Skip to content

ᑲᒪᑦᑎᐊᕐᓗᑎᑦ ᐃᓚᓐᓂᖅᓱᕐᓂᕐᒥ

ᐅᖃᐅᓯᖅ 'ᐃᓚᓐᓂᖅᓱᕐᓂᖅ' ᐅᑎᓲᖑᕗᖅ ᑕᐃᔅᓱᒪᓂᑐᖄᓗᖕᒧᑦ 1400−ᕿᑎᖅᐸᓯᐊᓄᑦ ᐊᒻᒪ ᐅᖃᐅᓯᖅ ᑐᑭᖃᖅᐳᖅ ‘ᐱᓕᕆᓂᐅᔪᒥ ᐃᓚᓐᓂᖅᓱᕐᓂᕐᒥ ᐃᓚᒋᔭᒥᓂᑦ ᐱᖃᓐᓇᕆᔭᒥᓂᓪᓘᓐᓃᑦ, ᐱᓗᐊᖅᑐᒥ ᑐᓂᔭᐅᓪᓗᑎᒃ ᐃᖅᑲᓇᐃᔮᒃᓴᓂ ᐊᑭᖃᖅᑐᒥ ᓴᒃᑯᐃᑦᑎᓂᐅᔪᒥ ᒫᓐᓇᐅᔪᒥ ᐱᓕᕆᔨᐅᔪᓂᑦ' ᐊᒻᒪᓗ ᐊᐃᑦᑖᖑᒐᓗᐊᖅ ᓂᐊᖁᕐᓘᑎᐊᓗᐊ ᓴᖅᑭᓲᖑᕗᖅ ᒫᓐᓇᐅᔪᒥ ᐃᓅᖃᑎᒌᖕᓂᐅᔪᒥ. ᖁᑦᑎᒃᑐᒥ ᐊᑭᖃᕐᓂᐅᔪᒥ ᐆᒪᓇᓱᐊᕐᓂᕐᒧᑦ ᐃᓚᖃᖅᖢᓂ ᐃᒡᓗᑭᒃᓴᓗᐊᕐᓂᐅᔪᒧᑦ, ᐅᓇ ᐱᓕᕆᓂᐅᔪᖅ ᐱᓕᕆᐊᖑᔭᕆᐊᖃᓪᓚᕆᓕᖅᐳᖅ ᒫᓐᓇᐅᔪᒥ.

ᓇᓂᑐᐃᓐᓇᖅ ᓇᖕᒥᓂᕆᔭᐅᔪᒥ ᐅᕝᕙᓘᓐᓃᑦ ᑎᒥᖁᑕᐅᔪᓄᑦ, ᓂᕆᐅᖏᓐᓇᐅᔭᖅᐳᒍᑦ ᑕᐃᒪᑐᖅ ᓈᒻᒪᒃᑐᒥ ᐃᖅᑲᓇᐃᔭᖅᑎᖁᑎᖃᕐᓂᑦᑎᓐᓂ ᐱᔭᕇᖅᓯᓂᕐᒧᑦ ᑭᓱᑐᐃᓐᓇᒥ ᐱᓕᕆᐊᖑᔪᒥ ᐃᓚᐅᖃᑕᐅᓂᑦᑎᓐᓂ. ᐃᓚᖏᑦ ᐱᓕᕆᐊᖑᔪᑦ ᐊᕐᕌᒎᑉ ᐃᓚᐃᓐᓇᖓᓂᐅᕗᑦ ᐊᓯᖏᑦ ᐊᕐᕌᒍᓕᒫᒨᖓᑎᓪᓗᒋᑦ. ᓇᓗᓇᐃᖅᓯᓇᓱᐊᕐᓂᕐᒧᑦ ᑮᓇᐅᔭᑦᑎᓐᓂ ᐃᖏᕐᕋᓂᖏᑦ ᐊᒻᒪ ᑮᓇᐅᔭᓕᕆᓂᕐᒧᑦ ᐱᓕᕆᔾᔪᓯᐅᔪᑦ ᓈᒻᒪᖕᓂᖏᓐᓂ ᐱᔭᕆᐊᓕᖕᓂ ᐊᑭᐅᔪᓄᑦ, ᐃᓚᖃᖅᑐᒥ ᐱᖁᑎᓄᑦ ᐊᒻᒪ ᐱᔨᑦᑎᕋᕐᓂᐅᔪᓄᑦ ᐊᒻᒪ ᑮᓴᐅᔾᔭᒃᓴᓂᐅᔪᓄᑦ, ᐃᓛᓐᓂᒃᑯᑦ ᓇᓂᓯᓇᓱᐊᓲᖑᕗᒍᑦ ᐊᔪᕐᓇᙱᓛᖑᔪᒥ ᐱᓕᕆᓇᓱᐊᕐᓂᐅᔪᒥᑦ.
ᖃᓄᐃᖅᑰᙱᑦᑐᖅ ᐊᐱᕆᓂᕐᒧᑦ ᐱᖃᓐᓇᕆᔭᒥ ᐃᓚᒥᓪᓘᓐᓃᑦ ᐃᑲᔪᓚᐅᑲᕐᓂᕐᒧᑦ ᐃᓛᓐᓂᓚᐅᓱᖓᕐᒥ ᑭᓯᐊᓂ ᓇᓗᓇᐃᖅᓯᔭᕆᐊᖃᖅᐳᒍᑦ ᐊᒻᒪ ᐅᔾᔨᖅᓱᑦᑎᐊᕐᓗᑕ ᖃᓄᖅ ᑕᒪᓐᓇ ᑕᑯᔭᐅᓂᖓᓄᑦ ᐃᓄᓕᒫᓄᑦ ᑕᒪᐃᑎᒍᑦ ᐊᒻᒪᓗ ᖃᓄᖅ ᐊᑯᓂᐅᑎᒋᔪᒥ ᑕᐃᒪᐃᓐᓂᐊᕐᓂᖓᓂ.
ᐃᓱᒪᒃᓴᖅᓯᐅᕆᐊᖃᑦᑎᐊᕆᕗᒍᑦ ᓂᐊᖁᓄᑦ−ᓇᐃᓴᐃᓂᐅᔪᒥ ᐱᓕᕆᕝᕕᑦᑎᓐᓂ. ᓈᒻᒪᒃᑐᓂ ᐃᑲᔪᕈᑎᒃᓴᖃᕐᓂᐊᖅᐳᖓ ᐊᑭᓖᓂᕐᒧᑦ ᒫᓐᓇᐅᔪᒥ ᐃᖅᑲᓇᐃᔭᖅᑐᓄᑦ ᐊᒻᒪ ᕿᓚᒻᒥᐅᓚᐅᑲᖅᑐᒥ ᓄᖅᑲᖓᑎᑦᑎᓂᖃᕆᐊᖃᕋᔭᖅᐸᑦ ᐃᓱᒪᓕᐅᕆᒍᒪ ᐃᓚᓯᓂᕐᒧᑦ ᐱᓕᕆᐊᖑᔪᒧᑦ ᐅᓪᓗᖓᓂ.
ᕿᒥᕐᕈᐊᑦᑎᐊᖏᓐᓇᐅᔭᕆᐊᖃᖅᐳᒍᑦ ᖃᐅᑕᒫᒥ ᖃᓄᐃᓐᓂᐅᔪᒥ ᐊᒻᒪ ᐃᓱᒪᒋᓗᒍ ᑕᒪᒃᑭᓂ ᐊᐅᓚᓂᐅᔪᓄᑦ ᐊᒻᒪ ᑮᓇᐅᔭᖏᓐᓂ ᖃᓄᐃᓕᐅᕐᓂᑦᑎᓐᓂ. ᐃᒪᐃᖁᔨᓇᔭᖅᐳᖓ ᐃᓛᓐᓂᒃᑯᑦ ᐅᔾᔨᕆᓲᖑᙱᓚᒍᑦ ᑕᐃᒪᐃᑦᑐᒥ ᓴᖑᓂᐅᔪᒥ ᓇᖕᒥᓂᕆᔭᑦᑎᓐᓂ ᓄᓇᕐᔪᐊᖓᓂ ᑭᓯᐊᓂ ᑲᒪᑦᑎᐊᕆᐊᖃᐃᓐᓇᐅᔭᖅᐳᒍᑦ ᐊᒻᒪ ᐅᔾᔨᕈᓱᒡᓗᑕ ᓇᖕᒥᓂᖃᕐᓂᕐᒧᑦ ᐱᓕᕆᔨᐅᔪᑦ ᐊᒻᒪ ᖁᙱᐊᖅᑎᐅᔪᑦ ᐱᓕᕆᐊᖑᔪᓄᑦ ᖃᐅᔨᒪᓂᖏᓐᓂ ᖃᓄᐃᓕᐅᕐᓂᑦᑎᓐᓂ ᖃᖓᑐᐃᓐᓇᑦᑎᐊᖅ ᑕᐃᒪᓐᓇ ᖃᓄᑐᐃᓐᓇᖅ ᐊᒻᒪ ᑕᒪᒃᑭᓂ ᑭᐅᔾᔪᑎᒃᓴᓂ ᐸᕐᓇᒃᓯᒪᕙᒌᔭᕆᐊᖃᖅᐳᒍᑦ ᐅᐸᒃᑕᐅᒍᑦᑕ.
ᐃᒃᐱᒍᓱᖕᓂᐅᔪᒥ ᓇᖕᒥᓂᖃᕐᓂᕐᒧᑦ ᐆᒪᑦᑎᐊᖅᐳᖅ ᐊᒻᒪ ᖃᓄᐃᙱᑦᑎᐊᖅᐳᖅ ᐊᒻᒪ ᑕᒪᓐᓇ ᐃᑲᔪᕐᓂᖃᓪᓚᕆᒃᐳᖅ ᐃᓚᑰᓂᐅᔪᓂᑦ ᓇᓂᓯᓂᕐᒧᑦ ᐃᖅᑲᓇᐃᔮᒃᓴᒥᑦ ᑕᖅᑳᓂ ᑭᓯᐊᓂ ᒪᓕᒋᐊᖃᖅᐳᒍᑦ ᒪᓕᒃᑕᐅᔭᕆᐊᓕᖕᓂ ᐊᒻᒪ ᑐᙵᕕᐅᔪᓂᑦ ᐊᐅᓚᑦᑎᓂᐅᔪᓄᑦ ᓇᖕᒥᓂᖅ ᓇᖕᒥᓂᖁᑎᒋᔭᑦᑎᓐᓂ ᐱᓕᕆᐊᕆᓇᓱᐊᖅᑕᑦᑎᓐᓂ.
ᑲᔪᖏᖅᓴᐃᓂᕐᒥ ᐊᒻᒪ ᒪᓕᖕᓂᕐᒧᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐊᓯᑦᑎᓐᓂ ᐃᒃᐱᒍᓱᑦᑎᐊᖃᑦᑕᓚᐅᖅᑕ, ᐱᓕᕆᖃᑎᒌᖕᓂᐅᔪᓂᑦ ᐊᒻᒪ ᐃᓄᖕᓄᑦ ᐸᖅᑭᓂᕐᓄᑦ, ᐱᔨᑦᑎᕋᕐᓂᕐᒥ ᐊᒻᒪ ᐃᓚᒌᖑᔪᓄᑦ ᐸᖅᑭᓂᕐᒧᑦ ᐊᒻᒪᓗ/ᐅᕝᕙᓘᓐᓃᑦ ᓄᓇᓕᐅᔪᒧᑦ, ᐱᓕᕆᖃᑎᒌᒡᓗᑕ ᐊᑕᐅᑦᑎᒧᑦ ᐱᔾᔪᑎᒃᓴᐅᔪᒧᑦ.