Skip to content

ᐊᑕᐅᓯᐅᓈᖅᑎᖅᑕᐅᓯᒪᑉᓗᑎᒃ ᐱᓕᕆᐊᖃᕐᓂᖅ

ᑭᖑᓪᓕᖅᐹᖅᓯᐅᑎᒥᒃ ᑲᑎᒪᑎᑦᓯᓚᐅᖅᐳᑦ ᐅᔭᕋᒃᑕᕆᐊᑦ Agnico Eagle Mines (AEM)-ᐅᔭᕋᒃᑕᕆᐊᕐᕕᖓᓂᒃ Whale Tail Pit ᐱᔾᔪᑎᒋᑉᓗᒍ ᐊᕙᑎᒥᐅᑕᓕᕆᔨᒃᑯᓐᓂᒃ ᖃ ᖃᒪᓂ'ᑐᐊᒥ ᓯᑉᑕᐱᕆ 19-22-ᒧᑦ.

ᓄᓇᕗᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦᑕ ᑐᑭᒧᐊᒃᑎᑎᔨᖓᑦ ᕋᐃᔭᓐ ᐱᐅᕆ ᐅᖃᓚᐅᖅᐳᖅ ᑲᑎᒪᔨᑦ ᐱᕕᒃᓴᖃᖅᑎᑕᐅᕗᑦ ᓄᕕᐱᕆ 6-ᒧᑦ ᐅᓂᒃᑳᓕᐅᕐᓂᐊᖅᓗᑎᒃ ᐊᑐᓕᖁᔨᒍᑎᖃᕐᓂᐊᖅᖢᑎᒡᓗ Agnico Eagle's Whale Tail Pit ᐱᓕᕆᐊᖃᕐᓂᖏᓐᓄᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐊᖏᖅᑕᐅᓂᕐᒧᑦ. NNSL file photo

ᑖᓐᓇ ᐱᓕᕆᕕᖓᑦ Whale Tail ᓄᓇᐅᑉ ᐃᓗᐊᓃᖏᑉᐳᖅ ᐅᔭᕋᖕᓂᐊᕐᕕᒃ ᑕᐃᑲᓂ 50 ᑭᓚᒥᑕᓂᒃ ᐅᖓᓯᖕᓂᖃᖅᖢᓂ ᒥᑐᐸᐃᒃ ᒎᓗᑎᓯᐅᕐᕕᖓᓂ.

ᑲᑉᐸᓂᒃᑯᑦ ᐅᔭᕋᒃᑕᕆᐊᕈᒪᑉᓗᑎᒃ ᑕᐃᑲᓂ  Whale Tailᒥ ᐊᒻᒪ ᓄᓇᒃᑰᕈᑎᒃᑯᑦ ᒥᑐᐸᐃᒃᒧᑦ ᐊᒡᔭᖅᓯᖃᑦᑕᕐᓂᐊᖅᖢᑎᒃ ᐱᓕᕆᐊᕆᔭᐅᓂᐊᖅᖢᑎᒃ ᐅᔭᕋᐃᑦ.

ᐊᕙᑎᒥᐅᑕᓕᕆᓂᕐᒧᑦ ᑲᑎᒪᑎᑕᐅᓚᐅᖅᐳᑦ ᑕᒪᓐᓇ ᐱᓕᕆᐊᖅ ᐱᔾᔪᑎᒋᑉᓗᒍ, ᐊᕐᕌᒍᓗᒃᑖᖑᓂᐊᖅᑐᒧᑦ ᐱᓕᕆᐊᕆᔭᐅᓂᐊᖅᖢᓂ ᐊᕙᑎᒥᐅᑕᓕᕆᔭᐅᓂᖓ.

ᐊᕙᑎᒥᐅᑕᓕᕆᔨᒃᑯᑦ ᑲᑎᒪᔨᖏᓐᓄᑦ ᑐᑭᒧᐊᒃᑎᑎᔨ ᕋᐃᔭ ᐱᐅᕆ ᐅᖃᓚᐅᖅᐳᖅ ᐃᖏᕐᕋᔭᒃᑐᑦ ᐃᓚᐅᓂᐊᖅᖢᑎᒃ ᖃᒪᓂ'ᑐᐊᒧᑦ ᑎᑭᒍᓐᓇᖃᑦᑕᓚᐅᖏᒻᒪᑕ ᑭᖑᕙᕈᑕᐅᓚᐅᖅᖢᑎᒃ ᖃᒪᓂ'ᑐᐊᒥ, ᑭᓯᐊᓂ ᐃᓚᐅᓚᐅᖅᐳᑦ ᑲᓇᑕᐅᑉ ᒐᕙᒪᒃᑯᖏᓐᓂᖔᖅᑐᑦ ᐃᓄᓕᕆᔨᒃᑯᓐᓂᑦ ᐅᔭᕋᖕᓂᐊᖅᑐᓕᕆᔨᑦ ᐱᓕᕆᕕᖓᓂᓪᓗ ᑲᓇᑕᒥ, ᐃᖏᕐᕋᔪᓕᕆᔨᒃᑯᓐᓂᑦ ᑲᓇᑕᒥ, ᐊᒻᒪ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᑲᓇᑕᒥ ᐱᓕᕆᔨᓂᑦ ᐊᒻᒪ ᐃᖃᓗᓕᕆᔨᒃᑯᓐᓂᑦ ᑕᕆᐅᕐᒥᐅᑕᓕᕆᔨᒃᑯᓐᓂᓪᓗ ᑲᓇᑕᒥ.

ᐊᒥᓱᓄᑦ ᐃᓄᖕᓄᑦ ᐃᓚᐅᕕᐅᓚᐅᖅᖢᓂᓗ ᑭᒃᑐᐃᓐᓇᕐᓂᑦ,” ᐅᖃᓚᐅᖅᐳᖅ ᐱᐅᕆ. “ᐃᓕᓐᓂᐊᖅᑎᑦ ᐃᓕᓐᓂᐊᕐᕕᖕᒥᑦ ᐃᓚᐅᓂᖃᓚᐅᕆᑉᓗᑎᒃ ᐊᑐᓂ ᑭᕙᓪᓕᐅᑉ ᐃᓗᐊᓂᑦ ᓄᓇᓕᖕᓂᖔᖅᑐᑦ. ᑲᑎᒪᓂᕆᔭᐅᔪᖅ ᐃᓚᐅᕕᐊᓚᐅᕆᑉᓗᓂ ᓄᓇᕗᑦ ᒐᕙᒪᒃᑯᖏᓐᓂᑦ, ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂᑦ, ᖃᒪᓂ'ᑐᐊᒥ ᐊᖑᓇᓱᐊᖅᑎᑦ ᒥᑭᒋᐊᖅᑎᓪᓗ ᑲᑐᔾᔨᖃᑎᒌᒃᑯᖏᓐᓂᓪᓗ ᐊᒻᒪ ᕼᐊᒻᓚᒃᑯᓐᓂᑦ ᖃᒪᓂ'ᑐᐊᒥ.

“ᐊᒥᓱᑦ ᐅᖃᐅᓯᖃᓚᐅᖅᐳᑦ ᑐᒃᑐᐃᑦ ᒥᒃᓵᓄᑦ, ᐊᒻᒪ ᖃᐅᔨᓴᖅᑕᐅᓯᒪᒋᐊᖃᕐᓂᖓᓄᑦ ᑕᒪᓐᓇ,” ᐅᖃᓚᐅᖅᐳᖅ ᐱᐅᕆ. “ᑕᒪᓐᓇ ᐱᓕᕆᐊᕆᔭᐅᔪᖅ ᐃᓚᐅᑎᑦᓯᓂᐊᖅᐳᖅ ᐊᑐᖅᑕᐅᖃᑦᑕᕋᔭᕐᓂᖓᓄᑦ ᐊᖅᑯᑦ ᐊᒡᔭᖅᑐᐃᔪᓄᑦ ᑕᒡᕙᓂ ᐱᓕᕆᕕᒋᓂᐊᖅᑕᖓᓐᓂ ᑕᐅᓄᖓ ᒥᑐᐸᐃᒃᒧᑦ, ᐊᒡᔭᖅᑐᐃᖃᑦᑕᕐᓂᐊᕐᒪᑕ ᐱᓕᕆᐊᕆᔭᐅᔪᒃᓴᓂᒃ ᐅᔭᕋᒃᑕᕆᐊᓄᑦ, ᑕᒪᓐᓇ ᐅᖃᐅᓯᕆᔭᐅᖃᑦᑕᓚᐅᖅᐳᖅ ᒥᑐᐸᐃᒃᑯᑦ, ᐊᖅᑯᑎᓗ, ᐊᔾᔨᒌᖏᑦᑐᑦ ᐊᒻᒪ ᐊᔾᔨᒌᒃᑐᑦ ᒪᕐᕉᖕᓂ ᓴᓇᔭᐅᕙᓪᓕᐊᔪᓂ.”

ᐱᐅᕆ ᐅᖃᓚᐅᖅᐳᖅ ᐊᔾᔨᒌᖏᑦᑐᓂᒃ ᐃᓄᐃ ᐅᖃᐅᓯᖃᖃᑦᑕᓚᐅᕐᒪᑕ  Whale Tailᒥ ᐱᓕᕆᐊᕆᔭᐅᓂᐊᖅᑐᖅ ᐱᔾᔪᑎᒋᑉᓗᒍ ᐱᕙᓪᓕᐊᑎᑕᐅᓂᐊᖅᑐᓂᒡᓗ, ᖃᓄᕐᓗ ᑕᒪᓐᓇ ᓴᓇᔭᐅᕙᓪᓕᐊᓂᐊᖅᑐᖅ ᐊᒃᑐᐊᓂᖃᕐᒪᖔᑦ ᒥᓚᑏᓐ ᒎᓗᑎᓯᐅᕐᕕᖓᓄᑦ, ᐅᒃᑯᐊᖅᑕᐅᓇᔭᕐᓂᖓᓄᓪᓗ ᒥᑐᐸᐃᒃ, ᖃᓄᕐᓗ ᑕᒪᓐᓇ ᐊᒃᑐᐊᓂᖃᕐᓂᐊᕐᓂᖓᓄᑦ  AEMᑯᑦ ᐸᕐᓇᒃᓯᒪᒍᑎᖏᓐᓄᑦ ᑭᕙᓪᓕᕐᒥ.

ᐅᖃᓚᐅᖅᖢᓂᓗ ᑖᒃᑯᐊ ᓄᓇᕗᒥ ᐊᕙᑎᒥᐅᑕᓕᕆᔨᒃᑯᑦ ᑲᑎᒪᔨᖏᑦ ᖃᐅᔨᓴᖅᐳᑦ ᑕᒪᐃᓐᓂᒃ ᖃᐅᔨᒪᔭᐅᔪᓂᒃ. ᐅᑉᓗᓂᒃ 45-ᓂᒃ ᑲᑎᒫᓂᒃᐸᑕ ᐅᓂᒃᑳᓕᐅᕆᐊᖃᕐᓂᐊᖅᐳᑦ ᐱᕕᒃᓴᖃᖅᑎᑕᐅᓂᐊᖅᐳᑦ.

ᐅᓂᒃᑳᓕᐅᖅᑕᐅᓯᒪᔪᑦ ᐃᓄᓕᕆᔨᑐᖃᒃᑯᓐᓄᐊᖅᑕᐅᓂᐊᖅᖢᑎᒃ ᓄᕕᐱᕆ 6-ᒥ.

“ᑕᒡᕙᖓᑦ ᐅᑕᕿᒋᐊᖃᕐᓂᐊᖅᐳᑦ ᐃᓱᒪᓕᐅᕐᓂᕐᒧᑦ ᐅᓂᒃᑳᓂᐊᖅᐳᑦ ᐊᖏᖅᑕᐅᓂᐊᕐᒪᖔᑕ ᖃᓄᐃᓕᐅᕈᒪᓂᑉᐳᓪᓗ,” ᐅᖃᓚᐅᖅᐳᖅ ᐱᐅᕆ.

“ᑲᒪᓇᖅᐳᖅ ᑕᐃᒪᓐᓇ ᑲᔪᓯᕙᓪᓕᐊᓂᖓᓂ, ᖃᐅᔨᓴᐃᓐᓇᕐᓂᐊᕋᑉᑕ ᒥᑐᐸᐃᒃ ᐅᔭᕋᕐᓂᐊᕐᕕᖓᓂᒃ, ᐊᒻᒪ ᒥᓚᑏᓐᒥ, ᐊᒻᒪ ᖃᐅᔨᓴᕐᓂᐊᖅᐳᒍᓪᓗ ᑕᒪᒃᑯᐊ ᐱᓕᕆᐊᕆᒍᒪᔭᖅᐳᑦ ᐊᖏᑦᑕᐅᓂᐊᕐᒪᖔᑕ."