ᐅᐱᐅᖅᑲᕗᒍᑦ – ᑭᓯᐊᓂ ᐊᑲᖅᓴᙱᓚᒍᑦ – ᑕᑯᓂᕐᒧᑦ ᑮᓇᐅᔭᓂᒃ ᖃᐅᔨᓴᖅᑎᕐᔪᐊᖅ ᓇᓗᓇᐃᖅᓯᓂᖓᓐᓂ ᐃᓚᖏᓐᓂ ᓴᙱᓛᖑᔪᓄᑦ ᐃᓱᒪᒋᔭᐅᓂᐅᔪᓂ ᓄᓇᕘᑉ ᐃᓕᓐᓂᐊᕐᓂᓕᕆᓂᕐᒧᑦ ᐱᓕᕆᔾᔪᓯᖓᓐᓂ ᐅᓂᒃᑳᓕᐊᖓᓐᓂ ᓄᓇᕗᒻᒥ ᒪᓕᒐᓕᐅᖅᑎᒃᑯᓐᓄᑦ ᑕᖅᑭᐅᓚᐅᖅᑑᑉ ᐱᒋᐊᕐᓂᖓᓂ. ᐅᓂᒃᑳᓕᐊᖅ, ᑕᐃᒎᓯᓕᖕᒥ ᐃᑲᔪᖅᓱᐃᓂᖅ ᖁᑦᑎᒃᑐᒥ ᐃᓕᓐᓂᐊᕐᕕᓄᑦ ᐃᓕᓐᓂᐊᖅᑎᓄᑦ ᐊᒻᒪ ᐃᓐᓇᕐᓄᑦ ᐃᓕᑦᑎᔨᐅᔪᓄᑦ, ᑕᑯᒃᓴᐅᑎᑦᑎᕗᖅ ᐱᔨᕆᔾᔪᓯᐅᔪᒥ ᓱᕋᓲᖑᕗᖅ ᐃᓕᓐᓂᐊᖅᑏᑦ ᐊᒃᑐᖅᑕᐅᓴᕋᐃᓛᖑᑎᓪᓗᒋᑦ ᐱᓕᕆᑦᑎᐊᕈᓐᓇᖏᓐᓂᒃᒧᑦ-ᐃᓱᐊᓂ, ᐃᓕᓐᓂᐊᖅᑏᑦ ᖃᓂᒡᓕᑎᓪᓗᒋᑦ ᐃᓱᓕᑦᑎᓂᕐᒧᑦ ᐅᕝᕙᓘᓐᓃᑦ ᐱᐅᙱᓐᓂᖅᓴᐅᔪᒥ, ᐱᔭᕇᖅᓯᓇᓱᐊᖅᑎᓪᓗᒋᑦ ᖁᑦᑎᒃᑐᒥ ᐃᓕᓐᓂᐊᕐᕕᖕᒥ ᐃᓕᓐᓂᐊᕐᓂᖓᓐᓂ ᐃᓐᓇᐅᓕᖅᑎᓪᓗᒋᑦ.
ᐅᖃᐅᓯᒃᓴᐅᔪᖅ 52 ᐳᓴᓐᑎᖓᓐᓂ ᐅᑭᐅᓕᖕᓂ 25-ᒥ 64-ᒧᑦ – ᐃᖅᑲᓇᐃᔭᕐᓂᕐᒧᑦ ᐅᑭᐅᖑᔪᓂ – ᖁᑦᑎᒃᑐᒥ ᐃᓕᓐᓂᐊᕐᕕᖕᒧᑦ ᐃᓱᓕᑦᑎᓂᖃᕐᓂᖅ ᕿᒃᓵᖕᓇᖅᐳᖅ. ᓇᓗᓇᙱᓚᖅ ᐅᑯᐊ ᐃᓄᐃᑦ ᐃᖅᑲᓇᐃᔮᖃᑦᑎᐊᖅᐳᑦ, ᐊᒻᒪ ᐊᒥᓱᑦ ᐃᖅᑲᓇᐃᔭᖅᖢᑎᒃ ᒐᕙᒪᒃᑯᓐᓄᑦ.
ᐊᓯᖏᑦ 48 ᐳᓴᓐᑎᐅᔪᑦ ᑖᒃᑯᓇᓂ ᑲᑎᙵᓂᐅᔪᓄᑦ ᐱᕕᒃᓴᖃᙱᑲᓴᒃᐳᑦ ᐱᓂᖏᓐᓂ ᐱᓕᕆᔨᕐᔪᐊᖑᔪᓄᑦ ᒐᕙᒪᒃᑯᓐᓄᑦ ᐃᖅᑲᓇᐃᔮᖑᔪᒥ, ᐊᒻᒪᓗ ᐊᒃᓱᕈᒐᔪᒃᐳᑦ ᓅᓐᓇᓱᐊᕐᓂᕐᒧᑦ ᓄᑖᓄᑦ ᐃᖅᑲᓇᐃᔮᖑᔪᓄᑦ ᓇᓗᓇᐃᖅᓯᓂᑐᐃᓐᓇᐅᔪᒥ ᑕᑯᔭᐅᒐᔪᒃᑐᒥ ᐃᖅᑲᓇᐃᔮᓄᑦ ᑐᒃᓯᕌᕆᔭᐅᒐᔪᒃᑐᓂ. ᐱᓕᕆᓂᐅᔪᒥ ᖃᕋᓴᐅᔭᑎᒍᑦ ᐃᖅᑲᓇᐃᔭᖅᑎᓕᕆᓂᕐᒧᑦ ᐊᐅᓚᑕᐅᓂᖓᓐᓂ, ᐱᕕᒃᓴᖃᙱᑲᓴᑦᑎᐊᖅᐳᑦ.
ᒪᕐᕈᖓᓂ, ᐊᒥᓱᑦ ᐃᓕᓐᓂᐊᕐᕖᑦ ᐱᖃᙱᓚᑦ ᒥᐊᓂᕆᓂᐅᔪᒥ ᐃᓅᓯᓕᕆᔨᐅᔪᓄᑦ ᐊᒻᒪᓗ ᑭᐅᒪᓂᖃᑦᑎᐊᙱᓚᑦ ᐱᓕᕆᐊᒃᓴᖓᓂ ᐱᔭᕆᐊᖃᕐᓂᐅᔪᒥ ᐱᕙᓪᓕᐊᑎᑦᑎᓂᕐᒧᑦ ᐃᖅᑲᓇᐃᔮᕆᔭᐅᔪᒪᔪᓄᑦ ᐊᒻᒪ ᐱᓕᕆᐊᖑᔪᓄᑦ ᐸᕐᓇᐅᑎᓂᑦ. ᐅᓇ ᐃᓚᖃᖅᐳᖅ ᐃᖏᕐᕋᐃᓐᓇᖅᑐᓂ ᐃᓕᓴᐃᔨᑭᒃᓴᓗᐊᕐᓂᐅᔪᓄᑦ, ᐱᒋᐊᓪᓚᒃᑕᐅᔪᒥ ᓱᓕᓂᐅᔪᒥ ᑕᒪᕐᒥᒐᓚᐃᑦ ᑲᓇᑕᒥ ᐱᔪᓐᓇᕐᓂᖃᕐᓂᐅᔪᑦ ᓵᙱᓂᖃᕐᓂᖏᓐᓂᑦᑕᐅᖅ ᐃᖅᑲᓇᐃᔭᖅᑎᖃᙱᓗᐊᕐᓂᖏᓐᓂ. ᐃᓕᓐᓂᐊᕐᕖᑦ ᐊᒃᓱᕉᓴᒃᑎᓪᓗᒋᑦ ᐆᒥᖓ ᐃᖅᑲᓇᐃᔭᖅᑎᑖᕐᓂᕐᒧᑦ ᐊᒃᓱᕈᕈᑕᐅᔪᒥ, ᐃᓕᓐᓂᐊᖅᑏᑦ ᐊᓯᐅᔨᖔᖅᐸᓪᓕᐊᕗᑦ.
ᑕᐃᒃᑯᓄᖓ ᐊᖓᔪᖅᑳᖃᖅᑐᓂ ᖁᑦᑎᒃᑐᒥ ᐃᓕᓐᓂᐊᕐᕕᖕᒥ ᐃᓱᓕᑦᑎᔨᐅᔪᓂᑦ ᐅᕝᕙᓘᓐᓃᑦ, ᐱᐅᓂᖅᓴᐅᔪᒥ, ᖁᑦᑎᖕᓂᖅᓴᒧᑦ ᐃᓕᓐᓂᐊᕐᓂᕐᒧᑦ ᐃᓱᓕᑦᑎᔨᐅᔪᓄᑦ, ᐱᔪᓐᓇᕐᓂᖓᓂ ᐃᓱᓕᑦᑎᓂᕐᒧᑦ ᐊᒻᒪ ᑕᐅᑐᙳᐊᕐᓂᕐᒥ ᐊᖅᑯᑕᐅᔪᒥ ᐃᓱᓕᑦᑎᓂᕐᒥ-ᑭᖑᓂᐊᒍᑦ ᐊᔪᕐᓇᙱᓐᓂᖅᓴᐅᕗᖅ. ᐃᑲᔪᖅᓯᖅᑕᐅᙱᒃᑲᓗᐊᖅᑎᓪᓗᒋᑦ ᐃᓕᓐᓂᐊᕐᕕᓂ, ᐅᑯᐊ ᒪᒃᑯᒃᑐᑦ ᐱᓕᕆᑦᑎᐊᕈᒥᓇᕐᓂᖅᓴᕐᔪᐊᖑᕗᑦ. ᑕᐃᒃᑯᓄᖓ ᓯᕗᓪᓕᖅᐸᐅᓪᓗᑎᒃ ᐃᓱᓕᑦᑎᓂᕐᒧᑦ ᖁᑦᑎᒃᑐᒥ ᐃᓕᓐᓂᐊᕐᕕᖕᒥ, ᐱᓕᕆᓂᕐᔪᐊᖑᕗ. ᑭᓯᐊᓂ ᖃᓄᖅ ᑕᐃᒪ? ᑕᐃᒃᑯᐊ ᐃᓕᓴᐃᔨᖃᙱᑦᑐᒥ ᐸᕐᓇᒃᓯᒪᔪᒥ ᐊᔪᕆᖅᓱᐃᔪᓐᓇᕐᓂᐅᔪᒥ ᐊᒻᒪ ᐃᑲᔪᖅᓯᖅᑕᐅᓗᑎᒃ ᐱᓪᓚᕆᐅᔪᒥ ᒥᐊᓂᕆᓂᕐᓄᑦ ᐃᓱᒪᓕᕆᔨᐅᔪᓄᑦ ᓴᓇᔪᒥᓇᙱᓐᓂᖅᓴᐅᕗᑦ ᐊᒻᒪᓗ ᐊᑐᓕᖅᑎᑦᑎᓗᑎᒃ ᐸᕐᓇᐅᑎᒥᒃ.
ᑐᙵᕕᖃᖅᑐᒥ ᑮᓇᐅᔭᓄᑦ ᖃᐅᔨᓴᖅᑎᒻᒪᕆᐅᔪᒧᑦ ᐅᓂᒃᑳᓕᐊᖓᓐᓂ, ᓄᖅᑲᕈᕕᑦ ᐊᒻᒪᓗ ᐅᑎᒃᑲᓐᓂᕋᓱᐊᕐᓗᑎᑦ, 'ᑕᐃᒪᑐᖅ ᐱᔪᓐᓇᕐᓂᐊᖅᐳᑎᑦ' ᐅᖃᕈᓐᓇᖅᑕᑐᐊᕗᑦ.
ᑕᒪᓐᓇ ᐃᒃᐱᒍᓱᑦᑎᐊᙱᓐᓂᐅᔪᒃᓴᐅᕗᖅ, ᑭᓯᐊᓂ ᓇᐃᓴᖅᑕᐅᓯᒪᓂᐅᔪᑦ ᑐᑭᓯᓇᑦᑎᐊᖅᐳᑦ: 286-ᖑᔪᓂ ᐃᓐᓇᕐᓂ ᐃᓕᑦᑎᔨᐅᔪᓄᑦ ᐊᖏᖅᑕᐅᔪᓄᑦ PASS-ᒧᑦ (ᐊᖅᑯᑕᐅᔪᓂ ᐃᓐᓇᕐᓄᑦ ᖁᑦᑎᒃᑐᒧᑦ ᐃᓕᓐᓂᐊᕐᓂᕐᒧᑦ ᐃᓱᓕᑦᑎᓂᐅᔪᒥ) ᐱᓕᕆᐊᖑᔪᒥ ᕿᑎᐊᓂ ᐅᑭᐊᒃᓵᒥ 2016-ᒥ ᐊᒻᒪ ᐅᑭᐊᒃᓵᒥ 2018-ᒧᑦ, 9-ᑐᐃᓐᓇᐃᑦ ᐃᓱᓕᑦᑎᓚᐅᖅᐳᑦ. 100-ᓂ ᑲᑎᖅᓱᐃᓂᓕᖕᓂ ᐃᓱᓕᑦᑎᔪᓐᓇᖅᐳᑦ, ᐊᒻᒪ ᑕᒪᕐᒥᒐᓚᑦ ᐅᓄᙱᓐᓂᖅᓴᐅᔪᓂ 65-ᓂ ᑲᑎᖅᓱᐃᓂᖃᓚᐅᖅᐳᑦ.
ᖄᒃᑲᓐᓂᐊᒍᑦ, ᓄᓇᓖᑦ ᐊᑐᖅᐸᒃᑕᖏᑦ ᐊᐅᓚᔪᓐᓇᖁᓪᓗᒋᑦ ᐱᑕᖃᙱᓚᑦ ᐃᑲᔪᖅᓱᐃᓂᐅᔪᒥ ᐱᓕᕆᑦᑎᐊᕈᓐᓇᕐᓂᕐᒧᑦ ᐃᓐᓇᕐᓄᑦ ᐃᓕᑦᑎᔨᐅᔪᓄᑦ, 8-ᑐᐃᓐᓇᓂ ᓄᓇᓕᖕᓂ ᐊᑐᐃᓐᓇᖃᖅᑎᑦᑎᔪᒥ ᐃᓐᓇᕐᓄᑦ ᐃᓕᓐᓂᐊᕐᓂᑐᐃᓐᓇᐅᔪᒥ ᐱᓕᕆᐊᖑᔪᒥ, ᐊᒻᒪ ᑎᓴᒪᑐᐃᓐᓇᕐᓂ ᐊᑐᐃᓐᓇᖃᖅᑎᑦᑎᔪᓂ ᐱᖓᓱᐃᖅᓱᖅᖢᑎᒃ ᐊᕐᕌᒍᒥ. ᑕᐃᒃᑯᓄᖓ ᖁᑦᑎᒃᑐᒥ ᐃᓕᓐᓂᐊᕐᕕᖕᒧᑦ ᐃᓱᓕᑦᑎᓂᖃᙱᑦᑐᓂ, ᐅᓇ ᐱᓕᕆᐊᖑᔪᖅ ᐱᒻᒪᕆᐅᕗᖅ ᒪᑐᐃᖅᓯᓲᖑᔪᒥᒃ ᐹᓂᑦ ᐱᓕᕆᐊᖑᔪᓄᑦ ᓄᓇᕗᒻᒥ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᖕᒧᑦ.
ᐅᖃᐅᓯᒃᓴᖅ ᑐᑭᓯᓇᖅᐳᖅ: ᓄᓇᕗᒻᒥ ᒐᕙᒪᒃᑯᑦ ᐱᓪᓚᕆᐅᑎᑦᑎᙱᓚᑦ ᑕᑯᓂᕐᒧᑦ ᐃᓄᖕᓂ – ᐃᓕᑦᑎᐊᓂᒃᑐᓂ ᓇᖕᒥᓂᖅ ᐊᐅᓚᓂᖃᓪᓚᕆᙱᑦᑐᒥ ᐱᓕᕆᔾᔪᓯᐅᔪᒥᒃ ᐃᓕᓐᓂᐊᖅᑎᑕᐅᒐᔪᒃᑐᓂ ᑕᒪᕐᒥᒐᓚᖕᓂᑦ (ᐱᓗᐊᖅᑐᒥ ᖁᑦᑎᒃᑐᒥ ᐃᓕᓐᓂᐊᕐᕕᖕᓂ ᑭᒡᓕᐅᔪᒧᑦ) ᖃᓪᓗᓈᓄᑦ ᐅᖃᓪᓚᒃᑐᓂ ᖃᓪᓗᓈᑎᑐᑦ – ᑎᑭᐅᑎᓲᖑᕗᑦ ᑭᒡᓕᐅᔪᒥ ᐃᓕᓐᓂᐊᕐᓂᐅᔪᒥ ᓂᕆᐅᒋᔭᑦᑎᓐᓄᑦ ᑕᒪᒃᑭᓄᑦ ᕿᑐᕐᙵᑦᑎᓐᓄᑦ.
ᑕᐃᒪᐃᓕᖓᓂᖓᓄᑦ, ᐱᕕᒃᓴᖃᙱᑦᑎᐊᖅᐳᖅ ᒐᕙᒪᒃᑯᑦ ᑎᑭᐅᑎᔪᓐᓇᕐᓂᐊᕐᓂᖓᓂ ᓱᓕᓂᕋᐃᓂᐅᔪᒥ ᑭᒡᒐᖅᑐᐃᔨᐅᔪᒥ ᐃᓄᖕᓄᑦ ᐃᖅᑲᓇᐃᔮᖃᕐᓂᐅᔪᒧᑦ ᓇᓗᓇᐃᖅᑕᐅᓯᒪᓂᖓᓂ ᑎᑎᕋᖅᓯᒪᔪᒥ 23-ᒥ ᓄᓇᕗᒻᒥ ᐊᖏᕈᑕᐅᔪᒥ.
ᐊᖅᑯᑎᑐᐊᖑᔪᖅ ᓯᕗᒻᒧᑦ ᕿᓂᕐᓗᑕ ᓯᓚᑖᓄᑦ ᐱᓕᕆᔾᔪᓯᐅᔪᒥᒃ ᐃᑲᔪᖅᓱᐃᓂᕐᒧᑦ. ᑲᑎᖃᑎᒌᒋᐊᖃᖅᐳᒍᑦ ᐊᖓᔪᖅᑳᖑᔪᑎᒍᑦ ᐊᒻᒪ ᓄᓇᓕᐅᔪᓄᑦ – ᐊᔪᕆᖅᓱᐃᓂᐅᔪᒃᑯᑦ, ᐃᓕᓐᓂᐊᕐᕕᐅᑉ ᓯᓚᒡᑕᓂ ᐃᓕᓴᖅᑕᐅᓂᖏᓐᓄᑦ, ᐊᒻᒪ ᐃᖅᑲᓇᐃᔮᕆᔪᒪᔭᖓᓄᑦ ᒥᐊᓂᕆᓂᐅᔪᒥ-ᐃᑲᔪᕐᓂᕐᒧᑦ ᒪᒃᑯᒃᑐᖁᑎᑦᑎᓐᓂ ᐃᓱᓕᑦᑎᓂᖏᓐᓄᑦ.