Skip to content

ᒐᕙᒪᑐᖃᒃᑯᑦ ᐃᓕᕋᓱᒃᐳᑦ ᓴᐳᔾᔨᓯᒪᓂᕐᒧᑦ ᐃᓄᒃᑐᒻᒥ

ᐃᓄᐃᑦ ᑕᐱᕇᑦ ᑲᓇᑕᒥ ᐅᖃᖅᐳᑦ ᐃᓄᒃᑐᑦ ᑲᓇᑕᐅᑉ ᓴᙱᓛᖑᓪᓗᓂ ᓄᓇᖃᖅᑳᖅᓯᒪᔪᓄᑦ ᐅᖃᐅᓯᐅᕗᖅ.

ᐃᓄᐃᑦ ᑕᐱᕇᑦ ᑲᓇᑕᒥ ᐅᖃᐅᓯᕆᓪᓗᐊᙱᓚᖓᖅᑲᐃ ᐆᒥᖓ ᓱᓕᓂᐅᔪᒥ.

ᒐᕙᒪᑐᖃᒃᑯᑦ ᐊᑐᖅᓯᒪᔫᔮᖅᐳᑦ ᐃᓄᒃᑐᒻᒥ ᓴᙱᓂᕆᔭᖓᓂ ᐃᒃᓯᖕᓇᐃᓂᕐᒥ ᐅᖃᐅᓯᖓᓂ ᐊᖏᕈᑕᐅᓇᓱᐊᖅᑐᒥ ᓄᓇᖃᖅᑳᖅᓯᒪᔪᓄᑦ ᐅᖃᐅᓯᕐᒧᑦ ᐱᖁᔭᒃᓴᒧᑦ. ᑲᓇᑕᒥ ᐃᑦᑕᕐᓂᓴᓕᕆᓂᕐᒧᑦ ᒥᓂᔅᑕᖓ ᐹᑉᓗ ᕌᑦᕇᒐᔅ ᐅᖃᐅᓯᕆᓚᐅᖅᑕᖓᓂ ᐱᖁᔭᒃᓴᒧᑦ ᑕᖅᑭᐅᑉ ᐱᒋᐊᕐᓂᕆᓚᐅᖅᑕᖓᓂ ᕿᒪᐃᓚᐅᖅᐳᖅ ᐃᓄᖕᓂ ᐳᐃᒍᖅᑕᐅᒪᓂᖏᓐᓂ ᐱᓕᕆᓂᐅᔪᒥ. ᐃᓄᐃᑦ ᑕᐱᕇᑦ ᑲᓇᑕᒥ ᓈᒻᒪᒃᓴᙱᓐᓂᖓᓐᓂ ᖃᐅᔨᒪᑎᑦᑎᓚᐅᖅᐳᑦ ᐃᓚᐅᖃᑕᐅᓇᑎᒃ ᐅᖃᐅᓯᐅᓂᐅᔪᒥᑦ.

ᐊᐅᔭᐅᓚᐅᖅᑐᒥ, ᐃᓄᐃᑦ ᑕᐱᕇᑦ ᑲᓇᑕᒥ ᓂᕆᐅᓚᐅᖅᐳᑦ ᐱᖁᔭᒃᓴᒥ ᐃᓗᓕᖃᕐᓂᐊᕐᓂᖓᓂ ᐃᓚᖏᓐᓂ ᑐᕌᖓᓂᖃᖅᑐᓂ ᐱᖓᓱᓄᑦ ᑲᓇᑕᒥ ᓄᓇᖃᖅᑳᖅᓯᒪᔪᓄᑦ ᑲᑎᙵᓂᐅᔪᓄᑦ ᑭᒡᒐᖅᑐᐃᔪᓄᑦ ᐃᓄᖕᓂ, ᓄᓇᖃᖅᑳᖅᓯᒪᔪᓄᑦ ᐊᒻᒪ ᐊᓪᓚᓄᑦ ᑲᓇᑕᒥ. ᐃᓄᐃᑦ ᑕᐱᕇᑦ ᑲᓇᑕᒥ ᑎᑎᕋᖅᑕᐅᒋᐊᙵᕈᑎᓕᐅᓚᐅᖅᐳᑦ ᓇᖕᒥᓂᖅ ᐅᖃᐅᓯᒥᓂᑦ ᐃᓚᖓᓄᑦ, ᐊᒻᒪ ᐱᓕᕆᖃᑎᖃᓚᐅᖅᐳᑦ ᒐᕙᒪᑐᖃᒃᑯᓐᓂ ᐋᖅᑭᒋᐊᑦᑎᐊᖅᓯᓂᕐᒧᑦ ᐅᖃᐅᓯᐅᓂᖏᓐᓂ ᐱᑕᖃᒐᔪᒃᑐᓂ ᐃᓚᒋᔭᐅᓂᐅᔪᓂ ᐱᖁᔭᒃᓴᒧᑦ.

ᑕᐃᓐᓇ ᐃᓄᖕᓄᑦ-ᑐᕌᖓᔪᓄᑦ ᐃᓚᖓ ᓇᓂᔭᒃᓴᐅᙱᓚᑦ, ᐃᓄᐃᑦ ᑕᐱᕇᑦ ᑲᓇᑕᒥ ᐅᖃᓚᐅᖅᐳᖅ ᐅᖃᐅᓯᒃᓴᓕᐊᖑᔪᒥ ᐅᓪᓗᖓᓂ ᐅᖃᐅᓯᐅᓂᐅᔪᒥ.

"ᑲᓇᑕᒥ ᒐᕙᒪᒃᑯᑦ ᐃᓚᐅᑎᑦᑎᓚᐅᖅᐳᑦ ᐃᓄᖕᓂ ᐅᒃᐱᕐᓇᙱᑦᑐᒥ ᑕᐃᑲᓂᓗᒃᑖᖅ ᒪᓕᒐᓕᐊᖑᔪᒧᑦ ᐱᒋᐊᕈᑕᐅᔪᒥ," ᐅᖃᐅᓯᐅᓪᓗᓂ ᐊᖓᔪᖅᑳᖅ ᓇᑖᓐ ᐆᐱᑦ.

ᐃᓄᐃᑦ ᑕᐱᕇᑦ ᑲᓇᑕᒥ ᐅᖃᒃᑲᓐᓂᓚᐅᖅᐳᖅ ᐃᓄᒃᑎᑐᑦ ᐅᖃᓪᓚᐅᓯᐅᕗᖅ 84 ᐳᓴᓐᑎᖓᓂ ᐃᓄᖕᓂ 51-ᓂ ᓄᓇᓕᖕᓂ ᐃᓄᐃᑦ ᓄᓇᖓᓐᓂ, ᐊᖏᓂᐅᔪᒥ ᓄᓇᒥᒃ ᐊᑕᐅᓯᓪᓗᐊᒥ ᐱᖓᓱᓄᑦ ᑲᓇᑕᒦᑦᑐᒥ. ᒪᕐᕈᒋᔭᐅᓪᓗᓂ ᐊᑐᖅᑕᐅᓛᖑᕗᖅ ᓄᓇᖃᖅᑳᖅᓯᒪᔪᓄᑦ ᐅᖃᐅᓯᐅᔪᓂ ᑲᓇᑕᒥ, ᐅᖓᑎᑦᑎᐊᖓᓂ ᑯᕇᒥᑦ. ᐃᓱᒪᒋᓇᒍ, ᒐᕙᒪᑐᖃᒃᑯᑦ ᑐᑭᓯᓇᖅᓯᑎᑦᑎᕗᖅ ᑐᑭᓯᐅᒪᙱᓐᓂᖏᓐᓂ ᐊᓯᔾᔨᕈᑕᐅᓂᐊᖅᑐᒥ ᐊᑐᕐᓂᖃᐅᑎᖓᓐᓂ ᐅᓇ ᐱᖁᔭᒃᓴᖅ ᐱᓕᕆᓂᖓᓂ ᐃᓅᓯᐅᔪᓂ ᐊᒥᓱᒻᒪᕆᐊᓗᖕᓄᑦ ᐃᓄᖕᓄᑦ.

ᐱᖁᔭᒃᓴᖅ ᐱᕕᒃᓴᖃᕐᓂᐅᕗᖅ ᓴᖅᑭᑎᑦᑎᓂᕐᒧᑦ ᐱᔪᓐᓇᐅᑎᐅᔪᒥ ᒐᕙᒪᑐᖃᒃᑯᓐᓂ ᐱᔨᑦᑎᕋᕐᓂᕐᒧᑦ ᐃᓄᒃᑐᑦ ᐃᓄᐃᑦ ᓄᓇᖏᓐᓂ, ᐱᔪᓐᓇᐅᑎᐅᔪᖅ ᐊᓕᐊᓇᐃᒋᔭᐅᔪᒥ ᖃᓪᓗᓈᓂ ᐊᒻᒪ ᐅᐃᕖᓂᑦ ᑲᓇᑕᓕᒫᒥ.

ᐃᒻᒪᖄ, ᐅᐃᕖᑦ ᑮᓇᐅᔭᖅᑖᕐᓂᖅᓴᐅᕐᔪᐊᓲᖑᕗᑦ ᓇᓕᒧᑦᑐᓂ ᐃᓄᓕᒫᖏᓐᓄᑦ ᓄᓇᕗᒻᒥ, ᐊᒻᒪ ᐃᓱᒪᕗᒍᑦ ᒐᕙᒪᑐᖃᒃᑯᓐᓂ ᐱᓕᕆᔨᐅᔪᑦ ᓄᓇᕗᒻᒥ ᐅᐃᕖᑎᑑᕈᓐᓇᕐᓂᖅᓴᐅᓇᓱᒋᕙᕗᑦ ᐃᓄᒃᑎᑑᒥᐅᙱᑦᑐᖅ. ᐅᐃᕖᑦ ᓇᖕᒥᓂ ᐃᓕᓐᓂᐊᕐᕕᖃᖅᐸᓵᕐᒪᑕ ᐃᖃᓗᖕᓂ, ᑐᓂᓯᓪᓗᑎᒃ ᓯᕗᓪᓕᐅᔪᒥ-ᐅᖃᐅᓯᕐᒥ ᐃᓕᓐᓂᐊᕐᓂᐅᔪᒥ ᖁᑦᑎᖕᓂᓕᖕᓄᑦ 8-ᓄᑦ (ᐊᒻᒪ ᐱᔪᓐᓇᕐᓂᖃᖅᑐᒃᓴᐅᕗᑦ ᖁᑦᑎᖕᓂᓕᒃ 12-ᒧᐊᕆᐊᒃᓴᖅ), ᐃᓄᐃᑦ ᓇᓗᓇᐃᖅᓯᓂᖃᕋᑎᒃ ᐱᓂᕐᒧᑦ ᐃᓄᒃᑐᑦ-ᐅᖃᐅᓯᕐᒥ ᐃᓕᓐᓂᐊᕐᓂᐅᔪᒥ ᐅᖓᑖᓄᑦ ᖁᑦᑎᖕᓂᓕᒃ 3-ᒧᑦ. ᓄᓇᕗᒻᒥ ᒐᕙᒪᒃᑯᑦ ᐊᐃᕙᔾᔪᑕᐅᔪᓐᓇᖅᑐᒥ ᐊᖏᕈᑕᐅᓇᓱᐊᖅᑕᖓᓂ ᐃᓕᓐᓂᐊᕐᓂᓕᕆᓂᕐᒧᑦ ᒪᓕᒐᖓᓄᑦ ᐊᓯᔾᔨᕐᓂᐅᔪᓂ ᓇᓗᓇᐃᖅᓯᓚᐅᖅᐳᖅ ᐃᓄᐃᑦ ᓂᕆᐅᒍᓐᓇᔾᔮᙱᓐᓂᖓᓐᓂ ᐃᓄᒃᑐᑦ-ᐅᖃᐅᓯᕐᒥ ᐃᓕᓐᓂᐊᕐᓂᐅᔪᒥ ᖁᑦᑎᖕᓂᓕᖕᓄᑦ 4-ᒥ 9-ᒧᑦ ᑭᓯᐊᓂ 2029-ᐸᓗᖕᒥ, ᐊᒻᒪ ᓇᓗᓇᑦᑎᐊᖅᐳᖅ ᖁᑦᑎᖕᓂᓕᖕᓄᑦ 10-ᒥ 12-ᒧᑦ.

ᐅᕕᕐᕕᖃᕐᓂᐊᖅᐳᖅ ᐃᓄᒃᑐᑦ ᐱᔪᓐᓇᕐᓂᖃᕈᓐᓃᕈᓂ ᓴᙱᓛᖑᓗᓂ ᐅᖃᐅᓯᐅᓕᕈᓂ ᓄᓇᕗᒻᒥ. ᐅᓇ ᐱᓂᐅᔪᖅ ᖄᖏᖅᓯᒪᑐᐃᓐᓇᕆᐊᖃᓕᖅᐳᖅ.

ᓱᓕ ᐱᕕᒃᓴᖃᕈᓂ, ᒐᕙᒪᒃᑯᑦ ᑕᑯᒃᓴᐅᑎᑦᑎᔭᕆᐊᖃᖅᐳᑦ ᓯᕗᓕᐅᖅᑎᐅᓂᖏᓐᓂ ᐱᔭᕆᐊᖃᖅᑐᒥ ᐃᓄᒃᑐᒻᒥ ᐆᒪᑎᑦᑏᓇᕐᓂᕐᒧᑦ. ᐃᓄᒃᑐᑦ ᓂᕈᐊᖅᑕᐅᓯᒪᕙᒌᕐᓗᓂ ᓂᕈᐊᒐᐅᓪᓗᐊᖅᐳᖅ ᐅᖃᐅᓯᐅᓗᓂ ᑕᒪᒃᑭᓄᑦ ᒐᕙᒪᐅᔪᓄᑦ ᖃᓄᐃᓕᐅᕐᓂᐅᔪᓄᑦ, ᓲᕐᓗ.

ᐊᒻᒪ ᐃᓄᐃᑦ ᐃᓄᐃᑦ ᓄᓇᖓᓐᓂ ᓂᕆᐅᖕᓂᖃᓪᓗᐊᖅᐳᑦ ᒐᕙᒪᐅᔪᓂ ᐱᔨᑦᑎᕋᕐᓂᐅᔪᓂ ᐃᓄᒃᑑᕐᓗᑎᒃ, ᐅᕝᕙᓘᓐᓃᑦ ᐃᕐᙲᓐᓇᑲᐅᑎᒋᒥ ᐊᑐᐃᓐᓇᖃᕐᓗᑎᒃ ᑐᓵᔨᖃᕐᓂᕐᒧᑦ ᐱᔨᑦᑎᕋᕐᓂᐅᔪᒥ.

ᕼᐊᕙᐃᔨᒥᐅᑕᑦ ᐊᒻᒪ ᕼᐊᑕᒥᐅᑕᑦ ᐃᓕᑦᑎᓯᒪᕗᑦ ᐅᖃᐅᓯᕐᒥ, ᐊᑐᕐᓗᒍ ᐊᓯᐅᔨᓗᒍᓘᓐᓃᑦ.

ᒐᕙᒪᑐᖃᒃᑯᑦ ᐱᕕᒃᓴᖃᖅᐳᑦ ᑮᓇᐅᔭᖃᖅᑎᑦᑎᓂᕐᒧᑦ ᐊᓯᔾᔨᕐᓂᐅᔪᓂ ᐱᔭᕆᐊᓕᖕᓂ ᐸᐸᑦᑎᓂᕐᒧᑦ ᓄᓇᖃᖅᑳᖅᓯᒪᔪᓄᑦ ᐅᖃᐅᓯᕐᓂᑦ, ᑭᓯᐊᓂ ᑕᐃᒪᐃᑦᑐᒥ ᐊᒃᓱᕈᕐᓂᐅᔪᒥ ᐱᔭᕆᐊᖃᖅᑎᑦᑎᕗᖅ ᑲᑉᐱᐊᓱᙱᓐᓂᐅᔪᒥ ᑲᓇᑕᒥ ᐊᖓᔪᖅᑳᕐᔪᐊᖑᔪᒥ ᔭᔅᑎᓐ ᑐᕉᑑᒥ ᒫᓐᓇ ᐱᖃᙱᑲᓚᐅᖅᑐᒥ. ᐱᕕᒃᓴᖃᖅᐳᖅ ᓱᓕ ᐃᓚᓯᓂᕐᒥ ᐃᓄᖕᓄᑦ-ᑐᕌᖓᓂᖃᖅᑐᒥ ᐃᓚᒋᔭᐅᓂᐊᖅᑐᒥ, ᕌᑦᕇᒐᔅ ᐅᖃᓚᐅᖅᐳᖅ. ᑭᓯᐊᓂ ᓂᕈᐊᕐᓂᕐᒧᑦ ᐊᕐᕌᒎᔪᒥ ᓈᒻᒪᙱᑦᑑᔮᖅᐳᖅ ᑕᐃᒪᐃᑦᑐᒧᑦ ᐅᓗᕆᐊᓇᕐᓂᐅᔪᒥ ᐱᓕᕆᓂᖃᕐᓂᕐᒧᑦ ᑕᐃᒪᐃᑦᑐᒧᑦ ᐅᓗᕆᐊᓇᖅᑐᒦᓗᐊᖅᑐᓂ ᒐᕙᒪᐅᔪᓄᑦ.

ᐊᐃᑦᑖᖑᒐᓗᐊᖅ, ᓇᓗᓇᐃᒃᑯᑎᒃᑲᓐᓂᐅᕗᖅ ᑐᕉᑑ ᒐᕙᒪᐅᔪᓂ 'ᐱᓕᕆᖃᑎᖃᑦᑎᐊᕐᓂᐅᔪᒥ' ᓄᓇᖃᖅᑳᖅᓯᒪᔪᓄᑦ ᒥᑭᓐᓂᖅᓴᒻᒪᕆᐅᕗᖅ ᐱᒻᒪᕆᐅᓂᖓᓂ ᓯᕗᓪᓕᕐᒥ ᐅᖃᐅᓯᐅᓚᐅᕐᓂᖓᓂ.