Skip to content

ᒥᑦᑎᒪᑕᓕᖕᒥᐅᑕᖅ ᐃᓕᓴᐃᔨ ᐅᐱᑉᐳᖅ ᐱᓂᕐᒧᑦ ᑲᓇᑕᒥ ᐊᖓᔪᖅᑳᕐᔪᐊᖓᑕ ᓵᓚᖃᐅᓯᐊᖓᓐᓂ

ᐊᑕᐅᓯᕐᒥ ᒥᑦᑎᒪᑕᓕᖕᒥ ᐃᓕᓴᐃᔨᐅᔪᒥ ᐃᓕᓴᕆᔭᐅᓯᒪᕗᖅ ᐊᒃᓱᕈᕐᓂᖓᓄᑦ 2020−ᒥ ᑲᓇᑕᒥ ᐊᖓᔪᖅᑳᕐᔪᐊᖓᑕ ᓵᓚᖃᐅᓯᐊᖓᓐᓂ ᓱᕈᓯᕐᓄᑦ ᐃᓕᓐᓂᐊᓕᒻᒪᒃᓴᓂᕐᒧᑦ ᐃᓕᓐᓂᐊᕐᓂᕐᒧᑦ.

ᐅᐱᑉᐳᖓ, ᖁᒃᓴᓪᓚᒃᐳᖓ,” ᐅᖃᓚᐅᖅᐳᖅ ᓕᐊ ᑭᐳᒥ, ᒫᓐᓇᐅᔪᒥ ᓵᓚᖃᐅᓯᐊᖓᓐᓂ-ᓵᓚᖃᖅᑎᐅᔪᖅ ᑐᕌᖅᑎᑦᑎᔨᐅᓪᓗᓂ ᐃᓕᓴᐃᔨᐅᔪᖅ ᓄᓇᓕᖕᓂ ᐱᕈᕐᕕᒃ ᐃᓕᓐᓂᐊᓕᒻᒪᒃᓴᕐᕕᖓᓂ.

ᓕᐊ ᑭᐳᒥ (ᕿᑎᐊᓂ) ᐃᓕᓐᓂᐊᖅᑎᑦᑎᕗᖅ ᒪᕐᕉᖕᓂ ᐱᕈᕐᕕᒃ
ᐃᓕᓐᓂᐊᓕᒻᒪᒃᓴᕐᕕᖓᓂ ᐃᓕᓐᓂᐊᖅᑎᓂᑦ ᐃᓄᒃᑎᑐᑦ ᑎᑎᕋᐅᓯᖓᓐᓂ
ᐱᕈᕐᕕᒃ ᐃᓕᓐᓂᐊᓕᒻᒪᒃᓴᕐᕕᖓᓂ ᒥᑦᑎᒪᑕᓕᖕᒥ. ᐊᔾᔨᓕᐅᖅᑕᐅᔪᖅ
ᐱᕈᕐᕕᒃ ᐃᓕᓐᓂᐊᓕᒻᒪᒃᓴᕐᕕᖓᓂ

ᐊᒃᓱᕈᖅᖢᓂ ᐱᓕᕆᕙᒃᐳᖅ ᐊᕐᓇᐅᓪᓗᓂ ᐊᒻᒪ ᐊᓕᐊᓇᐃᒍᓱᒃᐳᖓ ᐃᓕᓴᕆᔭᐅᓂᖓᓂ ᐊᒻᒪᓗ ᓇᒡᓕᒋᕙᕋ,” ᐅᖃᓚᐅᖅᐳᖅ ᐱᕈᕐᕕᒃ ᐃᓕᓐᓂᐊᓕᒻᒪᒃᓴᕐᕕᖓᓂ ᐃᖅᑲᓇᐃᔭᖅᑎᐅᖃᑕᐅᔪᖅ ᓯᓕᓇ ᐃᓄᒍ.

ᐃᖅᑲᓇᐃᔭᖅᑎᐅᖃᑎᒋᔭᐅᔪᖅ ᔫᓕ ᐱᐅᒑᑦᑐᐊᓗᒃ ᐃᓚᒋᐊᖅᓯᓚᐅᖅᐳᖅ, “ᖁᕕᐊᓱᓚᐅᖅᐳᖓ ᓵᓚᖃᐅᓯᐊᓚᐅᕐᓂᖓᓂ.”

ᑭᐊᕆᓐ ᓄᑕᕋᖅ, ᑐᑭᒧᐊᒃᑎᑦᑎᔨᐅᖃᑕᐅᔪᖅ ᐃᓕᓐᓂᐊᓕᒻᒪᒃᓴᕐᕕᖓᓂ ᐅᖃᖅᐳᖅᓕᐊ ᐃᖅᑲᓇᐃᔮᒥᓂᒃ ᐱᓕᕆᑦᑎᐊᒃᑲᒻᒪᕆᐊᓘᕗᖅ ᐊᒻᒪ ᐊᓕᐊᓇᐃᒋᑦᑎᐊᖅᖢᓂᐅᒃ ᐱᓕᕆᐊᒥᓂᑦ. ᐅᐱᒋᕐᔪᐊᖅᐸᕗᑦ ᐊᒻᒪ ᐱᓪᓗᐊᑦᑎᐊᖅᐳᖅ ᓵᓚᖃᐅᓯᐊᖑᔪᒥ.”

2018−ᒥ ᐃᓕᓐᓂᐊᓕᒻᒪᒃᓴᕐᕕᖓ ᓵᓚᖃᓚᐅᖅᐳᖅ $1-ᒥᓕᐊᓐᒥ ᐅᑭᐅᖅᑕᖅᑐᒥ ᑲᔪᖏᖅᓴᐃᓂᕐᒥ ᓵᓚᖃᐅᓯᐊᒥᒃ ᐊᒻᒪ ᑕᐃᒪᙵᓂ ᐊᑐᖅᓯᒪᕗᑦ ᑮᓇᐅᔭᓂ ᐃᑲᔪᕐᓂᕐᒧᑦ ᐊᓯᖏᓐᓂ ᓄᓇᓕᐅᔪᓂ ᐅᑭᐅᖅᑕᖅᑐᒥ ᐊᑭᑐᔫᑎᓄᑦ ᐊᓯᖏᓐᓄᑦ ᕼᐋᒻᓚᐅᔪᓄᑦ ᓄᓇᕗᒻᒥ.

ᐃᓕᓐᓂᐊᓕᒻᒪᒃᓴᕐᕕᖓ ᓵᓚᖃᓚᐅᖅᐳᑦ $1 ᒥᓕᐊᓐᓂ ᐊᒻᒪ ᐊᑐᖅᓯᒪᕙᕗᑦ ᐱᓕᒻᒪᒃᓴᐃᓂᕐᒥ ᐊᓯᖏᓐᓂ ᐃᓕᓐᓂᐊᓕᒻᒪᒃᓴᕐᕕᖕᓂᑦ ᐸᐃᕆᕝᕕᓂᒡᓘᓐᓃᑦ ᐃᒡᓗᕐᔪᐊᖑᔪᓄᑦ ᐊᕕᒃᑐᖅᓯᒪᓂᐅᔪᒥ 7−ᖑᔪᓄᑦ ᓄᓇᓕᐅᔪᓄᑦ,” ᐅᖃᓚᐅᖅᐳᖅ.

ᒫᓐᓇᒧᑦ ᑎᑭᖦᖢᒍ ᐃᑲᔪᖅᓯᒪᕗᒍᑦ ᖃᔅᓯᒐᓚᖕᓂ ᐸᐃᕆᕝᕕᐅᒧᓂ ᐃᖃᓗᖕᓂ, ᑲᖏᖅᖠᓂᖅ, ᑲᖏᖅᖢᒑᐱᒃ ᐊᒻᒪᓗ ᐅᕙᓂ ᒥᑦᑎᒪᑕᓕᖕᒥ.”

ᐱᓕᕆᔾᔪᓯᖓ ᐃᓕᓐᓂᐊᖅᑎᑦᑎᓂᕐᒧᑦ ᐃᓕᓐᓂᐊᓕᒻᒪᒃᓴᖅᑐᓄᑦ ᐃᓕᓐᓂᐊᖅᑎᓂᑦ ᐃᒃᓯᕚᕐᓂᖃᖅᐳᖅ ᑲᑎᙵᓂᐅᔪᒥ ᐃᓄᐃᑦ ᖃᐅᔨᒪᔭᑐᖃᖏᓐᓂ (ᐱᖅᑯᓯᑐᖃᖅᑎᒍᑦ ᖃᐅᔨᒪᓂᐅᔪᒥ) ᐊᒻᒪ ᒫᓐᑎᓱᐊᕆ ᑐᕌᖓᓂᐅᔪᒥ ᐃᓕᓐᓂᐊᕐᓂᐅᔪᒥ. ᑭᖑᓪᓕᖅ ᓇᓗᓇᐃᖅᓯᓂᖃᖅᐳᖅ ᐃᒻᒥᒃᑰᖅᑐᒥ ᐃᓕᑦᑎᓂᐅᔪᒥ ᐃᑲᔪᖅᓯᖅᑕᐅᔪᒥ ᐊᕙᑎᐅᔪᒥ ᐊᒻᒪᓗ ᐊᑐᖅᑕᐅᓲᖑᕗᖅ ᐊᒥᓱᓂ ᐃᓕᓐᓂᐊᕐᕕᐅᔪᓂ ᓄᓇᕐᔪᐊᓕᒫᒥ.

ᐅᖃᐅᓯᖅ ᐊᒻᒪ ᐃᓕᖅᑯᓯᖅ, ᐃᓕᑎᑦᑎᓇᓱᐊᓲᖑᕗᒍᑦ ᖃᓄᖅ ᑎᒍᒥᐊᕐᓂᕐᒧᑦ ᑎᑎᕋᐅᑎᒥᒃ ᐱᒋᐊᓕᓵᖅᑐᓄᐊᓚᐅᖅᑳᕋᑎᒃ ᐊᒻᒪ ᐅᖃᐅᓯᖅ ᐱᒻᒪᕆᐅᕗᖅ ᐃᓕᖅᑯᓯᑦᑎᓐᓂ ᐆᒪᑎᑦᑏᓐᓇᕋᓱᐊᕐᓂᕐᒧᑦ,” ᑭᐳᒥ ᐅᖃᓚᐅᖅᐳᖅ.

ᐃᓚᒋᔭᐅᔪᖅ ᐃᓕᓴᐃᓂᕐᒥ ᐱᖅᑯᓯᑐᖃᕐᒥ ᖃᐅᔨᒪᓂᐅᔪᒥ ᐃᓚᖃᖅᐳᖅ ᐃᓕᓐᓂᐊᓕᒻᒪᒃᓴᖅᑐᓂ ᐱᙳᐊᕐᓂᖏᓐᓂ ᓱᓇᒃᑯᑖᓂ ᐃᓚᒋᔭᐅᔪᓂ ᐃᓄᐃᑦ ᐃᓅᓯᕆᕙᒃᑕᖏᓐᓂ.

ᓱᕈᓰᑦ ᓄᑕᕋᐅᑎᓪᓗᒋᑦ ᐃᓕᑦᑎᔪᓐᓇᖅᐳᑦ ᐱᙳᐊᕐᓂᒃᑯᑦ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂ ᓱᓇᒃᑯᑖᓂ ᐱᓯᒪᔭᑦᑎᓐᓂ ᐅᕙᓂ. ᕿᓯᖃᖅᐳᒍᑦ ᕿᓯᓕᕆᙳᐊᕈᓐᓇᖅᑕᖏᓐᓂ ᐊᒻᒪ ᐊᓯᖏᓐᓂ ᐃᓄᐃᑦ ᖃᐅᔨᒪᔭᑐᖃᖏᓐᓂ ᓱᓇᒃᑯᑖᓂ ᓲᕐᓗ ᓴᐅᓂᕐᓄᑦ ᐱᙳᐊᕈᑕᐅᔪᓂ ᐊᒻᒪᓗ ᖃᒧᑎᑕᖃᖅᐳᖅ ᐊᖑᓇᓱᙳᐊᕈᓐᓇᖅᖢᑎᒃ ᐊᒻᒪᓗ ᐃᓚᖏᓐᓂ ᐃᓄᐃᑦ ᐱᙳᐊᕈᓯᖏᓐᓂ.”

ᐃᓚᖓ ᐱᕈᕐᕕᒃ ᐃᓕᓐᓂᐊᓕᒻᒪᒃᓴᕐᕕᖓᓂ ᑎᑎᖅᑲᖓᓂ ᓂᕈᐊᖅᓯᓂᐅᔪᒥ ᑭᐳᒥ ᐃᒪᓐᓇᐃᓕᖓᕗᖅ.

ᓕᐊᑉ ᐊᑐᕐᓂᖓᓂ ᐃᓄᒃᑎᑐᒻᒥ ᐊᒻᒪ ᐃᓕᖅᑯᓯᒧᑦ ᐃᓚᐅᑎᑦᑎᓂᖓᓂ ᐃᓕᓐᓂᐊᓕᒻᒪᒃᓴᕐᕕᖓᓂ ᐊᕙᑎᖓᓐᓂ ᓱᕈᓯᕐᓂ ᐱᔪᓐᓇᖅᑎᑦᑎᕗᖅ ᐱᕙᓪᓕᐊᑦᑎᐊᕐᓂᖓᓂ, ᐊᒻᒪ ᑐᓂᓯᓂᖃᓲᖑᕗᖅ ᐱᐅᔪᒥᒃ ᓯᕗᓪᓕᖅᐹᒥ ᐃᓚᐅᖃᑕᐅᓂᐅᔪᒥ ᐃᓕᓐᓂᐊᕐᓂᐅᔪᒥ, ᐃᓅᓯᖓᓐᓂ ᐊᒃᑐᐃᓂᖃᕐᓂᐊᖅᑐᒥ ᐊᕐᕌᒍᒐᓴᓄᑦ ᑎᑭᑉᐸᓪᓕᐊᔪᓄᑦ.”

ᐃᓚᒋᐊᖅᓯᓚᐅᖅᐳᖅ ᐱᒻᒪᕆᐅᕗᖅ ᐊᖓᔪᖅᑳᖑᔪᓄᑦ ᓇᒦᓐᓂᓕᒫᖏᓐᓂ ᐋᖅᑭᐅᒪᑎᑦᑎᓂᕐᒧᑦ ᐱᓕᕆᔪᒥ ᐊᑐᕐᓂᐅᔪᒥ ᕿᑐᕐᙵᖓᑕ ᐃᓅᓯᖓᓐᓂ. “ᐱᒻᒪᕆᐅᕗᖅ ᐊᖓᔪᖅᑳᖑᔪᓂ ᐃᓚᐅᖃᑕᐅᓂᖏᓐᓂ ᕿᑐᕐᙵᒥᓂᑦ.”

ᐃᓕᓴᐃᔨᐅᓂᕐᒥ ᑭᐳᒥ ᖁᕕᐊᓲᖑᕗᖅ, ᐊᓯᖏᓐᓂ ᐃᑲᔪᕐᓂᕐᒧᑦ ᐃᓕᑦᑎᓂᖏᓐᓂ ᐊᒻᒪᓗ ᐱᕈᖅᐸᓪᓕᐊᓂᕐᒧᑦ.

ᖁᕕᐊᖏᓐᓇᐅᔭᖅᐳᖓ ᓄᑖᓂᒃ ᐃᓕᓐᓂᐊᖅᑎᑖᕐᓂᐊᕐᓂᓐᓂ, ᐃᓕᑦᑎᔪᒪᕐᔪᐊᓲᖑᕗᑦ. ᐊᓕᐊᓇᐃᒋᔭᕋ ᐱᓕᕆᖃᑎᖃᖅᖢᓂ ᓱᕈᓯᕐᓂᑦ.”