Skip to content

ᐃᓄᓕᕆᔨᒃᑯᑎᒍᑦ ᐱᓯᒪᑦᑎᕙᒃᑐᑦ ᐃᓚᒌᖑᔪᑦ ᑎᑎᕋᖅᐳᑦ ᐅᖃᓕᒫᒐᕐᒥ ᐃᓄᖕᓂ ᐱᓯᒪᔭᐅᕙᒃᑐᓄᑦ ᓱᕈᓯᐅᔪᓄᑦ

ᐊᑕᐅᓯᕐᒥ ᐃᓄᓕᕆᔨᒃᑯᑎᒍᑦ ᐱᓯᒪᑦᑎᕙᒃᑐᑦ ᐃᓚᒌᖑᔪᑦ ᓂᕆᐅᒃᐳᑦ ᐃᑲᔪᕐᓂᕐᒥ ᐊᔪᕐᓇᙱᑎᑦᑎᒃᑲᓐᓂᕐᓂᕐᒧᑦ ᓅᓐᓂᐅᔪᒥ ᐊᒥᓱᑦ ᐃᓄᖕᓂ ᓱᕈᓯᕐᓂ ᓵᙵᕙᖕᓂᖏᓐᓄᑦ ᓅᒃᑳᖓᒥᒃ ᐃᓄᓕᕆᔨᒃᑯᑎᒍᑦ ᐱᓯᒪᔭᐅᕙᒃᑐᓂ ᐱᓕᕆᔾᔪᓯᐅᔪᒥ.

ᐋᑐᕚᒥ, ᒥᐊᕆ ᐊᒻᒪ ᑲᕙᓐ ᖃᒪᓂᖅ−ᒪᐃᓴᓐ ᐊᑕᐅᓯᑐᐊᖑᕗᑦ ᒪᕐᕉᖕᓂ ᐃᓄᖕᓂ ᐃᓄᓕᕆᔨᒃᑯᑎᒍᑦ ᐱᓯᒪᑦᑎᕙᒃᑐᑦ ᐃᓚᒌᖑᔪᑲᓇᑕᐅᑉ ᐊᖓᔪᖅᑳᖃᕐᕕᖓᓂ ᐊᒻᒪ ᑲᑎᙵᓪᓗᑎᒃ ᑎᑎᕋᓚᐅᖅᐳᑦ ᓂᒡᓕᒋᔭᐅᕗᖓ, ᓱᕈᓯᕐᓄᑦ ᐅᖃᓕᒫᒐᐅᔪᒥ ᑐᕌᖓᔪᒧᑦ ᐃᓄᖕᓄᑦ ᓱᕈᓯᕐᓄᑦ ᐃᓄᓕᕆᔨᒃᑯᑎᒍᑦ ᐱᓯᒪᔭᐅᕙᒃᑐᓂ.

ᑲᕙᓐ ᐊᒻᒪ ᒥᐊᕆ ᖃᒪᓂᖅ-ᒪᐃᓴᓐ, ᐃᓄᓕᕆᔨᒃᑯᑎᒍᑦ ᐱᓯᒪᑦᑎᕙᒃᑐᓄᑦ ᐊᖓᔪᖅᑳᑦ ᐊᒻᒪ ᑎᑎᕋᖅᑎᐅᔪᑦ ᓇᒡᓕᒋᔭᐅᔪᖓᒥᑦ.

ᐅᖃᓕᒫᒐᖅ ᓴᖅᑭᓚᐅᖅᐳᖅ ᐊᑯᓂᐅᔪᒥ ᐱᒋᐊᖅᑐᒥ ᐊᑐᕐᓂᑯᖏᓐᓂ ᐱᓕᕆᖃᑎᖃᖅᖢᑎᒃ ᐃᓄᓕᕆᔨᒃᑯᑎᒍᑦ ᐱᓯᒪᔭᐅᕙᒃᑐᓂ ᓱᕈᓯᕐᓂᑦ.

ᑲᕙᓐ ᐃᖅᑲᓇᐃᔭᓚᐅᖅᐳᖅ ᑐᙵᓱᕝᕕᖓᑦ ᐃᓄᖕᓄᑦ ᐋᑐᕚᒥ ᐊᐅᓚᑦᑎᔨᐅᓪᓗᓂ ᐃᓚᒌᓄᑦ ᐱᔨᑦᑎᕋᖅᑎᐅᔪᓄᑦ, ᐱᓕᕆᐊᖃᖃᑦᑕᓚᐅᖅᖢᓂ ᐊᒥᓱᓂ ᐃᓚᒌᖑᔪᓂ ᒪᑐᐃᖓᔪᓂ ᑎᑎᖅᑲᖁᑎᓂᑦ ᓱᕈᓯᕐᓄᑦ ᐊᒻᒪ ᐃᓚᒌᖑᔪᓄᑦ ᐱᔨᑦᑎᕋᖅᑎᒃᑯᓐᓂ.

ᐱᓕᕆᐊᖃᓚᐅᖅᐳᒍᑦ ᐊᖓᔪᖅᑳᑦ ᐊᒻᒪᓗ ᕿᑐᕐᙵᖏᑦ ᐃᓄᓕᕆᔨᒃᑯᑎᒍᑦ ᐱᓯᒪᔭᐅᕙᒃᑐᓂ ᐱᓕᕆᔾᔪᓯᖓᓃᓚᐅᖅᑐᓂ ᐳᓚᕋᕈᓐᓇᓚᐅᖅᑐᓂ ᐊᒻᒪ ᑲᑎᙵᓂᖃᕐᓗᑎᒃ ᐊᒻᒪ ᓄᓕᐊᕋ ᐅᖃᓕᒫᒐᕐᓂ ᑎᑎᕋᖅᑎᐅᖕᒪᑦ ᑕᐃᒫᒃ ᐅᖃᓪᓚᐅᓯᕆᒐᔪᓚᐅᖅᐸᕗᑦ,” ᐅᖃᓚᐅᖅᐳᖅ ᑲᕙᓐ.

ᒪᕐᕉᒃ ᑎᒍᐊᓕᓚᐅᖅᓯᒪᕗᑦ ᐊᑕᐅᓯᐅᔪᒥ ᑕᐃᒃᑯᓇᙵᑦ ᓱᕈᓯᐅᔪᓂ.

ᕿᒥᕐᕈᓇᓚᐅᖅᐳᒍᑦ ᓱᕈᓯᕐᓄᑦ ᐅᖃᓗᒫᒐᕐᓂ ᖃᕋᓴᐅᔭᑎᒍᑦ ᐆᒧᖓ ᖃᓄᐃᓐᓂᐅᔪᒧᑦ ᐊᒥᓱᓂ ᐃᓄᖕᓂ ᓱᕈᓯᕐᓂ ᑕᐃᒪᐃᑦᑐᒦᓕᖅᐸᒃᑐᓄᑦ," ᐅᖃᓚᐅᖅᐳᖅ.

"ᐊᒥᓱᐊᓗᖕᓂ ᓱᖏᐅᓐᓇᙱᑦᑐᓂ ᖃᓄᐃᓕᐅᕐᓂᖃᕈᓘᔭᖅᐳᖅ ᐃᓚᐅᔪᓂ ᐃᓄᖕᓂ ᓱᕈᓯᕐᓂ ᓅᑦᑐᓄᑦ ᖃᓪᓗᓈᓄᑦ ᐃᓚᒌᖑᔪᓄᑦ ᐊᖏᕐᕋᕆᔭᐅᔪᓄᑦ ᐊᒻᒪ ᖁᕕᐊᓱᓚᐅᙱᑉᐳᒍᑦ ᐃᑲᔪᕈᑎᒃᓴᐅᔪᓂ ᐊᑐᐃᓐᓇᐅᔪᓄᑦ.”

ᑕᐃᔅᓱᒪᓂ, ᒪᕐᕉᔪᒃ ᐱᕙᓪᓕᐊᓕᓚᐅᖅᐳᑦ ᐸᐃᑉᐹᖅᑖᕐᓂᕐᒧᑦ ᐃᓄᓕᕆᔨᒃᑯᑎᒍᑦ ᐱᓯᒪᑦᑎᕙᒃᑐᑦ ᐊᖓᔪᖅᑳᖑᓂᐅᔪᓄᑦ ᐃᒻᒥᖕᓂᑦ ᐊᒻᒪ ᑕᑯᓚᐅᖅᐳᒍᑦ ᐱᔭᕆᐊᖃᕐᓂᐅᔪᒥ ᓱᕈᓯᕐᓄᑦ ᐅᖃᓕᒫᒐᐅᔪᒥ ᑕᑯᒃᓴᐅᑎᑦᑎᔪᒥ ᐊᑐᖅᑕᐅᓂᑰᔪᓄᑦ ᐃᓄᓕᕆᔨᒃᑯᑎᒍᑦ ᐱᓯᒪᔭᐅᕙᒃᑐᓂ ᓱᕈᓯᕐᑦ.

ᖁᕕᐊᓱᓚᐅᙱᓚᖓ ᕿᒥᕐᕈᓇᑐᐃᓐᓇᖅᖢᖓ ᑖᒃᑯᓂᖓᓗᒃᑖᖅ ᐅᖃᓕᒫᒐᐅᔪᓂ, ᐃᓱᒪᓚᐅᖅᐳᖓ ᐱᐅᔪᓂ ᓂᕈᐊᒐᒃᓴᖃᓗᐊᓚᐅᙱᓚᖅ ᓱᕈᓯᕐᓄᑦ ᐊᒻᒪᓗ ᓇᓂᓯᓚᐅᙱᓚᖓ ᓈᒻᒪᒃᑐᒥ ᓄᓇᖃᖅᑳᖅᓯᒪᔪᓄᑦ ᐅᕝᕙᓘᓐᓃᑦ ᐃᓄᖕᓄᑦ ᓱᕈᓯᐅᔪᓄᑦ,” ᐅᖃᓚᐅᖅᐳᖅ ᒥᐊᕆ.

ᐅᖃᓚᐅᖅᐳᖅ ᐃᓚᓕᐅᔾᔨᓂᕐᒥ ᐃᓕᖅᑯᓯᒥᒃ ᐅᓇᑐᐃᓐᓇᐅᙱᓚᖅ ᐃᓚᓕᐅᔾᔨᒐᓛᑐᐃᓐᓇᕐᓂᕐᒥ ᐃᓚᒋᔭᐅᔪᓂ ᐊᒻᒪ ᑕᐃᒫᖅᖢᒍ.

ᐊᒥᓱᑦ ᐃᓄᓕᕆᔨᒃᑯᑎᒍᑦ ᐱᓯᒪᑦᑎᕙᒃᑐᑦ ᐃᓚᒌᖑᔪᐅᕙᓂ, ᐃᓱᒪᓲᖑᕗᑦ ᐃᓕᖅᑯᓯᖅ ᑐᑭᖃᕐᓂᖓᓂ ᓂᕿᑦ, ᐃᙱᕐᓂᖅ, ᒧᒥᕐᓂᖅ, ᐊᓐᓄᕌᑦ, ᑭᓯᐊᓂ ᑐᑭᓯᐅᒪᙱᓚᑦ ᐃᓕᖅᑯᓯᖅ ᐃᓚᖃᖅᐳᖅ ᐱᓕᕆᖃᑎᒌᒃᐸᖕᓂᑦᑎᓐᓂ, ᐅᖃᓪᓚᐅᓯᑦᑎᓐᓂ, ᐱᓕᕆᖃᑎᒌᖕᓂᐅᔪᓂ ᐃᓚᒌᖑᔪᓂ, ᓇᖕᒥᓂᖅ ᖃᓄᐃᓕᐅᕐᓂᔪᓂ ᐃᓚᒌᖑᔪᓂᑦ.”

ᐱᐅᔪᒥ ᑐᕌᒐᖃᕋᓱᐊᓲᖑᒐᓗᐊᖅᐳᑦ ᑭᓯᐊᓂ ᐱᓕᕆᕗᑦ ᖃᓄᐃᓕᐅᕐᓂᐅᔪᓂ ᐃᓄᖕᒥ ᓱᕈᓯᐅᔪᒥ ᐊᒃᓱᐊᓗᒃ ᐃᓚᐅᕋᔭᙱᓐᓂᖓᓂ, ᐊᒻᒪᓗ ᓇᓗᓕᖅᓯᒪᕐᔪᐊᖅᐳᑦ ᐊᒻᒪ ᐊᒥᓱᓂ ᐋᔩᖃᑎᒌᑦᑎᐊᙱᓐᓂᖃᕐᓂᐅᔪᓂ ᐃᓄᓕᕆᔨᒃᑯᑎᒍᑦ ᐱᓯᒪᑦᑎᕙᒃᑐᐊᖓᔪᖅᑳᖑᔪᓂᑦ,” ᒥᐊᕆ ᐅᓂᒃᑳᓚᐅᖅᐳᖅ.

ᓅᑉᐸᓪᓕᐊᓂᖅ ᐃᓄᓕᕆᔨᒃᑯᑎᒍᑦ ᐱᓯᒪᑦᑎᕙᒃᑐᓂ ᐊᖏᕐᕋᐅᔪᓄᑦ ᐃᓚᖏᓐᓂ ᕿᒪᐃᓪᓗᑎᒃ ᓱᖏᐅᓐᓇᙱᑦᑐᒥ ᐊᕙᑎᐅᔪᒥ ᐊᑕᐅᓯᐅᓪᓗᓂ ᐊᔪᕐᓇᕐᓂᖅᐹᖑᔪᓐᓇᖅᐳᖅ ᐃᓚᒋᔭᖓᓐᓂ ᐃᓄᓕᕆᔨᒃᑯᑎᒍᑦ ᐱᓯᒪᔭᐅᕙᒃᑐᓂ ᓱᕈᓯᐅᔪᓄᑦ, ᐅᖃᓚᐅᖅᐳᖅ.

ᐊᔪᕐᓇᖅᑐᒻᒪᕆᐊᓘᕗᖅ, ᑕᒪᓐᓇ ᑕᑯᓚᐅᖅᑕᕗᑦ,” ᐅᖃᓚᐅᖅᐳᖅ ᑲᕙᓐ.

ᐊᑕᐅᓯᐅᕗᒍᑦ ᒪᕐᕉᔪᓂ ᐃᓅᓪᓗᑕ ᐃᓄᓕᕆᔨᒃᑯᑎᒍᑦ ᐱᓯᒪᑦᑎᕙᒃᑐᑦ ᐃᓚᒌᖑᔪᐋᑐᕚᒥ ᐊᒻᒪᓗ ᐃᓄᓕᕆᔨᒃᑯᑎᒍᑦ ᐱᓯᒪᑦᑎᓯᒪᕗᒍᑦ 12-ᐸᓗᖕᓂ ᐃᓄᖕᓂ ᓱᕈᓯᕐᓂᑦ. ᐃᓅᓪᓗᑎᒃ ᓱᕈᓯᐅᓪᓗᑎᒃ ᐃᓄᓕᕆᔨᒃᑯᑎᒍᑦ ᐱᓯᒪᔭᐅᕙᒃᑐᓂ ᐃᓄᖕᓂ ᐃᓚᒌᖑᔪᓂ, ᐊᖏᓪᓗᓂ ᐋᖅᑭᒋᐊᕈᑕᐅᕗᖅ ᓴᓇᓂᕐᒧᑦ.”

ᓱᖏᐅᔾᔨᓂᕐᒥ ᖃᓪᓗᓈᓄᑦ ᐊᕙᑎᖓᓐᓂ ᐃᓄᖕᒧᑦ ᓱᕈᓯᐅᔪᒧᑦ ᐊᖏᓂᖅᓴᒃᑲᓐᓂᐅᕗᖅ ᐋᖅᑭᒋᐊᕋᓱᐊᕐᓂᕐᒧᑦ ᐱᓕᕆᓇᓱᒋᐊᒃᓴᖅ.

ᐊᖏᓗᓂ ᐋᖅᑭᒋᐊᕋᓱᐊᕐᓂᐅᒍᓂ ᓅᓐᓂᕐᒧᑦ ᐃᓄᖕᓄᑦ ᐃᓄᓕᕆᔨᒃᑯᑎᒍᑦ ᐱᓯᒪᑦᑎᕙᒃᑐᓂ ᐊᖏᕐᕋᖓᓄᑦ, ᐊᔪᕐᓇᖅᐳᑭᐊᖅ ᓅᓐᓂᕐᒧᑦ ᖃᓪᓗᓈᓄᑦ ᐃᓄᓕᕆᔨᒃᑯᑎᒍᑦ ᐱᓯᒪᑦᑎᕙᒃᑐᑦ ᐃᓚᒌᖑᔪᑦ, ᖃᓪᓗᓈᖏᓐᓇᑦᑎᐊᓂ ᐃᓚᒌᖑᔪᓄᑦ ᓱᖏᐅᑎᓯᒪᙱᑦᑐᓄᑦ ᐊᔾᔨᐅᙱᑦᑐᒥ ᐃᓕᖅᑯᓯᐅᔪᒥ ᐅᕝᕙᓘᓐᓃᑦ ᐃᓄᐃᑦ ᐋᔩᖃᑎᒌᖕᓂᐅᔪᒥ ᐊᑐᖅᑕᐅᕙᒃᑐᓂ ᐅᕝᕙᓘᓐᓃᑦ ᐃᒻᒪᖄ ᑭᐅᔨᒪᙱᑦᑎᐊᖅᑐᒥ ᑭᓇᑐᐃᓐᓇᒥᒃ ᐃᓄᐃᑦ ᓄᓇᓕᖓᓐᓂ,” ᑲᕙᓐ ᐅᖃᓚᐅᖅᐳᖅ.

ᑎᑎᕋᕈᒪᓕᓚᐅᖅᐳᒍᑦ ᐅᖃᓕᒫᒐᕐᒥ ᑐᓂᓯᔪᒥᒃ ᐅᖃᐅᓯᒃᓴᒥ ᐃᓄᖕᓄᑦ ᓱᕈᓯᐅᔪᓄᑦ ᐱᓯᒪᔭᐅᔪᓄᑦ ᑭᓯᐊᓂᑦᑕᐅᖅ ᐅᖃᐅᓯᒃᓴᖃᒐᓛᒃᑐᒥ ᐃᓄᓕᕆᔨᒃᑯᑎᒍᑦ ᐱᓯᒪᑦᑎᕙᒃᑐᓂ ᐊᖓᔪᖅᑳᖑᔪᑦ,” ᒥᐊᕆ ᐃᓚᒋᐊᖅᓯᓚᐅᖅᐳᖅ.

ᐊᑕᐅᓯᕐᒥ ᐅᖃᐅᓯᒃᓴᖅᑕᖃᖅᐸᑦ ᒪᕐᕉᒃ ᐅᖃᐅᓯᕆᔪᒪᓚᐅᖅᑕᖓᓐᓂ ᐅᕙᓂ ᐅᖃᓕᒫᒐᐅᔪᒥ, ᐅᓇᐅᕗᖅ ᐃᓚᒌᖑᔪᓄᑦ ᐊᒻᒪ ᓇᒡᓕᖕᓂᕐᒥ, ᐃᓱᒪᒋᓇᒍ ᑭᓱᓕᒫᓂᒃ ᐃᓚᑎᑦ ᓱᓕ ᑕᐃᑲᓃᓐᓂᐊᖅᐳᑦ ᐃᓕᖕᓄᑦ.

ᐊᐅᓪᓚᖅᓯᒪᒐᓗᐊᖅᑎᓪᓗᑎᑦ, ᐃᓚᒋᔭᐅᖏᓐᓇᖅᐳᑎᑦ ᐃᓄᖕᓂ ᐃᓚᒌᖑᔪᓄᑦ ᐊᒻᒪ ᓄᓇᓕᐅᔪᓄᑦ ᒫᓐᓇᐅᔪᒥ, ᐊᕕᒃᓯᒪᓪᓚᕆᒍᓐᓇᙱᑦᑐᑎᑦ,” ᐅᖃᓚᐅᖅᐳᖅ ᒥᐊᕆ.

ᑕᒪᓐᓇ ᑲᑎᙵᓂᐅᔪᖅ ᓱᓕ ᑕᐃᑲᓃᑉᐳᖅ, ᐃᓚᒌᑦ ᐊᒻᒪ ᓄᓇᓕᐅᔪᖅ ᐸᕐᓇᒃᓯᒪᕗᑦ ᐃᓕᖕᓂ ᐃᕿᑦᑎᓂᐊᕐᓂᖏᓐᓂ ᖃᖓᑐᐃᓐᓇᑦᑎᐊᖅ, ᒫᓐᓇᐅᔪᒥ ᖃᖓᒃᑲᓐᓂᕐᓘᓐᓃᑦ. ᐊᕕᓯᒪᓪᓚᕆᙱᑦᑐᑎᑦ ᐊᒻᒪ ᐊᐅᓪᓚᖅᓯᒪᙱᑦᑐᑎᑦ ᐊᕐᕌᒍᒐᓴᓂ ᐊᐅᓪᓚᖅᓯᒪᒐᓗᐊᕈᕕᑦ ᓄᓇᓕᖕᓂ ᐃᓚᖕᓂᓪᓘᓐᓃᑦ.”

ᑭᒃᑯᓕᒫᑦ ᐃᓕᖕᓂ ᐃᓱᒪᕙᒃᐳᑦ ᖃᐅᑕᒫᑦᑎᐊᖅ ᐊᒻᒪᓗ ᓇᒃᓯᐅᔾᔨᕗᑦ ᓇᓖᖕᓂᕐᒥ ᐃᓕᖕᓄᑦ ᖃᐅᑕᒫᑦᑎᐊᖅ.”

ᓇᒡᓕᒋᔭᐅᔪᖓ ᑎᑎᕋᖅᑕᐅᓚᐅᖅᐳᖅ ᒥᐊᕆ ᐊᒻᒪ ᑲᕙᓐ ᖃᒪᓂᖅ-ᒪᐃᓴᓐᒧᑦ ᐊᒻᒪ ᐅᖃᓕᒫᒐᓕᐊᖑᓪᓗᓂ ᐃᓐᕼᐋᐱᑦ ᓯᐊᒻᒪᖅᑎᑦᑎᔨᓄᑦ ᐊᑐᐃᓐᓇᐅᕗᖅ ᓂᐅᕕᖅᑕᐅᓂᕐᒧᑦ ᖃᕋᓴᐅᔭᑎᒍᑦ ᖃᓪᓗᓈᑎᑐᑦ ᐊᒻᒪᓗ ᐃᓄᒃᑎᑐᑦ ᐃᓐᕼᐋᐱᑦ ᓯᐊᒻᒪᖅᑎᑦᑎᓂᕐᒧᑦ ᐃᑭᐊᖅᑭᕕᖓᓐᓂ.