ᑭᓴᕐᕕᒃ ᑯᐊᐸᒃᑯᑦ ᓂᐅᕕᐊᒃᓴᓄᑦ ᐊᐅᓚᑦᑎᔨᐅᔪᖅ ᒋᓕᓐ ᐅᑦᕗᑦ ᐃᓕᓴᕆᔭᐅᓚᐅᖅᐳᖅ ᐊᕐᕌᒍᓄᑦ 20−ᓄᑦ ᐱᔨᑦᑎᕋᕐᓂᖓᓂ ᐅᑭᐅᖅᑕᖅᑐᒥ ᑯᐊᐸᒃᑯᓐᓄᑦ ᖁᕕᐊᓱᒍᑕᐅᓂᐅᔪᒥ ᐊᑯᓂᐅᔪᒥ−ᐱᔨᑦᑎᕋᕐᓂᕐᓄᑦ ᑐᓐᓂᖅᑯᓯᐊᖑᔪᓂᑦ ᐱᓕᕆᐊᖑᓪᓗᓂ ᑲᖏᖅᖠᓂᕐᒥ ᐋᒍᔅᑎ 17−ᒥ.
ᑭᓴᕐᕕᒃᑯᑦ ᑕᐃᕕᒃ ᐹᓐᑦ ᐱᓚᐅᖅᐳᖅ ᐊᕐᕌᒍᓄᑦ ᑕᓪᓕᒪᓄᑦ ᓇᓗᓇᐃᒃᑯᑕᖓᓐᓂ ᐱᓕᕆᓂᐅᔪᒥ.
Kissarvik Co-op president Noah Tiktak, left, and Kissarvik general manager Walter Morey, right, present David Bond with a plaque commemorating his five years of service with Arctic Co-operatives in Rankin Inlet on Aug. 17, 2018. photo courtesy Glenn Woodford
ᐅᑦᕗᑦ, 53, ᓄᓇᖃᖅᓯᒪᕗᖅ ᐊᕐᕌᒍᓂ 14.5−ᓂ ᑲᖏᖅᖠᓂᕐᒥ ᐃᓚᒋᔭᐅᓕᖃᑕᐅᓪᓗᓂ ᑯᐊᐸᒃᑯᓐᓂ ᑲᑎᙵᓂᐅᔪᓂ ᐅᑭᐅᖃᖅᑎᓪᓗᒍ 33−ᓂ.
ᐅᖃᓚᐅᖅᐳᖅ ᑕᐃᔅᓱᒪᓂ ᐃᓚᐅᖃᑕᐅᓕᓚᐅᖅᐳᖅ ᐅᑭᐅᖅᑕᖅᑐᒥ ᑯᐊᐸᒃᑯᓐᓂ, ᐱᔾᔪᑎᖏᑦ ᐃᖅᑲᓇᐃᔮᖅᑖᕋᓱᐊᖅᑎᓪᓗᒍ ᐊᔾᔨᒋᓚᐅᖅᐸᖓ ᐊᒥᓱᑎᑐᑦ ᑲᓇᑕᒥᐅᓄᑦ.
"ᐃᖅᑲᓇᐃᔮᖅᑖᕆᐊᖃᓚᐅᖅᐳᖓ ᑕᐃᔅᓱᒪᓂ, ᑭᓯᐊᓂ ᐃᓕᑦᑎᒃᑲᓐᓂᓚᐅᖅᐳᖓ ᑲᑐᔾᔨᖃᑎᒌᖑᔪᓂᑦ ᐃᓱᒪᓕᐅᕆᓚᐅᖅᐳᖓ ᑕᒪᓐᓇ ᐃᖅᑲᓇᐃᔮᖃᕐᓂᕐᒧᑦ ᐊᖅᑯᑎᒋᓚᐅᖅᐸᕋ," ᐅᖃᓚᐅᖅᐳᖅ ᐅᑦᕗᑦ.
"ᐅᑭᐅᖅᑕᖅᑐᒥ ᑯᐊᐸᒃᑯᑦ ᓄᓇᓕᖕᓂ ᐃᓱᒪᒋᔭᖃᖅᐳᑦ ᐊᒻᒪ ᑐᕌᒐᒃᓴᖓ ᐃᓄᖕᓂ ᐃᑲᔪᕐᓂᕐᒧᑦ.
"ᑕᒪᓐᓇ ᐱᐅᒋᑦᑎᐊᖅᐸᕋ ᑖᒃᑯᓇᙵᑦ ᑲᑐᔾᔨᖃᑎᒌᖑᔪᓄᑦ, ᐅᓇᐅᙱᑦᑐᖅ ᑎᒥᖁᑕᐅᔪᓄᑦ ᐋᖅᑭᒃᓱᖅᓯᒪᓂᖓᓐᓂ.
"ᑐᕌᒐᕆᔭᕗᑦ ᐊᐅᓚᑦᑎᓂᕐᒥ ᓇᖕᒥᓂᕆᔭᐅᔪᒥ ᓇᖕᒥᓂᕆᔭᐅᔪᑎᑐᑦ, ᓲᖃᐃᒻᒪ, ᑭᓯᐊᓂ ᑐᕌᒐᕆᔭᐅᔪᖅ ᐃᓱᒪᒌᓐᓇᐅᔭᖅᑕᐅᔪᖅ ᐱᐅᓯᒋᐊᖅᑎᑦᑎᓂᕐᒧᑦ ᓄᓇᓕᖕᓂ."
ᐅᑦᕗᑦ ᑲᑎᓚᐅᖅᐳᖅ ᓄᓕᐊᖓᓂ ᓰᓇᒥ, ᐃᖅᑲᓇᐃᔭᖅᑎᓪᓗᒍ ᒥᑦᑎᒪᑕᓕᖕᒥ. ᑲᑎᑎᑕᐅᓚᐅᖅᐳᑦ ᑲᖏᖅᖠᓂᕐᒥ 2009−ᒥ ᐊᒻᒪ ᐱᖓᓱᓂ ᕿᑐᙵᖃᖅᐳᑦ – ᓴᓕ (17), ᑐᕋᐃ (14) ᐊᒻᒪ ᐊᐃᓖᓐ (11−ᓂ ᑕᖅᑭᓕᒃ).
ᑕᑯᒃᓴᐅᑎᑉᐸᖓ ᑐᙵᓂᕆᑦᑎᐊᕐᓂᕆᔭᖓᓂ ᓱᓕᒃᑲᓐᓂᖅ ᐊᐱᕆᔭᐅᒐᒥ ᐊᑐᐃᓐᓇᖃᖅᑎᑦᑎᓂᕐᒧᑦ ᑐᑭᓯᐅᒪᓂᐅᔪᒥ ᖃᓄᖅ ᐱᓕᕆᑦᑎᐊᖅᖢᓂ ᐊᐅᓚᑎᑦᑎᓲᖑᓂᖓᓂ ᐊᕐᕌᒍᓄᑦ 20−ᓂ ᐅᑭᐅᖅᑕᖅᑐᒥ ᑕᐃᒃᑯᓂᖓᑦᑕᐃᓐᓇᖅ ᑲᒻᐸᓂᐅᔪᒥ.
Kissarvik Co-op president Noah Tiktak, left, and manager of member management services for Arctic Co-operatives Ltd. Kelly Holben, right, present Glenn Woodford with a plaque commemorating his 20 years with the company in Rankin Inlet on Aug. 17, 2018. photo courtesy Kissarvik Co-op
"ᑲᑎᑎᑕᐅᒐᕕᑦ ᐊᒻᒪ ᐃᓚᑎᑦ ᐸᖅᑭᔭᕆᐊᖃᖅᐸᑎᑦ," ᐅᖃᑐᐃᓐᓇᓚᐅᖅᐳᖅ ᐅᑦᕗᑦ.
"ᑭᓱᑐᐃᓐᓇᓂ ᑲᒪᒋᔭᕆᐊᖃᖅᐳᑎᑦ.
"ᓱᓕ ᐊᓕᐊᓇᐃᒋᔭᕋ ᖃᐅᑕᒫᑦ ᐃᖅᑲᓇᐃᔭᕆᐊᖅᐸᒃᖢᖓ ᓄᑖᓂ ᐊᒃᓱᕈᕈᑎᑕᖃᐃᓐᓇᐅᔭᕐᒪᑦ ᐊᒻᒪ ᓄᑖᖑᔪᓂ ᖃᓄᐃᓐᓂᐅᔪᓂᑦ.
"ᑭᐱᙳᓇᖅᑐᖃᓚᐅᖅᓯᒪᙱᓚᖅ ᐊᐅᓚᑕᑦᑎᓐᓂ."
ᐅᑦᕗᑦ ᐅᖃᓚᐅᖅᐳᖅ ᐊᒥᓱᓂ ᐱᖃᓐᓇᕆᔭᖃᐅᖅᐳᖅ ᑲᖏᖅᖠᓂᕐᒦᓕᕐᓂᖓᓂ ᐊᒻᒪ ᐊᓕᐊᓇᐃᒋᑦᑎᐊᖅᑕᖓ ᐊᐅᓪᓛᖅᖢᓂ ᓄᓇᒥ.
ᐅᖃᓚᐅᖅᐳᖅ ᐊᓕᐊᓇᐃᒋᔭᖃᖅᐳᖅ ᐊᖑᓇᓱᖕᓂᕐᒥ, ᐃᖃᓪᓕᐊᕐᓂᕐᒥ ᐊᒻᒪ ᐃᓚᒌᓄᑦ ᐃᒡᓗᕋᓛᖓᓃᓐᓂᕐᒥ, ᐃᓚᖏᑦ ᐃᓅᓪᓗᑎᒃ, ᐊᓕᐊᓇᐃᒋᔭᖃᑦᑎᐊᕆᕗᑦ ᐊᐅᓪᓛᕐᓯᒪᓂᕐᒧᑦ ᓄᓇᒥ ᑭᓇᑐᐃᓐᓇᑐᑦ.
"ᖁᕕᐊᑉᐳᖓ ᐆᒥᖓ ᐃᓕᓴᕆᔭᐅᓂᐅᔪᒥ – ᑕᑯᔭᓐᓂ ᐅᖓᑖᓄᑦ ᐊᒻᒪ ᖁᓛᒍᑦ ᖁᔭᓐᓇᒦᕐᓂᐅᔪᒥ ᐱᓕᕆᓂᕆᓯᒪᔭᓐᓄᑦ – ᐊᒻᒪ ᖁᕕᐊᓱᑦᑎᐊᖅᐳᖓ ᑲᒻᐸᓂᒦᓐᓂᓐᓂᑦ ᓄᓇᓕᖕᓂ ᐃᓱᒪᒋᔭᖃᑦᑎᐊᖅᑐᓂ ᐊᒻᒪ ᐃᓄᖕᓄᑦ ᑐᕌᖓᓂᓕᖕᓄᑦ.
"ᐃᖅᑲᓇᐃᔭᖅᓯᒪᕗᖓ ᑎᒥᖁᑕᐅᔪᓄᑦ ᐊᕙᑎᐅᔪᒥ ᐊᒻᒪ ᐅᑎᕈᒪᙱᑦᑎᐊᖅᑐᖓ ᑕᐃᑯᖓ.
"ᐱᐅᒋᓂᖅᓴᕆᕙᕋ ᐃᖅᑲᓇᐃᔭᕐᓂᕐᒧᑦ ᑯᐊᐸᒃᑯᓐᓂ ᐊᐅᓚᑕᐅᖕᒪᑦ ᐃᓚᒋᔭᐅᓂᐅᔪᓄᑦ.
"ᐊᓕᐊᓇᐃᒋᕙᕋ ᐃᖅᑲᓇᐃᔭᖃᑎᖃᕐᓂᕐᒥ ᐃᓕᒃᑯᐊᖑᔪᓂ ᐃᖅᑲᓇᐃᔭᖅᑎᓂᑦ ᑲᖏᖅᖠᓂᕐᒥ ᐅᕙᑦᑎᓐᓄᑦ ᐊᖏᖅᓯᒪᑦᑎᐊᕐᒪᑕ, ᐊᒻᒪᓗ ᖁᔭᒋᕙᕋ ᑯᐊᐸᒃᑯᑦ ᐊᒻᒪ ᐱᓕᕆᑦᑎᐊᖁᕙᒃᑲ, ᐊᒻᒪ ᑕᒪᓐᓇ ᖁᔭᒋᕙᕋ."