Skip to content

ᐅᓐᓄᒃ ᐃᖅᑲᐅᒪᒐᒃᓴᐅᓂᐊᖅᑐᖅ

ᑐᔪᒥᕕᒃ Frobisher Inn ᐃᒡᓗᕈᓯᕐᓂᒃ ᐋᖅᑭᒃᓱᐃᕗᑦ ᑕᐃᑲᓂ ᐃᒡᓗᕈᓯᕐᒥ  Koojesse Ballroomᒥ ᓱᕈᓯᕐᓄᑦ ᒪᒃᑯᒃᑐᓄᓪᓗ ᐃᖃᓗᐃᓂ.

ᐃᓄᐊᖏᒃᑲᓗᐊᖅᑎᓪᓗᒍ ᑕᐃᒪᓐᓇᐃᓐᓇᓱᒋᑦᑕᐃᓕᓂᐊᖅᐸᐃᑦ − ᑖᓐᓇ ᐱᔨᑲᑖᒃ ᑭᒻ ᑳᑉᐳ, ᓴᐅᒥᐊᓂ, ᐊᒻᒪ ᓯᕖᓐ ᑮᓐᔅ, ᐊᒻᒪ ᐊᓯᖏᓪᓗ ᕗᕈᐱᓱ ᐃᓐᒥ ᐃᖅᑲᓇᐃᔭᖅᑎᑦ ᐊᑭᓕᖅᑐᖅᑕᐅᖏᑦᖢᑎᒃ ᐊᓐᓄᕌᕐᓗᖕᓇᐅᓂᐊᖅᑐᒥ ᑕᐃᑲᓂ ᓂᕆᕕᒃ ᐋᖅᑭᒃᓱᖅᑕᐅᓚᐅᖅᐳᖅ Koojesse Ballroom ᑲᑉᐱᐊᓇᖅᑐᓂᒃ ᐃᓕᐅᖃᐃᕕᐅᓪᓗᓂ, ᑕᐃᑲᓂ ᖃᓄᑐᐃᓐᓇᖅ ᐊᕐᕌᒍᖃᖅᑐᑦ ᒪᒃᑯᒃᑐᑦ ᐃᖃᓗᖕᒥᐅᑦ ᐊᓐᓄᕌᕐᓗᖕᓇᐅᑎᓪᓗᒍ ᑕᐃᑯᖓᐅᒍᓐᓇᕐᓂᐊᖅᐳᖅ.

“ᓱᕈᓯᕐᓄᑦ ᐅᐸᒃᑕᐅᖃᑦᑕᖅᑐᑎᑐᑦ ᐋᖅᑭᒃᓱᕐᓂᐊᖅᐸᕗᑦ, ᐃᓯᕈᓐᓇᖁᓪᓗᒋᑦ ᓱᕈᓯᑦ ... ᑲᑉᐱᐊᓇᖅᑐᖑᐊᖃᖅᑐᓂᒃ ᐱᑕᖃᕐᓂᐊᖅᐳᖅ ᐱᓐᖑᐊᖅᑕᐅᔪᓐᓇᖅᑐᓂᒡᓗ ᖁᕕᐊᓇᖅᑐᓂᒃ ᑲᑉᐱᐊᓇᖑᐊᕐᓗᑎᒃ,” ᐅᖃᓚᐅᖅᐳᖅ ᓯᑎᕕᓐ ᑮᓐᔅ.

“ᖃᓄᐃᓕᐅᕈᑎᒃᓴᖃᖅᑎᓐᓂᐊᖅᐸᕗᑦ,” ᐅᖃᓚᐅᖅᐳᖅ ᑭᒻ ᑳᑉᐳ, ᐅᖃᐅᓯᖃᓚᐅᖅᖢᓂᓗ ᐃᒫᓃᑦᑐᓂᒃ ᐋᐳᓂᒃ ᑮᓯᓇᓱᐊᖃᑦᑕᕐᓂᐊᕐᓂᖏᓐᓄᑦ.

ᑮᓐᔅ ᐅᖃᓚᐅᖅᖢᓂ ᑕᐃᒪᓐᓇ ᓱᕈᓯᑦ ᐊᓐᓄᕌᕐᓗᖕᓇᐅᑎᓪᓗᒍ ᖃᓄᐃᓕᐅᖅᑎᑕᐅᔪᓐᓇᕐᓂᐊᕐᒪᑕ.

“ᕿᐅᓂᐊᖏᑦᖢᑎᒃ, ᐅᓗᕆᐊᓇᖅᑐᒦᓐᓂᐊᖏᑦᖢᑎᒡᓗ ᐃᒡᓗᑉ ᐃᓗᐊᓃᓐᓂᐊᕐᒪᑕ,” ᐅᖃᓚᐅᖅᐳᖅ. 'ᑕᐃᒪᓐᓇ ᖃᓄᐃᓕᐅᕈᑎᒃᓴᖃᖅᑎᑕᐅᓂᐊᕐᒪᑕ ᐊᔾᔨᐅᖏᑦᑐᒥᒃ ᓂᕈᐊᕈᓐᓇᖅᑕᒥᓂᒃ. ᐊᖓᔪᖄᕆᔭᐅᔪᑦ ᖃᐅᔨᓴᐃᓐᓇᕆᐊᖃᕐᓂᐊᖏᒻᒪᑕ, ᑕᐃᒪᓐᓇ ᖃᐅᔨᒪᓂᐊᕐᒪᑕ ᓇᓃᓐᓂᖏᓐᓄᑦ ᓱᕈᓯᖏᑦ ᑕᐃᒪᓐᓇ ᐃᖅᑲᓇᐃᔭᖅᑎᑦᑎᓐᓄᑦ ᑲᒪᒋᔭᐅᓂᐊᖅᖢᑎᒃ,” ᐅᖃᓚᐅᖅᐳᖅ.

“ᐱᓗᐊᖅᑐᒥᒃ ᖃᐅᔨᒪᖏᓐᓇᑦᑕ ᖃᓄᐃᓕᖓᓂᐊᕐᓂᖓᓄᑦ ᓯᓚ ᑕᒡᕙᓂ ᐅᓐᓄᖕᒥ.”

ᓲᕐᓗ ᐆᒃᑑᑎᒋᓗᒍ, ᐊᕐᕌᓂ ᓂᒡᓕᓇᕐᓂᖃᓚᖅᐳᖅ ᐃᒃᑮᕐᓇᓗᐊᖏᑦᖢᓂ −4, ᑭᓯᐊᓂ ᐊᕐᕌᓂᒃᑲᓐᓂᐅᓚᐅᖅᓯᒪᔪᒥ ᓂᒡᓕᓇᕐᓂᖃᓚᐅᖅᐳᖅ −16.

“ᖃᓄᐃᓕᐅᕈᒪᓚᐅᕋᑦᑕ ᓄᓇᓕᖕᓂᒥᐅᑦ ᐃᑲᔪᕈᒪᓪᓗᒋᑦ. ᑮᓇᐅᔭᓂᒃ ᐱᕈᖅᓴᐃᒍᑕᐅᓂᐊᖅᐳᖅ,” ᐅᖃᓚᐅᖅᐳᖅ ᑮᓐᔅ, ᐅᖃᓚᐅᖅᖢᓂᓗ ᑕᒪᕐᒥᒃ ᐃᓄᐃᑦ ᐊᑭᓖᒋᐊᖃᕐᓂᐊᖏᑉᐳᑦ.

ᐊᐅᓚᑦᓯᔨᖓᑦ ᑯᕆᔅ ᒪᓐᑎᐅᕋ ᖃᓄᐃᓕᐅᕈᑕᐅᓂᐊᖅᑐᓂᒃ ᑮᓇᐅᔭᓂᒃ ᐱᕈᖅᓴᐃᓇᓱᐊᕐᓗᑎᒃ ᐱᓕᕆᐊᖃᖅᐳᖅ ᐅᓐᓄᒃᑰᓂᐊᖅᑐᒥ, ᑕᐃᒪ ᑭᒃᑰᓂᐊᕐᓂᖏᓐᓄᑦ ᑮᓇᐅᔭᖅᑖᕐᓂᐊᖅᑐᑦ ᖃᐅᔨᒪᖏᑉᐳᑦ ᓱᓕ.

ᐃᖅᑲᓇᐃᔭᖅᑎᑦ  The Frob Kitchen and Eatery, ᐊᒻᒪᓗ Storehouse Bar and Grill ᐊᒻᒪ ᓴᓗᒻᒪᖅᓴᐃᔨᑦ ᐊᑭᓕᖅᑐᖅᑕᐅᖏᑦᖢᑎᒃ ᐱᓕᕆᖃᑕᐅᓂᐊᖅᐳᑦ ᖃᓄᐃᓕᐅᕈᑕᐅᓂᐊᖅᑐᒥ ᐊᒻᒪ ᑳᑉᐳ ᐅᖃᓚᐅᖅᐳᖅ ᐃᓱᒪᒃᓴᖅᓯᐅᕐᓂᐊᖅᐳᑦ ᐃᒻᒪᖄ 6 ᐅᕙᓘᓐᓃᑦ 8 'ᐃᒡᓗᕈᓯᑦ': ᑕᒪᒃᑯᐊ ᐃᓂᒃᓴᕆᔭᐅᓂᐊᕐᓗᑎᒃ ᓱᕈᓯᓄᑦ ᐸᒃᑭᓂᒃ ᓴᓇᖑᐊᕈᓐᓇᕐᕕᐅᓂᐊᕐᓗᓂ; ᐊᒻᒪ ᑐᖁᖓᔪᖅᑕᖃᖑᐊᕐᓗᓂ ᐃᒡᓗᑕᒥ ᖃᕆᓴᖑᐊᖅᑕᖃᕐᓗᓂᓗ ᐃᔨᖑᐊᖅᑕᖃᕐᓗᓂᓗ, ᐊᒻᒪ ᐃᖅᑲᓇᐃᔭᖅᑎᑦ ᓘᑦᑕᖑᐊᖑᓂᐊᖅᐳᑦ; ᐱᑕᖃᕐᓗᓂᓗ ᑐᖁᖓᔪᓂᒃ; ᕿᑐᖓᖑᐊᖅᑕᖃᕐᓗᓂᓗ ᐱᐅᖏᑦᑐᓂᒃ; ᑐᕆ ᐅ ᑐᕇᑦᕕᖃᕐᓗᓂᓗ; ᐊᓯᖏᓪᓗ; ᑲᓚᐅᓐ; ᐊᒻᒪ ᖃᒥᖔᖅᑐᒥᒃ ᑖᖅᑐᒥ ᐃᑯᒪᔪᖃᕐᓗᓂ ᑕᑯᒃᓴᐅᑦᓯᐊᖏᑦᑐᒥᒃ.

“ᐅᖃᓪᓚᒃᐸᓪᓕᐊᓪᓗᑕ, ᐱᕈᖅᐸᓪᓕᐊᑐᐃᓐᓇᖅᐳᑦ ᖃᓄᐃᓕᐅᕈᑎᒋᒍᒪᔭᖅᐳᑦ,” ᐅᖃᓚᐅᖅᐳᖅ ᑮᓐᔅ. “ᑕᐃᒪᓐᓇ ᐊᑕᐅᓯᕐᒥ ᐃᒡᓗᑕᕐᒥ ᐊᕕᒃᓯᒪᒍᑎᖃᖁᔨᕗᒍᑦ ᐊᑐᓂ ᐊᔾᔨᐅᖏᑦᑐᒥᒃ ᐱᑕᖃᕐᓗᑎᒃ, ᐃᓱᒪᓪᓗᑕ ᐅᖃᓪᓚᒃᓱᑕᓗ ᐊᒥᓱᖑᖅᐸᓪᓕᐊᕗᑦ ᐃᓄᐃᑦ ᐃᓚᐅᓂᐊᖅᑐᑦ, ᐊᖏᒡᓕᕙᓪᓕᐊᑐᐃᓐᓇᖅᖢᓂᓗ.”

ᐊᑕᐅᓯᖅ ᐃᖅᑲᓇᐃᔭᖅᑎ ᖃᐅᔨᒪᓪᓚᕆᒃᐳᖅ ᑎᑎᖅᑐᕋᕐᓂᕐᒥᒃ ᐃᓕᓐᓂᐊᖅᓯᒪᓪᓚᕆᒃᓱᓂ, ᐃᑲᔪᕐᓂᐊᖅᐳᕐᓗ