ᐋᒥᓵᓐ ᑮᓯᓂᖃᖅᐳᖅ ᐅᑭᐅᖅᑕᖅᑐᒥ ᓂᐅᕕᕐᕕᒐᓚᐅᔪᓂ

ᓄᓇᕐᔪᐊᒥ ᐊᖏᓛᖑᔪᖅ ᖃᕋᓴᐅᔭᑎᒍᑦ ᓂᐅᕕᕐᕕᐅᔪᖅ ᐊᖅᓵᖅᓯᕗᖅ ᓂᐅᕕᐊᒃᓴᖃᕐᓂᐅᔪᒥ ᐱᔪᓐᓇᕋᔭᓚᐅᖅᑕᖏᓐᓂ ᓄᓇᕘᑉ ᓂᐅᕕᖅᑕᐅᓂᐅᒐᔪᒃᑐᓄᑦ ᓯᕗᓕᐅᖅᑎᓂᑦ, ᐅᖃᖅᑐᓂ ᖃᓄᐃᓐᓂᖃᕈᓐᓇᖅᐳᖅ ᐊᑐᖅᑕᐅᔪᒥ ᑕᐃᒪᐃᖏᓐᓇᖅᐸᑦ.

ᐊᑯᓂᐅᔪᒥ-ᓴᖅᑭᑎᑕᐅᓯᒪᔪᒥ ᓂᐅᕕᖅᑎᒃᑯᑦ (North West Company) ᐊᒻᒪᓗ ᐅᑭᐅᖅᑕᖅᑐᒥ ᑯᐊᐸᒃᑯᑦ ᐊᓕᐊᓇᐃᒍᓱᖕᓂᖃᕋᓗᐊᖅᑎᓪᓗᒋᑦ ᐊᖏᓂᖅᓴᐅᔪᓂ ᐅᑎᕐᕕᐅᓂᐅᔪᓂ ᓄᕙᒡᔪᐊᕐᓇᕐᒥ ᐊᒥᓱᓄᑦ ᖃᓂᒻᒪᓐᓇᐅᔪᒥ, ᐃᒃᐱᒍᓱᒃᐳᑦ ᐳᔾᔪᒃᑕᐅᓂᐅᔪᒥ ᖃᖓᑕᓲᒐᓵᓗᖕᓂ ᑕᑖᖅᑐᓂ ᓇᒃᓯᐅᔾᔪᓯᐊᓂ ᓄᓇᕗᒻᒥᐅᑦ ᑎᑭᓴᖅᑕᖏᓐᓂ ᐅᕘᓇ ᐋᒥᓵᓐᑯᑎᒍᑦ (Amazon).

"ᑕᒪᒃᑭᓕᒫᑦᑎᐊᑦ ᐋᒥᓵᓐᒥ (Amazon) ᕿᑐᑦᑐᒐᐅᔭᐃᑦ ᓄᖅᑲᖅᑎᑦᑎᕗᖅ ᐱᔪᓐᓇᕐᓂᐅᔪᒥ ᓄᓇᓕᖕᓂ ᓂᐅᕕᕐᕕᐅᔪᓂ ᐆᒪᔪᓐᓇᕐᓂᕐᒧᑦ," ᐅᖃᓚᐅᖅᐳᖅ ᑐᐊᐃᓐ ᐅᐃᓪᓯᓐ, ᐊᖓᔪᖅᑳᑉ–ᑐᖓᓕᖓ ᓇᖕᒥᓂᖃᖅᑎᐅᖃᑕᐅᔪᓄᑦ ᐱᓕᕆᓂᐅᔪᒥ ᐅᑭᐅᖅᑕᖅᑐᒥ ᑯᐊᐸᒃᑯᓐᓄᑦ.

ᐊᓚᓐ ᑰᑎᔅ, ᐊᐅᓚᑦᑎᔨᐅᔪᖅ ᐃᓗᐊᒍᑦ ᐋᔩᖃᑎᒌᖕᓂᐅᔪᒥ ᓂᐅᕕᖅᑎᒃᑯᓐᓄᑦ (North West Company), ᓇᓗᓇᐃᖅᓯᓚᐅᖅᐳᖅ "ᐋᒥᓵᓐ (Amazon) ᐃᓕᓯᓂᖓᓂ ᐊᒃᓱᕈᖅᑎᑦᑎᓂᐅᔪᒥ ᐃᖏᕐᕋᐃᓐᓇᖅᑐᒥ ᑮᓇᐅᔭᓕᐅᕋᓱᐊᕐᓂᕐᒧᑦ ᓄᓇᓕᖕᓂ–ᑐᙵᕕᓕᖕᓂ ᓂᐅᕕᕐᕕᐅᔪᓄᑦ ᓲᕐᓗ ᐅᕙᑦᑎᓐᓂ."

ᐋᒥᓵᓐ (Amazon), ᒫᓐᓇᐅᔪᒥ, ᐱᐅᓯᒋᐊᖅᑎᑦᑎᓇᓱᐊᖅᐳᑦ ᐅᓯᑲᑦᑕᕐᓂᐅᔪᒥ ᐱᔨᑦᑎᕋᕐᓂᐅᔪᒥ ᓄᓇᕘᑉ ᐊᖓᔪᖅᑳᖃᕐᕕᖓᓄᑦ, ᐅᖃᐅᓯᖃᓚᐅᖅᖢᓂ ᐱᓕᕆᖃᑎᖃᕐᓂᐅᔪᒥ ᑲᓇᐃᑎᐊᓐ ᓄᐊᑦᒥ ᑎᓯᐱᕆᒥ ᐊᒻᒪᓗ ᒪᑐᐃᖅᓯᓂᖏᓐᓂ ᐊᐃᒃᓯᕐᕕᒃᓴᒥ ᐃᒡᓗᕐᔪᐊᒥ ᓇᒃᓯᐅᔾᔪᓯᐊᓄᑦ ᐃᖃᓗᖕᓂ. ᑲᒻᐸᓂ ᑐᕌᖅᑎᑦᑎᓇᓱᐊᖅᐳᖅ ᑲᒪᒋᔭᖃᕐᓂᕐᒥ ᑎᑭᓴᖅᑕᐅᔪᓂ ᕿᓚᒻᒥᐅᑎᒋᔪᒥ ᐅᓪᓗᓂᑦ ᐱᖓᓱᓄᑦ.

ᐊᓯᖏᑦ ᓄᓇᕗᒻᒥ ᓄᓇᓕᐅᔪᑦ ᓂᕆᐅᒍᓐᓇᖅᐸᑦ ᑕᐃᒪᐃᑦᑐᒥ ᐱᔨᑦᑎᕋᕐᓂᐅᔪᒥ ᓯᕗᓂᒃᓴᒥ?

ᐋᒥᓵᓐ (Amazon) ᐅᖃᖅᑎᐅᔪᖅ ᑕᐃᕝ ᐸᐅᕗᕐ ᐅᖃᖅᐳᖅ, "ᐊᖏᒡᓕᒋᐊᕐᓂᐅᔪᒥ ᐃᓱᒪᒋᓪᓗᒍ, ᐱᔨᑦᑎᕋᖅᓯᒪᕗᒍᑦ ᐃᖃᓗᖕᓂ ᐊᒥᓱᓄᑦ ᐊᕐᕌᒍᓄᑦ. ᖃᐅᔨᓴᐃᓐᓇᐅᔭᖅᐳᒍᑦ ᐃᓂᐅᔪᓂ ᐊᖏᒡᓕᒋᐊᖅᑎᑦᑎᓂᕐᒧᑦ ᑐᓂᓯᓂᐅᔪᒥ ᓂᕈᐊᒐᒃᓴᐅᔪᓂ, ᑭᓯᐊᓂ ᒫᓐᓇᐅᔪᒥ ᑕᐅᑐᒃᑕᑐᐊᖃᑲᐃᓐᓇᕐᓂᕗᑦ ᐃᖃᓗᖕᓃᑐᐃᓐᓇᖅᐳᖅ."

ᐱᖁᑎᑦ ᐱᔭᐅᔪᒪᓂᖅᐹᖑᔪᓂ ᐅᑭᐅᖅᑕᖅᑐᒥ ᐸᐅᕗᕐ ᐅᖃᕈᒪᓚᐅᙱᓚᖅ ᑭᓲᓂᖓᓂ.

ᐊᒃᓱᕈᕈᑕᐅᔪᑦ ᐊᒻᒪ ᐱᕚᓪᓕᕈᑎᑦ

ᐅᐃᓪᓯᓐ ᐊᒻᒪ ᑰᑎᔅ ᐅᖃᖅᐳᑦ ᑲᒻᐸᓂᖏᑦ ᓵᙵᕗᑦ ᖁᑦᑎᖕᓂᖅᓴᐅᔪᓂ ᐊᑭᓕᒐᒃᓴᓂ ᓂᐅᕕᕐᕕᖃᕐᓂᕐᒧᑦ ᒪᓂᕋᕐᒥ ᐅᑭᐅᖅᑕᖅᑐᒥ.

ᑯᐊᐸᒃᑯᑦ 32–ᓂ ᐃᓂᖃᖅᐳᑦ ᓄᓇᕗᒻᒥ ᐊᒻᒪ ᓄᓇᑦᓯᐊᕐᒥ ᐊᒻᒪᓗ ᑕᐃᒃᑯᐊ ᓄᓇᓕᐅᔪᑦ ᑲᑎᙵᓂᖃᖅᑐᒥ ᐃᓄᒋᐊᖕᓂᖃᖅᐳᑦ ᐃᑲᔪᖅᓱᐃᓇᔭᙱᑦᑐᒥ ᐊᑕᐅᓯᑐᐊᒥ Canadian Tire ᓂᐅᕕᕐᕕᐅᔪᒥ ᖃᓪᓗᓈᑦ ᓄᓇᖓᓐᓂ, ᐅᖃᐅᓯᐅᓪᓗᓂ ᐅᐃᓪᓯᓐᒧᑦ.

ᐅᖃᓚᐅᖅᐳᖅ ᑐᑭᓯᐅᒪᑦᑎᐊᖅᐳᖅ ᖃᓄᐃᒻᒪᑦ ᓂᐅᕕᖅᐸᒃᑐᑦ ᓄᓇᕗᒻᒥ ᓂᐅᕕᕈᒪᕙᖕᓂᖏᓐᓂ ᐊᑭᑭᓐᓂᖅᓴᐅᔪᓂ ᐋᒥᓵᓐᑯᓐᓂ (Amazon) ᑭᓯᐊᓂ ᑕᐃᒪᐃᖏᓐᓇᕐᓂᐊᖅᐸᑦ, ᓂᐅᕕᕐᕖᑦ ᐅᑭᐅᖅᑕᖅᑐᒥ ᓅᑐᐃᓐᓇᕆᐊᖃᖅᐳᑦ ᓂᐅᕕᐊᒃᓴᖃᑐᐃᓐᓇᕐᓂᕐᒥ ᐱᖁᑎᓂᑦ ᐋᒥᓵᓐ (Amazon) ᓂᐅᕕᐊᒃᓴᕆᕙᙱᑕᖏᓐᓂ, ᐊᒻᒪᓗ ᐊᑭᐅᔪᑦ ᑕᐃᒃᑯᓂᖓ ᐱᖁᑕᐅᔪᓄᑦ, ᓲᕐᓗ ᐱᕈᖅᑐᕕᓂᕐᓂ ᓚᑕᔅᒥ, ᖁᕝᕙᕆᐊᕐᓂᐊᖅᐳᑦ, ᐃᓱᒪᒃᓴᖅᓯᐅᕆᓚᐅᖅᐳᖅ.

ᑰᑎᔅ ᐊᒃᓱᕈᕈᑕᐅᔪᒥ ᐅᐸᒃᓯᒪᓗᓂ ᓂᐅᕕᕐᓂᐅᔪᒥ ᐊᑐᐃᓐᓇᖃᖅᑎᑦᑎᕗᖅ ᐱᐅᓂᖅᓴᐅᔪᓂ ᐋᒥᓵᓐ (Amazon) ᐱᔪᓐᓇᙱᑕᖓᓂ.

"ᐊᒥᓱᑦ ᓂᐅᕕᕆᐊᖅᐸᒃᑐᓂ ᑕᑯᔪᒪᓲᖑᕗᑦ ᐱᖁᑎᒥᒃ ᓂᐅᕕᓚᐅᖅᑳᕋᑎᒃ ᐊᒻᒪᓗ ᐱᐅᒃᓴᕐᓂᖅᓴᐅᓲᖑᕗᑦ ᐱᖁᑎᖏᓐᓂ ᐱᑲᐅᑎᒋᓗᑎᒃ ᐃᕐᙲᓐᓇᑲᐅᑎᒋ," ᐅᖃᓚᐅᖅᐳᖅ.

"ᐃᖅᑲᓇᐃᔭᖅᑎᓂ ᐊᑐᐃᓐᓇᖃᖅᐳᑦ ᑭᐅᓂᕐᒧᑦ ᐊᐱᖅᑯᑕᐅᔪᓂ, ᐅᑎᖅᑎᕆᓂᐅᔪᓂ ᐱᓕᕆᓗᑎᒃ, ᐊᓯᖏᓐᓂᓪᓗ. ᐱᔪᓐᓇᕐᓂᖃᕆᕗᒍᑦ ᓯᕐᓗᐊᕐᒥᐅᑕᖃᕐᓂᕐᒥ ᐱᖁᑎᓂᑦ, ᑕᐃᒫᒃ ᐅᓯᑲᑦᑕᕐᓂᖅ ᐊᒃᑐᖅᑕᐅᓂᖃᕈᓂ ᓯᓚᒧᑦ, ᓲᕐᓗ, ᐊᑦᑕᓇᔾᔭᐃᖅᓯᒪᓂᕐᒧᑦ ᓯᕐᓗᐊᕐᒥᐅᑕᖃᓲᖑᕗᒍᑦ ᓄᓇᓕᖕᓄᑦ ᐊᒻᒪᓗ ᑕᒪᓐᓇ ᐱᓪᓚᕆᐅᓚᐅᖅᐳᖅ ᑕᐃᑲᓂᓗᒃᑖᖅ ᐊᒥᓱᓄᑦ ᖃᓂᒻᒪᓐᓇᐅᔪᒥ."

ᓂᐅᕕᖅᑎᒃᑯᑦ (North West Company) ᐃᑲᔪᖅᓱᐃᕗᖅ 925–ᓂ ᐃᖅᑲᓇᐃᔮᓂ ᓄᓇᕗᒻᒥ ᐊᒻᒪᓗ ᓇᖕᒥᓂᖃᕐᓂᐅᔪᖅ ᐊᑐᖅᓯᒪᕗᖅ ᐅᓄᕐᓂᖅᓴᐅᔪᒥ $75 ᒥᓕᐊᓐᓂ ᓴᓇᓂᕐᒧᑦ ᐊᒻᒪᓗ ᓄᑖᙳᕆᐊᖅᑎᑦᑎᓂᕐᒧᑦ ᐃᒡᓗᕐᔪᐊᖏᓐᓂ ᖄᖏᖅᓯᒪᓕᖅᑐᓂ ᐊᕐᕌᒍᓄᑦ ᑕᓪᓕᒪᓄᑦ, ᑰᑎᔅ ᐅᖃᓚᐅᖅᐳᖅ.

ᖄᒃᑲᓐᓂᐊᒍᑦ, ᑐᓂᕐᕈᑎᓂᑦ ᐊᒻᒪ ᑐᓐᓂᖅᑯᑎᒋᔭᐅᔪᓂ ᓄᓇᓕᖕᓄᑦ ᐱᔾᔪᑕᐅᔪᓄᑦ. ᓂᐅᕕᖅᑎᒃᑯᑦ (North West Company) ᐱᓕᕆᔨᐅᖃᑕᐅᓚᐅᖅᐳᑦ ᐆᒧᖓ $3.6-ᒥᓕᐊᓐᓂ ᓂᕿᓄᑦ ᓂᐅᕕᕈᓐᓇᐅᑎᓂᑦ ᐊᒻᒪᓗ ᓂᕿᓂᒃ ᐴᖅᓯᒪᔪᓂ ᐱᓕᕆᓂᐅᔪᒥ ᐊᒃᑐᖅᑕᐅᓴᕋᐃᑦᑐᓄᑦ ᓄᓇᖃᖅᑎᐅᔪᓄᑦ ᐅᑭᐅᖅᑕᖅᑐᓕᒫᒥ ᑕᐃᑲᓂ ᓄᕙᒡᔪᐊᕐᓇᖅ ᐊᒥᓱᓄᑦ ᖃᓂᒻᒪᓐᓇᐅᔪᒥ. ᐱᙳᐊᖅᑎᐅᔪᓄᑦ ᑲᑎᙵᓂᐅᔪᓂ ᐊᒻᒪᓗ ᐊᓯᖏᓐᓂ ᑲᑎᙵᓂᐅᔪᓂ ᐅᐸᒐᔪᒃᐳᑦ ᑲᒻᐸᓂᐅᔪᒥ ᑮᓇᐅᔭᓂᒃ ᐱᕈᖅᓴᐃᓇᓱᐊᖅᑎᓪᓗᒋᑦ.

"ᐅᐱᑉᐳᒍᑦ ᐃᑲᔪᖅᓱᐃᓂᐅᔪᒥ ᑐᓂᓯᕙᖕᓂᑦᑎᓐᓂ ᓄᓇᓕᖕᓄᑦ ᑲᑐᔾᔨᖃᑎᒌᖑᔪᓄᑦ ᐊᒻᒪᓗ ᓄᓇᓕᖕᓂ ᖃᓄᐃᓐᓂᐅᔪᓄᑦ; ᒪᓐᓇᒧᑦ ᐊᕐᕌᒍᒧᑦ ᑎᑭᑦᑐᒧᑦ, ᓂᐅᕕᕐᕕᖕᒥ–ᑭᒡᓕᐅᔪᒥ ᐊᑐᕐᓂᐅᔪᒥ ᓄᓇᓕᖕᓄᑦ ᑐᓐᓂᖅᑯᑎᒋᔭᖏᖕᓂ ᐊᖏᒡᓕᒋᐊᖅᓯᒪᕗᖅ 73 ᐳᓴᓐᑎᒥ. ᐊᖏᒍᓂ ᒥᑭᒃᑯᓂᓘᓐᓃᑦ, ᐅᑯᐊ ᐃᑲᔪᖅᓱᐃᓂᐅᔪᑦ ᐊᔪᕐᓇᙱᑎᑕᐅᓲᖑᕗᑦ ᓄᓇᓕᐅᑉ–ᐃᓗᐊᓂ ᐱᓕᕆᖃᑎᖃᕐᓂᑦᑎᓐᓂ ᓂᐅᕕᖅᐸᒃᑐᓄᑦ," ᐅᖃᓚᐅᖅᐳᖅ ᑰᑎᔅ.

ᐅᐃᓪᒥᓐ ᐃᓱᒪᒃᓴᖅᓯᐅᕆᓚᐅᖅᐳᖅ ᑭᓱᒥᒃ ᐋᒥᓵᓐ (Amazon) ᖃᓄᐃᓕᐅᕈᒪᓇᔭᕐᓂᖏᓐᓂ ᐃᑲᔪᖅᓱᐃᓂᕐᒧᑦ ᓄᓇᓕᖕᓂ ᐱᔾᔪᑕᐅᔪᓄᑦ.

'ᐅᖃᐅᓯᐅᓂᖓ ᓱᔪᒃᑎᑦᑎᓴᕋᐃᑉᐳᖅ'

ᑯᕆᔅ ᐅᐃᔅᑦ, ᐃᓱᒻᒥᖅᑐᐃᔨ ᕿᑭᖅᑖᓗᖕᒥ ᓇᖕᒥᓂᖅ ᐃᖅᑲᓇᐃᔭᕐᕕᓕᖕᓄᑦ ᑲᑐᔾᔨᖃᑎᒌᖑᔪᓂ, ᑕᑯᔪᓐᓇᖅᐳᖅ ᐱᔪᒪᓂᕆᔭᐅᓂᖓᓂ ᐋᒥᓵᓐᑯᓐᓂ (Amazon) ᑭᓯᐊᓂ ᐱᐅᙱᔾᔪᑎᒋᔭᖏᓐᓂ ᓴᖅᑭᔮᕐᓂᖏᓐᓂ.

"ᓱᔪᒃᑎᑦᑎᓴᕋᐃᑉᐳᖅ ᐅᖃᐅᓯᐅᓂᖓᓂ ᐅᖃᐅᓯᖃᕐᓂᖓᓂ ᓄᓇᓕᖕᓂ ᓂᐅᕕᖃᑦᑕᕐᓂᕐᒧᑦ ᐊᒻᒪᓗ ᐊᔭᐅᕇᓐᓇᐅᔭᓪᓗᐊᖅᐳᒍᑦ ᐃᓄᖕᓂ ᐃᑲᔪᖅᓱᐃᓂᕐᒧᑦ ᓇᖕᒥᓂᕆᔭᐅᔪᓂ ᐃᑲᔪᖅᓱᐃᕙᒃᑐᓂ ᐊᕐᕌᒍᓕᒫᒥ," ᐅᖃᓚᐅᖅᐳᖅ. "ᐊᒥᓱᑦ ᓄᓇᓕᖕᓂ ᓇᖕᒥᓂᕆᔭᕗᑦ ᐅᑎᖅᑎᕆᓲᖑᕗᑦ ᓄᓇᓕᖕᓄᑦ ᐱᔨᑦᑎᕋᖅᑕᖏᓐᓂ. ᑐᑭᓯᐅᒪᓪᓗᓂ ᐊᑭᖓᓂ ᐊᔾᔨᒋᙱᓐᓂᐅᔪᒥ ᐃᓱᒫᓘᑎᕐᔪᐊᖑᓂᖓᓂ ᐅᖃᐅᓯᖃᖅᑎᓪᓗᒋᑦ ᐋᒥᓵᓐᑯᓐᓂ (Amazon) ᑕᒪᒃᑭᒐᓚᖕᓄᑦ ᐱᖁᑕᐅᔪᓄᑦ, ᑕᐅᑐᒃᑕᑐᐊᖃᑲᐃᓐᓇᕆᐊᖃᕋᔭᖅᐳᒍᑦ ᐱᖁᑎᓂᑦ ᐊᑐᐃᓐᓇᐅᙱᑐᐃᓐᓇᕆᐊᖃᖅᑐᓂ ᐊᒥᓱᓂ ᓄᓇᓕᐅᔪᓂ ᐃᓚᒋᔭᖃᖅᑐᓂ."

Fact File

ᓂᐅᕕᖅᑎᒃᑯᑦ (North West Company) ᐊᒻᒪᓗ ᐅᑭᐅᖅᑕᖅᑐᒥ ᑯᐊᐸᒃᑯᑦ ᑮᓇᐅᔭᓕᐊᖏᑦ ᐊᒻᒪ ᑐᓐᓂᖅᑯᑎᒋᔭᖏᑦ

• ᓂᐅᕕᖅᑎᒃᑯᑦ (North West Company) ᐊᐅᓚᑦᑎᔨᐅᕗᑦ 118–ᓂ ᓂᐅᕕᖅᑎᒃᑯᓐᓂ ᓂᕿᑖᕐᕕᓂᑦ ᐊᒻᒪ ᑕᒪᐃᑎᒍᑦ ᓂᐅᕕᐊᒃᓴᒃᓴᓂ ᓂᐅᕕᕐᕕᓄᑦ, 7–ᓂ ᐊᖏᓂᖅᓴᓂ NorthMart–ᓂ ᓂᐅᕕᕐᕕᓂᑦ ᐊᒻᒪ ᐊᒥᓱᓂ ᓂᐅᕕᕐᕕᕋᓛᖑᔪᓂᑦ ᐅᐊᖕᓇᒥ ᑲᓇᑕᒥ. ᑲᒻᐸᓂᐅᔪᖅ ᐊᐅᓚᑦᑎᓲᖑᒋᕗᑦ ᐊᔾᔨᒌᙱᕈᓘᔭᖅᑐᓂ ᐊᓯᖏᓐᓂ ᓇᖕᒥᓂᕆᔭᐅᔪᓂ ᓇᒥᑐᐃᓐᓇᖅ ᑲᓇᑕᒥ ᐊᒻᒪ ᐊᓛᔅᑲᒥ.
• ᑕᖅᑭᓂ 9–ᓂ 12-ᓂ 2020–ᒥ ᑲᑎᓪᓗᒋᑦ ᓂᐅᕕᐊᒃᓴᐅᔪᓂ ᑎᑭᐅᑎᔪᓄᑦ $553 ᒥᓕᐊᓐᓂ, ᑮᓇᐅᔭᓕᐊᑦ ᓇᖕᒥᓂᖁᑎᒋᔭᒥᑦ ᐲᖅᓯᕕᐅᓚᐅᖅᑎᓐᓇᒋᑦ ᐱᕈᓚᐅᖅᐳᑦ 9.3 ᐳᓴᓐᑎᒥ.
• ᑕᖅᑭᓂ 6–ᓂ, ᑲᒻᐸᓂᐅᔪᖅ ᐅᓂᒃᑳᕆᓚᐅᖅᐳᖅ ᑕᒪᐃᑎᒍᑦ ᓂᐅᕕᖅᑕᐅᓂᐅᔪᓂ $648.5 ᒥᓕᐊᓐᓂ ᐊᒻᒪ ᐲᔭᐃᕝᕕᐅᓚᐅᖅᑎᓪᓗᒋᑦ ᑮᓇᐅᔭᓕᐊᖏᓐᓂ $62.6 ᒥᓕᐊᓐᓂ. ᓇᖕᒥᓂᓖᑦ ᑮᓇᐅᔭᓕᐊᖏᑦ ᐊᑭᓕᖅᑕᐅᔪᓂ ᓇᖕᒥᓂᖃᖅᑎᐅᖃᑕᐅᔪᓄᑦ ᖁᕝᕙᕆᐊᓚᐅᖅᐳᖅ 3 ᓴᓐᔅᓄᑦ ᐊᑐᓂ ᓇᖕᒥᓂᖃᖅᑎᐅᔾᔪᑎᒥᑦ 36 ᓴᓐᔅᓄᑦ.
• ᐃᓄᓕᒫᓄᑦ ᑕᐅᖅᓰᔭᐅᔪᖅ ᐊᒥᐊᒃᑯᖏᑦ ᐃᓚᒋᔭᐅᔾᔪᑎᒃᓴᖏᓐᓄᐊᖅᑕᐅᔪᑦ ᑕᐅᖅᓰᓂᐅᔪᒥ, ᓇᖕᒥᓂᖃᖅᑎᐅᔾᔪᑎᑦ ᓂᐅᕕᖅᑎᒃᑯᑦ (North West Company)
• ᐊᑭᖃᓪᓗᐊᓚᐅᖅᑐᒥ $3.17–ᒥ ᕕᕈᐊᕆ 1, 1995–ᒥ ᐊᑭᖃᓪᓗᐊᓕᖅᐳᑦ $32–ᑲᓴᖕᒥ ᐅᓪᓗᒥᐅᔪᒥ.
  ᓂᐅᕕᕐᕕᐅᔪᑦ ᐅᖃᓚᐅᖅᐳᑦ ᑐᓐᓂᖅᓴᐃᓂᖓᓂ ᑭᒡᓕᐅᔪᖅ ᐊᖏᒡᓕᒋᐊᖅᓯᒪᓂᖏᓐᓂ $2.6 ᒥᓕᐊᓐᓂ ᑭᐅᓂᕐᒧᑦ ᓄᕙᒡᔪᐊᕐᓇᖅ-19 ᐊᒥᓱᓄᑦ ᖃᓂᒻᒪᓐᓇᐅᔪᒥ ᐃᓱᐊᓂ ᑕᖅᑭᓄᑦ 6–ᓄᑦ.
• ᔫᓂᒥ, ᑲᒻᐸᓂᐅᔪᑦ ᐅᖃᐅᓯᖃᓚᐅᖅᐳᑦ $1 ᒥᓕᐊᓐᓂ ᐃᑲᔪᖅᓱᐃᓂᐅᔪᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪ ᖃᓄᐃᙱᑦᑎᐊᕐᓂᐅᔪᒧᑦ ᒪᒃᑯᒃᑐᓄᑦ ᐅᐊᖕᓇᒥ ᑲᓇᑕᒥ ᐅᕘᓇ ᐃᒡᓘᑉ–ᐃᓗᐊᒍᑦ ᑮᓇᐅᔭᓂᑦ ᐱᕈᖅᓴᐃᓂᐅᕙᒃᑐᓄᑦ ᖃᐅᔨᒪᔭᐅᔪᒥ Healthy Horizons Foundation–ᒥ.
• ᐅᑭᐅᖅᑕᖅᑐᒥ ᑯᐊᐸᒃᑯᑦ ᐊᐅᓚᑦᑎᕗᑦ 32–ᓂ ᑯᐊᐸᒃᑯᓐᓂ ᓂᐅᕕᕐᕕᓂ ᓄᓇᕗᓕᒫᒥ ᐊᒻᒪᓗ ᓄᓇᑦᓯᐊᕐᒥ.
• ᑲᒻᐸᓂᐅᑉ ᒫᓐᓇᓕᓴᐅᓛᖑᔪᒥ ᑎᑎᕋᖅᑕᐅᓯᒪᔪᒥ ᓂᐅᕕᖅᑕᐅᔪᓂ ᐃᑭᐊᖅᑭᕕᖓᓐᓂ 2018–ᒨᖓᕗᖅ ᓈᓴᐅᑎᐅᔪᑦ ᓇᖏᕐᓂᖃᖅᑎᓪᓗᒋᑦ $230 ᒥᓕᐊᓐᓂ.
• ᐃᓚᒋᔭᐅᓂᐅᔪᓄᑦ ᐃᑲᔪᖅᓯᖅᑕᐅᓂᐅᔪᓄᑦ ᐊᑭᓕᖅᑕᐅᓚᐅᖅᑐᓄᑦ ᐃᓚᒋᔭᐅᔪᓄᑦ ᑯᐊᐸᒃᑯᓐᓂ 2018–ᒥ ᑲᑎᓕᒫᕐᓗᒍ $10.8 ᒥᓕᐊᓐ–ᖑᓚᐅᖅᐳᑦ.

ᓇᑭᙶᕐᓂᖓ: ᓂᐅᕕᖅᑎᒃᑯᑦ ᐊᒻᒪᓗ ᐅᑭᐅᖅᑕᖅᑐᒥ ᑯᐊᐸᒃᑯᑦ