ᓱᕈᓯᐅᓪᓗᓂ, ᔫᑎ ᐅᐃᓪᓴᓐ-ᕋᐃᐴᓪᑦ ᐃᓱᒪᕙᓚᐅᖅᓯᒪᕗᖅ ᑲᓇᑕᒥ ᐊᖓᔪᖅᑳᕐᔪᐊᖑᓂᕐᒥ. ᐱᔪᒪᓂᕐᔪᐊᖑᓂᐅᓪᓗᓂ ᑭᓇᑐᐃᓐᓇᒧᑦ ᑲᓇᑕᒥᐅᑕᐅᔪᒧᑦ, ᑭᓯᐊᓂ ᐊᔪᕐᓇᕐᓂᖅᓴᒻᒪᕆᐅᓪᓗᓂ ᑎᑭᐅᑎᓂᕐᒧᑦ ᓄᓇᖃᖅᑳᖅᓯᒪᔪᒧᑦ ᐃᓄᖕᒧᑦ ᑲᓇᑕᒥ. ᐅᐃᓪᓴᓐ-ᕋᐃᐴᓪᑦ ᖃᓂᕐᓕᐸᓗᓚᐅᖅᐳᖅ, ᐱᓪᓗᓂ ᐊᑕᐅᓯᐅᔪᒥ ᑲᓇᑕᐅᑉ ᐊᔪᙱᕐᔪᐊᕐᓂᐅᔪᓂ ᐃᒃᓯᕙᐅᑕᖓᓐᓂ ᒪᓕᒐᓕᕆᓂᕐᒧᑦ ᒥᓂᔅᑕᐅᓂᖓᓄᑦ ᐊᒻᒪ ᒪᓕᒐᓕᕆᔨᕐᔪᐊᖑᓂᕐᒧᑦ ᑲᓇᑕᒥ 2015-ᒥ ᓂᕈᐊᕐᓂᐅᓚᐅᖅᑐᒥ ᔭᔅᑕᓐ ᑐᕉᑑ ᓕᐳᕈᒃᑯᓐᓄᑦ.
ᐱᔪᒪᓯᒪᔭᖓᓂ ᑲᓇᑕᒥ ᐊᖓᔪᖅᑳᕐᔪᐊᖑᓂᕐᒥ ᐱᔪᒥᓇᙱᓐᓂᖅᓴᐅᓕᕆᕗᖅ ᒫᓐᓇᐅᓕᖅᑐᒥ, ᑭᓯᐊᓂ ᐱᕕᒃᓴᖃᕐᔪᐊᖅᐳᖅ ᓱᓕ ᐲᖅᓯᓂᖓᓂ ᑐᕉᑑᑉ ᐱᔪᒪᓂᕆᔭᖏᓐᓂ ᓂᕈᐊᖅᑕᐅᒃᑲᓐᓂᕐᓂᕐᒧᑦ ᐅᒃᑐᐱᕆᒥ.
ᓈᓚᒃᓯᒪᓐᓂᖏᒃᑯᕕᑦ, ᐅᐃᓪᓴᓐ-ᕋᐃᐴᓪᑦ ᑕᑯᒃᓴᐅᔪᒦᓯᒪᕗᖅ ᐃᓱᒪᓕᐊᖓᓄᑦ ᐱᓇᓱᐊᕐᓂᖓᓄᑦ ᐃᖅᑲᖅᑐᐃᓂᕐᒧᑦ ᐊᑭᕋᖅᑐᖅᖢᓂ ᓄᓇᓖᑦ ᐊᑐᖅᐸᒃᑕᖏᓐᓂ ᐊᐅᓚᔪᓐᓇᖁᓪᓗᒋᑦ ᑳᓐᑐᕌᒃᑎᐅᔪᒥ SNC-ᓛᕙᓕᓐᒥ ᐸᓴᒋᔭᐅᓂᖓᓂ ᓴᖑᑎᑦᑎᓇᓱᐊᕐᓂᖓᓂ ᑮᓇᐅᔭᑎᒍᑦ ᒧᐊᒪᐅᕐ ᒐᑖᕕᐅᑉ ᐱᓕᕆᕝᕕᖓᓂ ᓄᓇᓖᑦ ᐊᑐᖅᐸᒃᑕᖏᓐᓂ ᐊᐅᓚᔪᓐᓇᖁᓪᓗᒋᑦ ᑳᓐᑐᕌᒃᑖᕐᓂᕐᒧᑦ ᐱᕋᔭᐅᔪᓂ ᓕᑉᔭᓐ ᒐᕙᒪᖓᓐᓂ. ᐸᓯᔭᒃᓴᐅᒍᓂ, ᑲᒻᐸᓂᐅᔪᖅ ᐱᔪᓐᓇᐃᔾᔨᑎᑕᐅᓇᔭᖅᐳᖅ ᒐᕙᒪᑐᖃᒃᑯᓐᓂ ᑳᓐᑐᕌᖑᔪᓂ ᑎᑭᐅᒪᔪᒧᑦ ᐊᕐᕌᒍᓄᑦ 10-ᓄᑦ.
ᐊᓯᐊᒎᕐᓂᖓ ᓄᑖᖑᓪᓗᓂ ᒪᓕᒐᖅᑎᒍᑦ ᐊᐅᓚᓂᐅᔪᒥ ᒪᒃᓚᐃᓐ ᐅᖃᓕᒫᒐᖓᑕ ᑖᒻ ᐹᑭᓐ ᐅᒃᐱᕆᔭᖓᓂ ᓴᓇᔭᐅᓯᒪᓚᐅᕐᓂᖓᓂ ᑐᕌᖓᓂᖃᖅᖢᓂ SNC-ᓛᕙᓕᓐᒧᑦ: ᐅᑎᖅᑎᕆᓂᐅᔪᒥ ᐊᖏᕈᑎ ᑕᑯᓇᔭᖅᑐᒥ ᑲᒻᐸᓂᐅᔪᒥ ᐊᑭᓖᓂᖏᓐᓂ ᐊᖏᐸᓗᒃᑐᒥ ᓱᒋᐊᖅᑕᐅᓂᖓᓄᑦ ᐊᒻᒪ ᐅᑎᖅᑎᕆᓗᓂ ᐱᕋᔭᒃᑕᐅᔪᓄᑦ ᐸᓯᔭᐅᔪᒥ ᐱᕋᔭᖕᓂᐅᔪᓂᑦ, ᑭᓯᐊᓂ ᐃᓕᓯᒪᐃᓐᓇᕐᓗᓂ ᐱᒻᒪᕆᐅᒋᔭᐅᔪᒥ ᑳᓐᑐᕌᒃᑕᐅᓂᕐᓄᑦ ᑎᑎᕋᖅᓯᒪᓂᐅᔪᓄᑦ.
ᕿᓚᒻᒥᐅᔪᒥ ᐃᓱᒪᓕᐅᕆᓚᐅᖅᑕᖓᓂ, ᐅᐃᓪᓴᓐ-ᕋᐃᐴᓪᑦ ᓴᖑᑎᑕᐅᓚᐅᖅᐳᖅ ᐱᓕᕆᐊᒃᓴᖅᑎᑕᐅᖔᓚᐅᖅᐳᖅ ᐅᓇᑕᖅᑐᒃᓴᕕᓂᐅᔪᓄᑦ ᐱᓕᕆᓂᐅᔪᓄᑦ, ᐃᓱᒪᒋᓇᒍ ᐱᐅᓂᖓᓂ ᐃᓱᒪᒋᔭᐅᓂᖃᖅᐳᖅ ᐋᑐᕚᒥ ᑲᑎᒪᔨᕐᔪᐊᖑᓂᕐᒥ ᐊᒃᓱᕈᖅᑎᑕᐅᓂᐅᔪᒥ. ᕿᓚᒻᒥᐅᔪᒥ ᒪᓕᒃᑐᒥ, ᓄᖅᑲᓚᐅᖅᐳᖅ ᒐᕙᒪᒃᑯᑦ ᐊᐅᓚᑦᑎᔨᒻᒪᕆᖕᓄᑦ.
ᐱᓕᕆᓂᐅᔪᖅ ᐅᐃᔾᔮᕐᓂᖃᖅᑎᓪᓗᒍ ᐱᓂᕐᓗᖕᓂᐅᔪᒧᑦ, ᐊᐱᖅᑯᑎ ᐃᒪᐃᓕᖓᓕᖅᐳᖅ: ᖃᓄᖅ ᑕᒪᓐᓇ ᐊᑑᑎᖃᖅᐸ ᓄᓇᕗᒻᒥᐅᓄᑦ?
ᐊᑕᐅᓯᐅᔪᒥ, ᐱᓕᕆᓂᐅᔪᖅ ᓴᖅᑭᑎᑦᑎᕗᖅ ᖃᓄᖅ ᒐᕙᒪᑐᖃᒃᑯᓐᓂᑲᑎᒪᔨᕐᔪᐊᖑᔪᑦ ᐃᒃᓯᓐᓇᖅᓰᓐᓇᐅᔭᖅᐳᑦ ᓄᓇᖃᖅᑳᖅᓯᒪᔪᓂ ᐃᓄᖕᓂ, ᐅᕙᓂ ᐱᓕᕆᐊᖑᔪᒥ ᐃᑲᔪᖅᑐᐃᓂᐅᔪᒥ ᑯᐸᐃᖕᒥ ᓂᕈᐊᖅᑎᐅᔪᓂᑦ – SNC-ᓛᕙᓕᓐ ᑯᐸᐃᖕᒥ ᑲᒻᐸᓂᐅᕗᖅ ᐊᒻᒪ ᐊᖏᐸᓗᒃᖢᓂ ᐃᖅᑲᓇᐃᔭᖅᑎᑦᑎᔨᐅᕗᖅ ᑕᐃᑲᓂ ᑲᓇᑕᒥ ᐊᕕᒃᑐᖅᓯᒪᓂᐅᔪᒥ. ᒐᕙᒪᒃᑯᑦ ᐊᐅᓚᑦᑎᔨᒻᒪᕆᖏᑦ ᐊᑦᑎᒃᓯᕆᐊᖅᓯᔪᓂ ᐅᐃᓪᓴᓐ-ᕋᐃᐴᓪᑦᒥ ᐸᒡᕕᓵᕆᓚᐅᕆᕗᑦ ᐃᖏᕐᕋᓂᐅᔪᒥ ᓄᓇᖃᖅᑳᖅᓯᒪᔪᓄᑦ ᐱᔨᑦᑎᕋᕐᓂᐅᔪᒥ, ᒥᓂᔅᑕ ᔭᐃᓐ ᕕᐅᓪᐹᑦ ᖁᕝᕙᕆᐊᖅᑎᑕᐅᑎᓪᓗᒍ ᑮᓇᐅᔭᓕᕆᔨᐅᔪᓄᑦ ᑲᑎᒪᔨᖏᓐᓄᑦ ᐃᒃᓯᕙᐅᑕᖓᓄᑦ ᐃᓄᖃᕈᓐᓃᖅᑐᒧᑦ ᔅᑳᑦ ᐳᕆᓴᓐᒧᑦ. ᓯᐊᒻᒪᖅᑎᑦᑎᔨᑦ ᐅᓂᒃᑳᕆᕗᑦ ᑕᐃᒪᐃᓐᓂᕋᐃᔪᒥ ᐅᐃᓪᓴᓐ-ᕋᐃᐴᓪᑦ ᐊᑐᐃᓐᓇᖃᖅᑎᑕᐅᓚᐅᕐᓂᖓᓂ ᓄᓇᖃᖅᑳᖅᓯᒪᔪᓄᑦ ᐱᔨᑦᑎᕋᕐᓂᐅᔪᒥ ᐊᒻᒪ ᐊᖏᓚᐅᙱᓚᖅ.
ᒪᕐᕈᖓᓂ, ᖃᓄᐃᓐᓂᐅᔪᖅ ᒪᑐᐃᖅᓯᕗᖅ ᐹᖓᓐᓂ ᑲᓐᓲᕕᑎᒃᑯᓐᓂ ᒐᕙᒪᐅᔪᓂ ᑐᕌᖅᑎᑕᐅᓂᖃᖅᑐᒥ ᐋᓐᑐᕉ ᓯᐅᕐᒧᑦ. ᑕᒪᒃᑭᓄᑦ ᐅᓂᒃᑳᓕᐊᖑᔪᓄᑦ, ᓯᑏᕙᓐ ᕼᐋᐳᕐ ᐊᕐᕌᒍᓄᑦ-10-ᓄᑦ ᑲᓇᑕᐅᑉ ᐊᖓᔪᖅᑲᕐᔪᐊᖑᓚᐅᕐᓂᖓᓂ ᕿᒪᐃᓚᐅᖅᐳᖅ ᓄᓇᖃᖅᑳᖅᓯᒪᔪᓂ ᐃᓄᖕᓂ ᐱᔪᒪᓂᕐᒥ, ᐊᒻᒪ ᓯᐅᕐ ᐅᖃᕈᒪᙱᑦᑎᐊᖅᐳᖅ ᖃᓄᖅ ᐱᓕᕆᓂᕆᓂᐊᖅᑕᖓ ᐊᔾᔨᐅᙱᑦᑑᓂᐊᕐᓂᖓᓂ. ᑭᓯᐊᓂ ᒫᓐᓇᓕᓴᐅᔪᒥ, ᓕᐳᕈᒃᑯᑦ ᐱᓕᕆᑦᑎᐊᕐᓂᖃᓚᐅᖅᐳᖅ ᐋᖅᑭᒃᓱᐃᓂᕐᒥ ᐱᓕᕆᖃᑎᖃᕐᓂᐅᔪᒥ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ NDP ᓯᕗᓕᐅᖅᑎᖓ ᔭᒡᒦᑦ ᓯᖕ ᑕᐃᓯᒻᒪᕆᓚᐅᖅᐳᖅ ᑐᕉᑑᒥ ᐊᕐᕌᒎᔪᓂ "ᓯᕿᓐᓂᕐᓂᐅᔪᒥ ᓂᕆᐅᖕᓂᕐᒧᑦ".
ᐱᖓᔪᖓᓐᓂ, ᑕᑯᒃᓴᐅᑎᑕᐅᖏᓐᓇᖅᑐᒥ ᐅᐃᓪᓴᓐ-ᕋᐃᐴᓪᑦᒥ ᑕᑯᒃᓴᐅᑎᑦᑎᕗᖅ ᒐᕙᒪᑐᖃᒃᑯᓐᓂ ᑲᑎᒪᔨᕐᔪᐊᖑᔪᓄᑦ ᒥᑭᓐᓂᖅᓴᐅᑎᑦᑎᓇᓱᐊᓪᓗᐊᓚᐅᙱᓚᑦ ᓄᓇᖃᖅᑳᖅᓯᒪᔪᓄᑦ ᐃᓄᖕᓂᑦ. ᐱᑕᖃᙱᓗᐊᕐᓂᖓᓂ ᑕᑯᒃᓴᐅᓂᖓᓂ ᕿᒪᐃᓂᖓᓂ ᒪᓕᒐᓕᕆᔨᕐᔪᐊᖑᓂᕐᒧᑦ ᑲᓇᑕᒥ ᑎᑎᕋᕐᕕᖓᓂ ᓄᕗᔭᐅᓂᐊᓕᖅᐳᖅ ᖁᓕᖓᓐᓂ ᑐᕉᑑᑉ ᒐᕙᒪᖓᓐᓄᑦ ᐊᑯᓂᐅᓂᐅᔪᒥ ᐅᐃᓪᓴᓐ-ᕋᐃᐴᓪᑦᒥ ᑕᐃᔅᒪᓂᐅᓚᐅᖅᑐᓂ ᓄᓇᖃᖅᑳᖅᓯᒪᔪᒧᑦ ᐊᕐᓇᒧᑦ ᑲᑕᒃᑎᑦᑎᓚᐅᖅᑐᒥ ᒐᕙᒪᐅᔪᒥ.
ᐊᒃᓱᕈᓚᐅᙱᒃᑯᓂ ᐊᒻᒪ ᐃᑲᔪᖅᓯᖅᑕᐅᓂᖓᓂ ᐊᓯᖏᓐᓂ ᓄᓇᖃᖅᑳᖅᓯᒪᔪᓄᑦ ᑲᓇᑕᒥᐅᑕᓄᑦ, ᓂᐱᖃᙱᓪᓗᓂ ᐃᒃᓯᕚᕋᔭᖅᐳᖅ ᐅᓇᑕᖅᑐᒃᓴᕕᓂᐅᔪᓄᑦ ᐱᓕᕆᓂᐅᔪᓄᑦ. ᑭᓯᐊᓂᖔᖅ, ᑕᐅᑐᒃᐳᒍᑦ ᒐᕙᒪᒃᑯᑦ ᐊᐅᓚᑦᑎᔨᒻᒪᕆᖏᓐᓂ ᓄᖅᑲᕐᓂᕐᒧᑦ ᑎᑎᖅᑲᖓᓂ ᐊᒻᒪ ᑐᕌᒐᕆᔭᖓᓂ ᓇᖏᖅᓯᒪᓂᕐᒧᑦ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ ᐊᒻᒪᓗ "ᓇᓗᓇᐃᖅᓯᓂᕐᒧᑦ ᓂᐱᒐ ᑐᓴᖅᑕᐅᓂᖓᓂ."
ᒫᓐᓇᐅᔪᒥ, ᓂᐱᐅᔪᖅ ᓂᐱᖃᙱᓚᖅ, ᓂᐸᖏᖅᑎᑕᐅᔪᒥ ᐱᔾᔪᑎᖃᖅᑐᒥ ᑭᒡᒐᖅᑐᐃᔨᐅᔪᒃᒧᑦ-ᐱᓕᕆᔾᔪᔾᔭᐅᔪᒧᑦ ᐱᔪᓐᓇᕐᓂᐅᔪᒥ.
ᓱᔪᐃᙱᓐᓂᖅᓴᐅᓪᓗᓂ (ᕉᑑᒥ:ᐅᐃᓪᓴᓐ-ᕋᐃᐴᓪᑦ ᐅᖃᓪᓚᒍᓐᓇᖅᑎᑕᐅᓗᓂ ᐅᕝᕙᓘᓐᓃᑦ ᓂᐱᖃᙱᑎᑕᐅᓗᓂ?
ᐊᒻᒪ ᐅᒡᒍᐊᕐᓂᐊᖅᐸ ᓂᕈᐊᖅᓯᒪᔭᖓᓂ ᐊᖅᑯᑎᖓᓂ, ᐱᑎᑦᑎᒍᓂ ᓂᕈᐊᕐᓂᐅᔪᒥ ᒐᕙᒪᐅᔪᒥ ᑐᕌᖓᓂᖃᙱᑦᑐᒥ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ?
ᖃᐅᔨᓛᖅᐳᒍᑦ ᐅᒃᑐᐱᕆᒥ.