ᐱᓕᕆᐊᖑᓂᐅᔪᑦ ᐊᑐᐃᓐᓇᐅᔭᕆᐊᖃᖅᐳᑦ ᑕᐃᒃᑯᓄᖓ ᐃᓅᓕᓴᖅᑕᐅᔪᓐᓇᙱᑦᑐᓄᑦ ᐊᖏᕐᕋᖏᑕ ᓯᓚᑖᓂ

ᐅᐃᕆᓯᒪᓂᐅᔪᒧᑦ ᐊᒻᒪ ᐱᓂᕐᓗᒡᔪᐊᖅᓯᒪᓂᐅᔪᒧᑦ ᒪᒥᓴᕐᕕᖓ ᓄᓇᕗᒻᒥ ᐱᕚᓪᓕᖅᑎᑦᑎᓂᖃᕐᓂᐊᖅᐳᖅ ᓄᓇᕗᒻᒥᐅᓄᑦ, ᑭᓯᐊᓂ “ᑭᓱᓕᒫᓄᑦ ᐊᖅᑭᒃᓯᓂᐅᙱᓚᖅ,” ᐅᖃᖅᐳᖅ ᐊᓛᓇ ᑰᑉᓚᓐ, ᐃᓱᒪᒧᑦ ᐋᓐᓂᐊᖃᕐᓇᙱᓐᓂᓕᕆᓂᕐᒥ ᐅᖃᖅᑎᐅᔪᒥ. ᐅᖃᐅᓯᐅᓪᓗᓂ 33-ᓂ-ᐅᑭᐅᓕᖕᒥ ᐃᓄᒃ, ᑕᒪᒃᑭᑦ ᓄᓇᓕᐅᔪᑦ ᐱᖃᕆᐊᖃᖅᐳᑦ ᐃᓱᒪᒧᑦ ᐋᓐᓂᐊᖃᕐᓇᙱᓐᓂᓕᕆᓂᕐᒥ ᓴᓇᔨᐅᔪᒥ ᐊᒻᒪ ᓈᒻᒪᒃᑐᓂ ᐃᖅᑲᓇᐃᔭᖅᑎᓂ ᓇᓗᓇᐃᖅᓯᓂᕐᒧᑦ ᓈᒻᒪᒃᑐᒥ ᐊᒻᒪ “ᐊᑑᑎᖃᑦᑎᐊᖅᑐᒧᑦ” ᐱᔨᑦᑎᕋᕐᓂᐅᔪᓂ ᐊᑐᐃᓐᓇᐅᓂᖏᓐᓂ ᓄᓇᕗᒻᒥᐅᓄᑦ.

ᐊᓛᓇ ᑰᑉᓚᓐ ᑎᑎᕋᐅᓯᖃᖅᐳᖅ ᐃᓱᒪᒧᑦ ᐊᑲᐅᙱᓕᐅᕈᑕᐅᔪᓂ ᐊᒻᒪᓗ ᐅᖃᐅᓯᖅ “ᑕᓗᕈᒃᑯᑎᓂᐅᔪᒥ” ᑮᓇᖓᓂ ᑕᐃᑲᓂ ᐃᓱᒪᒧᑦ ᐋᓐᓂᐊᖃᕐᓇᙱᓐᓂᓕᕆᓂᕐᒥ ᓈᒻᒪᒃᓴᙱᓐᓂᕐᒥᓂᒃ ᑕᑯᒃᓴᐅᑎᑦᑎᔪᓂ ᐃᖃᓗᖕᓂ. “ᐃᓱᒪᒧᑦ ᐋᓐᓂᐊᕐᓂᐅᔪᖅ ᑕᑯᒃᓴᐅᙱᑦᑐᒥ ᐋᓐᓂᐊᕐᓂᐅᕗᖅ ᐊᒻᒪᓗ ᑕᐃᒫᒃ ᐃᓱᒪᓚᐅᖅᐳᖓ ᐃᓕᓯᓂᕐᒥ ᐅᖃᐅᓯᕐᓂᑦ ᑮᓇᓐᓄᑦ ᑕᑯᒃᓴᐅᑎᑦᑎᓇᔭᖅᐳᖅ,” ᐅᖃᖅᐳᖅ ᑰᑉᓚᓐ. Rajnesh Sharma/NNSL photo

“ᐱᓕᕆᐊᖑᓂᐅᔪᓂ ᐱᑎᑦᑎᓂᐅᔪᒥ ᐅᑯᓂᖓ ᐱᔨᑦᑎᕋᕐᓂᐅᔪᓄᑦ ᓄᓇᓕᐅᑉ ᐃᓗᐊᓂ ᐊᑐᐃᓐᓇᐅᔭᕆᐊᖃᖅᐳᑦ ᑕᐃᒃᑯᓄᖓ ᐃᓅᓕᓴᖅᑕᐅᔪᓐᓇᙱᑦᑐᓄᑦ ᐃᒡᓗᕐᔪᐊᒥ ᐊᖏᕐᕋᖏᑕ ᓯᓚᑖᓂ,” ᐅᖃᓚᐅᖅᐳᖅ ᑰᑉᓚᓐ.

“ᑕᒪᒃᑭᑦ ᓄᓇᕗᒻᒥᐅᓂ ᐃᒡᓗᕐᔪᐊᓕᐊᔾᔮᙱᓚᑦ.”

ᖄᒃᑲᓐᓂᐊᒍᑦ, ᐃᓱᒪᒧᑦ ᐋᓐᓂᐊᖃᕐᓇᙱᓐᓂᓕᕆᓂᕐᒥ ᐅᖃᐅᓯᐅᔭᕆᐊᖃᖅᐳᖅ ᐃᓕᓐᓂᐊᕐᕕᖕᒥ ᐃᓕᓐᓂᐊᕈᑎᓕᐅᖅᑕᐅᓯᒪᔪᓄᑦ. ᐱᔭᕆᐊᖃᖅᑎᑕᐅᔪᒥ ᐃᓕᓐᓂᐊᕐᓂᐅᔪᒥ ᐃᓱᒪᒧᑦ ᐋᓐᓂᐊᖃᕐᓇᙱᓐᓂᓕᕆᓂᕐᒥ ᒥᒃᓵᓄᑦ ᐱᔭᕆᐊᖃᖅᑎᑕᐅᓪᓗᐊᖅᐳᖅ ᐃᓱᓕᑦᑎᓂᕐᒧᑦ, ᐅᓂᒃᑳᓚᐅᖅᐳᖅ ᒪᓕᒐᓕᕆᓂᕐᒧᑦ ᐃᓕᓐᓂᐊᖅᑎᐅᔪᖅ.

“ᐃᓱᒪᒧᑦ ᐋᓐᓂᐊᖃᕐᓇᙱᓐᓂᓕᕆᓂᕐᒥ ᐃᓕᓐᓂᐊᖅᑎᑕᐅᔭᕆᐊᖃᖅᐳᖅ ᑕᒪᒃᑭᓂ ᐃᓕᓐᓂᐊᕐᕕᓂᑦ, ᓱᖏᐅᓐᓇᖅᑎᑦᑎᓂᕐᒧᑦ ᐊᒻᒪᓗ ᐃᓱᓕᑦᑎᓂᕐᒥ ᑕᓗᕈᒃᑯᑎᓂᐅᔪᒥ ᐅᑯᓄᖓ ᐃᓱᒪᒧᑦ ᐋᓐᓂᐊᕐᓂᐅᔪᓂᑦ,” ᐅᖃᓚᐅᖅᐳᖅ ᑰᑉᓚᓐ. “ᓄᓇᕗᒻᒥ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᖓ ᑐᓂᓯᔭᕆᐊᖃᕆᕗᑦ ᐃᓱᒪᒧᑦ ᐋᓐᓂᐊᖃᕐᓇᙱᓐᓂᓕᕆᓂᕐᒥ ᐱᓕᕆᐊᖑᔪᒥ ᐱᓕᒻᒪᒃᓴᐃᓂᕐᒧᑦ ᐊᒻᒪ ᐃᖅᑲᓇᐃᔮᖃᖅᑎᑦᑎᓂᕐᒧᑦ ᓄᓇᕗᒻᒥᐅᓂ ᐃᓱᒪᒧᑦ ᐋᓐᓂᐊᖃᕐᓇᙱᓐᓂᓕᕆᓂᕐᒥ ᓴᓇᔨᙳᕐᓂᖏᓐᓂ.”

ᐅᖃᐅᓯᐅᓪᓗᓂ ᑰᑉᓚᓐᒧᑦ, ᑕᐃᒪᐃᑦᑐᒥ ᖃᓄᐃᓕᐅᕐᓂᐅᔪᒥ ᐊᖏᔪᒥ ᒥᒃᖠᒋᐊᖅᑎᑦᑎᓇᔭᖅᐳᖅ ᐃᖅᑲᓇᐃᔭᕈᓐᓃᖅᑐᓄᑦ ᐃᓇᖏᖅᓯᔭᕆᐊᖃᕐᓂᐅᔪᓂ ᐅᓄᕐᓂᐅᔪᓂ ᐃᖅᑲᓇᐃᔭᖅᑎᓂ ᐃᖅᑲᓇᐃᔮᖅᑖᖅᑎᑕᐅᔪᓂ ᖃᓪᓗᓈᑦ ᓄᓇᖓᓐᓂ, ᐊᒻᒪᓗᑦᑕᐅᖅ ᐃᖏᕐᕋᓂᖃᖅᐸᓪᓕᐊᓂᕐᒧᑦ ᐲᖅᓯᓂᐅᔪᒥ ᐃᓕᖅᑯᓯᒧᑦ ᐊᒻᒪ ᐅᖃᐅᓯᕐᒧᑦ ᐊᒡᕕᐊᕈᑕᐅᔪᓄᑦ.

ᔫᓂ 26–ᒥ, ᑰᑉᓚᓐ, ᐊᕐᕕᐊᕐᒥᐅᑕᓪᓚᕆᐅᔪᖅ, ᐋᖅᑭᒃᓱᐃᓚᐅᖅᐳᖅ ᐃᓱᒪᒧᑦ ᐋᓐᓂᐊᖃᕐᓇᙱᓐᓂᓕᕆᓂᕐᒥ ᓈᒻᒪᒃᓴᙱᓐᓂᕐᒥᓂᒃ ᑕᑯᒃᓴᐅᑎᑦᑎᔪᓂ ᐃᖃᓗᖕᓂ. 150–ᑲᓴᖕᓂ ᓈᒻᒪᒃᓴᙱᓐᓂᕐᒥᓂᒃ ᑕᑯᒃᓴᐅᑎᑦᑎᔨᐅᔪᓂ ᐅᖃᐅᓯᖃᓚᐅᖅᐳᑦ ᐃᓱᒫᓘᑕᐅᔪᓂ ᑐᐊᕕᕐᓇᖅᑐᒥ ᐱᔭᕆᐊᖃᕐᓂᐅᔪᒥ ᐃᓱᒪᒧᑦ ᐋᓐᓂᐊᖃᕐᓇᙱᓐᓂᓕᕆᓂᕐᒥ ᐃᓕᓐᓂᐊᕐᓂᐅᔪᒥ ᐊᒻᒪ ᐱᔨᑦᑎᕋᕐᓂᐅᔪᒥ ᓄᓇᕗᒻᒥ.

ᓈᒻᒪᒃᓴᙱᓐᓂᕐᒥᓂᒃ ᑕᑯᒃᓴᐅᑎᑦᑎᔪᓂ, ᓯᕗᓕᖅᑎ ᔫ ᓴᕕᑲᑖᖅ ᓇᓗᓇᐃᖅᓯᓚᐅᖅᐳᖅ ᐃᓄᒋᐊᖑᔪᓄᑦ ᐃᓱᒪᒧᑦ ᐋᓐᓂᐊᖃᕐᓇᙱᓐᓂᓕᕆᓂᕐᒥ ᐊᑲᐅᙱᓕᐅᕈᑕᐅᔪᑦ ᐃᒃᓯᓐᓇᖅᑕᐅᓯᒪᙱᓚᑦ. ᐸᕐᓇᐅᑎᐅᔪᖅ ᓴᓇᓂᕐᒥ ᐅᐃᕆᓯᒪᓂᐅᔪᒧᑦ ᒪᒥᓴᕐᕕᒃᓴᒥ ᐃᖃᓗᖕᓂ ᑮᓇᐅᔭᖃᖅᑎᑕᐅᓗᑎᒃ ᒐᕙᒪᑐᖃᒃᑯᓐᓂ.

“ᒪᒥᐊᓇᐅᒐᓗᐊᖅ ᓱᓕ ᑮᓇᐅᔭᖅᑖᖅᓯᒪᙱᓐᓇᑦᑕ ᒐᕙᒪᑐᖃᒃᑯᓐᓂ, ᐅᖃᓚᐅᖅᐳᖅ ᓴᕕᑲᑖᖅ. “ᑕᕝᕙᑐᖅ ᓴᓇᔭᐅᔪᓐᓇᕋᔭᖅᐳᖅ ᖃᐅᒃᐸᑦ.”

ᖃᔅᓯᐊᕐᔪᖕᓂ ᐅᓪᓗᓂ ᐊᓂᒍᖅᑎᓪᓗᒍ ᓈᒻᒪᒃᓴᙱᓐᓂᕐᒥᓂᒃ ᑕᑯᒃᓴᐅᑎᑦᑎᔪᓂ, ᔫᓂ 29–ᒥ, ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᒥᓂᔅᑕᖓ ᔪᐊᔾ ᕼᐃᒃᔅ ᐅᖃᐅᔾᔨᓚᐅᖅᐳᖅ ᓄᓇᕗᒻᒥ ᑐᓴᒐᒃᓴᓕᕆᔨᒃᑯᓐᓂ, “ᑕᒪᒃᑭᐅᒪᔪᒥ ᓇᓗᓇᐃᖅᓯᕗᖓ ᐊᖏᒡᓕᒋᐊᖅᓰᓐᓇᕆᐊᖃᕐᓂᑦᑎᓐᓂ ᐃᓱᒪᒧᑦ ᐋᓐᓂᐊᖃᕐᓇᙱᓐᓂᓕᕆᓂᕐᒥ ᐃᓐᓄᒍᓐᓇᕐᓂᖓᓂ ᓄᓇᕗᒻᒥ. ᑭᓯᐊᓂ ᐱᓕᕆᑦᑎᐊᕐᓂᐅᔪᑦ ᐊᖅᓵᖅᑕᐅᙱᓪᓗᑎᒃ ᐃᓄᖕᓂ ᐱᓕᕆᔪᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐸᖅᑭᓂᐅᔪᒥ ᐱᓕᕆᐊᖑᔪᒥ ᑭᓱᓕᒫᓂᒃ ᐱᓕᕆᔪᓐᓇᕐᓂᖏᓐᓂ ᑐᓂᔪᓐᓇᖅᑕᑦᑎᓐᓂ ᐃᑲᔪᕈᑎᒃᓴᐅᓗᑎᒃ.”

ᐃᓚᒋᐊᖅᓯᓚᐅᖅᐳᖅ, “ᐃᓱᒪᕗᖓ ᐃᓄᐃᑦ ᐃᓕᓯᕐᔪᐊᒃᑲᐅᓂᖏᓐᓂ ᐊᑑᑎᖃᕐᓂᖏᓐᓂ ᐆᒧᖓ ᐅᐃᕆᓯᒪᓂᐅᔪᒧᑦ ᐊᒻᒪ ᐱᓂᕐᓗᒡᔪᐊᖅᓯᒪᓂᐅᔪᒧᑦ ᒪᒥᓴᕐᕕᖓᓂ, ᐱᔭᐅᔭᕆᐊᖃᑦᑎᐊᖅᑐᒥ ᐃᒡᓗᕐᔪᐊᖑᔪᒥ. ᑭᓯᐊᓂ ᐅᓇ (ᑕᒪᒃᑭᐅᒪᙱᓚᖅ ᐊᓯᖃᔮᙱᓪᓗᓂ).”

ᕼᐃᒃᔅ ᐅᖃᓚᐅᖅᐳᖅ ᐃᓄᑐᐃᓐᓇᐃᑦ ᐅᖃᓗᒍᓐᓇᖅᐳᑦ ᑐᐊᕕᕐᓇᖅᑐᒥ ᐅᖃᓗᒡᕕᒃᓴᐅᔪᒧᑦ ᐃᓱᒪᒧᑦ ᐋᓐᓂᐊᖃᕐᓇᙱᓐᓂᓕᕆᓂᕐᒥ ᐊᒻᒪᓗᑦᑕᐅᖅ ᑲᑎᖃᑎᖃᕐᓗᓂ ᓄᓇᓕᖕᓂ ᐃᓱᒪᒧᑦ ᐋᓐᓂᐊᖃᕐᓇᙱᓐᓂᓕᕆᓂᕐᒥ ᓴᓇᔨᐅᔪᒥ, ᐃᓱᒪᓕᕆᔨᐅᔪᓄᓪᓗ.

“ᐃᓱᒪᒧᑦ ᐋᓐᓂᐊᖃᕐᓇᙱᓐᓂᓕᕆᓂᕐᒥ ᓴᓇᔨᐅᔪᓂ, ᐃᓱᒪᓕᕆᔨᓂᑦ, ᐃᓱᒪᒧᑦ ᐋᓐᓂᐊᖃᕐᓇᙱᓐᓂᓕᕆᓂᕐᒥ ᐃᓗᐊᖅᓴᐃᔨᓂᑦ ᐱᓕᕆᔪᓄᑦ ᓄᓇᓕᖕᓂ. ᑲᒪᓇᕐᔪᐊᖅᑐᒥ ᐱᓕᕆᕗᑦ ᐊᒃᓱᕈᕐᓇᖅᑐᒥ ᖃᓄᐃᓐᓂᐅᔪᓄᑦ.”

Leave a comment

Your email address will not be published. Required fields are marked *