Senior students at ᔫᓇ ᐊᒥᑦᓈᖅ ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖓ (JASS) ᐃᓱᒪᒋᔭᑐᐊᖃᓚᐅᖅᐳᑦ ᐱᓕᕆᐊᒃᓴᓄᑦ ᑕᓪᓕᒪᖓᓐᓂ ᐊᕐᕌᒍᑕᒫᒥ ᐱᓕᕆᐊᒃᓴᓄᑦ ᐱᓕᕆᐊᒃᓴᓄᑦ ᐅᔾᔨᕈᓱᖕᓂᐅᔪᒥ, ᐊᔪᙱᓐᓂᕐᓂ ᐊᒻᒪ ᖃᐅᔨᒪᓂᐅᔪᒥ (TASK) ᐱᓇᓱᐊᕈᓯᐅᔪᒥ ᖃᒪᓂᑦᑐᐊᑉᒥ.
ᐃᓕᓐᓂᐊᕐᕕᖕᒥ ᐃᓕᓐᓂᐊᕐᕕᐊᕈᓯᖏᓐᓂ ᓄᖅᑲᖓᑎᑕᐅᓚᐅᑲᓚᐅᖅᐳᑦ ᖄᖏᓵᖅᑐᒥ ᐱᓇᓱᐊᕈᓯᕐᒥ ᐃᓕᓐᓂᐊᖅᑏᑦ ᐃᓕᑦᑎᑎᓪᓗᒋᑦ ᐃᓕᓐᓂᐊᕐᓂᐅᔪᓂ ᐊᐅᓚᐅᓯᕆᓂᕐᓂ, ᓂᐱᑎᕆᓂᕐᒥᑦ, ᓂᕿᓕᐅᕆᓂᕐᒥ, ᐊᐅᔭᓕᕆᓂᖅ, ᓱᓪᓗᓕᕆᓂᖅ ᐊᒻᒪ ᓄᔭᓕᕆᓂᕐᒥ.
Patterk Kablutsiak is the picture of concentration while participating in the hairdressing discipline during Trades Awareness, Skills and Knowledge Week at Jonah Amitnaaq Secondary School in Baker Lake on May 15, 2018. photo courtesy Karen Yip
ᐱᓕᕆᐊᒃᓴᓄᑦ ᐅᔾᔨᕈᓱᖕᓂᐅᔪᒥ, ᐊᔪᙱᓐᓂᕐᓂ ᐊᒻᒪ ᖃᐅᔨᒪᓂᐅᔪᒥ ᐱᓇᓱᐊᕈᓯᖅ ᐱᒋᐊᕈᑕᐅᔪᖅ ᐱᓕᕆᖃᑎᒡᒋᖕᓂᐅᕗᖅ ᐅᑯᓇᓂ ᐊᒡᓂᑯᓪ ᐄᒍᓪ ᐅᔭᕋᖕᓂᐊᕐᕕᒃ (AEM), ᓄᓇᕗᒻᒥ ᒐᕙᒪᒃᑯᓐᓂ, ᓄᓇᕗᒻᒥ ᐃᓕᓐᓂᐊᕐᓂᓕᕆᔨᒃᑯᓐᓂ ᐊᒻᒪ ᓄᓇᕗᒻᒥ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᖕᒥ (NAC).
ᐱᓇᓱᐊᕈᓯᐅᔪᖅ ᐱᔪᓐᓇᖅᑎᑦᑎᓚᐅᖅᐳᖅ ᐃᓕᓐᓂᐊᖅᑎᓂᑦ ᐃᓕᑦᑎᓂᕐᒧᑦ ᐱᓕᕆᐊᒃᓴᓂᑦ ᐊᒡᓂᑯᓪ ᐄᒍᓪ ᐅᔭᕋᖕᓂᐊᕐᕕᖓᓐᓂ ᐊᒻᒪ ᓄᓇᕗᒻᒥ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᖕᒥ ᐃᓕᓴᐃᔨᐅᔪᓂᑦ ᐊᒡᒐᒥᑎᒍᑦ ᐱᓕᕆᓕᒪᓂᖃᕐᓂᕐᒧᑦ.
75-ᐸᓗᖕᓂ ᐃᓕᓐᓂᐊᖅᑎᓂᑦ ᓂᕆᐅᒋᔭᐅᓚᐅᖅᐳᑦ ᐃᓚᐅᖃᑕᐅᓂᕐᒧᑦ.
ᐊᒡᓂᑯᓪ ᐄᒍᓪ ᐅᔭᕋᖕᓂᐊᕐᕕᒃ ᓄᓇᓕᖕᓂ ᖃᐅᔨᒪᖃᑎᒌᖕᓂᕐᒧᑦ ᐊᐅᓚᑦᑎᔨᖓ ᑭᐊᕆᓐ ᔨᑉ ᐅᖃᓚᐅᖅᐳᖅ ᐱᓕᕆᐊᒃᓴᓄᑦ ᐅᔾᔨᕈᓱᖕᓂᐅᔪᒥ, ᐊᔪᙱᓐᓂᕐᓂ ᐊᒻᒪ ᖃᐅᔨᒪᓂᐅᔪᒥ ᐱᓇᓱᐊᕈᓯᖓ ᓴᖑᓯᒪᓕᖅᐳᖅ ᒫᓐᓇᐅᔪᒥ ᑕᑯᒃᓴᐅᑎᑦᑎᓪᓗᓂ ᐃᓚᖏᓐᓂ ᐊᒡᓂᑯᓪ ᐄᒍᓪ ᐅᔭᕋᖕᓂᐊᕐᕕᒃᑯᑦ ᓇᖕᒥᓂᖅ ᐊᐅᐸᖅᑐᒥ ᓇᓗᓇᐃᒃᑯᑕᖓᓐᓂ ᐃᓕᓴᖅᓯᒪᔪᓂ ᐱᓕᕆᐊᒥᓂᑦᐸᐃᑉᐹᖅᑖᖅᑐᓄᑦ ᐊᒻᒪ ᐃᓕᓐᓂᐊᖅᐸᓪᓕᐊᓪᓗᑎᒃ ᐃᖅᑲᓇᐃᔮᖅᑖᕋᓱᐊᕈᑎᓂᑦ ᐱᓇᓱᐊᖅᑎᐅᔪᓂᑦ ᐃᓕᓴᐃᔨᐅᓪᓗᑎᒃ, ᐃᓚᖃᖅᑐᒥ ᐃᓚᖏᑦ ᐃᓕᓐᓂᐊᖅᑎᐅᕙᓚᐅᖅᑐᓂ ᔫᓇ ᐊᒥᑦᓈᖅ ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖓᓐᓂ.
ᐅᖃᓚᐅᖅᐳᖅ ᐱᓕᕆᐊᖑᔪᖅ ᐊᖏᕈᑕᐅᑦᑎᐊᖅᓯᒪᕗᖅ ᐃᓕᓴᐃᔨᓄᑦ, ᐃᓕᓴᐃᔨᓄᑦ ᐊᒻᒪ ᐃᓕᓐᓂᐊᖅᑎᓄᑦ ᐃᒻᒥᖕᓄᑦ.
“ᐅᖃᐅᔾᔭᐅᓯᒪᕗᖓ ᐱᓕᕆᐊᒃᓴᓄᑦ ᐅᔾᔨᕈᓱᖕᓂᐅᔪᒥ, ᐊᔪᙱᓐᓂᕐᓂ ᐊᒻᒪ ᖃᐅᔨᒪᓂᐅᔪᒥ ᐱᓇᓱᐊᕈᓯᖓ ᐅᐸᑦᑎᐊᖅᑕᐅᓯᒪᓛᖑᓂᖓᓂ ᐱᓇᓱᐊᕈᓯᖓᓐᓂ ᑕᒪᕐᒥᓕᒫᕐᒥ ᐃᓕᓐᓂᐊᕐᕕᐅᑉ ᐊᕐᕌᒍᖓᓂ,” ᐅᖃᓚᐅᖅᐳᖅ ᔨᑉ. “ᐱᓇᓱᐊᕈᓯᐅᔪᖅ ᑐᓂᓯᓲᖑᕗᖅ ᐃᓕᓐᓂᐊᖅᑎᓂᑦ ᐱᕕᒃᓴᖃᕐᓂᐅᔪᒥ ᐊᑐᕐᓂᖃᕐᓂᕐᒥ ᓄᑖᖑᔪᒥ ᐊᒻᒪ ᐱᔪᒥᓇᖅᑐᒥᑦ.”
ᔨᑉ ᐅᖃᓚᐅᖅᐳᖅ ᐊᑕᐅᓯᖅ ᐃᓕᓐᓂᐊᖅᑎᐅᔪᖅ ᐅᓂᒃᑲᐅᓯᐅᓯᒪᕗᖅ “ᐊᔪᙱᑲᐅᑎᒋᔪᒥ” ᐃᓕᓴᐃᔨᐅᔪᒧᑦ ᐃᓕᓐᓂᐊᕐᓂᐅᔪᒥ ᐃᓚᐅᖃᑕᐅᕕᒋᔭᒥᓂᑦ ᐱᓇᓱᐊᕈᓯᐅᓚᐅᖅᑐᒥ.
ᐅᖃᓚᐅᖅᐳᖅ ᑕᐃᒪᐃᑦᑐᒥ ᐱᐅᔪᒥ ᐅᖃᐅᔾᔨᓂᐅᔪᒥ ᐅᔭᐅᕆᓂᐅᕐᔪᐊᕈᓐᓇᖅᐳᖅ ᐃᓕᓐᓂᐊᖅᑎᒧᑦ.
ᐅᓄᕐᓂᐅᔪᑦ ᐃᓄᖕᓂ ᐃᓕᓴᐃᔨᐅᔪᓂᑦ ᐊᒻᒪ ᐃᑲᔪᖅᑎᐅᔪᓂ ᐃᓕᓴᐃᔨᓂᑦ ᐃᓚᐅᖃᑕᐅᔪᓂ ᑕᒪᑐᒪᓂ ᐊᕐᕌᒍᒥ ᐱᓕᕆᐊᒃᓴᓄᑦ ᐅᔾᔨᕈᓱᖕᓂᐅᔪᒥ, ᐊᔪᙱᓐᓂᕐᓂ ᐊᒻᒪ ᖃᐅᔨᒪᓂᐅᔪᒥ ᐱᓇᓱᐊᕈᓯᐅᔪᒥ ᑭᒡᒐᖅᑐᐃᕗᖅ ᐱᓱᖕᓂᐅᒃᑲᓐᓂᖅᐳᖅ ᓯᕗᒻᒧᑦ ᐊᒡᓂᑯᓪ ᐄᒍᓪ ᐅᔭᕋᖕᓂᐊᕐᕕᐅᑉ ᐱᒋᐊᕈᑎᖓᓐᓄᑦ.
ᔨᑉ ᐅᖃᓚᐅᖅᐳᖅ ᐃᓄᖕᓂ ᐃᓕᓴᐃᔨᖃᕐᓂᖓᓂ ᐃᓚᐅᖃᑕᐅᔪᓂ ᐱᓕᕆᐊᖑᔪᒥ ᐊᖏᒡᓕᒋᐊᖅᑎᑦᑎᒃᑲᓐᓂᕆᕗᖅ ᐃᓕᓐᓂᐊᖅᑏᑦ ᐱᔪᒪᓂᖏᓐᓂ ᐊᒻᒪ ᐊᖏᒡᓕᒋᐊᖅᑎᑦᑎᑐᐃᓐᓇᕆᐊᖃᕆᕗᖅ ᐃᒻᒥᓂ ᐅᒃᐱᕈᓱᖕᓂᖏᓐᓂ ᐱᓕᕆᑦᑎᐊᕈᓐᓇᕐᓂᕐᒧᑦ ᐱᓕᕆᐊᒃᓴᕆᔪᒪᔭᒥᓂᑦᑕᐅᖅ.
“ᐅᑯᐊ ᐃᓕᓴᐃᔨᐅᔪᑦ ᐃᓕᓐᓂᐊᖅᑎᑦ ᐃᓱᒪᒋᔪᓐᓇᑦᑎᐊᖅᐸᖏᑦ ᐱᕈᖅᓴᓯᒪᖕᒪᑕ ᐊᔾᔨᖓᓂ ᐊᕙᑎᐅᔪᒥ ᐃᒻᒥᒃᑯᑎᒍᑦ,” ᐅᖃᓚᐅᖅᐳᖅ.
ᔨᑉ ᐅᖃᓚᐅᖅᐳᖅ ᐊᒡᓂᑯᓪ ᐄᒍᓪ ᐅᔭᕋᖕᓂᐊᕐᕕᒃ ᖁᕕᐊᑉᐳᑦ ᐅᓄᖅᓯᕙᓪᓕᐊᓂᐅᔪᒥ ᐊᕐᓇᓂᑦ ᓂᕈᐊᖅᐸᓪᓕᐊᔪᓄᑦ ᐱᓕᕆᐊᕆᔪᒪᔭᒥᓂᑦ ᐱᓕᕆᐊᒃᓴᓄᑦ.
ᐅᖃᓚᐅᖅᐳᖅ ᐊᕐᓇᐃᑦ 17 ᐳᓴᓐᑎᖓᓐᓂ ᑲᓇᑕᒥ ᐃᖅᑲᓇᐃᔭᖅᑎᖁᑎᒋᔭᖏᓐᓄᑦ ᐅᔭᕋᖕᓂᐊᕐᓂᕐᒧᑦ ᐱᓕᕆᓂᐅᔪᒥ, ᐊᒡᓂᑯᓪ ᐄᒍᓪ ᐅᔭᕋᖕᓂᐊᕐᕕᒃ ᐃᒃᓯᕚᖅᑎᓪᓗᒍ 19 ᐳᓴᓐᑎᖓᓂ ᐊᒻᒪ ᑐᕌᕋᓱᐊᖅᐳᑦ ᖁᑦᑎᖕᓂᖅᓴᒻᒪᕆᐅᔪᒧᑦ ᐳᓴᓐᑎᖓᓄᑦ ᓯᕗᒻᒧᑦ ᐃᖏᕐᕋᓂᐅᔪᒥ.
“ᐊᕐᓇᓂ ᐃᓕᓐᓂᐊᖅᑎᖃᕆᕗᒍᑦ ᐊᐅᔭᓕᕆᓂᕐᒧᑦ ᐃᓕᓐᓂᐊᕐᓂᐅᔪᒥ, ᐊᒻᒪ ᐊᕐᓇᑦ ᑕᒪᒃᑭᓂ ᐊᐅᓚᐅᓯᕆᓂᕐᒧᑦ ᐊᒻᒪ ᓂᐱᐅᓯᖅᑎᕆᓂᕐᒧᑦ ᐃᓕᓐᓂᐊᕐᕕᐊᕈᓯᕐᓂᑦ, ᐊᒻᒪᓗᑦᑕᐅᖅ ᐊᖑᑎᓂᑦ ᓄᔭᓕᕆᓂᕐᒧᑦ ᐃᓕᓐᓂᐊᕐᓂᐅᔪᒥ,” ᐅᖃᓚᐅᖅᐳᖅ.
ᔨᑉ ᐅᖃᓚᐅᖅᐳᖅ ᐱᓕᕆᐊᒃᓴᓄᑦ ᐅᔾᔨᕈᓱᖕᓂᐅᔪᒥ, ᐊᔪᙱᓐᓂᕐᓂ ᐊᒻᒪ ᖃᐅᔨᒪᓂᐅᔪᒥ ᐱᓇᓱᐊᕈᓯᐅᔪᖅ ᖃᓄᐃᑦᑑᓂᖓᓂ ᐱᓕᕆᐊᖑᕗᖅ ᐱᑕᖃᑐᐃᓐᓇᕆᐊᖃᖅᑐᒥ ᑐᓂᓯᓂᕐᒧᑦ ᐱᕙᓪᓕᕈᑎᓂᑦ ᐊᑯᓂᐅᔪᒥ ᒥᐊᑐᐹᖕᒃ ᐱᓕᕆᓗᓂ ᐅᔭᕋᖕᓂᐊᕐᕕᐅᔪᓐᓃᕐᓗᓂ ᐊᒻᒪ ᑲᒻᐸᓂᐅᔪᖅ ᓅᓯᒪᓕᕐᓗᓂ ᐱᓕᕆᐊᒃᓴᓄᑦ ᐱᓕᒻᒪᒃᓴᕐᓂᕐᓄᑦ ᑐᓂᓯᓗᓂ ᐱᔪᓐᓇᑦᑎᐊᖅᑐᓄᑦ ᑐᒃᓯᕋᖅᑐᓄᑦ ᑭᒡᓕᖃᓱᐃᑦᑐᐸᓗᖕᒥ ᐱᕕᒃᓴᖃᕐᓂᐅᔪᓄᑦ.
“ᑕᒪᕐᒥᑲᓴᖕᓂ ᓄᓇᓕᐅᔪᓄᑦ ᐅᓪᓗᒥ ᐳᓚᕋᖅᑕᕐᓄᑦ ᑭᕙᓪᓕᕐᒥ, ᐊᒻᒪ ᓄᓇᕗᓕᒫᒥ, ᐃᓕᓴᖅᓯᕗᒍᑦ ᐱᔭᕆᐊᖃᕐᓂᐅᔪᒥ ᐅᓄᕐᓂᖅᓴᐅᔪᓂ ᐱᓕᕆᐊᒃᓴᓄᑦ ᐃᓄᖕᓂᑦ,” ᐅᖃᓚᐅᖅᐳᖅ.
ᔨᑉ ᐅᖃᓚᐅᖅᐳᖅ ᑲᒻᐸᓂᐅᔪᖅ ᓱᓕ ᓂᕆᐅᒃᐳᖅ ᐊᖏᒡᓕᒋᐊᖅᑎᑦᑎᔪᒪᓂᖏᓐᓂ ᐱᓕᕆᐊᒃᓴᓄᑦ ᐅᔾᔨᕈᓱᖕᓂᐅᔪᒥ, ᐊᔪᙱᓐᓂᕐᓂ ᐊᒻᒪ ᖃᐅᔨᒪᓂᐅᔪᒥ ᐱᓇᓱᐊᕈᓯᐅᔪᒥ ᖃᒪᓂᑦᑐᐊᑉ ᓯᓚᑖᓄᑦ ᐊᓯᖏᓐᓄᑦ ᓄᓇᓕᐅᔪᓄᑦ ᐊᒻᒪ ᐱᕕᒃᓴᖃᑐᐃᓐᓇᕆᐊᖃᖅᐳᖅ ᑕᐃᒪᐃᑦᑐᓐᓇᓛᕐᓂᖓᓂ ᕿᓚᒻᒥᐅᑎᒋᔪᒥ ᑎᑭᑉᐸᓪᓕᐊᔪᒧᑦ ᐊᕐᕌᒍᒥ.
“ᑕᐃᒪᐃᑦᑐᓐᓇᖅᑐᖅ...ᑭᓯᐊᓂ ᐅᖃᕈᒪᙱᓚᖓ ᖃᓄᐃᑦᑐᖃᕐᓂᐊᕐᓂᖓᓂ ᑕᐃᒪᐃᙱᑐᐃᓐᓇᕆᐊᖃᕐᒪᑦ,” ᐅᖃᓚᐅᖅᐳᖅ. “ᑭᓯᐊᓂ, ᓱᓕ, ᐄ, ᐃᓱᒪᕗᒍᑦ ᖃᓄᐃᓕᐅᕈᓐᓇᑐᐃᓐᓇᕆᐊᖃᖅᐳᒍᑦ ᐊᕐᕌᒎᓂᐊᖅᑐᒥ.”