Skip to content

ᐃᒡᓗ ᖄᓕᖅᑕᓇᖅᓯᓯᒪᔪᖅ

100-ᖏᓐᓃᑦᑐᑦ ᓄᑕᖅᑲᑦ ᐳᓚᕋᓚᐅᖅᑐᑦ 7-ᒋᓕᖅᑕᖓᓂᒃ ᐅᑭᐅᒥ ᖃᑉᑎᕆᔨᒃᑯᑦ ᖃᓕᖅᑕᓇᖅᓯᓯᒪᔪᒥᒃ ᐋᖅᑭᒃᓱᐃᓚᐅᖅᑎᓪᓗᒋᑦ ᑲᖏᖅᖠᓂᕐᒥ ᐊᓐᓄᕌᕐᓗᖕᓂᕐᒧᑦ ᐅᓐᓄᖓᓂ ᐅᑐᐱᕆ 31-ᒥ.
ᑕᒡᕙᓂ ᐅᑭᐅᒥ ᐱᑕᖃᓚᐅᖅᑐᖅ ᐊᐅᒃᑐᖅᑎᒥᒃ ᐅᖃᓪᓚᒍᓐᓇᖅᑐᒥᒃ, ᐃᑭᑦᑕᖅᑐᓂᒡᓗ ᖄᓕᖅᑕᓇᖅᑐᓂᒃ, ᔭᐃᓴᓐᓗ ᑕᕐᕆᔭᐅᑎᓂᕐᒥᐅᑕᐅᑕᖅ ᖄᓕᖅᑕᓇᖅᑐᖅ, ᐊᒻᒪᓗ ᑐᖁᖓᓗᐊᙱᑦᑐᖅ ᑎᒥ - ᐃᓗᕕᕐᒦᑦᑐᖅ ᐊᒻᒪᓗ ᑕᒪᒃᑯᐊ ᐃᒡᓗᕐᔪᐊᙳᐊᕐᒦᙳᐊᖅᖢᑎᒃ ᖄᓕᖅᑕᓇᖅᑐᒥ.
ᐊᒻᒪᓗ ᒪᒪᖅᑐᓂᒃ ᐱᑕᖃᖅᖢᓂ ᑕᒪᐃᓐᓄᑦ ᐃᑎᖅᑐᓄᑦ ᐱᔭᐅᔪᓐᓇᖅᑐᑦ.

Obadiah Sanguin waits in a casket for the next unspecting visitor to the haunted house held by the Rankin Inlet Volunteer Fire Department in Rankin on Oct. 31, 2018. Darrell Greer/NNSL photo
Obadiah Sanguin waits in a casket for the next unspecting visitor to the haunted house held by the Rankin Inlet Volunteer Fire Department in Rankin on Oct. 31, 2018.
Darrell Greer/NNSL photo

ᑲᖏᖅᖠᓂᕐᒥ ᖃᑉᑎᕆᔨᒃᑯᑦ ᐊᖓᔪᖅᑳᖓ ᒪᑯᓯ ᕙᐃᔭᑦ ᐅᖃᓚᐅᖅᑐᖅ ᑕᒪᓐᓇᒎᖅ ᖃᑉᑎᕆᔨᓄᑦ ᐱᓕᕆᐊᖑᓯᒪᔪᖅ ᓄᑕᖅᑲᓄᑦ ᑐᕌᖓᑉᓗᓂ ᐊᓐᓄᕌᕐᓗᖕᓇᐅᑎᓪᓗᒍ.
ᐅᖃᖅᖢᓂᓗ ᖃᑉᑎᕆᔩᒡᒎᖅ ᐃᖏᕐᕋᔭᓚᐅᕐᒥᔪᑦ ᓄᓇᓕᖕᒥ 6-ᒥ 8-ᒧᑦ ᐅᓐᓄᒃᑯᑦ ᐅᖁᒻᒥᐊᖃᑦᑖᓂᒃ ᐃᒋᐅᖅᑲᐃᓗᑎᒃ ᓄᑕᖅᑲᓄᑦ ᐊᒻᒪᓗ ᖁᕕᐊᓱᒃᑎᑦᑎᓇᓱᒃᖢᑎᒃ ᓄᑕᖅᑲᓂᒃ ᐅᓗᕆᐊᓇᖅᑐᖃᖁᓇᒍ.
"ᐃᖏᕐᕋᔭᖃᑦᑕᖅᑐᒍᑦ ᐃᑲᔪᕋᓱᒃᖢᑕ ᓄᑕᖅᑲᓂᒃ ᐊᖅᓵᖅᑕᐅᖃᑦᑕᖁᓇᒋᑦ ᐊᖓᔪᒃᖠᕐᓄᑦ ᑕᐃᒪᓐᓇᕈᔪ," ᑕᐃᒪᓐᓇ ᐅᖃᖅᖢᓂ ᕙᐃᔭᑦ.
"ᐃᑲᔫᑎᑐᐃᓐᓇᖅ ᓄᓇᒃᑰᕈᑎᑐᕋᐅᔭᕐᓂᖅ, ᐊᒻᒪᓗ ᐃᑎᖅᑕᕐᕕᖕᒥᒃ ᐋᖅᑭᒃᓯᓯᒪᑎᓪᓗᑕ ᑕᐃᒪᐃᓕᐅᖃᑦᑕᖅᑐᒍᑦ ᐅᓗᕆᐊᓇᖅᑐᒦᖁᓇᒋᑦ ᓄᑕᖅᑲᑦ ᐅᖁᒻᒥᐊᖃᑦᑖᖅᑖᖅᖢᑎᒡᓗ ᖁᕕᐊᓱᖁᔨᑉᓗᑕ.
"ᓄᑕᖅᑲᑦ ᖃᑉᓯᓪᓚᑦᑖᖑᓚᐅᕐᒪᖔᑕ ᐅᖃᕈᓐᓇᙱᑦᑐᖓ ᑭᓯᐊᓂ 100 ᐅᖓᑖᓃᓚᐅᖅᑐᑦ ᖃᐃᔪᑦ."
ᑲᖏᖅᖠᓂᕐᒥ ᖃᑉᑎᕆᔩᑦ ᒪᕐᕉᖕᓂᒃ ᐅᑉᓘᖕᓂᒃ ᐋᖅᑭᒃᓱᐃᓚᐅᖅᑐᑦ ᐃᑎᖅᑕᕐᕕᖕᒥ, ᐱᕕᒃᓴᕆᔭᖅᐳᑦ ᐊᑐᖅᖢᒍ ᐋᖅᑭᒃᓱᐃᑦᑎᐊᕋᓱᓚᐅᖅᑐᒍᑦ.
ᕙᐃᔭᑦ ᐅᖃᖅᖢᓂ ᐊᓕᐊᓇᐃᑦᑎᐊᖃᑦᑕᖅᑐᕉᖅ ᓄᑕᖅᑲᑦ ᑮᓇᖏᑦ ᑕᑯᑉᓗᒋᑦ ᖃᓄᐃᒃᓴᕐᒪᖔᑕ ᖄᓕᖅᑕᓇᖅᑐᒥ ᐃᒡᓗᒥ.
ᐅᖃᖅᖢᓂ ᖃᓄᕉᖅ ᓂᕆᐅᒋᐊᒃᓴᖅ ᓇᓗᓇᖃᑦᑕᖅᑐᖅ ᖃᐃᔪᓂᒃ.
"ᐃᓚᖏᑦ ᓄᑕᖅᑲᑦ ᑲᑉᐱᐊᓱᓗᐊᒧᑦ ᐃᑎᕈᓐᓇᓚᐅᙱᑦᑐᑦ, ᐃᓚᖏᓪᓗ ᑲᑉᐱᐊᓱᙱᑦᑎᐊᓚᐅᖅᑐᑦ ᐃᓚᖏᓪᓗ ᖁᕕᐊᒋᔭᖃᑦᑎᐊᖅᖢᑎᒃ.
"ᐃᓚᖏᑦ ᑲᑉᐱᐊᓱᒍᒪᑐᐃᓐᓇᖅᑑᔭᓚᐅᖅᑐᑦ, ᐃᓚᖏᑦ ᐅᑎᖅᑕᑐᐃᓐᓇᓚᐅᖅᑐᑦ ᑲᑉᐱᐊᑦᑕᒃᑲᓐᓂᕈᒪᑉᓗᑎᒃ.
ᕙᐃᔭᑦ ᐅᖃᓚᐅᖅᑐᖅ ᖁᓕᒡᒎᖅ ᖃᑉᑎᕆᔩᑦ ᐱᓕᕆᓪᓚᕆᓚᐅᖅᑐᑦ ᖄᓕᖅᑕᓇᖅᑐᖅ ᐃᒡᓗ ᓴᖅᑭᑦᑐᓐᓇᖁᑉᓗᒍ ᓄᓇᒥᓗ ᐃᖏᕐᕋᔭᒃᑐᑦ ᑕᐃᒪᐅᓚᐅᖅᖢᑎᒃ.
ᐅᖃᖅᖢᓂᓗ ᑕᒪᕐᒥᒎᖅ ᖃᑉᑎᕆᔩᑦ ᖁᕕᐊᓱᑦᑎᐊᓚᐅᖅᑐᑦ ᓄᑕᖅᑲᓂᒃ ᐃᓅᖃᑎᖃᕈᓐᓇᕋᒥᒃ.
"ᖁᕕᐊᓇᕐᓂᖅᓴᐅᓲᖅ ᓄᑕᖅᑲᑦ ᐱᔾᔪᑕᐅᑎᓪᓗᒋᑦ," ᑕᐃᒪᓐᓇ ᐅᖃᖅᖢᓂ.