᑎᒃ ᐊᖑᓇᓱᒃᑎᐅᔪᓂ ᐱᓕᕆᓂᐅᔪᒥ Harbour ᕿᑭᖅᑕᒥ ᑕᖕᒫᕐᕕᒋᓚᐅᖅᑕᖏᓐᓂ.
“ᑕᐅᑐᙳᐊᕈᒃ ᖁᕕᐊᓱᒍᑕᐅᓂᐊᖅᑐᒥ ᑕᐃᑲᓂ ᐊᓱᐃᓛᒃ ᖁᕕᐊᓱᒍᑕᐅᓂᐊᖅᑐᓂ ᑕᐃᑲᓂ ᐊᖏᕐᕋᑕᐃᓐᓇᕈᑦᑕ!” ᑎᑎᕋᓚᐅᖅᐳᖅ ᓯᒪᐃᓚᒃ.
“ᐅᐱᐅᖅᑲᕕᒡᔪᐊᖅᐳᒍᑦ ᑕᒪᒃᑭᓂ ᐊᕐᕕᕐᓂᐊᖅᑎᑦᑎᓐᓂ.”
.png;w=120;h=80;mode=crop)
