ᒪᕐᕈᐃᖅᓱᖅᖢᓂ ᒎᓗᑖᖅᑐᕕᓂᐅᓚᐅᖅᑐᖅ ᑲᓇᑕᒥ ᐱᙳᐊᕕᒡᔪᐊᕐᓂᐅᔪᓄᑦ ᓯᐊᕐᕆᔮᖅᑎ ᔅᑳᑦ ᒧᐊᕐ ᒫᓐᓇᐅᓕᖅᑐᒥ ᐃᓂᖃᖅᑎᑕᐅᓪᓗᓂ ᐃᓅᓯᓕᒫᒥ ᑭᕙᓪᓕᕐᒥ ᕼᐋᑭᒧᑦ ᐊᓕᐊᓇᐃᒍᓱᒃᑎᐅᕗᖅ.
ᐊᔾᔨᙳᐊᖑᔪᒥ ᐱᐊᑐᖅᑎᓪᓗᒍ ᓱᑰᖅᑎᓪᓗᒍ ᖃᐅᔨᓴᖅᑎᐅᔪᓄᑦ ᓯᕗᓪᓕᖅᐹᒥ ᐱᙳᐊᕐᓂᐅᔪᒥ ᐊᕐᓇᓄᑦ ᕼᐋᑭᕐᓂᐅᔪᒥ ᒎᓗᒥᒃ ᐅᔭᒥᖕᒧᑦ ᔫᓇᐃᑎᑦ ᔅᑕᐃᑦᔅᒥ ᓵᓚᖃᕋᓱᐊᖅᑎᓪᓗᒋᑦ ᑲᓇᑕᒥ ᓇᒧᙵᐅᕈᓘᔭᓚᐅᖅᑎᓪᓗᒍ ᖃᕋᓴᐅᔭᒃᑯᑦ ᓄᓇᕐᔪᐊᒥ ᐱᓇᓱᐊᕈᓯᐅᓚᐅᖅᑐᒥ ᐱᔨᐅᖕᓵᖕᒥ ᐅᑭᐅᑦᑯᑦ ᐱᙳᐊᕕᒡᔪᐊᖅᑎᓪᓗᒋᑦ, ᑕᐃᒪᐃᓕᖓᓕᕈᓐᓇᙱᓚᖅ?
ᓇᖕᒥᓂᖅ ᐃᓱᒥᒋᓂᕆᔭᑎᑦ ᐱᙳᐊᕐᓂᐅᔪᒧᑦ, ᐊᔾᔨᙳᐊᖅ ᐱᙳᑲᐅᑎᒋᓚᐅᖅᐳᖅ ᑲᓴᐃᑎᐋᓇ ᐊᒻᒪᓗ ᐱᑕᖃᐃᓐᓇᕐᓂᐊᓕᖅᑐᖅ ᐊᑯᓂᒻᒪᕆᐊᓗᒃ ᑲᓇᑕᐅᑉ ᑎᑎᕋᖅᓯᒪᓂᐅᔪᓄᑦ ᖃᓄᐃᓐᓂᐅᓚᐅᖅᑐᓂ ᐱᙳᐊᕐᓂᐅᔪᓄᑦ ᐅᓂᒃᑳᕆᔭᐅᕙᖕᓂᖏᓐᓂ ᐊᒻᒪ ᐃᖅᑲᐅᒪᓇᖅᑐᓄᑦ ᑕᐃᔅᓱᒪᓂᐅᓚᐅᖅᑐᒥ.
ᐊᔾᔨᙳᐊᖅ ᓇᒧᙵᐅᕈᓘᔭᓚᐅᖅᑐᖅ ᐅᔭᒥᖕᓄᑦ ᑕᑯᒃᓴᐅᑎᑕᐅᓂᐅᔪᓂᑦ ᐱᔾᔪᑎᖃᖅᑐᒥ ᑲᓇᑕᒥᐅᑕᒥ ᐊᕐᓇᒧᑦ ᕼᐋᑭᖅᑎᐅᔪᒧᑦ ᔮᔅᓕᓐ ᓚᕌᒃᒥ, ᑭᓯᐊᓂ, ᐊᑕᐅᓯᐅᓪᓗᓂ ᐊᔾᔨᐅᙱᑦᑐᒥ ᑲᓚᖃᖅᑐᒥ ᓴᖅᑭᑎᑦᑎᓚᐅᖅᑐᒥ ᐊᑭᕋᖅᑐᕐᓂᐅᔪᒥ ᐊᑲᐅᙱᓕᐅᕈᑕᐅᔪᒥ.
ᐅᕙᖓ, ᐊᑕᐅᓯᐅᓪᓗᖓ, ᐊᑭᕋᖅᑐᖅᓯᒪᕗᖓ ᐱᙳᐊᖅᑎᐅᔪᓂ ᑕᑯᒃᓴᐅᑎᑦᑎᔪᓂ ᐃᒃᐱᒍᓱᑦᑎᐊᙱᓐᓂᖃᖅᑐᓂᑦ ᐅᔭᒥᖕᒧᑦ ᓵᓚᖃᕐᓂᐅᔪᒥ ᐊᓯᐊᓄᑦ ᐱᔾᔪᑎᖃᙱᑦᑐᒥ ᐊᓯᐊᒍᑦ ᑲᓚᒋᔭᖓᓂ ᓴᕕᕋᔭᐅᔪᒥ ᑕᐅᑐᙳᐊᓚᐅᖅᑕᒥᓂᑦ ᐱᓂᐊᕐᓂᖏᓐᓂ ᐃᓯᖅᑎᓪᓗᒋᑦ ᖃᓄᐃᓐᓂᐅᔪᒥ.
ᐊᒻᒪᓗ, ᑕᑯᒋᑦ, ᒪᕐᕈᖓᓂ ᐊᔪᙱᓐᓂᖅᐹᑦ ᓄᓇᕐᔪᐊᓕᒫᒥ ᖃᓄᐃᓗᐊᙱᑦᑐᐊᓗᒃ, ᕼᐃᓖ?
ᐊᐱᖅᑯᑕᐅᔪᖅ ᐅᕙᓂ, ᑭᓯᐊᓂ, ᓚᕌᒃ ᐃᒃᐱᒍᓱᑦᑎᐊᓚᐅᙱᓚᖅ ᐅᔭᒥᖕᒥ ᑎᒍᒥᐊᖅᖢᓂᐅᒃ ᐊᒑᖓᓂ ᐊᑐᙱᖔᖅᖢᓂᐅᒃ ᖁᖓᓯᒥᓂᑦ ᐊᑯᓂᐅᓂᖓᓂ ᖁᕕᐊᓱᒍᑕᐅᓂᖓᓃ?
ᓚᕌᒃ ᑐᓂᕙᕋ ᑕᒪᒃᑭᐅᒪᔪᓂ ᓈᓴᐅᑎᖃᕐᓂᐅᔪᓂᑦ ᐃᓄᓕᒫᓄᑦ ᒪᒥᐊᓐᓂᖓᓐᓂ ᑕᒪᒃᑭᓄᑦ ᓯᕿᓂᐅᑉ ᐊᑖᓂ ᖃᐅᑎᓪᓗᒍ. ᐱᓕᕆᓂᑦᑎᐊᕙᐅᕕᒡᔪᐊᓚᐅᖅᐳᖅ ᓄᓇᕐᔪᐊᒥ−ᓇᓗᓇᐃᖅᓯᒪᓂᐅᔪᒧᑦ ᐱᙳᐊᖅᑭᒧᑦ.
ᑭᓯᐊᓂ ᐅᕙᓂ ᖃᓄᐃᓐᓂᐅᔪᒥ, ᑲᓇᑕᒥᐅᑕᖅ ᕼᐋᑭᖅᑎᐅᔪᖅ ᖃᓄᐃᓕᐅᕐᓂᖃᕆᓚᐅᙱᓚᕋ. ᐃᒪᓐᓇᐅᙱᑦᑐᖅ ᐱᔪᒪᙱᓐᓂᖃᕐᓇᓂ ᐱᓂᖓᓄᑦ ᐅᔭᒥᖕᒥ ᐃᒋᓐᓇᓂᐅᒡᓗ ᐱᓚᐅᖅᑎᓪᓗᓂᐅᒃ.
ᑎᑭᐅᑎᔭᐅᓚᐅᖅᐳᖅ ᕿᐊᓱᙳᓂᐅᔪᒧᑦ ᐊᒻᒪ ᐊᐃᑦᑖᕈᓱᕕᒡᔪᐊᖅᖢᓂ ᐱᙳᐊᖃᑎᒌᑦ ᕿᒪᐃᓪᓗᑎᒃ ᑭᓱᓕᒫᓂᒃ ᓯᑯᒧᑦ ᑭᒡᒐᖅᑐᐃᑎᓪᓗᒋᑦ ᓄᓇᖓᓐᓂ ᐊᑕᐅᓯᐅᔪᒥ ᓄᓇᕐᔪᐊᒥ ᐊᖏᓛᕆᔭᖓᓐᓂ ᕼᐋᑭᕐᕕᐅᔪᒥ ᐊᒻᒪᓗ, ᐃᓱᐊᓂ, ᒎᓗᒧᑦ ᓈᒻᒪᖕᓂᖃᓚᐅᙱᓚᖅ. ᑕᒪᑐᒪᓂ ᐅᓪᓗᕐᒥ, ᐊᒥᐊᓕᑲᐅᔪᑦ ᕼᐋᑭᒥᒃ ᐱᙳᐊᖅᑎᑦᑎᐊᕙᐅᓂᖅᓴᐅᓚᐅᖅᐳᑦ.
ᑲᒪᓇᓚᐅᙱᓚᖅ ᐊᒥᓱᐃᑦ ᐃᓄᐃᑦ ᐊᑭᕋᖅᑐᖅᑐᓂ ᑖᔅᓱᒥᖓ ᕼᐋᑭᖅᑎᓂ ᓄᓇᓕᖕᓂᙶᓚᐅᙱᓚᑦ ᐊᒻᒪᓗ ᒥᑭᑦᑐᒥ ᑐᑭᓯᐅᒪᓂᖃᕐᓇᑎᒡᓘᓐᓃᑦ ᐃᒃᐱᒍᓱᒃᓴᕋᐃᓐᓂᐅᔪᒥ ᓴᖅᑭᓲᒥᑦ ᐆᒧᖓ ᐱᙳᐊᕐᓂᐅᔪᒧᑦ ᖁᓛᓂᑦ ᐊᑎᖓᓐᓄᑦ, ᓇᐅᒃᑯᓕᒫᖅ ᑭᒡᓕᐅᔪᒧᑦ.
ᐄ, ᓇᓗᓇᙱᑦᑎᐊᖅᐳᖅ, ᐱᔾᔪᑎᖃᖅᖢᓂ ᖃᓄᐃᓕᐅᕐᓂᐅᕈᓘᔭᖅᑐᒥ, ᓚᕌᒃ ᖃᓄᐃᓐᓂᐅᓚᐅᖅᑐᓂ ᐅᑎᖁᓇᔭᖅᐸᖏᑦ ᐊᒻᒪᓗ ᑖᓐᓇᕈᓗᒃ ᖁᖓᓯᖓᓃᓚᐅᕈᓂ ᕿᐊᑦᑕᐃᓕᒪᑎᓪᓗᒍ ᓄᓇᕐᔪᐊᓕᒫᑦ ᓵᖓᓐᓂ.
ᑭᓯᓯᓯᐊᓂ ᑖᒃᑯᐊᑦᑕᐃᓐᓇᖅ ᕿᐊᓱᙳᓂᐅᔪᑦ ᐱᑎᑦᑎᓚᐅᖅᐳᑦ ᓂᕈᐊᕐᓂᖓᓂ ᑎᒍᒥᐊᕐᓂᖓᓄᑦ ᐅᔭᒥᖕᒥ ᐊᒡᒐᖓᓂ ᑖᒃᑯᐊᑦᑕᐃᓐᓇᐅᕗᑦ ᐃᒃᐱᒍᓱᒡᔪᐊᕐᓂᐅᔪᓂᑦ ᐊᐅᓚᑦᑎᕙᒃᑐᓂ ᐱᙳᐊᕐᓂᐅᔪᒥ ᕼᐋᑭᒥᑦ.
ᑖᒃᑯᐊ ᐃᒃᐱᒍᓱᒡᔪᐊᕐᓂᐅᕗᑦ ᑲᑎᑎᕆᓲᓂᑦ ᑕᒪᕐᒥᒐᓚᓂᑦ ᑲᓇᑕᒥᐅᑕᓂᑦ ᓯᒡᔭᖅᐸᓯᖕᒥ ᓯᒡᔭᖅᐸᓯᖕᒧᑦ ᑕᐃᑲᓂ ᐊᕐᕌᒎᔪᒥ ᑲᓇᑕᒥ ᖃᐅᔨᒪᔭᖓᓐᓂ ᕼᐋᑭᕐᓇᐅᑎᓪᓗᒍ.
ᐱᙳᐊᖅᑎᐅᔪᑦ ᐊᑐᓲᖑᔪᓂ ᐊᐅᐸᖅᑐᒥ ᐊᒻᒪ ᖃᐅᓪᓗᖅᑐᒥ ᑭᒡᒐᖅᑐᐃᓂᕐᒧᑦ ᑲᓇᑕᒥ ᓄᓇᕐᔪᐊᓕᒫᒥ ᐱᙳᐊᕐᓂᐅᔪᒧᑦ ᐊᔾᔨᒋᕙᖏᑦ ᐊᒥᐊᒃᑯᒋᔭᑦᑎᓐᓂ ᐊᓕᐊᓇᐃᒋᔭᖃᑦᑎᐊᖅᑐᓄᑦ ᐱᙳᐊᕐᓂᐅᔪᒥᑦ ᐊᒻᒪᓗ ᑕᑯᓪᓗᒍ ᕼᐋᑭᒥᑦ ᑲᓇᑕᐅᑉ ᐱᙳᐊᕐᓂᕆᔭᖓᓐᓂ. ᖃᐅᔨᒪᕗᑦ ᓴᐃᒻᒪᖅᑎᑕᐅᓯᒪᓪᓚᕆᖕᓂᖏᓐᓂ ᐱᖃᕐᓂᕐᒥ ᑭᒡᓕᐅᔪᒥ ᐊᔪᙱᓐᓂᐅᔪᒥ ᐊᒻᒪᓗ ᐱᓕᕆᓂᖃᕐᓂᐅᔪᒥ ᐱᔪᓐᓇᖅᖢᑎᒃ ᐱᔭᕆᐊᓕᖕᒥᑦ (ᓚᕌᒃ ᐱᙳᐊᓚᐅᖅᐳᖅ 31 ᒥᓂᑦᔅᑲᓴᖕᓂ ᒎᓗᒥ ᐅᔭᒥᒃᑖᕋᓱᖕᓂᐅᔪᒥ ᐱᙳᐊᕐᓂᐅᔪᒥᑦ) ᓂᕈᐊᖅᑕᐅᓪᓗᓂ ᐅᕙᑦᑎᓐᓂ ᑭᒡᒐᖅᑐᐃᓂᕐᒧᑦ ᐊᒻᒪ ᓴᐳᔾᔨᓗᓂ ᑖᔅᓱᒥᖓ ᐱᓯᒪᑦᑎᓂᐅᔪᒥᑦ.
ᐊᒻᒪᓗ, ᑕᐃᒪᐃᓐᓂᖓᓄᑦ, ᐃᒃᐱᒍᓱᒃᐳᑦ ᐊᐃᑦᑖᕈᓱᖕᓂᐅᔪᒥ ᓵᓚᐅᓂᕐᒧᑦ ᐃᓗᑐᓂᖅᓴᐅᔪᒥ ᑕᕐᓂᖓᓐᓂ ᐅᕙᑦᑎᓐᓂᐅᔪᒥᑦ; ᒥᓕᐊᓐ−ᖑᔪᑦ ᐅᕙᑦᑎᓐᓂ, ᐊᓐᓄᕌᖅᓯᒪᓪᓗᑕ ᖃᓄᑐᐃᓐᓇᑦᑎᐊᖅ ᑲᓇᑕᒥ ᑭᓱᕈᓘᔭᐅᔪᓂᑦ, ᐊᑦᑕᑕᖅᖢᑕ ᑕᓚᕖᓴᐅᑉ ᓴᓂᐊᓂ ᑲᓇᑕᒥ ᐃᑲᔪᖅᓱᐃᓪᓗᑎᒍᑦ.
ᑖᒃᑯᐊᑦᑕᐃᓐᓇᖅ ᐃᒃᐱᒍᓱᒡᔪᐊᕐᓂᐅᔪᑦ, ᑕᐃᒪᐃᒐᔪᓗᐊᖅᑐᒥᑦ, ᐊᔭᐅᕆᓯᒪᕗᑦ ᑲᓇᑕᒥ ᐱᙳᐊᖅᑎᑦᑎᓐᓂ ᓵᓚᒃᓴᕐᓂᕐᒧᑦ, ᐃᓛᓐᓂᒃᑯᑦ ᐊᔪᕐᓇᑦᑎᐊᖅᑰᔨᑎᓪᓗᒍ, ᑕᐃᒫᒃ ᑲᒪᓇᙱᓚᖅ ᐃᒻᒥᖕᓂᒃ ᑕᐃᒪᓐᓇᑎᒋ ᓴᙱᓂᐅᔪᒥ ᐱᕈᖅᓴᐃᓲᖑᒋᕙᑦ ᑎᑭᐅᑎᓐᓂᙱᒃᑳᖓᑕ ᑐᕌᕆᔭᒥᓂᑦ ᑐᕌᒐᒃᓴᖏᓐᓄᑦ?
ᐃᓱᒪᒋᓂᕐᒧᑦ, ᔮᔅᓕᓐ ᓚᕌᒃ ᓇᓗᓇᐃᖅᓯᒪᑦᑎᐊᖅᖢᓂ ᐱᙳᐊᖅᑎᐅᕗᖅ ᐊᒻᒪᓗ ᓇᓗᓇᐃᖅᓯᒪᑦᑎᐊᖅᑐᒥ ᐃᓅᕗᖅ ᑕᑯᒃᓴᐅᑎᑦᑎᑲᐃᓐᓇᓚᐅᖅᑐᒥ ᑎᑭᐅᑎᓂᖓᓐᓂ ᐃᓅᑉ ᓱᕋᒃᓴᕋᐃᓐᓂᖓᓄᑦ ᐅᖃᐅᓯᕆᔪᒪᕙᒃᑕᑦᑎᓐᓂ ᐆᒻᒪᑎᖓ ᓯᖁᑦᑎᕐᓂᖓᓄᑦ.
ᑕᐅᑐᙳᐊᕐᓂᖓ ᐅᔾᔨᕐᓇᖅᑐᒥ ᓴᔪᖕᓂᖓᓂ, ᓂᐊᖁᖓ ᑕᐅᓄᙵᓪᓗᓂ ᐊᒻᒪ ᐃᔨᖏᑦ ᒪᑐᓯᒪᓪᓗᑎᒃ ᕿᐊᑦᑕᐃᓕᒪᕐᔪᐊᖅᖢᓂ, ᖃᓄᓕᒫᑦᑎᐊᖅ ᑲᓇᐃᑎᐋᓇᒥ ᕿᕿᓯᒪᓂᖓᓂ ᑕᐃᔅᓱᒪᓂᐅᓚᐅᖅᑐᒥ ᒧᐊᔅ ᓯᕗᓂᐊᓂᐅᓚᐅᖅᑐᖓᓐᓂ ᖃᓄᐃᓐᓂᐅᔪᓄᑦ.
ᐅᕙᑦᑎᓐᓂ ᐅᐱᒍᓱᒃᑎᑦᑎᕗᑎᑦ, ᔮᔅᓕᓐ!