Skip to content

ᐊᑐᐃᓐᓇᖃᕐᓂᕐᒥ ᒪᓕᒐᓕᕆᓂᕐᒧᑦ ᐱᓕᕆᓂᐅᓇᓱᐊᖅᑐᒥ ᐱᒋᐊᖅᐳᖅ ᓄᓇᕗᒻᒥ

ᓄᓇᕐᔪᐊᒥ ᐊᕐᓇᓄᑦ ᐅᓪᓗᖓᓂ, ᒫᔾᔨ 8−ᒥ, ᒪᓕᒐᓕᕆᔨᒃᑯᑦ ᑲᑐᔾᔨᖃᑎᒌᖏᑦ ᓄᓇᕗᒻᒥ ᐱᓕᕆᖃᑎᖃᖅᖢᑎᒃ ᐸᐅᒃᑑᑎᑦ ᐃᓄᖕᓄᑦ ᐊᕐᓇᓄᑦ ᑲᓇᑕᒥ ᐱᒋᐊᖅᑎᑦᑎᓚᐅᖅᐳᑦ ᐊᑐᐃᓐᓇᖃᕐᓂᕐᒥ ᒪᓕᒐᓕᕆᓂᕐᒧᑦ ᐃᓚᒌᓄᑦ ᐋᓐᓂᖅᓯᕆᓂᐅᔪᒥ ᐱᑎᑦᑎᑦᑕᐃᓕᒪᓂᕐᒧᑦ ᐃᓄᓕᒫᓄᑦ ᐅᔾᔨᕈᓱᖕᓂᐅᔪᒥ ᐱᓕᕆᓂᐅᓇᓱᐊᖅᑐᒥ ᐋᔅᑐᕉ ᑕᕐᕆᔭᕐᕕᖓᓂ ᐃᖃᓗᖕᓂ. ᑐᕌᒐᒃᓴᖓ ᓴᓇᓂᕐᒧᑦ ᑐᑭᓯᐅᒪᑦᑎᐊᕐᓂᖅᓴᐅᔪᒥ ᒪᓕᒐᓄᑦ ᐊᒡᕕᐊᕈᑕᐅᕙᒃᑐᓄᑦ ᓵᙵᔭᐅᔪᓂ ᐃᓄᖕᓂ ᐊᕐᓇᓄᑦ ᐱᓕᕆᓂᖃᖅᑐᓂ ᐃᓚᒌᖑᔪᓄᑦ ᐋᓐᓂᖅᓯᕆᓂᐅᔪᓂ ᐊᒻᒪᓗ ᐱᔭᕆᐊᖃᕐᓂᖏᓐᓂ.
1503LawSocietyT3
Nunavut's Minister of Family Services Elisapee Sheutiapik speaks during the Access to Justice campaign launch In Iqaluit, March 8. Trevor Wright/NNSL photo

ᓄᓇᕐᔪᐊᒥ ᐊᕐᓇᓄᑦ ᐅᓪᓗᖓᓂ, ᒫᔾᔨ 8−ᒥ, ᒪᓕᒐᓕᕆᔨᒃᑯᑦ ᑲᑐᔾᔨᖃᑎᒌᖏᑦ ᓄᓇᕗᒻᒥ ᐱᓕᕆᖃᑎᖃᖅᖢᑎᒃ ᐸᐅᒃᑑᑎᑦ ᐃᓄᖕᓄᑦ ᐊᕐᓇᓄᑦ ᑲᓇᑕᒥ ᐱᒋᐊᖅᑎᑦᑎᓚᐅᖅᐳᑦ ᐊᑐᐃᓐᓇᖃᕐᓂᕐᒥ ᒪᓕᒐᓕᕆᓂᕐᒧᑦ ᐃᓚᒌᓄᑦ ᐋᓐᓂᖅᓯᕆᓂᐅᔪᒥ ᐱᑎᑦᑎᑦᑕᐃᓕᒪᓂᕐᒧᑦ ᐃᓄᓕᒫᓄᑦ ᐅᔾᔨᕈᓱᖕᓂᐅᔪᒥ ᐱᓕᕆᓂᐅᓇᓱᐊᖅᑐᒥ ᐋᔅᑐᕉ ᑕᕐᕆᔭᕐᕕᖓᓂ ᐃᖃᓗᖕᓂ. ᑐᕌᒐᒃᓴᖓ ᓴᓇᓂᕐᒧᑦ ᑐᑭᓯᐅᒪᑦᑎᐊᕐᓂᖅᓴᐅᔪᒥ ᒪᓕᒐᓄᑦ ᐊᒡᕕᐊᕈᑕᐅᕙᒃᑐᓄᑦ ᓵᙵᔭᐅᔪᓂ ᐃᓄᖕᓂ ᐊᕐᓇᓄᑦ ᐱᓕᕆᓂᖃᖅᑐᓂ ᐃᓚᒌᖑᔪᓄᑦ ᐋᓐᓂᖅᓯᕆᓂᐅᔪᓂ ᐊᒻᒪᓗ ᐱᔭᕆᐊᖃᕐᓂᖏᓐᓂ.

ᖄᖏᖅᓯᒪᓕᖅᑐᓂ ᑕᖅᑭᓄᑦ ᑎᓴᒪᓄᑦ, ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ ᑲᑎᖅᓱᐃᓚᐅᖅᐳᑦ 38−ᓄᑦ ᐊᐱᖅᓱᖅᑕᐅᓂᐅᓚᐅᖅᑐᓂ ᓄᓇᕗᓕᒫᒥ ᐊᑐᓂ ᐃᓄᖕᓄᑦ ᐊᕐᓇᐅᔪᓂ, ᐃᑲᔪᕐᓂᕐᒧᑦ ᑐᑭᓯᓇᓱᐊᕐᓂᖏᓐᓂ ᐊᑐᖅᓯᒪᔭᖏᓐᓂ ᐊᒻᒪᓗ ᐅᖃᐅᔾᔨᓂᕐᒧᑦ ᐱᕙᓪᓕᐊᑎᑕᐅᓂᖓᓂ ᐆᒪᙵᑦ ᐅᔾᔨᕈᓱᖕᓂᐅᔪᒥ ᐱᓕᕆᓂᐅᓇᓱᐊᖅᑐᒥ.

RCMP V Division commanding officer Chief Supt. Amanda Jones, left, speaks at the launch of the campaign and is joined on stage by criminal operations officer and Supt. Marie-Claude Coté, federal serious and organized crime unit Sgt. Lisa Leith and family violence co-ordinator Cpl. Tammy Lobb. Trevor Wright/NNSL photo

ᐃᓅᖃᑎᒌᖑᔪᓄᑦ ᓯᐊᒻᒪᖅᑎᑦᑎᓂᐅᔪᒥ, ᓈᓚᐅᑎᒃᑯᑦ, ᑕᕐᕆᔭᓕᐊᖑᔪᒥ, ᑎᑎᕋᖅᑕᐅᓯᒪᔪᓂ ᐊᒻᒪᓗ ᖃᕋᓴᐅᔭᑎᒍᑦ ᓴᖅᑭᔮᖅᑎᑦᑎᓂᐅᔪᒥ ᐃᓚᒋᔭᐅᓂᐊᖅᐳᖅ ᐆᒥᖓ, ᐊᒻᒪᓗᑦᑕᐅᖅ ᒪᕐᕉᖕᓂ ᖃᕋᓴᐅᔭᑎᒍᑦ ᓂᐱᓕᐅᕆᓯᒪᔪᓂ ᐱᕙᓪᓕᐊᑎᑕᐅᕙᓪᓕᐊᔪᓂ ᓄᓇᕗᒻᒥ ᒐᕙᒪᒃᑯᓐᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ, ᑕᐅᑐᒃᑕᑐᐊᖃᑲᐃᓐᓇᖅᑐᒥ ᐃᓱᒪᒧᑦ ᐊᒻᒪ ᐊᐃᑉᐸᕇᓂᖕᒧᒃ ᖃᓄᐃᙱᑦᑎᐊᕐᓂᐅᔪᒥ.

ᔅᑏᕙᓐ ᔮᒃᓴᓐ, ᒥᓂᔅᑕᐅᑉ ᑐᒡᓕᐊᑕ ᐃᑲᔪᖅᑎᖓ ᐅᖃᓪᓚᒃᖢᓂ ᑭᒡᒐᖅᑐᐃᓪᓗᓂ ᓄᓇᕘᑉ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓᓂ ᓗᐊᓐ ᑯᓱᒐᕐᒥ ᐅᖃᓚᐅᖅᐳᖅ, “ᐅᓇ ᐱᓕᕆᓂᐅᓇᓱᐊᖅᑐᒥ ᐱᒻᒪᕆᐅᓪᓗᓂ ᐱᓕᕆᓂᐅᕗᖅ ᑐᕌᒐᒃᓴᐅᔪᒥ ᑭᐅᓂᕐᒥ ᓱᔪᐃᓂᐅᕙᒃᑐᓂ ᐃᓚᒌᓄᑦ ᐋᓐᓂᖅᓯᕆᓂᐅᔪᒥ ᐱᔾᔪᑕᐅᔪᓄᑦ ᓄᓇᕗᒻᒥᐅᓕᒫᓄᑦ.”

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓚᐅᖃᑕᐅᒋᕗᑦ ᐱᓕᕆᓂᐅᓇᓱᐊᖅᑐᒥ ᐅᖃᐅᔾᔨᔨᐅᔪᓄᑦ ᑲᑎᒪᔨᕋᓛᖏᓐᓂ ᒪᓕᒐᓕᕆᔨᒃᑯᑦ ᑲᑐᔾᔨᖃᑎᒌᖏᑦ ᓄᓇᕗᒻᒥ ᐊᐅᓚᑦᑎᔨᒻᒪᕆᖓ ᓇᓕᓂ ᕙᑕᐸᓕ ᐅᓂᒃᑳᕆᓚᐅᖅᑕᖓᓂ "ᐱᓪᓚᕆᐅᓂᖓᓂ ᐆᒧᖓ ᐱᓕᕆᐊᒃᓴᐅᔪᒧᑦ."

“(ᑕᑯᒃᓴᐅᑎᑦᑎᕗᖅ) ᐱᒻᒪᕆᐅᓂᖓᓂ ᑭᐅᓂᕐᒧᑦ ᐱᑦᑎᐊᙱᓐᓂᐅᔪᒥ ᐊᒻᒪᓗ ᐃᓚᒌᓄᑦ ᐋᓐᓂᖅᓯᕆᓂᐅᔪᒥ ᑕᒪᒃᑭᐅᒪᔪᒥ, ᑲᑎᒪᔨᕋᓛᑦ ᑭᒡᒐᖅᑐᐃᕗᑦ ᐊᔾᔨᒌᙱᕈᓘᔭᖅᑐᓂ ᑲᑐᔾᔨᖃᑎᒌᖑᔪᓂ, ᑕᒪᒃᑭᓂ ᒐᕙᒪᒃᑯᓐᓂ ᐊᒻᒪᓗ ᒐᕙᒪᐅᙱᑦᑐᓄᑦ,” ᐅᖃᓚᐅᖅᐳᖅ ᕙᑕᐸᓕ.

ᑲᓇᑕᒥ ᐸᓖᓯᒃᑯᑦ ᐃᓚᐅᖃᑕᐅᓚᐅᕆᕗᑦ ᐃᑲᔪᖅᓱᐃᓂᕐᒧᑦ ᐱᒋᐊᖅᑎᑕᐅᓂᖓᓂ, ᖃᔅᓯᒐᓚᖕᓂ ᐊᕐᓇᓂ ᑲᓇᑕᒥ ᐸᓖᓯᒃᑯᓐᓂ ᐸᓖᓯᐅᔪᓂ ᐃᓚᐅᖃᑕᐅᓪᓗᑎᒃ ᐃᓚᖃᖅᑐᒥ ᐊᒫᓐᑕ ᔫᓐᔅ, ᐊᖓᔪᖅᑳᖑᔪᖅ ᑲᓇᑕᒥ ᐸᓖᓯᒃᑯᓐᓂ ᓄᓇᕗᒻᒥ, ᐊᒻᒪᓗ ᓯᕗᓪᓕᖅᐸᐅᓪᓗᓂ ᐊᕐᓇᐅᓪᓗᓂ ᑎᒍᒥᐊᕐᓂᖓᓂ ᐃᓂᐅᔪᒥ ᐊᖓᔪᖅᑳᖑᓂᐅᔪᒥ V ᐊᕕᒃᑐᖅᓯᒪᓂᐅᔪᒥ.

ᔮᓐ ᒪᒃᓚᐃᓐ, ᐊᖓᔪᖅᑳᖑᔪᖅ ᒪᓕᒐᓕᕆᔨᒃᑯᑦ ᑲᑐᔾᔨᖃᑎᒌᖏᑦ ᓄᓇᕗᒻᒥ, ᐅᖃᓪᓚᓚᐅᕆᕗᖅ, ᐅᖃᖅᖢᓂ ᑭᒃᑯᓕᒫᑦ ᑭᓇᑐᐃᓐᓇᒥ ᖃᐅᔨᒪᔭᖃᖅᐳᑦ ᐊᒃᑐᖅᑕᐅᓯᒪᓂᐅᔪᒥ ᐃᓚᒌᓄᑦ ᐋᓐᓂᖅᓯᕆᓂᐅᔪᒥ.

“ᑕᒪᑦᑕᑦᑎᐊᖅ ᓇᓗᓇᐃᖅᓯᔪᓐᓇᖅᐳᒍᑦ ᑭᓇᑐᐃᓐᓇᒥᒃ ᐃᓅᓯᑦᑎᓐᓂ ᐊᒃᑐᖅᑕᐅᓯᒪᔪᒥ ᐃᓚᒌᖑᔪᓄᑦ ᐋᓐᓂᖅᓯᕆᓂᐅᔪᒥ, ᐃᒻᒪᖄ ᐃᓚᑦᑎᓐᓂ ᐃᓚᒋᔭᐅᔪᒥ, ᐃᒻᒪᖄ ᓇᒡᓕᒐᒋᔭᑦᑎᓐᓂ, ᑭᓇᑐᐃᓐᓇᖅ ᐅᕙᑦᑎᓐᓂ ᓇᒡᓕᒍᓱᒃᓯᒪᔪᒥ, ᐃᒻᒪᖄ ᐃᖅᑲᓇᐃᔭᖃᑎᒋᔭᑦᑎᓐᓂ ᐃᖅᑲᓇᐃᔭᕆᐊᖅᐸᒃᑐᒥ ᓱᙴᔭᖅᑐᒥ ᐱᑕᖃᓚᐅᙱᑦᑐᒥ ᐅᓪᓗᑐᐃᓐᓇᕐᒥ ᐅᓐᓄᖓᓂ, ᑕᒪᑦᑕᑦᑎᐊᖅ ᑭᓇᑐᐃᓐᓇᒥᒃ ᖃᐅᔨᒪᓂᖃᖅᐳᒍᑦ,” ᒪᒃᓚᐃᓐ ᐅᖃᓚᐅᖅᐳᖅ.

ᐊᖓᔪᖅᑳᖅ ᐸᐅᒃᑑᑎᒃᑯᓐᓂ, ᕇᐱᑲ ᑲᓪᓗ, ᐅᖃᐅᓯᒃᓴᓕᐅᓚᐅᕆᕗᖅ, ᑭᓯᐊᓂ ᐅᐸᒍᓐᓇᓚᐅᙱᓚᖅ ᖃᓄᐃᓕᐅᕐᓂᐅᔪᒧᑦ ᖃᒪᓂᑦᑐᐊᕐᒥ.

“ᑐᕌᒐᒃᓴᐅᔪᑦ ᐆᒧᖓ ᐃᓚᒌᓄᑦ ᐋᓐᓂᖅᓯᕆᓂᕐᒧᑦ ᐱᑎᑦᑎᑦᑕᐃᓕᒪᓂᐅᔪᒥ ᐱᒋᐊᕈᑕᐅᔪᖅ ᐊᒻᒪᓗ ᓄᓇᕐᔪᐊᒥ ᐊᕐᓇᓄᑦ ᐅᓪᓗᖓᓂ ᑎᑭᐅᑎᔭᐅᓂᐊᖅᐳᖅ ᐊᕐᓇᐃᑦ ᐊᒻᒪ ᐊᖑᑏᑦ ᐱᓕᕆᖃᑎᒌᓕᕈᑎᒃ ᐃᓱᓕᑦᑎᓂᕐᒧᑦ ᐊᐃᑉᐸᕇᖑᔪᓂ ᐋᓐᓂᖅᓯᕆᓂᐅᔪᒥ ᐊᒻᒪᓗ ᐊᕐᓇᐅᓂᖓᓂ ᐊᖑᑕᐅᓂᖓᓂ ᓇᓕᒧᑎᑦᑎᙱᓐᓂᐅᔪᒥ,” ᐅᖃᓚᐅᖅᐳᖅ ᔪᐊᓇ ᐊᕙ, ᐅᖃᓪᓚᒃᖢᓂ ᑭᒡᒐᖅᑐᐃᓪᓗᓂ ᑲᓪᓗᖕᒧᑦ.

“ᑲᑐᔾᔭᐅᓪᓗᓂ ᑐᕌᒐᕆᔭᐅᔪᒥ ᐆᒧᖓ ᐱᓕᕆᐊᒃᓴᐅᔪᒧᑦ ᐅᕙᑦᑎᓐᓂ ᑐᓂᓯᓯᒪᕗᖅ ᐊᔾᔨᐅᙱᑦᑐᒥ ᐊᖅᑯᑎᒥᒃ ᓄᓇᙳᐊᖑᔪᒥ ᕿᓂᕐᓂᕐᒧᑦ ᐱᓕᕆᓂᐅᔪᓂ ᓱᕋᑦᑎᕆᓂᕐᒥ ᓂᐱᖃᙱᓐᓂᐅᔪᒥ ᐊᒻᒪᓗ ᐱᓕᕆᖃᑎᒌᑦᑎᐊᕐᓂᖅᓴᐅᓂᕐᒥ ᑲᑎᙵᓗᑕ,” ᐅᖃᓚᐅᖅᐳᖅ ᕙᑕᐸᓕ.

ᖃᐅᔨᒋᐊᒃᑲᓐᓂᕐᓂᕐᒧᑦ ᑐᓴᒐᒃᓴᒃᑲᓐᓂᕐᓂ ᐅᕝᕙᓘᓐᓃᑦ ᓯᕗᓂᒃᓴᒥ ᓄᑖᙳᕆᐊᖅᑎᑕᐅᓂᐅᔪᓂ ᐆᒧᖓ ᐱᓕᕆᓂᐅᓇᓱᐊᖅᑐᒥ, ᐱᐅᒃᓴᕈᓐᓇᖅᐳᑎᑦ ᐊᒻᒪ ᒪᓕᒡᓗᑎᑦ ᓱᕋᑦᑎᕆᓂᕐᒥ ᓂᐱᖃᙱᓐᓂᐅᔪᒥ ᐃᓅᖃᑎᒌᖑᔪᓄᑦ ᓯᐊᒻᒪᖅᑎᑦᑎᓂᐅᔪᒥ.