ᑭᓇᑐᐃᓐᓇᖅ ᐅᖃᐅᓯᐅᑎᓪᓗᒍ ᐱᓕᕆᐊᖑᔪᓂ ᓇᖕᒥᓂᙳᖅᑎᑦᑎᓂᕐᒧᑦ, ᐊᔾᔨᒌᙱᑦᑐᓂ ᖃᓄᐃᓕᐅᕐᓂᖃᕈᓐᓇᖅᐳᑦ ᐅᕝᕙᓘᓐᓃᑦ ᖃᓄᖅ ᐃᒃᐱᒍᓱᖕᓂᖃᕐᓂᐅᔪᒥ ᐆᒧᖓ ᐃᓕᖅᑯᓯᖃᕕᒋᔭᖃᕐᓂᕐᒧᑦ.
ᑕᒪᓐᓇ ᖃᓄᐃᓕᐅᕐᓂᕐᔪᐊᖑᒋᕙᕋ ᑕᐅᑦᑐᒃᑕᓐᓂ. ᐅᖃᐅᓯᕆᓚᐅᕐᓚᕗᑦ ᐅᓇ ᐃᓱᒪᓂᐅᔪᖅ.
ᐊᒥᓱᓂ ᐹᖅᓯᓂᑦᑎᓐᓂ ᐊᒻᒪ ᐃᓅᖃᑎᒌᖕᓂᐅᔪᓂ ᓄᓇᓕᖕᓂ, ᐹᖅᓯᓲᖑᕗᒍᑦ ᖃᓄᐃᓐᓂᐅᔪᓂ ᐊᒻᒪ ᖃᓄᐃᓕᖓᓂᐅᔪᓂ ᖁᒃᓴᓪᓚᒃᑎᑦᑎᓲᖑᔪᓂ ᐅᕙᑦᑎᓐᓂ. ᐃᓚᖏᑦ ᓂᕆᐅᒋᔭᐅᕗᑦ ᐊᒻᒪ ᓱᒃᑲᔪᒥ ᑲᒪᒋᔭᐅᑲᐅᖅᑐᕈᓐᓇᖅᐳᑦ ᐊᓯᖏᑦ ᐱᓕᕆᐊᖑᔪᑦ ᐃᓱᒪᒃᓴᖅᓯᐅᕆᓂᖃᕆᐊᖃᖅᖢᑎᒃ ᐊᒻᒪ ᐸᕐᓇᒃᑕᐅᑦᑎᐊᖅᓯᒪᔪᒥ ᑐᕌᖓᓂᐅᔪᒥ ᐋᖅᑭᒃᑕᐅᓂᖓᓄᑦ.
ᐸᕐᓇᐃᓂᖅ ᐊᒻᒪ ᐋᖅᑭᒃᓱᐃᓂᕐᒥ ᐊᖅᑯᑎᒃᓴᖓᓂ, ᐊᓯᑦᑎᓐᓂ ᐃᓱᒪᓲᖑᕗᒍᑦ ᐅᕙᑦᑎᓐᓂ ᐃᑲᔪᕐᓂᐊᖅᑐᓄᑦ. ᐊᐃᑦᑖᖑᒐᓗᐊᖅ ᐃᓚᖏᑦ ᐃᒻᒥᓂᑐᐊᖅ ᐋᖅᑭᒃᓱᐃᓇᓱᓲᖑᕗᑦ ᐃᓄᑑᓪᓗᑎᒃ. ᐱᓕᕆᓂᐅᔪᒥ ᐊᔪᕐᓇᖅᑎᑦᑎᒃᑲᓐᓂᕈᓐᓇᖅᐳᖅ, ᐊᒻᒪ ᐃᓛᓐᓂᒃᑯᑦ ᐃᓱᒪᓕᐅᕆᑲᐅᖅᑐᓲᖑᕗᑦ ᕿᒫᓂᕐᒧᑦ ᐅᕝᕙᓘᓐᓃᑦ ᓵᙵᔭᐅᔪᓐᓃᕐᓂᕐᒧᑦ .
ᑐᐊᕕᓗᐊᖅᑐᒥ ᐃᓱᒪᓕᐅᕆᒑᖓᑦᑕ ᐅᕙᑦᑎᓐᓂ ᐋᓐᓂᕐᔪᐊᖔᕈᓐᓇᖅᐳᒍᑦ ᐊᒻᒪ ᐃᒃᐱᒋᔭᒃᑰᖔᖅᑐᒃᑯᑦ ᐊᒻᒪ ᐅᔾᔨᕆᓇᓂ ᑖᔅᓱᒥᖓ ᐊᒃᑐᐃᓲᖑᕗᒍᑦ ᑕᐃᒃᑯᓄᖓ ᖃᓂᒋᔭᑦᑎᓐᓄᑦ. ᖃᔅᓰᖅᓱᖅᖢᑕ ᑐᓴᖅᓯᒪᕕᑕ, "ᐃᓱᒪᒃᓴᖅᓯᐅᕆᑦ ᐅᖃᓚᐅᙱᓐᓂᕐᓂ" ᐅᕝᕙᓘᓐᓃᑦ ᖃᓄᐃᓕᐅᓚᐅᙱᓐᓂᕐᓂ? ᐊᔪᕐᓇᖅᑑᕗᖅ ᖃᓄᐃᓐᓂᐅᔪᖅ ᐃᓚᖃᖅᑎᓪᓗᒍ ᐊᓯᔾᔨᖅᑕᖅᓴᕋᐃᑎᓪᓗᒍ ᐊᒻᒪ ᐃᒃᐱᒍᓱᕐᔪᐊᕐᓂᖅᑕᖃᖅᑎᓪᓗᒍ ᐃᓄᖕᓂ. ᐋᓐᓂᖅᓯᓇᓱᐊᕐᓂᖃᙱᑦᑑᒐᓗᐊᑦ, ᑭᓯᐊᓂ ᒫᓐᓇᐅᑎᓪᓗᒍ ᖃᓄᐃᓐᓂᐅᔪᒥ, ᖃᓄᐃᓕᔪᖃᖅᓯᒪᕗᖅ ᐊᒻᒪ ᖃᓄᐃᓐᓂᖃᖅᖢᓂ ᐊᔪᕐᓇᖅᑐᐊᓘᓪᓗᓂ ᐲᕆᐊᒃᓴᖅ ᐊᑯᓂᐸᓘᔪᒥ. ᑕᐃᒪᓐᓇ ᐱᐅᓂᖅᓴᐅᕗᖅ ᐃᓱᒪᒃᓴᖅᓯᐅᕆᓂᕐᒥ ᓂᓪᓕᓚᐅᙱᓐᓂᕐᓂ ᖃᓄᐃᓕᐅᕐᓗᑎᓪᓘᓐᓃᑦ.
ᐱᓕᕆᓂᕐᔪᐊᖑᔪᖅ ᐱᓕᕆᐊᖑᔪᓂᑦ ᓇᖕᒥᓂᙳᖅᑎᑦᑎᓂᕐᒥ ᐃᓛᓐᓂᒃᑯᑦ ᓇᓚᐅᑦᑐᒥ ᖃᓄᐃᓐᓂᖃᓲᖑᕗᖅ. ᓱᖏᐅᑎᓯᒪᔪᐃᓐᓇᐅᖅᑰᖅᐳᒍᑦ ᒪᒃᑯᒃᑐᓂ ᐊᐃᑉᐸᕇᖑᔪᓂᑦ ᐊᒻᒪ ᑐᐱᖓᓐᓂ ᓄᓇᕗᒻᒥ ᒪᓕᒐᓕᐅᕐᕕᐅᑉ ᓯᓚᑖᓂ, ᐆᒃᑐᕋᐅᑎᑦᑎᐊᕙᖅ ᓱᔪᐃᓂᐅᙱᑦᑐᒥ ᑭᓯᐊᓂ ᓴᖅᑭᑎᑦᑎᓂᐅᔪᒥ ᖃᓄᐃᓕᖓᕐᔪᐊᕐᓂᕆᔭᒥᓂᑦ. ᑕᐃᒪᑐᖅ ᑕᑯᒃᑲᓐᓂᔾᔮᙱᓚᒍᑦ ᑕᐃᒪᐃᑦᑐᒦᓐᓂᐅᔪᒥ ᑭᓯᐊᓂ ᐃ]<ᓐᓂᒃᑯᑦ ᑕᐃᒪᐃᑦᑕᕆᐊᖃᓲᖑᕗᒍᑦ.
ᒫᓐᓇᐅᔪᒥ ᐃᓅᖃᑎᒌᖕᓂᐅᔪᒥ ᐊᒻᒪ ᖃᓄᐃᓐᓂᐅᔪᒥ ᐸᖕᒥᐅᓗᐊᕐᓂᐅᔪᒥ ᐊᖏᕐᕋᕆᔭᐅᔪᓄᑦ, ᑕᒪᓐᓇ ᑐᕌᖅᑎᑦᑎᓲᖑᕗᖅ ᐃᓄᖕᓂ ᐱᓕᕆᐊᖑᔪᓂ ᓇᖕᒥᓂᙳᖅᑎᑦᑎᓲᖑᕗᑦ, ᓴᙵᔭᕆᐊᖃᓕᖅᖢᑎᒃ ᐃᖅᑲᖅᑐᐃᔨᒧᑦ ᐊᒻᒪ ᐊᕕᒃᓯᒪᕐᔪᐊᕐᓂᐅᔪᒥ ᓇᒡᓕᒋᔭᒥᓂᑦ.