Skip to content

ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐊᔭᐅᖅᑐᐃᔪᑦ ᓱᓕ ᐃᓕᖅᑯᓯᓕᕆᕝᕕᒃᓴᑦ ᒥᒃᓵᓄᑦ

ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐸᕐᓇᐃᑎᓪᓗᒋᑦ ᐃᓕᖅᑯᓯᑐᖃᓕᕆᕝᕕᒃᓴᓂᒃ ᑕᒪᐃᓐᓄᑦ ᓄᓇᓕᖕᓄᑦ ᑭᕙᓪᓕᕐᒥ ᑲᔪᓯᓂᖃᑦᑎᐊᖅᑐᑦ, ᑭᓯᐊᓂ ᑮᓇᐅᔭᓕᕆᓂᒃᑯᑦ ᐊᒃᓱᕈᕐᓇᖅᑐᖃᕐᒪᑦ ᖄᖏᐅᑎᔭᕆᐊᓕᖕᓂᒃ.
ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐊᖓᔪᖅᑳᖓ ᑕᐃᕕᑎ ᓂᖏᐅᖓᓐ ᐅᖃᖅᖢᓂ ᐸᕐᓇᐅᑎᖏᓐᓃᓚᐅᖅᑐᕉᖅ ᓯᕗᓪᓕᖅᐹᒥ ᓂᕈᐊᖅᑕᐅᒐᒥ ᑕᓪᓕᒪᑦ ᐅᑭᐅᑦ ᐱᐊᓂᒃᓯᒪᓕᖅᑐᑦ ᓄᓇᓖᑦ ᑕᒪᕐᒥᒃ ᑭᕙᓪᓕᕐᒥ ᐃᓕᖅᑯᓯᑐᖃᓕᕆᕝᕕᒃᑖᖁᑉᓗᒋᑦ.
"ᑕᐅᑐᒃᑲᑉᑎᒍᑦ ᑕᒪᒃᑯᐊ ᐃᓕᖅᑯᓯᑐᖃᓕᕆᕝᕖᑦ ᒪᒥᓴᕐᕕᐅᔪᓐᓇᕋᔭᕐᓂᖏᓐᓄᑦ ᓴᓇᕐᕈᑎᓕᐅᕈᓐᓇᖅᓯᒃᐸᑕ ᐊᒻᒪᓗ/ ᐅᕝᕙᓘᓐᓃᑦ ᒥᖅᓱᕐᕕᐅᖃᑦᑕᓕᖅᐸᑕ, ᑕᐃᒪᐃᓕᐅᖅᑎᓪᓗᒋᑦ ᐃᓐᓇᑐᖃᐃᑦ ᐅᖃᖃᑎᖃᖃᑦᑕᕐᓗᑎᒃ ᒪᒃᑯᒃᑐᓂᒃ ᐊᒻᒪᓗ ᒪᒥᓴᐃᑎᑦᑎᕙᒡᓗᑎᒃ ᑕᐃᒪᓐᓇ," ᑕᐃᒪᓐᓇ ᐅᖃᖅᖢᓂ. "ᑕᐃᒪᐃᑦᑐᑦ ᐃᑲᔫᑎᑦ ᐱᕕᒃᓴᖃᖅᑎᑦᑎᓂᐊᕐᒥᔪᑦ ᐃᓐᓇᑐᖃᕐᓂᒃ ᐃᓕᓐᓂᐊᖅᑎᑦᑎᔪᓐᓇᖁᑉᓗᒋᑦ ᒪᒃᑯᒃᑐᓂᒃ ᐃᓕᖅᑯᓯᑐᖃᑉᑕ ᒥᒃᓵᓄᑦ."

Kivalliq Inuit Association president David Ningeongan displays a mascot that shows the actual size of the proposed hydro and fibre optics link to Manitoba, with the face of the mascot representing the size of the actual cable and the mascot's nose the size of the fiber inside in Rankin Inlet on Nov. 2, 2018. Darrell Greer/NNSL photo
Kivalliq Inuit Association president David Ningeongan displays a mascot that shows the actual size of the proposed hydro and fibre optics link to Manitoba, with the face of the mascot representing the size of the actual cable and the mascot's nose the size of the fiber inside in Rankin Inlet on Nov. 2, 2018.
Darrell Greer/NNSL photo

ᐃᓄᒃᑎᑐᑦ ᐅᖃᓪᓚᖃᑦᑕᕐᓗᑎᒃ ᐃᓕᓐᓂᐊᖅᑎᓪᓗᒋᑦ ᒪᒃᑯᒃᑐᑦ ᐅᖃᖃᑎᖃᕈᓐᓇᖁᑉᓗᒋᑦ ᐃᓐᓇᑐᖃᕐᓂᒃ ᐊᒻᒪᓗ ᐅᖃᕆᐅᖅᓴᓗᑎᒃ ᐅᖃᐅᓯᕐᒥᓂᒃ, ᑕᐃᒪᓐᓇ ᐅᖃᖅᖢᓂ.
ᑕᐅᑐᕐᕉᖅᑐᖅᑕᐅᕉᖅ ᐊᑐᓂ ᐃᓕᖅᑯᓯᑐᖃᓕᕆᕝᕖᑦ ᐊᕐᓇᕐᓄᑦ ᒥᕐᓱᕐᕕᒃᑕᖃᖁᑉᓗᒋᑦ, ᐊᓯᐊᓂᓗ ᐃᒡᓗᑕᕐᒥ ᐊᒥᓕᕆᕝᕕᒃᑕᖃᕐᓗᓂ ᐊᒻᒪᓗ ᓂᕿᓕᕆᕝᕕᒃᑕᖃᕐᒥᓗᓂ, ᓂᖀᓪᓗ ᐴᖅᑐᖅᑕᐅᕙᒡᓗᑎᒃ ᖁᐊᖅᓯᐅᕝᕕᖕᒨᖅᑎᖅᑕᐅᖃᑦᑕᕐᓗᑎᒡᓗ.
ᑕᒪᓐᓇ ᐱᕕᒃᓴᖃᖅᑎᑦᑎᓇᔭᕐᒥᔪᖅ ᓄᓇᖅᑲᑎᒌᖕᓂᒃ ᓂᕿᑖᕈᓐᓇᖃᑦᑕᖁᑉᓗᒋᑦ ᓂᕿᒃᓴᖃᖃᑦᑕᙱᓐᓂᒃᑯᑦ ᐃᑲᔫᑕᐅᔪᓐᓇᕋᔭᕐᒥᖕᒪᑦ.
ᐃᓕᖅᑯᓯᑐᖃᓕᕆᕝᕖᑦ ᐃᒐᕝᕕᒃᑕᖃᕋᔭᕐᒥᔪᑦ ᐅᕝᕙᓘᓐᓃᑦ ᐃᓅᑦᑎᐊᕈᒪᓂᕐᒧᑦ ᐃᑲᔫᑎᑕᖃᕐᓗᓂ ᒪᒃᑯᒃᑐᓄᑦ ᓄᑕᖅᑭᐅᖅᑐᓄᑦ ᑲᑎᑎᑕᐅᓯᒪᔪᓄᑦ ᐊᐃᑉᐸᕇᖕᓄᓪᓗ, ᑲᑎᒪᕕᒃᑕᖃᕐᓗᓂ, ᐳᓛᕐᕕᒃᑕᖃᕐᓗᓂ ᓴᓂᕋᒃᑯᑦ ᐱᑕᖃᕐᓗᓂ ᑐᑭᓯᒋᐊᕈᑎᒃᓴᓂᒃ ᓄᓇᓕᐅᑉ ᐱᒋᐊᕐᓂᕆᓚᐅᖅᑕᖏᓐᓄᑦ ᐊᒻᒪᓗ ᐳᓚᕋᖅᑏᑦ ᓂᐅᕕᕈᓐᓇᖃᑦᑕᓗᑎᒃ ᓄᓇᖅᑲᑎᒌᑦ ᒥᖅᓱᖅᓯᒪᔭᖏᓐᓂᒃ ᓴᓇᓯᒪᔭᖏᓐᓂᒃ ᓴᓇᕐᕈᑎᓕᐊᕆᓯᒪᔭᖏᓐᓂᒡᓗ ᐊᒻᒪᓗ ᐊᓯᖏᓐᓂᒃ ᓴᓇᔭᐅᕙᒃᑐᓂᒃ.
ᑕᒪᓐᓇ ᐃᓱᒪᒋᔭᐅᓕᓚᐅᖅᓯᒪᔪᖅ ᐃᓕᖅᑯᓯᑐᖃᓕᕆᕝᕕᓕᐅᕈᒪᓂᖅ ᐃᒡᓗᓕᒑᕐᔪᖕᒥᐅᑦ ᖃᐅᔨᒋᐊᓚᐅᖅᑎᓪᓗᒋᑦ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓄᑦ ᓯᑕᒪᖅᑲᐃ ᐅᑭᐅᑦ ᐱᐊᓂᒃᓯᒪᓕᖅᑐᑦ ᐃᓂᒃᓴᖅᑖᕈᒪᑉᓗᑎᒃ ᐊᒥᓕᕆᕝᕕᒃᓴᒥᒃ ᒥᖅᓱᖅᑎᑦᑎᔪᓪᓗ ᐃᓂᑖᖁᑉᓗᒋᑦ, ᑕᐃᒪᓐᓇ ᐅᖃᖅᖢᓂ ᓂᖏᐅᖓᓐ.
ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᑦ ᓇᓂᓯᓯᒪᔪᑦ ᑳᓐᑐᕌᒃᑎᒃᓴᓂᒃ ᑎᑭᓴᐃᕙᓪᓕᐊᓕᕐᓂᐊᖅᑐᓂᒃ ᐱᖁᑎᒃᓴᓂᒃ ᓄᑖᒥ ᑮᓇᐅᔭᖃᕐᓇᐅᓂᐊᖅᑐᒥ ᐅᑭᐅᒥ ᐊᒻᒪᓗ, ᑕᐃᒪᑐᖅ ᑕᒪᕐᒥᒃ ᑎᑭᓴᖅᑕᐅᔪᑦ ᓯᕗᓪᓕᖅᐹᒥ ᐅᒥᐊᕐᔪᐊᕐᒥ ᐃᓂᖃᕈᒫᖅᐳᑦ ᐃᒡᓗᓕᒑᕐᔪᓕᐊᕈᒫᖅᑐᒥ ᐊᐅᔭᖅ ᑐᙵᕕᒃᓴᖓ ᓴᓇᔭᐅᒋᐊᕈᓐᓇᖅᓯᖁᑉᓗᒍ, ᑕᐃᒪᓐᓇ ᐅᖃᖅᖢᓂ ᓂᖏᐅᖓᓐ.
ᓇᑉᐸᖅᑎᕆᐊᓂᖕᓂᐊᕋᓱᒋᔭᐅᔪᑦ ᒫᑦᓯ 2020-ᒥ.
"ᖃᓄᐃᓕᐅᕆᐊᓕᕋᔭᕐᒪᖔᑉᑕ ᑕᒪᓐᓇ ᐱᐊᓂᒃᐸᑦ, ᓇᓗᓇᐃᕋᔭᖅᑐᖅ ᒐᕙᒪᑐᖃᒃᑯᑦ ᑮᓇᐅᔭᓂᒃ ᓴᓂᕐᕙᐃᔪᓐᓇᖅᐸᑕ." ᑕᐃᒪᓐᓇ ᐅᖃᖅᖢᓂ ᓂᖏᐅᖓᓐ. "ᐅᖃᖅᑳᓚᐅᖅᓯᒪᔫᒐᓗᐊᑦ ᐊᑭᓕᖅᑐᐃᓇᔭᕐᓂᕋᖅᖢᑎᒃ 75/25-ᑯᑦ ᐱᖁᑎᕐᔪᐊᓕᕆᓂᒃᑯᑦ ᑭᓯᐊᓂ ᐃᓕᑦᑎᓕᓚᐅᕋᑉᑕ ᐊᓕᓚᔪᓕᕆᓕᖅᖢᓂ, ᑕᐃᒪᓐᓇᑦᑎᐊᑯᓗᒃ ᑐᕌᖃᑦᑕᙱᒻᒪᑦ.
"ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐃᓕᓯᓯᒪᔪᑦ $2 ᒥᓕᔭᒥᒃ ᐃᓄᐃᑦ ᑮᓇᐅᔭᖁᑎᖏᓐᓂᒃ ᑕᒪᑐᒧᙵ ᐊᒥᐊᒃᑯᒋᓚᐅᖅᑕᑉᑎᓐᓂᒃ ᐅᑭᐅᓂᒃ ᖄᖏᖅᓯᒪᔪᓂᒃ, ᐅᑭᐅᒥ ᐊᕐᕌᒍᑕᒫᖅᓯᐅᑎᒃᑯᑦ ᑲᑎᒪᓂᒃᑯᑦ ᑐᖔᓂ ᑕᒡᕙᓂ ᐅᑭᐅᒥ, ᓄᓇᕗᑦ ᑐᙵᕕᒃᑯᑦ ᑎᒥᖓ ᑕᐃᒪᓐᓇᑦᑎᐊᖅᑕᐅᖅ $2 ᒥᓕᔭᒥᒃ ᐃᓕᓯᓯᒪᔪᑦ, ᑕᐃᒪᐃᒻᒪᑦ ᐊᑕᐅᓯᕐᒥᒃ ᓇᑉᐸᖅᓯᔪᓐᓇᕐᓂᐊᖅᑐᒍᑦ."
ᓂᖏᐅᖓᓐ ᐅᖃᖅᖢᓂ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᑦ ᓂᕆᐅᖕᒪᑕ $50,000-ᒥᒃ ᐊᐅᓚᔾᔪᑎᓄᑦ ᐋᖅᑭᐅᒪᐃᓐᓇᕈᑎᓄᓪᓗ ᐊᑐᖅᑐᒃᓴᓂᒃ ᐃᓕᖅᑯᓯᑐᖃᓕᕆᕝᕕᖕᒧᑦ ᐊᒻᒪᓗ ᖃᐅᔨᒋᐊᖅᓯᒪᔪᑦ ᓄᓇᕗᑦ ᒐᕙᒪᒃᑯᖏᓐᓄᑦ ᑕᒪᒃᑯᓂᙵ ᐊᑭᓕᖅᑐᐃᔪᓐᓇᕋᔭᕐᒪᖔᑕ.
ᐅᖃᖅᖢᓂ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᒡᒎᖅ ᐅᑕᖅᑭᔪᑦ ᓱᓕ ᓄᓇᕗᑦ ᒐᕙᒪᒃᑯᖏᑦᑕ ᑭᐅᔾᔪᑎᒃᓴᖓᓂᒃ.