ᐃᓚᒋᔭᐅᔪᑦ 3055 ᑲᓇᑕᒥ ᐅᓇᑕᖅᑐᒃᓴᓄᑦ ᐅᓇᑕᖅᑐᒃᓴᙳᐊᓄᑦ ᑲᑎᙵᓂᐅᔪᑦ (RCACC) ᓇᐅᔮᓂ ᖁᑭᕆᐊᑦᑎᐊᕋᓱᐊᕐᓂᕐᒧᑦ ᑲᑎᙵᓂᐅᔪᑦ ᑲᑭᓪᓚᓈᖅᐳᑦ ᐅᑕᖅᑭᑎᓪᓗᒋᑦ ᑐᓴᕐᓂᕐᒧᑦ ᐱᔪᓐᓇᕐᓂᐊᕐᓂᖏᓐᓄᑦ ᑎᑭᑉᐸᓪᓕᐊᔪᒧᑦ ᐊᕕᒃᑐᖅᓯᒪᓂᐅᔪᒧᑦ ᓵᓚᖃᕋᓱᐊᕐᓂᐅᔪᒧᑦ ᒋᒻᓕ, ᒫᓂᑑᐸᒥ ᑕᒪᑐᒪᓂ ᑕᖅᑭᐅᔪᒥᑦ.
ᑳᑉᑕᓐ ᓗᐊᐃᑦ ᕗᕌᓐᓯᔅ ᐅᖃᓚᐅᖅᐳᖅ ᓇᐅᔮᓂ ᐅᓇᑕᖅᑐᒃᓴᙳᐊᖏᑦ ᖁᑭᖅᓯᓚᐅᖅᐳᑦ ᑐᕌᒐᕆᓇᓱᐊᖅᑕᖏᓐᓄᑦ ᕕᕈᐊᕆ 17-ᖑᑎᓪᓗᒍ, ᑎᑎᖅᑲᒃᑯᕕᑎᒍᑦ ᐊᐅᓪᓚᖅᑎᑕᐅᓪᓗᑎᒃ ᕕᕈᐊᕆ 20-ᒥ ᓇᐃᓴᐅᓯᖅᑕᐅᔭᖅᑐᖅᖢᑎᒃ ᐅᐃᓂᐸᐃᒡᒥ.
ᐅᖃᓚᐅᖅᐳᖅ ᓇᐃᓴᐅᓯᖅᑕᐅᓂᖏᑦ ᑐᕌᒐᕆᔭᐅᔪᓄᑦ ᐱᔭᕇᖅᑕᐅᔪᒃᓴᐅᑕᐅᓚᐅᖅᐳᑦ ᒫᔾᔨ 2-ᒥ ᐊᒻᒪᓗ ᑕᒪᕐᒥᒃ ᓂᕆᐅᒃᐳᑦ ᑐᓴᕐᓂᐊᕐᓂᕐᒧᑦ ᑭᖑᓪᓕᖅᐹᖓᓂ ᖃᓄᐃᓐᓂᐅᔪᓂᑦ ᑕᒪᑐᒪᓂ ᐱᓇᓱᐊᕈᓯᐅᔪᒥᑦ.
“ᓵᓚᖃᕋᓱᐊᖅᐳᒍᑦ ᐊᓯᖏᓐᓄᑦ ᐅᓇᑕᖅᑐᒃᓴᙳᐊᓄᑦ ᑲᓇᖕᓇᒥ ᐅᑭᐅᖅᑕᖅᑐᒥ (ᓄᓇᕗᒻᒥ) ᐱᔪᓐᓇᖃᑕᐅᓂᕐᒧᑦ ᒪᓕᒃᑐᒧᑦ ᖃᓄᐃᓐᓂᐅᔪᒧᑦ, ᐊᕕᒃᑐᖅᓯᒪᓂᐅᔪᒧᑦ ᖁᑭᕆᐊᑦᑎᐊᕋᓱᐊᕐᓂᐅᔪᒧᑦ ᓵᓚᖃᕋᓱᐊᕐᓂᐅᔪᒧᑦ ᒋᒻᓕᒧᑦ ᑎᑭᑉᐸᓪᓕᐊᔪᒧᑦ ᑕᖅᑭᐅᔪᒧᑦ,” ᐅᖃᓚᐅᖅᐳᖅ ᕗᕌᓐᓯᔅ.
ᐱᔪᓐᓇᕐᓂᐅᔪᒧᑦ ᐱᓇᓱᐊᕐᓂᐅᔪᖅ ᓇᓗᓇᐃᕐᓂᐅᖃᑕᐅᓚᐅᖅᐳᖅ ᐱᔭᒃᓴᖃᐅᕐᓂᐅᔪᒥ ᑕᖅᑭᒥᑦ 3055 RCACC-ᑯᓐᓄᑦ, ᑕᑯᓚᐅᕐᒥᔪᒥ ᐅᓇᑕᖅᑐᒃᓴᙳᐊᓂᑦ ᓂᕆᐅᓇᙱᑦᑐᒥ ᑮᓇᐅᔭᓂᑦ ᐱᕈᖅᓴᐃᓂᐅᔪᒥ ᐱᕕᒃᓴᖃᕐᓂᐅᔪᒥᑦ.
ᕗᕌᓐᓯᔅ ᐅᖃᓚᐅᖅᐳᖅ ᐃᓚᒋᔭᐅᔪᑦ ᓄᓇᓕᖕᓂ ᑯᐊᐸᒃᑯᖏᑦ ᓂᐅᕕᕐᕕᖓᑦ ᐅᐸᒍᑎᓚᐅᖅᐳᑦ ᓇᐅᔮᓂ ᑲᑎᙵᓂᐅᔪᓄᑦ ᐊᒻᒪ ᐊᐱᕆᓪᓗᑎᒃ ᐅᓇᑕᖅᑐᒃᓴᙳᐊᑦ ᐃᑲᔪᕈᓐᓇᕐᒪᖔᑕ ᓂᕆᑎᑦᑎᓂᐅᓂᐊᖅᑐᒥ ᓇᒡᓗᒍᓱᖕᓇᐅᔪᒥ ᐅᓪᓗᖓᓄᑦ.
ᐅᖃᓚᐅᖅᐳᖅ ᐅᓇᑕᖅᑐᒃᓴᙳᐊᑦ ᐊᖏᖅᑎᓪᓗᒋᑦ ᐃᓚᐅᖃᑕᐅᓂᐅᔪᒥ, ᖃᔅᓯᒐᓚᐃᑦ ᓂᕿᓂᑦ ᑐᓂᓯᔨᐅᖃᑕᐅᓚᐅᖅᐳᑦ ᖃᓄᐃᓕᐅᕐᓂᐅᔪᒥᑦ.
“ᓄᑕᖅᑲᐃᑦ ᐱᑲᐅᑎᒋᓚᐅᖅᐸᖓᑦ ᐃᕐᙲᓐᓇᑲᐅᑎᒋ ᐊᒻᒪᓗ ᐊᓕᐊᓇᐃᒋᑦᑎᐊᓚᐅᖅᖢᓂᔾᔪᒃ,” ᐅᖃᓚᐅᖅᐳᖅ. “ᐊᓕᐊᓇᐃᒋᔭᐅᑦᑎᐊᓚᐅᖅᐳᖅ ᐱᓕᕆᓂᕐᒧᑦ 20-ᐸᓗᖕᓄᑦ ᐃᓄᖕᓄᑦ ᐅᐸᓚᐅᖅᑐᓂ ᓂᕿᓕᐊᖑᔪᒥ ᓂᕆᓂᐅᓚᐅᖅᑐᒥᑦ. 9-ᖑᔪᑦ ᐅᓇᑕᖅᑐᒃᓴᙳᐊᑦᑎᓐᓂ ᐃᑲᔪᖃᑕᐅᓚᐅᖅᐳᑦ ᓂᕿᓂᑦ ᑐᓂᐅᖅᑲᐃᓪᓗᑎᒃ ᑐᔪᕐᒥᕕᖕᒥ ᐅᑭᐅᖅᑕᖅᑐᒥ ᐊᒻᒪᓗ, ᑭᖑᓂᐊᒍᑦ, ᑯᐊᐸᒃᑯᑦ ᑐᓂᓯᓚᐅᖅᐳᑦ ᐃᓚᖓᓐᓂ ᑮᓇᐅᔭᓕᐊᖑᔪᓂᑦ ᐱᓕᕆᐊᕆᔭᑦᑎᓐᓄᑦ.”
3055 RCACC-ᑯᑦ ᐊᑕᐅᓯᐊᒃᑲᓐᓂᕐᒥ, ᐱᓕᕆᓇᓱᐊᕐᓂᐊᖅᐳᑦ 20-ᖓᓂ ᓇᓪᓕᐅᑎᓂᖓᓐᓄᑦ ᖁᕕᐊᓲᑎᖃᕐᓂᕐᒧᑦ ᐅᓐᓄᒃ ᓇᐅᔮᓂᑦ.
ᖃᓄᐃᓐᓂᐅᔪᖅ ᑭᖑᕙᕆᐊᕆᐊᖃᓚᐅᖅᐳᖅ ᒪᕐᕈᐃᖅᓱᖅᑕᐅᓪᓗᓂ ᓂᒡᓚᓱᕐᔪᐊᕐᓂᐅᔪᒧᑦ ᐊᒻᒪ ᐱᖅᓯᕐᓂᐅᔪᒧᑦ ᐊᔪᓕᖅᑎᑦᑎᓚᐅᖅᑐᒥ ᓄᓇᓕᐅᔪᒥᑦ ᑕᕐᒥᒐᓚᒃ ᕕᕈᐊᕆᒥᑦ.
ᕗᕌᓐᓯᔅ ᐅᖃᓚᐅᖅᐳᖅ ᓯᓚ ᐱᐅᓂᐊᖅᑰᔨᕗᖅ ᑕᒪᑐᒧᖓ ᐅᓐᓅᔪᒧᑦ ᐊᒻᒪᓗ, ᑕᐃᒪᑐᖅ, ᐱᖓᔪᖓᓐᓂ ᐱᔪᓐᓇᑦᑎᐊᕐᓂᐅᓂᐊᖅᐳᖅ ᖁᕕᐊᓱᒍᑕᐅᓂᐅᔪᒧᑦ.
ᐅᖃᓚᐅᖅᐳᖅ ᑲᑎᙵᓂᐅᔪᑦ ᐱᓚᐅᕆᕗᑦ ᒫᓐᓇᓕᓴᐅᔪᓂ ᓇᒃᓯᐅᑎᓂᐅᔪᓂᑦ ᓄᑖᓂᑦ ᐅᕕᓂᕈᕐᓂᑦ ᑕᒪᑐᒪᓂ ᑕᖅᑭᐅᓚᐅᖅᑐᒥ ᐊᒻᒪᓗ ᓄᑖᓂᑦ ᖃᓕᐹᓂᑦ ᑎᑭᓴᐃᓚᐅᕆᕗᑦ ᐊᐃᓛᕈᒪᓪᓗᓂᒋᑦ ᐅᐃᓂᐸᐃᒡᒦᑎᓪᓗᒋᑦ.