Skip to content

ᐃᖏᕐᕋᓂᐅᔪᓄᑦ ᐱᓕᕆᓂᕐᔪᐊᖑᔪᖅ ᓴᖅᑭᑎᑦᑎᕗᖅ ᖃᓄᐃᓐᓂᐅᔪᓂᑦ

ᐱᓕᕆᕐᔪᐊᕐᓂᐅᔪᒥ ᐃᖏᕐᕋᔨᐅᔪᓄᑦ ᓱᕋᐃᔪᓂ ᒪᓕᒐᕐᓂ ᐊᖅᑯᒻᒥ ᑎᑭᐅᑎᓂᖃᖅᐳᖅ ᖃᓄᐃᓐᓂᐅᔪᓂ ᑲᖏᖅᖠᓂᕐᒥ.

ᐱᒋᐊᕐᓂᖓᓂ ᐊᐅᔭᐅᔪᒥ ᕼᐋᒻᓚᒃᑯᑦ ᐅᖃᓚᐅᖅᓯᒪᕗᑦ ᐊᑐᖅᑎᑦᑎᓪᓚᕆᖕᓂᐊᕐᓂᖏᓐᓂ ᐱᑕᖄᓂᒃᑐᒥ ᑎᓴᒪᓕᖕᓄᑦ ᒪᓕᒐᓂᑦ, ᑕᐅᑐᒃᑕᑐᐊᖃᑲᐃᓐᓇᕐᓗᑎᒃ ᑕᒪᒃᑭᓂ ᐊᖁᑎᐅᔪᓂᑦ ᐊᒻᒪ ᐃᑭᒪᔪᓄᑦ ᐊᑐᕐᓂᖏᓐᓂ ᑎᓯᔪᓂ ᓂᐊᖅᑯᐊᔾᔭᐃᒃᑯᑎᓂᑦ ᓇᓴᕐᓂᑦ.

ᐳᕿᖅᑕᓕᒃᑯᑦ ᐊᒻᒪ ᒪᓕᒐᕋᓛᓕᕆᔩᑦ ᐱᓕᕆᕐᔪᐊᖅᓯᒪᓕᖅᐳᑦ ᐅᓗᕆᐊᓇᖅᑐᓄᑦ ᐊᖁᑕᐅᔪᓄᑦ ᑕᖅᑭᐅᓚᐅᖅᑐᒥ.
An ATV drives through downtown Rankin Inlet last week. As of this week the hamlet will start enforcing the territory's traffic laws for all-terrain vehicles, including rules to ensure that people wear helmets. Fines will be handed out to those who don't obey them. Cody Punter/NNSL photo

ᐅᖃᐅᓯᐅᓂᐅᔪᖅ ᑐᙵᓂᖃᓚᐅᕆᕗᖅ ᐅᓄᖅᓯᒋᐊᕐᓂᐅᔪᒥ ᖃᐅᔨᓴᖅᓯᓂᐅᔪᓂ ᑕᒪᒃᑭᓄᑦ ᒪᓕᒐᕋᓛᓕᕆᔩᑦ ᐊᒻᒪ ᐳᕿᖅᑕᓕᖕᓂᑦ ᑕᐅᑐᒃᑕᑐᐊᖃᑲᐃᓐᓇᖅᑐᒥ ᕼᐋᒻᓚᒃᑯᑦ ᐊᖅᑯᑎᖏᑦ ᐊᑦᑕᓇᙱᓐᓂᖅᓴᐅᓕᖅᑎᑕᐅᓂᖏᓐᓂ.

ᒃᑯᓇᓂ ᒪᕐᕉᔪᓄᑦ ᑲᑐᔾᔨᖃᑎᒌᖑᔪᓄᑦ, 20 ᑲᓴᖕᓂ ᐃᖏᕐᕋᓂᕐᒧᑦ ᓱᕋᐃᔪᓄᑦ ᐊᑭᓕᐅᑎᒃᓴᓂᑦ ᑐᓂᔭᐅᓯᒪᕗᑦ ᑕᖅᑭᐅᓚᐅᖅᑐᒥᑐᐊᖅ. ᐳᕿᖅᑕᓕᒃᑯᑦ ᑐᓂᓯᓚᐅᖅᐳᑦ 12-ᖑᔪᓂ, ᒪᓕᒐᕋᓛᓕᕆᔩᑦ ᑐᓂᓯᓪᓗᑎᒃ ᓇᑉᐸᓪᓗᐊᖓᓂ.

ᓱᕋᐃᓂᐅᔪᑦ ᐅᑯᓇᙵᐅᓚᐅᖅᐳᑦ ᐋᖓᔮᖅᑐᓂ ᐊᖁᓐᓂᕐᓄᑦ, ᕿᒫᓪᓗᑎᒃ ᐳᑭᖅᑕᓕᖕᓂ, ᐊᑐᙱᓐᓂᕐᒧᑦ ᑎᓯᔪᒥ ᓂᐊᖅᑯᐊᔾᔭᐃᒃᑯᑎᓂᑦ ᓇᓴᕐᓂ ᐊᖁᑎᓪᓗᒋᑦ ᑎᓴᒪᓕᖕᒥ ᐊᒻᒪ ᑐᓂᓯᔪᓐᓇᙱᓐᓂᖏᓐᓄᑦ ᓇᓗᓇᐃᒃᑯᑕᐅᔪᒥ ᓚᐃᓴᓐᓯᖃᖅᑎᑕᐅᓂᕐᒧᑦ ᑎᑎᕋᖅᓯᒪᓂᖓᓂ ᐊᒻᒪ ᓇᓪᓕᐅᒃᑯᒫᓂ.

ᐱᓇᐊᓱᕈᓯᐅᓚᐅᖅᑐᒥ ᑕᒪᒃᑭᑦ ᒪᓕᒐᕋᓛᓕᕆᔩᑦ ᐊᒻᒪ ᐳᕿᖅᑕᓕᒃᑯᑦ ᓇᓗᓇᐃᖅᑕᐅᓯᒪᔪᓄᑦ ᓇᐅᑦᑎᖅᓱᕐᓂᖃᓚᐅᖅᐳᑦ ᕼᐋᒻᓚᒃᑯᑦ ᐊᖅᑯᑎᖏᓐᓂ. ᖄᒃᑲᓐᓂᐊᒍᑦ ᐊᑭᓕᐅᑎᒃᓴᐅᔪᓄᑦ ᓱᕋᐃᓂᐅᔪᓄᑦ ᓄᖅᑲᖅᑎᑦᑎᓚᐅᖅᐳᑦ 50 ᐅᖓᑖᓄᑦ ᓄᓇᓯᐅᑎᓂᑦ.

ᑯᐊᐳᕈᓪ ᐳᕋᐃᑎᓐ ᓯᑏᕙᓐᓴᓐ, ᑕᐃᑲᓂ ᐊᖓᔪᖅᑳᕆᔭᐅᓚᐅᑲᒃᑐᒥ ᑲᖏᖅᖠᓂᐅᑉ ᐳᕿᖅᑕᓕᒃᑯᓐᓄᑦ, ᐅᖃᓚᐅᖅᐳᑦ ᐅᓄᖅᓯᒋᐊᕐᓂᖓ ᓇᐅᑦᑎᖅᓱᕐᓂᐅᔪᒥ ᑭᐅᓂᐅᓚᐅᖅᐳᖅ ᐅᖃᐱᓗᖕᓂᐅᔪᓄᑦ ᐃᓄᓕᒫᓂᑦ.

ᖃᔅᓯᒐᓚᖕᓂ ᐅᖃᐱᓗᖕᓂᖅᑕᖃᓚᐅᖅᐳᖅ ᑕᒪᒃᑭᓄᑦ ᐳᑭᖅᑕᓕᒃᑯᑦ ᐅᖃᓗᒡᕕᖓᓄᑦ ᐊᒻᒪᓗᑦᑕᐅᖅ ᐃᓅᖃᑎᒌᖕᓂᕐᒧᑦ ᓯᐊᒻᒪᖅᑎᑦᑎᓂᐅᔪᒥ ᐃᓄᓕᒫᑦ ᖁᕕᐊᙱᓐᓂᖏᓐᓂ ᐃᓚᖏᓐᓂ ᐊᖁᑎᐅᔪᓄᑦ ᖃᓄᐃᓕᐅᕐᓂᖏᓐᓂ ᐊᒻᒪ ᐊᖁᓐᓂᖏᓐᓂ ᐊᑐᖅᑕᐅᕙᒃᑐᓄᑦ ᑕᐃᒪᐃᓐᓂᖓᓄᑦ, ᐅᓄᖅᓯᒋᐊᖅᑎᑦᑎᔪᒪᓕᓚᐅᖅᐳᒍᑦ ᓇᐅᑦᑎᖅᓱᕐᓂᑦᑎᓐᓂ,” ᐅᖃᓚᐅᖅᐳᑦ.

ᓯᑏᕙᓐᓴᓐ ᐅᖃᓚᐅᖅᐳᑦ ᐳᑭᖅᑕᓕᒃᑯᑦ ᐱᔪᒪᓂᖃᕐᓂᖅᓴᐅᕗᑦ ᓇᓗᓇᐃᖅᓯᓂᖏᓐᓂ ᐃᓄᐃᑦ ᐊᑦᑕᓇᙱᑦᑐᒦᓐᓂᖏᓐᓂ ᑐᓂᓯᙱᓐᓂᐅᔪᒧᑦ ᓱᕋᐃᓂᕐᓄᑦ ᐊᑭᓕᐅᑎᒃᓴᓂᑦ. ᑕᐃᒪᐃᓐᓂᖓᓄᑦ, ᓯᕗᓪᓕᖅᐹᒥ ᓱᕋᐃᔪᑦ ᐃᓂᖅᑎᖅᑕᐅᑐᐃᓐᓇᖃᑦᑕᖅᐳᑦ.

ᑭᓯᐊᓂ, ᐅᖃᓚᐅᖅᐳᑦ ᐃᓚᖏᓐᓂ ᓱᕋᐃᓂᐅᔪᓂ ᐱᓪᓚᕆᐅᓗᐊᕐᓂᖏᓐᓄᑦ ᐃᓂᖅᑎᕆᑐᐃᓐᓇᕆᐊᒃᓴᖅ, ᐱᓗᐊᖅᑐᒥ ᐃᒥᐊᓗᒃᓯᒪᓪᓗᑎᒃ ᐊᖁᑦᑐᑦ.

ᐅᖃᐅᓯᐅᓪᓗᓂ ᓯᑏᕙᓐᓴᓐᒧᑦ, ᐳᕿᖅᑕᓕᒃᑯᑦ ᐊᖑᓯᓯᒪᕗᑦ ᒪᕐᕉᖕᓂ ᐋᖓᔮᖅᑐᓂ ᐊᑯᑦᑐᓄᑦ ᐱᕐᕈᓗᐊᕿᑎᑦᑎᓚᐅᖅᑐᓂ ᑕᖅᑭᐅᓚᐅᖅᑐᒥ.

ᓂᑲᒍᓱᖕᓂᖃᙱᑦᑎᐊᖅᐳᑦ ᐋᖓᔮᖅᑐᓄᑦ ᐊᖁᑦᑐᓄᑦ,” ᐅᖃᓚᐅᖅᐳᑦ.

ᖃᑦᑎᕆᔨᓄᑦ ᐊᖓᔪᖅᑳᖓ ᒫᒃ ᕙᐃᔭᑦ, ᐊᐅᓚᑦᑎᓲᖑᔪᖅ ᕼᐋᒻᓚᒃᑯᑦ ᒪᓕᒐᕋᓛᓕᕆᔨᓄᑦ ᑲᑎᙵᓂᐅᔪᓄᑦ, ᐅᖃᒃᑲᓐᓂᓚᐅᕆᕗᖅ ᓯᑏᕙᓐᓴᓐ ᐃᓱᒪᒋᓯᒪᔭᖏᓐᓂ ᐊᑐᖅᑎᑦᑎᓂᐅᔪᒧᑦ. ᑐᙵᕕᖃᖅᑐᒥ ᖃᔅᓯᓂᑦ ᐃᓄᖕᓂ ᐊᑐᕐᓂᖏᓐᓂ ᑎᓯᔪᓂ ᓂᐅᖅᑯᐊᔾᔭᐃᒃᑯᑎᓄᑦ ᓇᓴᕐᓂ ᐅᒃᐱᕈᓱᒃᐳᖅ ᐅᓄᖅᓯᒋᐊᕐᓂᖓ ᐊᑐᓕᖅᑎᑦᑎᓂᐅᔪᒥ ᐱᔪᒪᔭᒥ ᐊᒃᑐᐃᓂᖃᖅᐳᖅ ᑎᓴᒪᓕᖕᓄᑦ ᐊᖁᑎᐅᔪᓄᑦ.

ᑐᕌᒐᒃᓴᕗᑦ ᑐᓂᓯᑐᐃᓐᓇᕐᓂᕐᒥᐅᙱᓚᖅ ᕼᐊᓐᓇᓚᖏᓐᓂ ᓱᕋᐃᔪᓄᑦ ᐊᑭᓕᐅᑎᒃᓴᓂᑦ, ᑐᕌᒐᒃᓴᕗᑦ ᐃᓄᐃᑦ ᒪᓕᑦᑎᐊᖁᓪᓗᒋᑦ ᐊᒻᒪ ᑐᓵᒻᒪᕆᒡᓗᑎᒃ ᒪᓕᒐᕋᓛᓂᑦ ᓇᖕᒥᓂᖅ ᐊᑦᑕᓇᖅᑐᒦᑦᑕᐃᓕᒪᓂᕐᒧᑦ,” ᐅᖃᓚᐅᖅᐳᑦ.

ᕙᐃᔭᑦ ᐊᒻᒪ ᓯᑏᕙᓐᓴᓐ ᐅᖃᓚᐅᖅᐳᑦ ᐱᓕᕆᓯᒪᒋᕗᑦ ᐱᑎᑦᑎᑦᑕᐃᓕᒪᓂᕐᒧᑦ ᐃᓄᖕᓂ – ᐊᒥᓱᓂ ᖃᓄᐃᓐᓂᐅᔪᓂ ᒪᒃᑯᒃᑐᓂᑦ ᑎᓴᒪᓕᖕᓄᑦ – ᖃᐅᔨᒪᔭᐅᓯᒪᔪᓄᑦ ᑕᐸᓱᖕᓂᕐᒧᑦ ᒪᓕᒐᕋᓛᓕᕆᔨᓂᑦ ᐊᒻᒪᓘᓐᓃᑦ ᒪᓕᒃᓴᖅᑕᐅᔪᒪᕙᒃᖢᑎᒃ.

ᑕᒪᒃᑭᑦ ᐳᕿᖅᑕᓕᒃᑯᑦ ᐊᒻᒪ ᒪᓕᒐᕋᓛᓕᕆᔩᑦ ᑕᐃᒪᐃᑦᑕᐃᓕᒪᓯᒪᕗᑦ ᐅᓗᕆᐊᓇᕐᓂᖓᓄᑦ ᐱᕐᕈᓗᐊᕿᑎᑦᑎᑐᐃᓐᓇᕆᐊᖃᕐᓂᕐᒧᑦ.

ᑭᓯᐊᓂ, ᐱᔪᓐᓇᕐᓂᖃᖅᐳᑦ ᐃᖅᑲᖅᑐᒐᒃᓴᙳᖅᑎᑦᑎᔪᓐᓇᖅᐳᑦ ᑭᖑᓂᒃᑲᓐᓂᐊᒍᑦ ᐅᓪᓗᕐᒥ.

ᓄᓇᓕᐅᔪᒥ ᐃᒪᓐᓇ ᐃᓄᒋᐊᒃᑎᒋᔪᒥ ᐊᔪᕐᓇᒐᔪᙱᓚᖅ ᑭᓇᐅᓂᖓᓂ ᓇᓗᓇᐃᖅᓯᓂᖓᓄᑦ ᑕᐃᓐᓇᑦᑕᐃᓐᓇᖅ ᐃᓄᖕᒥ ᐃᓕᖕᓂ ᕿᒫᓚᐅᖅᑐᒥ,” ᐅᖃᓚᐅᖅᐳᑦ ᓯᑏᕙᓐᓴᓐ.

ᐳᕿᖅᑕᓕᒃᑯᑦ ᒫᓐᓇᓕᓴᒥ ᐱᕋᔭᖕᓂᐅᔪᑎᒍᑦ ᐃᖅᑲᖅᑐᒐᒃᓴᙳᖅᑎᑦᑎᓚᐅᖅᐳᑦ ᐃᖏᕐᕋᔨᐅᔪᒥ ᕿᒫᓂᕐᒧᑦ ᐳᑭᖅᑕᓕᒃᑯᓐᓂ. ᓯᑏᕙᓐᓴᓐ ᐅᖃᓚᐅᖅᐳᑦ ᐊᓯᖓᓂ ᐅᓗᕆᐊᓇᕐᓂᖓᓂ ᐃᓚᐅᔪᒥ ᕿᒫᓂᕐᒧᑦ ᐱᓕᕆᔨᐅᔪᓄᑦ, ᐃᖅᑲᖅᑐᖅᑕᐅᓂᖓᓄᑦ ᐊᖏᒡᓕᒋᐊᖅᐳᖅ ᐱᒻᒪᕆᐅᓂᖓᓄᑦ.

ᐃᖏᕐᕋᓂᕐᒧᑦ ᓱᕋᐃᓂᐅᔪᓐᓃᖅᖢᓂ ᕿᒫᓂᙳᖅᐳᖅ ᐳᑭᖅᑕᓕᖕᓂᑦ,” ᐅᖃᓚᐅᖅᐳᑦ.