Skip to content

ᐃᓕᓐᓂᐊᕌᓂᖕᓂᖅ ᖁᕕᐊᓇᕐᓂᖓ

ᐃᓕᓐᓂᐊᕌᓂᖕᓇᐅᕗᖅ 'ᐊᕐᕌᒍᒥ' ᑭᕙᓪᓕᕐᒥ ᐊᐅᒐᓯᒥ ᓯᑉᑕᐱᕆᒥᓗ ᑕᐃᒪᓐᓇᐃᓕᐅᖅᐸᒃᐳᑦ ᐳᐃᒍᓚᐅᐱᓪᓚᖃᑦᑕᖅᖢᑎᒡᓗ ᐃᖢᐃᓪᓕᐅᕈᑕᐅᔪᓂᒃ ᓄᓇᕗᒥᐅᓄᑦ − ᐱᔭᕆᐊᑐᖕᒪᑦ − ᑕᐃᒪᓐᓇᓗ ᓯᕗᓂᒃᓴᖃᑦᓯᐊᕐᓂᕐᒧᑦ ᐃᓱᒪᓐᓇᖅᖢᓂ.

Kivalliq News Editor Darrell Greer
Kivalliq News Editor Darrell Greer

ᐃᓕᓐᓂᐊᕐᕕᐊᓛᓂᒃ ᐃᓕᓐᓂᐊᕐᕕᒡᔪᐊᓄᑦ, ᐅᐱᓐᓇᖅᐳᖅ ᓴᕆᒪᓱᖃᑦᑕᕐᒪᑕ, ᐱᕚᓪᓕᕈᑎᖃᖅᖢᑎᒡᓗ ᓂᕆᐅᒋᔭᖃᖅᖢᑎᒡᓗ ᑕᒪᒃᑯᐊ ᒍᕇᑦ 12-ᒥᒃ ᐃᓕᓐᓂᐊᕌᓂᒍᑎᖃᖅᑐᑦ.

ᐄᓛᒃ, ᐊᑐᖅᑕᐅᒐᔪᒃᐳᑦ ᑕᒪᒃᑯᐊ ᓈᓴᐅᑎᑦ ᐊᒻᒪ ᖃᓄᑎᒋ ᐊᔪᖏᔾᔪᑎᑖᕐᒪᖔᑦ ᖁᕕᐊᓇᖏᑦᑐᖅᓯᐅᖅᖢᑎᒃ ᖁᕕᐊᓱᖕᓂᖏᓐᓂ − ᑕᐃᒪᓐᓇᐃᓕᐅᖃᑦᑕᖅᖢᑎᒡᓗ ᐊᓯᖏᑦ − ᑭᓯᐊᓂ ᓄᓇᕗᑦ ᐃᖢᐃᓪᓕᖅᐳᑦ ᓄᓇᕗᒥᐅᑦ ᐊᒥᓱᑦ.

ᐊᐃᑦᑖ, ᐊᒃᓱᕈᕐᓚᒃᖢᓂ, ᓯᑉᑕᐱᕆ ᐃᓱᓕᑉᐸᓪᓕᐊᓕᖅᑎᓪᓗᒍ ᑕᐃᒪᓐᓇ ᖁᕕᐊᓱᒃᐳᑦ ᑭᓯᐊᓂ ᓇᓗᓇᕐᓇᖏᑉᐳᖅ ᐃᓕᓐᓂᐊᖅᑎᑎᔨᖃᓗᐊᖏᒻᒪᑦ ᓄᓇᕗᒥ.

ᐊᒻᒪ ᐃᓕᓐᓂᐊᖅᑎᑎᔨᑖᕆᐊᖃᖅᑐᑦ ᓄᓇᓕᑦ ᐊᕐᕕᐊᑦ, ᑕᐃᒪᓐᓇ ᐊᕐᕌᒎᓚᐅᖅᑐᒥ ᐃᓱᒪᓕᐅᓚᐅᕐᒪᑕ ᓄᓇᕗᑦ ᒐᕙᒪᒃᑯᖏᑦ ᓄᓇᓕᖕᒥ ᐊᒥᓱᓂᒃ ᐃᓕᓐᓂᐊᖅᑎᑎᔨᑕᖃᕐᓂᖓᓄᑦ ᐃᓕᓐᓂᐊᖅᑐᑦ ᐊᒥᓲᓗᐊᖏᓐᓂᕋᖅᑕᐅᓚᐅᖅᖢᑎᒃ ᐃᓕᓐᓂᐊᕆᐊᖃᑦᑕᖏᑦᖢᑎᒡᓗ ᐃᓕᓐᓂᐊᕆᐊᖃᖅᑐᑦ.

ᑕᒡᕙᓂ ᐊᕐᕌᒍᒥ ᐊᑐᖅᑐᒥ ᐃᖅᑲᐅᒪᓇᖅᐳᖅ, ᓂᐱᖃᓚᐅᕐᒪᑕ ᐅᖃᐱᓗᒃᑐᑦ ᐊᕐᕌᒎᓚᐅᖅᑐᒥ ᐊᒥᓱᓂᒃ ᖃᑉᓗᓈᓂᖔᖅᑐᓂᒃ ᐃᓕᓐᓂᐊᖅᑎᑎᔨᑕᖃᓗᐊᕐᓂᖓᓄᑦ ᑭᕙᓪᓕᕐᒥ − ᑕᒪᒃᑯᐊ ᐱᓕᕆᐊᒃᓴᓂᒃ ᐊᖅᓵᓯᔪᑦ ᐃᓄᖕᓂᑦ, ᐃᓕᓐᓂᐊᖅᑎᑎᔨᑦ ᐃᓕᓐᓂᐊᖅᓯᒪᔪᑦ − ᐱᑕᖃᖏᓕᖅᑑᔮᖅᐳᑦ ᐅᖃᐅᓯᕆᔭᐅᓯᒪᓚᐅᖅᑐᑦ ᒫᓐᓇᐅᓂᐊᓂ.

ᑕᒪᒃᑯᐊ ᐃᓕᓐᓂᐊᕐᕕᖕᒥ ᐊᖓᔪᖄᖅ ᐅᖃᕌᖓᑕ ᐃᓂᒃᓴᖅᑕᖃᕐᓂᖓᓄᑦ ᐃᓕᓐᓂᐊᖅᑎᑎᔨᑖᕆᐊᖃᕐᓂᖏᓐᓄᑦ ᐃᓕᓐᓂᐊᕐᕕᖕᒥ − ᐅᖃᐅᓯᖃᖅᖢᓂ ᖃᓄᖅ ᑮᓇᐅᔭᓕᐅᕈᑎᖃᕐᓂᐊᕐᒪᖔᑕ ᐃᑲᔫᓯᐊᖅᑖᕐᓂᐊᕐᒪᖔᑕᓗ − ᖃᐅᔨᒍᒪᓐᓇᖅᐸᒃᐳᖅ ᑕᐃᒪᓐᓇ ᐅᐃᕆᓴᐅᑎᖃᕋᓱᐊᖅᑎᓪᓗᒋᑦ ᑭᕙᓪᓕᕐᒥ ᐃᓕᓐᓂᐊᕐᕕᖕᒥ ᐃᓕᓐᓂᐊᖅᑎᑎᔨᑖᕆᐊᖃᕐᓂᖏᓐᓄᑦ ᐊᒻᒪ/ᐅᕙᓘᓐᓃᑦ ᓄᓇᓕᖕᓂ ᑭᐅᔪᖃᖃᑦᑕᖏᒻᒪᖔᑦ ᓱᖕᒪᑦ.

ᑭᓯᐊᓂ ᐃᓕᓐᓂᐊᕌᓂᖕᓇᐅᓕᕌᖓᑦ ᐃᓱᒪᒋᔭᐅᖏᓚᐅᐱᓪᓚᖃᑦᑕᖅᐳᑦ ᐃᓕᓐᓂᐊᖅᑎᑎᔨᑖᕆᐊᖃᕐᓂᖅ, ᐱᓗᐊᖅᑐᒥᒃ ᑕᒪᒃᑯᐊ ᐃᓕᓐᓂᐊᕌᓂᖕᓂᐊᖅᑐᑦ ᑭᕙᓪᓕᕐᒥᑦ, ᑕᒪᒃᑯᓇᖓᑦ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᖕᓂᑦ, ᐊᔾᔨᒌᖏᑦᑐᓂᓪᓗ ᓄᓇᓕᖕᓂ ᓯᓚᑦᑐᖅᓴᕐᕕᖕᓂᑦ ᐃᓕᓐᓂᐊᓚᐅᖅᑐᓂᒃ, ᓄᓇᕗᑦ ᓯᕗᓂᒃᓴᕗᒃᑯᓐᓂᓪᓗ, ᐊᓯᖏᓐᓂᓪᓗ ᓯᓚᑦᑐᖅᓴᕐᕕᖕᓂᑦ ᑲᓇᑕᒥ.

ᒪᒃᑯᒃᑐᓂᒃ ᐃᓱᒪᓕᐅᕈᑎᖃᕐᓂᐊᖅᖢᑎᒃ ᑭᕙᓪᓕᕐᒥᐅᓂᑦ ᐃᓕᓐᓂᐊᕌᓂᒃᑐᓂᑦ 2017-ᒥ ᖃᐅᒻᒪᖅᐹᓪᓕᕈᑕᐅᓄᖅ ᓯᕗᓂᒃᓴᕆᓂᐊᖅᑕᖏᓐᓄᑦ ᑭᕙᓪᓕᐅᑉ, ᐃᓕᓐᓂᐊᕌᓂᒃᑐᑦ ᐱᓕᕆᒋᐅᖅᓴᓂᐊᖅᖢᑎᒃ ᐱᔅᓂᔅᑖᕐᓂᐊᖅᖢᑎᑦ, ᐋᓐᓂᐊᖅᑐᓕᕆᔨᐅᓂᐊᖅᖢᑎᒃ ᒪᓕᒐᓕᕆᔨᐅᓂᐊᖅᖢᑎᒡᓗ ᐊᓯᖏᓐᓂᒡᓗ ᐱᓕᕆᐊᖃᕐᓂᐊᖅᖢᑎᒃ.

ᑕᐃᒪᓐᓇ ᐃᓱᒪᒋᔭᐅᖏᑦᖢᓂ ᐱᖁᔭᕐᔪᐊᖅ 37 ᐊᐃᕙᒍᑕᐅᖏᑦᓯᐊᖅᖢᓂᓘᓐᓃᑦ, ᑕᐃᒪᓐᓇ ᐃᓄᒃᑎᑐᑦ ᐃᓕᓐᓂᐊᕈᑕᐅᓂᖓ ᑭᖑᕙᕆᐊᖅᑕᐅᓂᐊᕋᓱᒋᔭᐅᑉᓗᓂ ᐃᓕᓐᓂᐊᖅᑎᑎᔨᓄᑦ ᐊᑐᖅᑕᐅᓂᐊᕐᓗᓂ ᐃᓕᓐᓂᐊᖅᑎᑎᒍᑕᐅᓗᓂ ᓄᓇᕗᒥ 2029ᒧᑦ (ᒥᒃᖠᒋᐊᖅᑕᐅᓗᓂᓗ ᒍᕇᑦ 9−ᒧᑦ ᒍᕇᑦ 12-ᒥᑦ), ᖃᐅᔨᒪᑉᓗᓂᓗ ᒐᕙᒪᒃᑯᑦ ᐊᑐᓕᖅᑎᑦᓯᓂᐊᖏᒻᒪᑕ ᒫᓐᓇ 2008-ᒥ ᐃᓕᓐᓂᐊᖅᑐᓕᕆᓂᕐᒧᑦ ᒪᓕᒐᕐᒥᒃ ᐊᑐᖅᑕᐅᒋᐊᖃᖅᖢᓂ 2019-ᖑᓕᖅᐸᑦ.

ᐃᓱᒪᓇᖅᐳᖅ ᓱᖕᒪᑦ ᐃᓄᐃᑦ ᐃᓕᖁᓯᖓᑦ ᒪᓕᒃᖢᒍ ᐊᐃᕙᐅᑕᐅᒋᐊᖃᕐᓂᖓᓄᑦ ᑕᒪᓐᓇ ᒪᓕᒐᖅ ᓱᕙᓕᑭᐊᖑᓇᔭᖅᖢᓂᓗ ᐱᖁᔭᒃᓴᖅ ᐊᔾᔨᒌᖏᑦᑐᓂᒃ ᓴᓐᖐᓐᓂᖃᕐᓂᖓᓄᑦ ᓇᓗᓇᕈᓐᓃᕋᔭᖅᖢᓂ, ᑭᓯᐊᓂ ᑕᐃᒪᓐᓇ ᖃᒥᑦᓯᓇᓱᒋᐊᖃᖏᑉᐳᒍᑦ ᐃᓕᓐᓂᐊᕌᓂᖕᓇᐅᑎᓪᓗᒍ ᑕᐃᒪᓐᓇ ᓱᕙᓕᑭᐊᖑᖕᒪᑦ.

ᑕᐃᒪ, ᑕᒪᓐᓇ ᐃᓕᓐᓂᐊᕌᓂᖕᓂᖅ ᖁᕕᐊᓇᑦᓯᐊᕐᓂᖓᓄᑦ ᐃᓱᒫᓗᒍᑎᖃᕆᐊᖃᕐᓇᖏᑉᐳᖅ.