ᐊᖑᑎ ᐊᑎᖃᖅᑎᑕᐅᓂᖓᓂ ᐆᒥᖓ ᐅᐱᒋᔭᐅᓚᐅᖅᐳᖅ ᐊᑐᖅᑐᐊᕐᕕᒃ ᑎᒥᑯᑕᐅᔪᓄᑦ ᐅᖃᐅᓯᐅᓂᖓᓂ ᓴᖅᑭᑎᑕᐅᓂᖓᓄᑦ ᔮᓐ ᕼᐃᒃᔅ ᓇᖕᒥᓂᖃᕐᓂᕐᒧᑦ ᐊᑭᖃᙱᑦᑐᒥ ᐃᓕᓐᓂᐊᕆᐊᒃᑲᓐᓂᕈᓯᐊᒥ ᐊᔪᙱᓛᖑᓂᐅᔪᒧᑦ ᑮᓇᐅᔭᖅᑖᕈᑕᐅᔪᓐᓇᖅᑐᓂ ᑲᖏᖅᖠᓂᕐᒥ ᐱᒋᐊᓕᓵᖅᑎᓪᓗᒍ ᑕᖅᑭᐅᔪᒥ.
ᐊᑭᖃᙱᑦᑐᒥ ᐃᓕᓐᓂᐊᕆᐊᒃᑲᓐᓂᕈᓯᐊᒥ ᐊᔪᙱᓛᖑᓂᐅᔪᒧᑦ ᑮᓇᐅᔭᖅᑖᕈᑕᐅᔪᓐᓇᖅᑐᓂ ᓴᖅᑭᑎᑕᐅᓚᐅᖅᐳᖅ ᐅᐱᒋᓂᕐᒧᑦ ᕼᐃᒃᔅᒥ ᓯᕗᓕᐅᖅᑎᐅᓂᖓᓄᑦ ᓯᕗᓪᓕᐅᓪᓗᓂ ᐊᒻᒪ ᐊᑯᓂᐅᓪᓗᓂ ᑲᑎᒪᔨᐅᖃᑕᐅᓂᖓᓂ ᑎᒥᑯᑕᐅᔪᒧᑦ.
John Hickes relaxes with Frosty at his Nanuq Inn in Rankin Inlet on Aug. 17, 2018. Hickes had a business scholarship created in his name by the Atuqtuarvik Corp. in August of 2018. Darrell Greer/NNSL photo
ᐊᒻᒪᓗ, ᐃᓕᓴᖅᓯᒋᕗᖅ ᕼᐃᒃᔅ ᐃᓅᓯᓕᒫᖓᓐᓂ ᐊᖏᖅᓯᒪᓂᖓᓄᑦ ᐊᒻᒪ ᐃᓚᐅᖃᑕᐅᓂᖓᓄᑦ ᓇᖕᒥᓂᖃᕐᓂᕐᒧᑦ ᓇᖕᒥᓂᖃᖅᑎᐅᓪᓗᓂ, ᐊᒻᒪᓗᑦᑕᐅᖅ ᐊᒥᓱᓂ ᐃᑲᔪᕐᓂᕆᓯᒪᔭᖏᓐᓂ ᓴᖅᑭᑎᑦᑎᓂᐅᔪᒥ ᑐᙵᕕᖃᑦᑎᐊᖅᑐᒥ ᐊᒻᒪ ᐃᖏᕐᕋᑦᑎᐊᖅᑐᒥ ᑮᓇᐅᔾᔭᒃᓴᓕᐅᕈᑕᐅᔪᒥ ᓄᓇᕗᒻᒥ.
$5,000 ᐊᕐᕌᒍᑕᒫᒥ ᐊᑭᖃᙱᑦᑐᒥ ᐃᓕᓐᓂᐊᕆᐊᒃᑲᓐᓂᕈᓯᐊᒥ ᐊᔪᙱᓛᖑᓂᐅᔪᒧᑦ ᑮᓇᐅᔭᖅᑖᕈᑕᐅᔪᓐᓇᖅᑐᓂ ᑐᓂᔭᐅᓂᐊᖅᐳᖅ ᐊᑕᐅᓯᕐᒧᑦ ᐱᓕᕆᑦᑎᐊᖅᑐᒥ ᑐᒃᓯᕋᖅᑐᒧᑦ ᐱᓇᓱᐊᖅᑐᒥ ᖁᑦᑎᖕᓂᖅᓴᒧᑦ ᐃᓕᓐᓂᐊᕐᓂᐅᔪᒥ ᐃᓕᓐᓂᐊᕐᓂᐅᔪᒥ ᐱᓕᕆᓂᐅᔪᒥ ᓇᖕᒥᓂᖃᕐᓂᕐᓄᑦ.
ᐱᔪᓐᓇᕈᑕᐅᓂᖏᓐᓄᑦ ᓈᒻᒪᒋᔭᐅᔪᓂᑦ ᔮᓐ ᕼᐃᒃᔅ ᓇᖕᒥᓂᖃᕐᓂᕐᒧᑦ ᐊᑭᖃᙱᑦᑐᒥ ᐃᓕᓐᓂᐊᕆᐊᒃᑲᓐᓂᕈᓯᐊᒥ ᐊᔪᙱᓛᖑᓂᐅᔪᒧᑦ ᑮᓇᐅᔭᖅᑖᕈᑕᐅᔪᓐᓇᖅᑐᓂ, ᐊᑐᖅᑐᐊᕐᕕᒃ ᐅᖃᓚᐅᖅᐳᑦ ᑐᒃᓯᕋᖅᑎᐅᔪᖅ ᐃᓅᔭᕆᐊᖃᖅᐳᖅ ᐅᕘᓇ ᓄᓇᕗᒻᒥ ᐊᖏᕈᑕᐅᔪᒦᖃᑕᐅᓗᓂ, ᐊᒻᒪ ᐃᓕᓐᓂᐊᕐᓗᓂ ᖁᑦᑎᖕᓂᖅᓴᐅᔪᒧᑦ ᐃᓕᓐᓂᐊᕐᓂᕐᒥ (ᓯᓚᑦᑐᖅᓴᕐᕕᖕᒥ ᓯᓚᑦᑐᖅᓴᕐᕕᒡᔪᐊᒥᓘᓐᓃᑦ) ᐱᓕᕆᓂᐅᔪᒥ ᓇᖕᒥᓂᖃᕐᓂᕐᒧᑦ ᐅᕝᕙᓘᓐᓃᑦ ᐱᓕᕆᐊᖑᔪᒥ ᐱᔾᔪᑎᖃᖅᑐᒧᑦ ᐅᖓᕙᕆᐊᖅᓯᓂᐅᔪᒥ ᐃᓄᖕᓂᑦ.
ᓈᒻᒪᒋᔭᐅᓂᐅᔪᑦ ᐅᖃᖅᓯᒪᓚᐅᕆᕗᖅ ᑐᒃᓯᕋᖅᑎᐅᔪᖅ ᑐᓂᔭᐅᔪᓐᓇᑐᐃᓐᓇᕐᓂᖓᓂ ᐊᑭᖃᙱᑦᑐᒥ ᐃᓕᓐᓂᐊᕆᐊᒃᑲᓐᓂᕈᓯᐊᒥ ᐊᔪᙱᓛᖑᓂᐅᔪᒧᑦ ᑮᓇᐅᔭᖅᑖᕈᑕᐅᔪᓐᓇᖅᑐᓂ ᐊᑕᐅᓯᐊᕐᓗᓂ, ᐊᒻᒪ ᐱᔭᕇᖅᓯᒪᔪᖅ ᑐᒃᓯᕋᖅᑐᒧᑦ ᑕᑕᑎᕆᐊᓕᒃ ᐱᔭᐅᔭᕆᐊᖃᖅᐳᖅ ᐃᓱᓕᕝᕕᖓᑕ ᐅᓪᓗᖓᓂ ᐋᒍᔅᑎ 24−ᒥ.
ᕼᐃᒃᔅ, 73, ᐅᖃᓚᐅᖅᐳᖅ ᑐᓴᓚᐅᖅᐳᖅ ᐊᑭᖃᙱᑦᑐᒥ ᐃᓕᓐᓂᐊᕆᐊᒃᑲᓐᓂᕈᓯᐊᒥ ᐊᔪᙱᓛᖑᓂᐅᔪᒧᑦ ᑮᓇᐅᔭᖅᑖᕈᑕᐅᔪᓐᓇᖅᑐᓂ ᐱᓇᓱᐊᕈᓯᐅᔪᓂ ᒪᕐᕈᐸᓗᖕᓂ ᐅᖃᓗᒡᕕᐅᒐᒥ ᐊᑐᖅᑐᐊᕐᕕᒃ ᐊᖓᔪᖅᑳᖓᓐᓂ ᕌᑦ )ᐃᒃᒥ ᑲᑎᒪᔩᑦ ᐃᓱᒪᓕᐊᕆᔭᖓᓐᓄᑦ.
ᐅᖃᓚᐅᖅᐳᖅ ᐊᕐᕌᒍᓂ 12−ᓂ ᐊᑐᖅᑐᐊᕐᕕᐅᑉ ᐃᖅᓯᕙᐅᑕᕆᔭᐅᓚᐅᖅᐳᖅ ᑲᑎᒪᔨᐅᔪᓄᑦ, ᐊᒻᒪ ᐃᑲᔪᓚᐅᖅᐳᖅ ᐱᒋᐊᖅᑎᑦᑎᓂᕐᒧᑦ ᑲᑎᖅᓱᖅᑕᐅᕙᓪᓕᐊᔪᓄᑦ ᑮᓇᔭᓂ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑕᐅᔪᓂᑦ ᐃᓄᖕᓄᑦ ᐃᓚᐅᖃᑕᐅᔪᓄᑦ ᓇᖕᒥᓂᖃᕐᓂᕐᒧᑦ.
"ᓇᖕᒥᓂᖃᖅᓯᒪᕗᖓ ᐊᕐᕌᒍᓄᑦ 28−ᓂ ᑰᒡᔪᐊᕌᓗᖕᒥ, ᑖᒻᑉᓴᓐ, Goose Camp, ᐅᒃᑯᓯᒃᓴᓕᒃ ᐊᒻᒪ ᑲᖏᖅᖠᓂᕐᒥ," ᐅᖃᓚᐅᖅᐳᖅ ᕼᐃᒃᔅ.
"ᐅᐱᓚᐅᖅᐳᖓ ᑖᔅᓱᒥᖓ ᐊᑭᖃᙱᑦᑐᒥ ᐃᓕᓐᓂᐊᕆᐊᒃᑲᓐᓂᕈᓯᐊᒥ ᐊᔪᙱᓛᖑᓂᐅᔪᒧᑦ ᑮᓇᐅᔭᖅᑖᕈᑕᐅᔪᓐᓇᖅᑐᓂ ᐋᖅᑭᒃᑕᐅᓂᖓᓂ ᐊᑎᓐᓂᑦ. ᐱᒻᒪᕆᕐᔪᐊᖑᕗᖅ ᐅᕙᓐᓄᑦ ᐊᔭᐅᕆᓂᖃᙱᓗᐊᕋᑦᑕ ᒪᒃᑯᒃᑐᓄᑦ ᐃᓄᖕᓄᑦ ᐃᓚᐅᖃᑕᐅᓂᖏᓐᓂ ᓇᖕᒥᓂᖃᕐᓂᐅᔪᒥ ᐃᓚᖓᓐᓂ ᓄᓇᕐᔪᐊᒥ.
"ᖃᔅᓯᒐᓚᖕᓂ ᐱᓕᕆᐊᖅᑕᖃᖅᐳᖅ ᑕᖅᑳᓂ ᐱᐅᐸᓗᒃᑐᓂ, ᑭᓯᐊᓂ ᑕᑯᓯᒪᙱᓚᖓ ᐱᓪᓚᕆᐅᔪᓂ ᐱᕕᒃᓴᖃᕐᓂᐅᔪᓂ ᒪᒃᑯᒃᑐᓄᑦ ᐃᓄᖕᓄᑦ ᐃᓚᐅᖃᑕᐅᔪᓐᓇᕐᓂᖏᓐᓂ ᓇᖕᒥᓂᖃᕐᓂᐅᔪᓄᑦ ᐃᓚᖏᓐᓂ ᐱᓕᕆᓂᐅᔪᓂᑦ.
"ᑕᐃᒫᒃ, ᐅᐱᕐᔪᐊᓚᐅᖅᐳᖓ ᐊᑭᖃᙱᑦᑐᒥ ᐃᓕᓐᓂᐊᕆᐊᒃᑲᓐᓂᕈᓯᐊᒥ ᐊᔪᙱᓛᖑᓂᐅᔪᒧᑦ ᑮᓇᐅᔭᖅᑖᕈᑕᐅᔪᓐᓇᖅᑐᓂ ᐊᒻᒪᓗ ᖁᔭᕆᕙᕋ ᖃᓄᐃᓐᓂᐅᔪᒥ ᐊᑐᖅᑐᐊᕐᕕᖕᒥ."
ᕼᐃᒃᔅ ᐅᖃᓚᐅᖅᐳᖅ ᐃᓱᒪᔪᒪᕗᖅ ᐃᓚᖓ ᑎᒥᑯᑕᐅᔫᑉ ᐃᓱᒪᓕᐊᖓᓐᓂ ᓇᖕᒥᓂᖃᕐᓂᕐᒧᑦ ᐊᑭᖃᙱᑦᑐᒥ ᐃᓕᓐᓂᐊᕆᐊᒃᑲᓐᓂᕈᓯᐊᒥ ᐊᔪᙱᓛᖑᓂᐅᔪᒧᑦ ᑮᓇᐅᔭᖅᑖᕈᑕᐅᔪᓐᓇᖅᑐᓂ ᑐᓂᔭᐅᓂᖓᓂ ᐊᑎᖓ ᐊᑐᖅᑕᐅᓗᓂ ᓇᓗᓇᐃᖅᓯᓂᐅᓂᖓᓂ ᐱᓕᕆᓂᖓᓄᑦ ᐊᐅᓚᑎᑦᑎᑎᓪᓗᒍ ᓇᖕᒥᓂᖁᑎᒋᔭᖓᓂ ᐊᕐᕌᒍᒐᓴᓄᑦ.
ᐅᖃᓚᐅᖅᐳᖅ ᑕᑯᓐᓇᖅᐸᖓ ᓯᕗᓪᓕᕐᒥ ᐃᓚᒋᔭᐅᖃᑕᐅᓚᐅᕐᓂᖓᓂ ᑎᒥᑯᑕᐅᔪᓄᑦ, ᐊᒻᒪᓗ ᐃᓚᐅᖃᑕᐅᓂᖏᓐᓂ ᐃᓱᒪᒋᔭᐅᓂᐅᓚᐅᖅᑐᓄᑦ ᓯᕗᓪᓕᕐᒥ ᑐᓂᔭᐅᓚᐅᖅᑐᓄᑦ ᐊᑐᖅᑐᐊᕐᕕᖕᒧᑦ.
"ᓗᐃ ᐱᓚᑲᑉᓯ ᐊᑕᐅᓯᐅᖃᑕᐅᓚᐅᖅᐳᖅ ᐊᔭᐅᕆᓚᐅᖅᑕᓐᓂ, ᐊᒻᒪ ᐅᕙᓐᓂ ᐊᔭᐅᕆᓚᐅᕆᕗᖅᑕᐅᖅ, ᑕᐃᑯᖓ ᖃᓄᐃᓕᐅᕐᓂᖃᓗᐊᙱᓗᐊᓚᐅᕐᓂᑦᑎᓐᓂ ᓇᖕᒥᓂᖃᖅᑎᐅᓂᐅᔪᒥ ᐱᓕᕆᓂᐅᔪᓂ.
"ᑕᐃᒫᒃ, ᓄᓇᑖᕋᓱᐊᕐᓂᐅᔪᖅ ᐊᖏᕈᑕᐅᒐᒥ, ᓴᓂᕐᕙᐃᓚᐅᖅᐳᒍᑦ $70 ᒥᓕᐊᓐᓂ ᐃᓕᓯᓚᐅᖅᐳᒍᑦ ᑲᑎᖅᓱᖅᑕᐅᕙᓪᓕᐊᔪᓄᑦ ᑮᓇᔭᓂ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑕᐅᔪᓂᑦ ᐃᓄᐃᑦ ᓯᓚᕐᔪᐊᖓᓐᓄᑦ ᓇᖕᒥᓂᖃᕐᓂᕐᓄᑦ.
"ᐊᒻᒪ ᖁᕕᐊᑉᐳᖓ ᐅᖃᕈᓐᓇᕐᓂᕐᒧᑦ ᐱᙳᐊᕐᓂᐅᑉ ᓱᓕ ᓯᕗᓂᐊᓃᑉᐳᒍᑦ ᐊᒻᒪ ᓇᖕᒥᓂᖃᖅᐳᒍᑦ 22 ᐳᓴᓐᑎᒥ ᓄᓇᖃᖅᑳᖅᓯᒪᓂᐅᓪᓗᑕ ᓇᖕᒥᓂᖃᖅᑎᐅᓂᕐᒥ ᖃᐅᔨᒪᔭᐅᔪᒥ ᓄᓇᖃᖅᑳᖅᓯᒪᔪᓄᑦ ᑮᓇᐅᔭᖃᕐᕕᖕᒥ ᑲᓇᑕᒥ.
"ᑕᐃᒫᒃ, ᐅᕙᓐᓄᑦ, ᑲᑎᒪᔨᑦᑕ ᐊᒻᒪ ᐃᖅᑲᓇᐃᔭᖅᑎᑦᑕ ᐱᓕᕆᓂᕆᔭᖏᑦ ᐊᕐᕌᒍᒐᓴᓄᑦ ᑕᑯᒃᓴᐅᑎᑦᑎᕗᖅ, ᐄ, ᐱᓕᕆᔪᓐᓇᖅᐳᒍᑦ ᑎᒥᖁᑎᐅᔪᓄᑦ ᓄᓇᕐᔪᐊᖓᓐᓂ ᐊᒻᒪ, ᐄ, ᐱᓕᕆᑦᑎᐊᕐᓂᖃᕈᓐᓇᖅᐳᒍᑦ ᑎᒥᖁᑕᐅᔪᓂ ᓄᓇᕐᔪᐊᖓᓐᓂ ᓇᖕᒥᓂᖃᕐᓂᐅᑏᓐᓇᕐᓗᒍ ᐊᒻᒪ ᑲᑎᒪᓂᕆᓂᖓ ᐃᓚᐅᑎᙱᓪᓗᒍ."
ᕼᐃᒃᔅ ᐅᖃᓚᐅᖅᐳᖅ ᐊᑐᖅᑐᐊᕐᕕᒃ ᑎᒥᑯᑕᐅᔪᒃᑯᑦ $70 ᒥᓕᐊᓐ−ᖓ ᑕᑯᒃᓴᐅᔪᒥ ᐱᕈᖅᓯᒪᕗᖅ $90 ᒥᓕᐊᓐᓂ ᑮᓇᐅᔭᒃᑯᕕᖕᒦᖦᖢᓂ ᐊᒻᒪ 22 ᐳᓴᓐᑎᒥ ᓇᖕᒥᓂᖃᕐᓂᐅᔪᒥ ᓄᓇᖃᖅᑳᖅᓯᒪᔪᓄᑦ ᑮᓇᐅᔭᒃᑯᕕᖓᓐᓂ ᑲᓇᑕᒥ ᐱᓕᕆᔪᒥᑦ−ᓱᓕᓂᐅᔪᖅ ᐅᐱᒋᕐᔪᐊᖅᑕᖓᓂ.
ᐅᖃᓚᐅᖅᐳᖅ ᖃᐅᔨᒪᔭᐅᔭᕆᐊᖃᐃᓐᓇᐅᔭᖅᐳᖅ ᑎᒥᑯᑕᐅᔪᑦ ᐱᓕᒻᒪᒃᓴᖅᓯᒪᐃᓐᓇᐅᔭᖅᐳᑦ ᐃᖅᑲᓇᐃᔭᖅᑎᖁᑎᖏᓐᓂ ᐱᓕᕆᔭᐅᑦᑎᐊᖅᖢᑎᒃ ᐊᒻᒪ ᐅᐸᒃᓯᒪᐃᓐᓇᐅᔭᖅᖢᓂᔾᔪᒃ ᐱᓕᕆᔾᔪᔾᔨᕙᒃᑕᖏᓐᓂ– ᐃᓛᓐᓂᒃᑯᑦ ᓄᒫᓇᖅᑐᒥ ᐃᓱᑦᑎᐊᖓᓄᑦ ᐱᔭᕆᐊᖃᕌᖓᑕ.
"ᐅᓪᓗᒥ ᐅᖃᕈᓐᓇᖅᐳᖓ ᐊᑕᐅᓯᑐᐊᒥ ᑕᒻᒪᖅᓯᒪᓂᖃᕐᓂᑦᑎᓐᓂ, ᓇᖕᒥᓂᖃᖅᑎᐅᔪᓂ ᐃᓚᐅᖃᑕᐅᓂᖏᓐᓂ ᑲᑎᒪᔨᐅᖃᑕᐅᓂᕐᓄᑦ ᐱᓕᕆᓂᐅᔪᓂ, ᑕᐃᒪᓐᓇᒐᓚᒃ, ᑕᐃᑲᓃᓪᓗᐊᙱᑦᑐᒥ ᓯᕗᓪᓕᖅᐹᒥ, ᑭᓯᐊᓂ ᐅᖃᐅᓯᕆᔪᓐᓇᙱᓚᕋ ᑕᒻᒪᕐᓂᐅᓚᐅᖅᑐᒥ ᓱᓕ ᐋᓐᓂᕐᓇᕐᒪᑦ ᐊᒻᒪ ᑎᐱᕐᓗᖕᓇᖅᖢᓂ ᖃᓂᕐᒧᑦ.
"ᑭᓯᐊᓂ ᖁᓄᐃᑦᑐᓐᓃᖅᓯᒪᕗᒍᑦ ᑕᐃᔅᓱᒪᙵᑦ ᐊᒻᒪ, ᑕᒪᕐᒥᒐᓚᖕᒧᑦ, ᑕᒪᕐᒥᒐᓚᐃᑦ ᐃᓄᐃᑦ ᖃᐅᔨᒫᓂᒃᐳᑦ ᖃᓄᐃᓕᐅᖅᓯᒪᔭᑦᑎᓐᓂ ᐱᓕᕆᓂᑦᑎᓐᓂ, ᑲᑎᖅᓱᖅᑕᐅᕙᓪᓕᐊᔪᓄᑦ ᑮᓇᔭᓂ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑕᐅᔪᓂᑦ ᓇᖕᒥᓂᑦᑎᓐᓂ ᐊᒻᒪᓗ ᐃᓄᖕᓂ ᐱᓕᕆᖃᑎᒋᔭᑦᑎᓐᓂ.
"ᐊᓈᓇᒐ ᐅᖃᓚᐅᖅᐳᖅ ᐊᓂᓗᑎᑦ ᐊᒻᒪ ᐱᓕᕆᓂᖃᐃᓐᓇᕐᓗᑎᑦ. ᑭᓯᐊᓂ ᐱᓕᕆᓂᖃᕈᓐᓇᙱᑉᐳᑎᑦ ᐃᓄᖕᓂ ᖁᕕᐊᓱᒃᑎᑦᑎᙱᓗᑎᑦ ᐊᒻᒪ ᐱᓕᕆᑦᑎᐊᕐᓗᑎᑦ, ᐊᑏ ᐱᓕᕆᙱᓪᓗᒍ, ᐊᒻᒪ ᓱᓕ ᑕᒪᓐᓇ ᒪᓕᒃᐸᕋ.
"ᐱᐅᔪᒥ ᐱᓕᕆᔪᓐᓇᙱᒃᑯᕕᑦ ᐊᒻᒪ ᓴᖅᑭᑎᑦᑎᓗᑎᑦ ᐃᖅᑲᓇᐃᔮᒃᓴᓂ ᐃᓄᖕᓄᑦ – ᑭᖑᕚᕆᔭᓐᓂᑦ – ᐊᑏ ᐱᓕᕆᔪᓐᓃᕈᒃ!"