Skip to content

ᑲᒪᓇᖅᑐᐊᓗᒃ ᐃᖏᕐᕋᓂᐅᔪᖅ

ᐱᐊᓪᔨᐊᓐᓯᐅᑕᖅ ᐊᖑᑦ ᐱᓇᓱᐊᖅᐳᖅ ᐅᔭᕋᖕᓂ ᐅᖅᓱᐊᓗᒃᓴᓂ ᐊᑐᖅᑕᐃᔨᒪᓪᓗᓂ ᐃᖏᕐᕋᓂᐅᔪᒥ ᓄᓇᕗᒻᒥ ᐋᔨᓐᑏᓇᒧᑦ ᓄᖅᑲᓚᐅᑲᓚᐅᖅᐳᖅ ᐃᒡᓗᓕᒑᕐᔪᖕᒧᑦ ᐊᒻᒪ ᑲᖏᖅᖠᓂᕐᒧᑦ ᑕᒪᑐᒪᓂ ᐱᓇᓱᐊᕈᓯᐅᓚᐅᖅᑐᒥ.

ᐋᓅᑦ ᒫᓪᑕᐃᒡ, 29, ᐳᕋᓱᔅ, ᐱᐅᔾᔨᐊᒻᒥᐅᑕᖅ, ᕿᒪᒃᓯᓚᐅᖅᐳᖅ ᑰᒑᕐᔪᖕᒥ ᔭᓄᐊᕆ 4-ᖑᑎᓪᓗᒍ ᐃᖏᕐᕋᓂᐅᔪᒧᑦ ᑕᑯᓂᐊᖅᑐᒥ ᓯᐊᕐᕆᔭᐅᑎᖁᑖᖕᓂ, ᐸᐃᓯᑰᕐᓗᓂ, ᖃᔭᖅᑐᕐᓗᓂ, ᐅᒥᐊᖅᑐᕐᓗᓂ, ᐱᓱᒡᓗᓂ ᐊᒻᒪᓘᓐᓃᑦ ᕿᒻᒥᕐᔪᐊᒃᑰᕐᓗᓂ 30,000 ᑭᓛᒥᑐᑦ ᐅᖓᑖᓄᑦ ᑭᓯᐊᓂ ᑎᑭᒃᑯᓂ ᐅᓱᐊᓚ, ᐋᔨᓐᑏᓚᒧᑦ, ᐊᕐᕌᒍᐸᓗᖕᓂ ᒪᕐᕉᖕᓂ ᑕᖅᑭᓄᓪᓗ 6-ᓂ.

ᐋᕐᓅᑦ ᒫᓪᑕᐃᒡ ᐳᕋᓱᔅ, ᐱᐅᓪᔨᒻᒥᐅᑕᖅ, ᑎᑭᓚᐅᖅᐳᖅ ᑲᖏᖅᖠᓂᕐᒧᑦ ᐱᓇᓱᐊᕈᓯᐅᑉ ᓄᙳᐊᓂ ᕿᒪᒃᓯᓚᐅᖅᑎᓪᓗᒍ ᑰᒑᕐᔪᖕᒥ ᔭᓄᐊᕆ 4-ᖑᑎᓪᓗᒍ ᐃᓚᒋᔭᐅᓪᓗᓂ 30,000 ᑭᓛᒥᑐᒥ, 16-ᓄᓇᐅᔪᓄᑦ ᐃᖏᕐᕋᓂᖓᓂ ᐅᓱᐊᓚ, ᐋᔨᓐᑏᓇᒧᑦ.

ᐱᓕᕆᓂᖃᖅᐳᖅ ᑖᔅᓱᒥᖓ ᑲᒪᓇᖅᑐᐊᓗᖕᒥ ᐊᒃᓱᕉᓴᖕᓂᐅᔪᒥ ᖁᕙᖅᓴᐃᓂᕐᒧᑦ ᐃᓕᖅᑯᓯᖏᓐᓂ ᓯᓚᑎᖏᓐᓂᓪᓗ ᖃᐅᔨᓴᕐᓂᕐᒧᑦ ᐱᒋᐊᕈᑕᐅᔪᓄᑦ ᐊᒻᒪ ᕿᒪᐃᓚᐅᖅᐳᖅ ᑲᖏᖅᖠᓂᕐᒥ ᑕᒪᑐᒪᓂ ᐱᓇᓱᐊᕈᓯᐅᑉ ᓄᙳᐊᓂ ᑎᑭᕋᕐᔪᐊᓕᐊᖅᐸᓪᓕᐊᓪᓗᓂ ᐊᒻᒪ ᑰᒡᔪᐊᕌᓗᖕᒧᑦ, ᒫᓂᑑᐸᒧᑦ.

ᒫᓪᑕᐃᒡ ᐅᖃᓚᐅᖅᐳᖅ ᐃᓚᖏᑦ ᐃᓄᐃᑦ ᑰᒑᕐᔪᖕᒥ ᐃᓱᒪᓚᐅᕐᓂᖏᓐᓂ ᐃᖏᕐᕋᓂᕆᔭᖓᓂ ᑲᖏᖅᖠᓂᕐᒧᑦ ᐱᔪᓐᓇᔾᔮᙱᓐᓂᖓᓂ ᓂᒡᓚᓱᖕᓂᐅᔪᒧᑦ. ᐃᓚᖏᑦ ᐅᖃᓚᐅᖅᐳᑦ ᓄᓇᓕᐊᕈᓂ ᐊᓯᐅᓛᕐᓂᖓᓂ, ᐊᒻᒪᓗ ᐸᖅᓴᖅᑕᐃᔭᕆᐊᖃᓕᕋᔭᕐᓂᖓᓂ. ᐅᖃᓚᐅᖅᐳᖅ.

ᓯᕗᓪᓕᕐᒥ ᐊᔪᕐᓇᓚᐅᖅᐳᖅ -40 C-ᖑᓚᐅᕐᒪᑦ ᐱᒋᐊᕐᓂᑲᐅᑎᒋᓂᕆᔭᖓᓂ,” ᐅᖃᓚᐅᖅᐳᖅ. “ᓱᖏᐅᑎᓇᓱᐊᕐᓂᖃᓚᐅᙱᑦᑎᐊᖅᐳᖓ ᓲᕐᓗ, -20 C-ᒥ -40 C-ᒧᑦ. ᑭᓯᐊᓂ ᐃᖏᕐᕋᑎᓪᓗᖓ ᐅᖅᑰᖏᓐᓇᐅᔭᖅᑐᖓ, ᐊᒻᒪ ᕿᓚᒥᐊᓗᒃ ᐃᓕᑦᑎᓐᓇᖅᑐᖅ ᖃᓄᐃᓕᐅᕆᐊᖃᕐᓂᕐᒥ ᐊᒻᒪ ᖃᓄᐃᓕᐅᕆᐊᖃᙱᓐᓂᕐᒥᑦ.”

ᖃᖓᑐᐃᓐᓇᖅ ᐅᑎᓛᕈᒪᔪᖓ ᑰᒑᕐᔪᖕᒧᑦ ᑕᑯᑎᑦᑎᓇᓱᐊᕐᓂᕐᒧᑦ ᐱᔪᓐᓇᓚᐅᕐᓂᓐᓂ.”

ᒪᕐᕉᖕᓂ ᓇᓄᕐᓂ ᐹᖅᓯᓂᖄᓂᒃᓯᒪᔪᖅ ᓄᓇᒥᑦ, ᐅᖃᓚᐅᖅᐳᖅ.

ᓯᕗᓪᓕᖅᐹᖓᓂ ᓇᓄᕐᒥ ᒪᓕᒃᑕᐅᓚᐅᑲᓚᐅᖅᑐᖅ, ᑲᑉᐱᐅᓱᒃᑐᒻᒪᕆᐊᓘᓪᓗᓂ, ᑭᓯᐊᓂ ᒪᕐᕈᖓ ᐅᓗᕆᐊᓇᕐᓂᖅᓴᒻᒪᕆᐅᓚᐅᖅᐳᖅ ᐃᖅᑯᒻᒪᓚᐅᕋᒪ ᓇᓄᖅ ᑐᐱᖓᓐᓂ ᓴᔪᒃᑐᖅᖢᓂᐅᒃ ᐊᒻᒪ ᐅᓂᐊᕋᓱᒃᖢᓂᐅᒃ ᖁᖁᐊᕈᑎᖓᓐᓂ ᐋᖅᑭᒃᓱᐃᔭᓐᓇᖅᓯᓚᐅᙱᑎᓪᓗᒍ.

ᐃᕿᐊᓱᓚᐅᕋᒪ ᐊᒻᒪ ᐱᓕᕆᙱᖦᖢᒍ, ᐊᕿᑦᑐᖓᓚᐅᖅᐳᖓ ᓇᓅᑉ ᑐᒥᖏᓐᓂ ᑕᑯᖅᑲᐅᓂᓐᓂ ᐅᓪᓘᓚᐅᖅᑐᒥ,” ᐅᖃᓚᐅᖅᐳᖅ. “ᐃᖅᑯᒻᒪᓚᐅᖅᐳᖓᐅᓐᓄᐊᖓᓐᓂ ᑐᐱᖓ ᓴᔪᒃᓱᖅᖢᓂ ᐊᒻᒪ ᐅᓄᐊᖅᑕᐅᓪᓗᖓ ᓯᑯᒃᑯᑦ,”

ᑐᐱᐅᑉ ᐹᖓ ᒥᖅᓱᖅᑕᐃᖅᖢᒍ, ᐃᕆᐊᓛᖅᖢᖓ ᓂᐱᖅᑯᖅᑐᔪᒻᒪᕆᐊᓘᓪᓗᖓ, ᐊᒻᒪ ᖁᑭᕆᐊᖅᖢᖓ ᖃᐅᒻᒪᒃᑎᑦᑎᓲᒥ ᖁᓕᖓᒍᑦ ᐊᒻᒪᓗ, ᑐᐱᕐᒥ ᐊᓂᑕᐃᓐᓇᕋᒪ, ᓇᓄᖅ ᐱᑕᖃᕈᓐᓃᓚᐅᖅᐳᖅ,” ᐅᖃᓚᐅᖅᐳᖅ ᒫᓪᑕᐃᒡ. “ᑕᐃᒪᙵᓂ ᖁᖁᐊᕈᑎᒐ ᐋᖅᑭᒃᓱᐃᓐᓇᓕᓚᐅᖅᐸᕋ ᐅᓐᓄᐊᑕᒫᖅ ᑕᐃᒪᐃᓚᐅᖅᑎᓪᓗᒍ.”

ᒫᓂᑭᓐ ᐃᖏᕐᕋᓂᐅᔪᖅ

ᐊᑦᑎᖅᓯᓕᓚᐅᖅᐳᖅ ᐃᖏᕐᕋᓂᐅᔪᒥ "ᒫᓂᑭᓐ" ᐃᖏᕐᕋᓂᐅᔪᒥ, ᕙᓚᒥᔅᒥ ᐅᖃᐅᓯᐅᔪᒥ ᑐᑭᖃᖅᑐᒥ ᐊᖑᑎᕋᓛᕐᒥ.

ᐱᔪᒪᓂᕆᓚᐅᖅᑕᒃᑲ ᐋᖅᑭᒃᓱᖅᐸᓪᓕᐊᓚᐅᖅᐳᑦ ᐃᓕᓐᓂᐊᕐᖅᑕᑲ ᐱᔭᕇᖅᐸᓪᓕᐊᑎᓪᓗᒋᑦ (ᐱᕙᓪᓕᐊᔪᓕᕆᓂᕐᒧᑦ),” ᐅᖃᓚᐅᖅᐳᖅ ᒫᓪᑕᐃᒡ. “ᐊᓯᔾᔩᔪᒪᓚᐅᖅᐳᖓ ᐊᕙᑎᐅᔪᓂᑦ ᐊᒻᒪ ᐊᐅᓪᓛᕐᓗᖓ ᐊᐳᑎᒃᑯᑦ ᐊᒻᒪ ᐃᒪᒃᑯᑦ (ᐊᒻᒪᓗ) ᐊᓄᕆ ᐊᑐᕐᓗᒍ.”

ᒫᓪᑕᐃᒡ ᐊᓈᓇᐃᖅᓯᓚᐅᖅᐳᖅ ᐊᕐᕌᒍᑦ ᖃᔅᓯᐊᕐᔫᓕᖅᑐᓂᑦ, ᑭᓯᐊᓂ ᐱᓲᖑᕗᖅ ᐃᑲᔪᖅᓯᖅᑕᐅᕐᔪᐊᕐᓂᐅᔪᒥ ᐃᓚᖏᓐᓂ.

ᐅᖃᓚᐅᖅᐳᖅ ᐊᑭᓕᖅᓱᐃᕙᓪᓕᐊᖏᓐᓇᖅᐳᖅ ᓇᖕᒥᓂᖅ ᐊᐅᓪᓛᕐᓂᕆᔭᖓᓄᑦ, ᑭᓯᐊᓂ ᐃᖏᕐᕋᑎᓪᓗᒍ ᐊᑭᓖᔾᔪᔾᔨᓂᖅᑖᖅᓯᒪᔪᖅ.

ᑕᐃᒪᙵᓂ ᐱᓯᒪᕗᖓ ᐊᑭᓖᔾᔪᔾᔨᓂᐅᔪᓂ ᐊᓐᓄᕌᓐᓄᑦ ᐊᒻᒪ ᑲᐃᑦᒧᑦ, ᑭᓯᐊᓂ ᐊᓯᓕᒫᖏᑦ ᓇᖕᒥᓂᖅ ᐊᑭᓕᖅᓱᖅᑕᒃᑲ,” ᐅᖃᓚᐅᖅᐳᖅ.

ᒫᓪᑕᐃᒡ ᕙᐃᔅᐳᒃᑯᑦ ᒪᒃᐱᖅᑐᒐᖃᖅᐳᖅ ᐊᒻᒪ ᖃᕋᓴᐅᔭᑎᒍᑦ ᑐᑭᓯᒋᐊᖅᑕᕐᕕᖕᒥ ᐃᓄᐃᑦ ᖃᐅᔨᕙᓪᓕᐊᖏᓐᓇᕐᓂᐊᕐᒪᑕ ᐃᖏᕐᕋᓂᖓᓂ. ᑎᑎᕋᖅᑐᐃᕙᓪᓕᐊᖏᓐᓇᕐᒥᔪᖅ ᐊᑐᕐᓂᑯᖏᓐᓂ ᑎᑎᕋᐃᕙᓪᓕᐊᓂᕐᒧᑦ, ᐅᖃᓚᐅᖅᐳᖅ.