Skip to content

ᓯᕗᓕᐅᖅᑎᐅᔪᑦ ᐊᖏᖃᑎᒌᒋᐊᖃᖅᐳᑦ ᑲᓇᑕᒥ ᐸᓖᓯᒃᑯᓐᓂ ᑎᒥᒧᑦ ᐊᑕᔪᑦ ᐊᔾᔨᓕᐅᕈᑎᓂᑦ, ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎ ᐅᖃᖅᐳᖅ

ᐊᖏᖅᓯᒪᓂᖃᖅᐳᖅ ᐱᒻᒪᕆᐅᔪᓂ ᐱᓕᕆᖃᑎᒌᖕᓂᐅᔪᓂ ᑎᒥᒧᑦ ᐊᑕᔪᓄᑦ ᐊᔾᔨᓕᐅᕈᑎᓂᑦ ᐱᔭᕆᐊᖃᕐᓂᖓᓂ ᑲᓇᑕᒥ ᐸᓖᓯᒃᑯᓐᓄᑦ ᓄᓇᕗᒻᒥ, ᑭᓯᐊᓂ ᐊᑭᖓ ᐊᒻᒪ ᖃᖓᐅᓂᐊᕐᓂᖓᓂ ᓱᓕ ᑭᐅᔭᐅᙱᓚᖅ, ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎ ᑕᓂᔅ ᐹᑐᓴᓐ ᐅᖃᓚᐅᖅᐳᖅ ᒪᓕᓚᐅᖅᑐᒥ ᑲᑎᒪᓂᐅᔪᒥ ᐅᖃᐅᓯᖃᕐᓂᕐᒧᑦ ᐱᓕᕆᐊᕆᓚᐅᖅᑕᖓᓂ ᔫᓂ 19−ᒥ.

“ᐊᖏᙱᓐᓂᖃᓚᐅᙱᓚᖅ ᐅᓇ ᐊᑑᑎᖃᕋᔭᕐᓂᖓᓂ ᓯᕗᒻᒧᑦ ᐃᖏᕐᕋᑎᑕᐅᓂᖓᓄᑦ,” ᐹᑐᓴᓐ ᐅᖃᓚᐅᖅᐳᖅ ᐸᓖᓯᓂᑦ ᑎᒥᒧᑦ ᐊᑕᔪᓄᑦ ᐊᔾᔨᓕᐅᕈᑎᓂᑦ.

32−ᓂ ᐃᓄᖕᓂ ᐅᑭᐅᖅᑕᖅᑐᒥ, ᐋᑐᕚᒥ ᐊᒻᒪ ᐊᓯᖏᓐᓂ ᑲᓇᑕᒥ ᐃᓚᐅᖃᑕᐅᓚᐅᖅᐳᑦ ᖃᕋᓴᐅᔭᑎᒍᑦ ᐅᖃᓪᓚᖕᓂᐅᔪᒥ, ᐊᒥᓱᑦ ᑭᒡᒐᖅᑐᐃᔪᓂ ᐃᓄᐃᑦ ᒐᕙᒪᐅᔪᓄᑦ; ᓄᓇᕗᒻᒥ ᒐᕙᒪᒃᑯᑦ (GN); ᒐᕙᒪᑐᖃᒃᑯᓐᓂ ᑲᑎᒪᔨᕐᔪᐊᖑᔪᓂ, ᐃᓚᖃᖅᑐᒥ ᐅᑭᐅᖅᑕᖅᑐᒥ ᐱᓕᕆᓂᐅᔪᒥ ᒥᓂᔅᑕᖓ ᑖᓐ ᕚᓐᑎᐅᓪ; ᐊᒻᒪ ᖁᑦᑎᒃᑐᒦᑦᑐᓂ ᑲᓇᑕᒥ ᐸᓖᓯᒃᑯᓐᓂ ᐊᐅᓚᑦᑎᔨᐅᔪᓂ.

ᐃᓚᒋᔭᐅᔪᒥ ᑲᑎᕕᒃ ᐊᕕᒃᑐᖅᓯᒪᓂᐅᔪᒥ ᐸᓖᓯᒃᑯᓐᓂ ᑰᔾᔪᐊᖅ, ᑯᐸᐃᖕᒥ ᑐᓂᓯᓚᐅᖅᐳᖅ ᐱᒻᒪᕆᐅᔪᓂ ᐃᓱᒪᒋᔭᐅᓂᐅᔪᓂ ᐱᕙᓪᓕᐊᔪᓐᓇᕆᐊᒃᓴᓂᖓᓂ ᑎᒥᒧᑦ ᐊᑕᔪᓄᑦ ᐊᔾᔨᓕᐅᕈᑎᓂᑦ – ᐃᓚᖃᖅᑐᒥ ᖃᐅᔨᓴᖅᑕᐅᓂᑯᓂ ᑎᑎᕋᖅᓯᒪᔪᓂ ᑐᖅᑯᖅᑕᐅᓂᖏᓐᓂ ᑲᒪᒋᔭᐅᔪᓐᓇᕐᓂᖏᓐᓂ – ᐸᓖᓯᒃᑯᑦ ᐊᑐᓕᖅᑎᑦᑎᓚᐅᕐᒪᑕ 6−ᖑᔪᓂ ᑎᒥᒧᑦ ᐊᑕᔪᓄᑦ ᐊᔾᔨᓕᐅᕈᑎᓂᑦ ᖄᖏᖅᓯᒪᓕᖅᑐᓂ ᑕᖅᑭᓄᑦ 6−ᓄᑦ ᐊᒻᒪ ᐸᕐᓇᐅᑎᖃᖅᐳᑦ ᐅᓄᖅᓯᒋᐊᓛᕐᓂᕐᒧᑦ ᐅᓄᕐᓂᐅᔪᓂᑦ, ᐹᑐᓴᓐ ᑐᓴᓚᐅᖅᐳᖅ.

There was an understanding among those present that body cameras alone will not be enough to overcome mistrust between Nunavummiut and the police, Senator Dennis Patterson said after meeting online with leaders from Nunavut, Ottawa and other parts of the country.
photo courtesy of Dennis Patterson

“ᐅᖃᐅᔾᔭᐅᓚᐅᖅᐳᒍᑦ ᑳᑉᑎᓐ ᒨᕐᓯᐊᐃᒧᑦ (ᑲᑎᕕᒃ ᐸᓖᓯᒃᑯᓐᓂ) ᐊᓕᐊᓇᐃᒋᔭᐅᑦᑎᐊᖅᓯᒪᓂᖓᓂ,” ᐅᖃᓚᐅᖅᐳᖅ.

ᓄᓇᕕᖕᒥ ᐸᓖᓯᒃᑯᑦ ᓂᕈᐊᖅᑐᐃᓪᓗᑎᒃ ᐃᓄᐃᑦ ᑮᓇᖏᓐᓂ ᐃᓕᓴᕐᓇᕈᓐᓃᖅᑎᑦᑎᓲᖑᕗᑦ ᐃᑲᔪᕐᓂᕐᒧᑦ ᓴᐳᔾᔨᓯᒪᓂᕐᒧᑦ ᑲᙳᓇᕐᓂᖓᓂ ᐃᓄᖕᓄᑦ ᓴᖅᑭᔮᖅᑐᓂ ᑕᕐᕆᔭᓕᐊᖑᔪᓄᑦ, ᐊᒻᒪ ᐊᔾᔨᓕᐅᕆᔭᐅᓂᑯᑦ ᐋᓐᓂᖅᓯᕆᓂᐅᔪᓂ ᐱᕋᔭᖕᓂᐅᔪᓂ ᐅᕝᕙᓘᓐᓃᑦ ᐋᖓᔮᖅᑐᓂ ᐊᖁᓐᓂᐅᔪᓂ ᑐᖅᑯᖅᑕᐅᓲᖑᕗᑦ ᑎᑭᐅᒪᔪᓄᑦ ᐊᕐᕌᒍᓄᑦ 20−ᓄᑦ.

ᑲᑎᕕᒃ ᐊᕕᒃᑐᖅᓯᒪᓂᐅᔪᒥ ᐸᓖᓯᒃᑯᑦ ᓇᓚᐅᑦᑖᕆᓂᖏᑦ ᓂᐅᕕᕐᓂᕐᒥ ᑎᒥᒧᑦ ᐊᑕᔪᓄᑦ ᐊᔾᔨᓕᐅᕈᑎᓂᑦ ᑕᒪᒃᑭᓄᑦ 14−ᖑᔪᓄᑦ ᓄᓇᕕᖕᒥ ᓄᓇᓕᐅᔪᓄᑦ ᑎᑭᐅᑎᓇᔭᖅᑐᒃᓴᐅᕗᑦ $100,000 ᓯᕗᓂᐊᓂ ᖃᕋᓴᐅᔭᑎᒍᑦ ᓈᒪᔾᔪᑎᖏᓐᓄᑦ ᐊᑭᐅᔪᓂ. ᖄᒃᑲᓐᓂᐊᒍᑦ $20,000-25,000 ᐊᕐᕌᒍᑕᒫᒥ ᑐᖅᑯᐃᓂᕐᒧᑦ ᐊᒻᒪ ᐊᐅᓚᑦᑎᓂᕐᒥ ᖃᐅᔨᓴᖅᑕᐅᓂᑯᓂ ᑎᑎᕋᖅᓯᒪᓂᐅᔪᓄᑦ.

ᐃᓱᒪᓕᐅᕆᓂᕐᒥ ᐊᑭᓕᒐᒃᓴᐅᓇᔭᖅᑐᓂ ᐃᓚᒋᔭᐅᔪᓂ ᑎᒥᒧᑦ ᐊᑕᔪᓄᑦ ᐊᔾᔨᓕᐅᕈᑎᓄᑦ ᓄᓇᕗᒻᒥ ᑲᓇᑕᒥ ᐸᓖᓯᒃᑯᓐᓄᑦ ᖃᐅᔨᒪᔭᐅᔾᔮᙱᓚᖅ ᑭᓯᐊᓂ ᒪᑐᐃᖓᓂᐅᔪᒥ ᑳᓐᑐᕌᒃᑖᕋᓱᐊᖅᑐᓄᑦ ᐱᓕᕆᓂᖃᓚᐅᖅᑎᓪᓗᒍ ᐅᕘᓇ ᐱᑕᖃᖅᐸᒌᖅᑐᓂ ᒐᕙᒪᑐᖃᒃᑯᑦ ᓂᐅᕕᕈᓐᓇᕐᓂᐅᔪᒥ ᐱᓕᕆᓂᐅᔪᒥ, ᐹᑐᓴᓐ ᐅᖃᓚᐅᖅᐳᖅ.

ᓄᓇᕗᒻᒥ ᒐᕙᒪᒃᑯᑦ ᐊᖏᕈᑎᖃᖅᐳᑦ ᒐᕙᒪᑐᖃᒃᑯᓐᓂ ᐃᒪᐃᓕᖓᔪᒥ ᓄᓇᕗᒻᒥ ᒐᕙᒪᒃᑯᑦ ᐊᑭᓖᓗᓂ 70 ᐳᓴᓐᑎᖓᓂ ᐸᓖᓯᓕᕆᓂᕐᒧᑦ ᐊᑭᖏᓐᓂ ᐋᑐᕚ ᑲᒪᒋᔭᖃᖅᑎᓪᓗᒍ ᐊᐃᑉᐸᖓᓂ 30 ᐳᓴᓐᑎᖓᓂ. ᑭᓯᐊᓂ, ᓄᓇᕗᒻᒥ ᒪᓕᒐᓕᕆᔨᒃᑯᓐᓂ ᒥᓂᔅᑕᖓ ᔩᓂ ᐃᕼᐊᓗᐊᒃ ᑐᑭᓯᓇᖅᓯᑎᑦᑎᓚᐅᖅᐳᖅ ᑕᐃᑲᓂ ᑲᑎᒪᓂᐅᔪᒥ ᐅᖃᓪᓚᒍᑎᖃᕐᓂᐅᔪᒥ ᓄᓇᕗᒻᒥ ᒐᕙᒪᒃᑯᑦ ᑕᑯᔪᒪᓇᔭᖅᐳᑦ ᑎᒥᒧᑦ ᐊᑕᔪᓄᑦ ᐊᔾᔨᓕᐅᕈᑎᓂᑦ “ᐊᖏᐸᓗᒃᑐᒥ ᐊᑭᓕᖅᑕᐅᓂᖓᓂ” ᑲᓇᑕᒥ ᒐᕙᒪᒃᑯᓐᓄᑦ, ᐅᖃᐅᓯᐅᓪᓗᓂ ᐹᑐᓴᓐᒧᑦ.

ᐅᖃᐅᓯᒃᓴᓕᐊᖑᔪᒥ ᒪᓕᒐᓕᕆᔨᒃᑯᓐᓂ ᓄᓇᕗᒻᒥ ᑐᓴᒐᒃᓴᓕᕆᔨᒃᑯᓐᓄᑦ ᐅᖃᖅᓯᒪᕗᖅ “ᒥᓂᔅᑕ ᒪᓕᒐᓕᕆᔨᒃᑯᓐᓄᑦ ᐃᑲᔪᖅᓱᐃᕗᖅ ᐊᑐᓕᖅᑎᑕᐅᓂᖓᓂ ᑎᒥᒧᑦ ᐊᑕᔪᓄᑦ ᐊᔾᔨᓕᐅᕈᑎᓂᑦ ᓄᓇᕗᒻᒥ.”

“ᑲᓇᑕᒥ ᐸᓖᓯᒃᑯᓐᓂ ᑲᒥᓴᓇᖓ ᐊᒻᒪ ᑲᓇᑕᒥ ᐊᖓᔪᖅᑳᕐᔪᐊᖓ ᐊᖏᖅᓯᒪᓂᖃᖅᐳᑦ ᓴᖅᑭᑎᑦᑎᓂᕐᒥ ᑎᒥᒧᑦ ᐊᑕᔪᓄᑦ ᐊᔾᔨᓕᐅᕈᑎᓂᑦ ᑲᓇᑕᓕᒫᒥ, ᐊᔭᐅᕆᓯᒪᕗᒍᑦ ᐱᓕᕆᖃᑎᒋᔭᑦᑎᓐᓂ ᐃᓱᒪᒋᔭᖃᕐᓂᖏᓐᓂ ᓄᓇᕗᒻᒥ ᓯᕗᓪᓕᐅᔾᔭᐅᑎᑕᐅᖁᔭᐅᓪᓗᓂ ᐅᕙᓂ ᐊᑐᓕᖅᑎᑕᐅᓂᖓᓂ,” ᐅᖃᐅᓯᒃᓴᓕᐊᖑᔪᖅ ᐅᖃᓕᒫᕐᓂᖃᖅᐳᖅ. “ᐊᑐᓕᖅᑎᑕᐅᓂᖏᓐᓂ ᒪᓕᖕᓂᐊᖅᐳᖅ ᖃᓄᖅ ᓱᒃᑲᑎᒋᔪᒥ ᐃᓄᓕᒫᓄᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᓇᑕᒥ ᐊᒻᒪ ᑲᓇᑕᒥ ᐸᓖᓯᒃᑯᓐᓂ ᐊᖓᔪᖅᑳᖃᕐᕕᖓ ᐱᓕᕆᓂᐊᕐᓂᖏᓐᓂ ᐊᑐᐊᒐᐅᔪᒥ ᐱᕙᓪᓕᐊᑎᑕᐅᓂᖓᓂ, ᐱᓂᖏᓐᓂ ᐊᒻᒪ ᑮᓇᐅᔭᖃᖅᑎᑦᑎᓂᕐᒧᑦ ᐅᑯᓇᓂ ᐱᓕᕆᔾᔪᑕᐅᔪᓄᑦ.”

ᐃᖃᓗᖕᓂ, ᓄᓇᓕᖅᐸᐅᔭᖅ ᐱᓚᐅᖅᐳᑦ ᑎᒥᒧᑦ ᐊᑕᔪᓄᑦ ᐊᔾᔨᓕᐅᕈᑎᓂᑦ ᑎᓴᒪᓄᑦ ᒪᓕᒐᕋᓛᓕᕆᔨᐅᔪᓄᑦ ᐅᓂᙱᓐᓂᖅᓴᐅᔪᓂ ᐅᓂᒃᑳᓕᐅᕐᓂᖃᓕᖅᐳᖅ ᒪᓕᒐᕋᓛᓕᕆᔨᐅᔪᓂ ᐋᓐᓂᖅᓯᕆᓂᐅᔪᓂ ᐃᒻᒥᖕᓄᑦ ᑐᕌᖓᔪᓄᑦ, ᐅᖃᐅᓯᐅᓪᓗᓂ ᒪᐃᔭ ᑲᓂ ᐱᐅᓪᒧᑦ.

ᓄᓇᕗᑦ ᓯᕗᒻᒧᑦ ᐃᖏᕐᕋᔪᓐᓇᕐᓂᐊᕐᓂᖓᓂ ᐆᒧᖓ ᑐᒃᓯᕋᐅᑕᐅᔪᒥ ᓯᕗᓂᐊᓂ ᐸᓖᓯᐅᔪᓂ ᐱᓕᕆᓂᖏᓐᓂ ᑲᓇᑕᓕᒫᒥ ᓇᓗᓇᖅᐳᖅ, ᐹᑐᓴᓐ ᓇᓗᓇᐃᖅᓯᓚᐅᖅᐳᖅ.

“ᑐᑭᓯᓇᑦᑎᐊᓚᐅᖅᐳᖅ ᐅᕙᓐᓄᑦ ᑲᓇᑕᒥ ᐸᓖᓯᒃᑯᑦ ᒫᓐᓇᐅᔪᒥ ᐃᓚᐅᖃᑕᐅᕗᑦ ᐆᒪᙵᑦ ᐊᑲᐅᙱᓕᐅᕈᑕᐅᔪᒥ, ᓄᓇᕗᑐᐃᓐᓇᐅᙱᑦᑐᒥ ᑭᓯᐊᓂ ᑲᓇᑕᓕᒫᒥ. ᖃᐅᔨᓇᓱᐃᓐᓇᕆᐊᖃᕐᓂᐊᖅᐳᒍᑦ ᖃᓄᖅ ᐋᖅᑭᒃᐸᓪᓕᐊᓂᖓᓂ ᐊᒻᒪ ᓄᓇᕗᑦ ᓇᒥ ᐃᓂᖃᕐᓂᐊᕐᒪᖓᑦ ᑲᓇᑕᓕᒫᒥ ᐱᒋᐊᕈᑕᐅᓇᓱᐊᖅᑐᒥ,” the ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎ ᐅᖃᓚᐅᖅᐳᖅ, ᐃᓚᒋᐊᖅᓯᓪᓗᓂ ᐊᑭᑕᖃᕐᓂᐊᕆᕗᖅ ᐱᓕᒻᒪᒃᓴᐃᔨᐅᔪᓄᑦ ᐸᓖᓯᓂ ᐊᑐᑦᑎᐊᕈᓐᓇᕐᓂᐅᔪᒧᑦ ᐊᔾᔨᓕᐅᕈᑎᓂᑦ. “ᑕᒪᕐᒥᒐᓚᑦ ᐃᓄᐃᑦ ᐃᒡᓗᕈᓯᐅᔪᒥ ᐊᑯᓂᒍᓱᒃᐳᑦ ᑕᑯᔪᒪᓂᐅᔪᒥ ᐃᖏᕐᕋᓯᓂᖓᓂ, ᐱᓗᐊᖅᑐᒥ ᑐᓴᓚᐅᖅᑎᓪᓗᑕ ᐱᓕᕆᓂᐅᔪᖅ ᐱᓕᕆᑦᑎᐊᓚᐅᕐᓂᖓᓂ ᓄᓇᕕᖕᒥ.”

ᐊᓯᖏᓐᓂ ᐅᖃᐅᓯᒃᓴᐅᔪᓂ ᓴᖅᑭᓚᐅᖅᑐᓂ ᐊᑯᓂᐅᓂᖓᓂ ᐃᑲᕐᕋᓄᑦ−ᒪᕐᕉᖕᓄᑦ ᐅᖃᓪᓚᖕᓂᐅᔪᒥ ᔫᓂ 19−ᒥ ᐃᓚᖃᓚᐅᖅᐳᖅ ᐱᔪᒪᓂᐅᔪᒥ ᐅᓄᕐᓂᖅᓴᓂ ᐃᓄᖕᓂ ᐸᓖᓯᙳᖅᑎᑕᐅᓂᖏᓐᓂ, ᐱᐅᓯᒋᐊᖅᑐᒥ ᐃᓕᖅᑯᓯᒥᒃ ᐃᒃᐱᒍᓱᑦᑎᐊᒃᑲᓐᓂᕐᓂᐅᔪᒥ ᐱᓕᒻᒪᒃᓴᐃᓂᕐᒥ ᑲᓇᑕᒥ ᐸᓖᓯᒃᑯᓐᓄᑦ ᐊᒻᒪᓗ ᐱᔭᕆᐊᖃᕐᓂᐅᔪᒥ ᐃᒻᒥᒃᑰᕐᓂᖅᓴᐅᔪᓂ ᐸᓖᓯᓄᑦ ᐅᖃᐱᓘᑕᐅᓂᐅᔪᓄᑦ ᐊᒻᒪ ᐅᔾᔨᕆᔭᐅᙱᓐᓂᐅᔪᓄᑦ ᐱᓕᕆᓂᐅᔪᒥ. ᐅᑯᐊ ᐊᑲᐅᙱᓕᐅᕈᑕᐅᔪᑦ ᕿᒥᕐᕈᔭᐅᒃᑲᓐᓂᓚᐅᙱᓚᑦ ᑕᐅᑐᒃᑕᑐᐊᖃᑲᐃᓐᓇᕐᓂᐅᔪᖅ ᑲᑎᒪᓂᐅᔪᒥ ᐅᖃᓪᓚᖕᓂᐅᔪᒥ ᑎᒥᒧᑦ ᐊᑕᔪᓄᑦ ᐊᔾᔨᓕᐅᕈᑎᓅᖓᓚᐅᕐᒪᑦ, ᐹᑐᓴᓐ ᐅᖃᓚᐅᖅᐳᖅ. ᑭᓯᐊᓂ, ᐃᓚᒋᐊᖅᓯᓚᐅᖅᐳᖅ ᑐᑭᓯᐅᒪᓂᖃᓚᐅᕐᓂᖓᓂ ᑕᐃᒃᑯᓇᓂ ᐃᓚᐅᖃᑕᐅᔪᓄᑦ ᑎᒥᒧᑦ ᐊᑕᔪᓄᑦ ᐊᔾᔨᓕᐅᕈᑎᓄᑐᐊᖅ ᓈᒻᒪᔾᔮᙱᓚᖅ ᖄᖏᐅᑎᓂᕐᒥ ᐅᒃᐱᕆᔭᖃᙱᓐᓂᐅᔪᒥ ᓄᓇᕗᒻᒥᐅᓂ ᐊᒻᒪ ᐸᓖᓯᒃᑯᓐᓂ.

6−ᓂ ᖃᓄᐃᓐᓂᖅᑕᖃᖅᓯᒪᕗᖅ ᓄᓇᕗᒻᒥ ᑕᒪᑐᒪᓂ ᐊᕐᕌᒎᔪᒥ ᐱᖃᕆᐊᖃᖅᑎᑦᑎᔪᒥ ᐱᖓᔪᖓᓐᓂ−ᐱᓕᕆᔨᐅᔪᓄᑦ ᖃᐅᔨᓴᖅᑕᐅᓂᐅᔪᓂ ᑲᓇᑕᒥ ᐸᓖᓯᒃᑯᓐᓂ ᖃᓄᐃᓕᐅᕐᓂᐅᔪᓄᑦ, ᐃᓚᖃᖅᑐᒥ ᒪᕐᕉᖕᓂ ᖁᑭᖅᓯᓂᐅᔪᓄᑦ ᑐᖁᓂᐅᓚᐅᖅᑐᓄᑦ – ᐊᑕᐅᓯᖅ ᑭᙵᕐᓂ ᕕᕈᐊᕆᒥᑦ ᐊᒻᒪ ᐊᑕᐅᓯᕐᒥ ᑲᖏᖅᖢᒑᐱᖕᒥ ᒪᐃᒥ. ᐊᓯᐊᓂ ᖃᓄᐃᓕᐅᕐᓂᐅᔪᒥ ᓴᖅᑭᑎᑦᑎᓚᐅᖅᑐᒥ ᑕᑯᔭᐅᓂᐅᕐᔪᐊᖑᔪᒥ ᑲᓇᑕᓕᒫᒥ ᐋᓐᓂᖅᓯᕆᕐᔪᐊᕐᓂᐅᔪᒥ ᑎᒍᔭᐅᓂᐅᔪᒥ ᑭᙵᕐᓂ ᔫᓂ 1−ᒥ, ᐋᖓᔮᖅᑐᒥ ᐊᖑᒻᒥ ᒪᓂᖅᑲᒧᑦ ᐅᕐᕈᑎᑕᐅᓚᐅᖅᑐᒥ ᐸᓖᓯᒧᑦ ᒪᑐᐃᖅᓯᓚᐅᖅᑐᒥ ᐹᖓᓂ ᓄᓇᓯᐅᑎᖓᓐᓂ ᓄᓇᓯᐅᑎ ᓱᓕ ᐃᖏᕐᕋᑎᓪᓗᒍ. ᐊᓱᐃᓛᒃ ᑕᓪᓕᒪᓂ ᐸᓖᓯᐅᔪᓂ ᐅᓇᑖᕆᓪᓗᑎᒃ ᓄᖅᑲᖅᑎᑦᑎᓚᐅᖅᐳᑦ ᐊᖑᒻᒥ, ᑭᖑᓂᐊᒍᑦ ᐋᓐᓂᖅᓯᖅᑕᐅᓚᐅᖅᑐᒥ ᐊᓄᓪᓚᒃᓰᕕᒋᔭᖓᓂ ᐊᓄᓪᓚᒃᓯᖃᑎᒋᔭᒥᓂᑦ. ᑲᓇᑕᒥ ᐸᓖᓯᒃᑯᑦ ᑎᒍᓯᔨᐅᔪᒥ ᐸᓖᓯᐅᔪᒥ ᐊᐅᓪᓚᖅᑎᑕᐅᓚᐅᖅᐳᖅ ᓄᓇᓕᖕᓂ ᕿᓚᒻᒥᐅᔪᒥ.