ᑲᑎᙵᔪᓂ ᑲᖏᖅᖠᓂᕐᒥ ᐊᑭᓕᖅᓱᖅᑕᐅᓇᑎᒃ ᖃᑦᑎᕆᔨᓂᑦ ᐱᔭᕇᖅᓯᓚᐅᖅᐳᑦ ᓯᕗᓪᓕᖅᐹᒥ ᑭᐅᔨᐅᔪᓄᑦ ᐃᓅᓕᓴᐃᓂᕐᒧᑦ ᐃᓅᓕᓴᐃᓂᕐᒧᑦ ᐱᓕᕆᐊᖑᔪᒥ ᐱᓇᓱᐊᕈᓯᐅᓚᐅᖅᑐᒥ ᑲᖏᖅᖠᓂᕐᒥᑦ.
ᐱᓇᓱᐊᕈᓯᓕᒫᒥ ᐃᓕᓐᓂᐊᕐᓂᐅᔪᖅ ᐊᐅᓚᑕᐅᓚᐅᖅᐳᖅ ᓗᑕᓇᓐᑦ ᒥᑦᓱᓪ ᓯᐅᕆᓐᒧᑦ ᐊᒻᒪ ᓵᓐᑎᐅᓪ ᐴᓪᒧᑦ ᓵᓪᑦ ᓯᐳᕆᖕ ᕿᑭᖅᑕᖓᓂ ᐃᑭᑦᑐᓄᑦ ᐊᒻᒪ ᓴᐳᔾᔨᓂᕐᒧᑦ ᐳᕆᑎᔅ ᑲᓚᒻᐱᐊᒥ.
ᐱᓕᕆᕐᔪᐊᕐᓂᐅᔪᖅ ᐃᓕᓐᓂᐊᕐᓂᐅᔪᖅ ᐋᖅᑭᒃᓱᖅᑕᐅᓚᐅᖅᐳᖅ ᑲᖏᖅᖠᓂᕐᒥ ᑲᑦᑎᕆᔨᓄᑦ ᐊᖓᔪᖅᑳᖓᓐᓄᑦ ᒫᒃ ᕙᐃᔭᑦᒧᑦ ᑮᓇᐅᔭᖃᖅᑎᑕᐅᓪᓗᑎᒃ ᓄᓇᓕᖕᓄᑦ ᐱᓕᒻᒪᒃᓴᓂᕐᒧᑦ ᑲᑐᔾᔨᖃᑎᒌᖑᔪᓄᑦ.
ᓯᐊᕆᓐ ᖃᑦᑎᕆᔨᐅᓯᒪᕗᖅ ᐊᕐᕌᒍᓄᑦ 15−ᓄᑦ ᐊᒻᒪᓗ ᑐᐊᕕᕐᓇᖅᑐᓕᕆᓂᕐᒧᑦ ᐃᓅᓕᓴᐃᔨᐅᕗᖅ ᐊᕐᕌᒍᓄᑦ 12−ᓄᑦ, ᐊᒻᒪᓗ ᓴᔾᑦ ᓯᐳᕆᖕ ᕿᑭᖅᑕᖓᓂ ᐃᓕᓴᐃᔨᒻᒪᕆᐅᖃᑕᐅᓯᒪᕗᖅ ᖃᔅᓯᒐᓚᖕᓄᑦ ᐃᓕᓐᓂᐊᕐᓂᐅᔪᓄᑦ, ᐃᓚᖃᖅᖢᓂ ᓯᕗᓪᓕᐅᔪᓄᑦ ᑭᐅᔨᐅᔪᓄᑦ ᐱᓕᕆᓂᐅᔪᒥᑦ.
ᐅᖃᓚᐅᖅᐳᖅ ᐃᒻᒥᓂᒃ ᐊᒻᒪ ᐴᓪ ᐱᓕᒻᒪᒃᓴᐃᓯᒪᕗᖅ 12−ᓂ ᑲᖏᖅᖠᓂᕐᒥ ᖃᑦᑎᕆᔨᐅᔪᓄᑦ ᑲᓇᑕᐅᑉ ᐊᑐᖅᐸᒃᑕᖓᓐᓂ ᐃᑲᕐᕋᓂ− 40-ᓄᑦ ᐱᓕᕆᐊᖑᔪᒥᒃ.
"ᓯᕗᓪᓕᐅᓪᓗᓂ ᑭᒡᓕᐅᕗᖅ ᑐᐊᕕᕐᓇᖅᑐᒧᑦ ᐃᓅᓕᓴᐃᓂᐅᔪᒧᑦ ᐃᓕᓐᓂᐊᕐᕕᖓᓐᓂ, ᐊᒻᒪᓗ ᐊᒥᓱᓂ ᖃᑦᑎᕆᔨᐅᔪᓄᑦ ᐱᓕᕆᕝᕖᑦ ᑲᓇᑕᒥ ᐱᓕᒻᒪᒃᓴᓲᖑᕗᑦ ᓯᕗᓪᓕᖅᐹᖑᔪᒥ ᑭᐅᔨᐅᔪᓄᑦ ᑭᒡᓕᐅᔪᒧᑦ," ᐅᖃᓚᐅᖅᐳᖅ ᓯᐊᕆᓐ.
"ᖃᑦᑎᕆᔩᑦ ᑲᖏᖅᖠᓂᕐᒥ ᐱᓕᕆᑦᑎᐊᓚᐅᖅᐳᑦ ᐃᓕᑦᑎᓂᕐᒥ ᖃᓄᐃᑦᑐᑐᐃᓐᓇᑦᑎᐊᒥ ᐊᔾᔨᒌᙱᕈᓘᔭᖅᑐᓂᑦ, ᐃᓚᖃᖅᑐᒥ ᖃᓄᖅ ᐸᖅᑭᔭᐅᕙᖕᓂᖏᓐᓂ ᕿᒥᕐᓗᒥᒍᑦ ᐋᓐᓂᕐᓂᐅᔪᓂᑦ, ᖁᐊᖅᓵᕐᓇᖅᑐᒃᑰᕐᓂᕐᒥᑦ, ᐋᓐᓂᐊᕐᓇᓄᑦ ᐊᒻᒪᓗ ᖃᓄᖅ ᑐᓂᓯᓂᕐᒥ ᐸᖅᑭᓂᖅᐹᑦᑎᐊᖑᔪᒥ ᓄᓇᓕᖏᓐᓄᑦ.
"ᑲᖏᖅᖠᓂᖅ ᐱᓕᕆᕝᕕᑦᑎᐊᕙᓕᐊᓗᐃᑦ ᑕᑖᖅᑐᒥ ᐃᓄᑦᑎᐊᕚᓗᖕᓂᑦ.
"ᐃᓕᓐᓂᐊᖅᑏᑦ ᐊᓕᐊᓇᐃᒋᔭᖃᑦᑎᐊᓚᐅᖅᐳᑦ ᐊᒻᒪᓗ ᐱᓕᕆᑦᑎᐊᓚᐅᖅᐳᑦ ᑕᐃᑲᓂᓗᒃᑖᖅ ᐱᓕᕆᐊᖑᔪᒥ."
ᓯᐊᕆᓐ ᐅᖃᓚᐅᖅᑐᖅ ᓯᕗᓪᓕᖅᐹᒥ ᑭᐅᔨᐅᔪᒥ ᐃᓅᓕᓴᐃᓂᕐᒧᑦ ᐱᓕᕆᐊᖑᔪᖅ ᐊᒃᓱᕈᕐᓇᖅᖢᓂ ᐃᓕᓐᓂᐊᕐᓂᐅᕗᖅ, ᐅᖃᐅᓯᒃᓴᖃᐅᕐᔪᐊᖅᖢᓂ ᐱᓕᕆᐊᖑᔭᕆᐊᓕᖕᓂ ᐱᓇᓱᐊᕈᓯᕐᒥᑦ.
ᐅᖃᓚᐅᖅᐳᖅ ᑎᑎᕋᖅᓯᒪᓂᖃᐅᖅᑐᖅ ᐅᖃᓕᒫᒐᖅ 450−ᓂ ᒪᒃᐱᖅᑐᒐᖃᖅᐳᖅ ᐃᓗᓕᖃᖅᑐᒥ ᐃᓅᓕᓴᐃᓂᕐᒧᑦ ᐅᖃᐅᓯᖃᖅᑐᓂᑦ ᓄᑖᖑᓂᐅᔪᓄᑦ ᐊᒥᓱᓄᑦ ᐃᓕᓐᓂᐊᖅᑎᐅᔪᓄᑦ.
"ᑲᒪᕐᔪᐊᓚᐅᖅᐳᖅ ᑲᖏᖅᖠᓂᕐᒥ ᖃᑦᑎᕆᔨᐅᔪᑦ ᐱᓕᕆᑦᑎᐊᕈᓐᓇᓚᐅᕐᓂᖏᓐᓂ ᑲᒪᒋᔭᖃᕐᓂᕐᒧᑦ ᐅᖃᐅᓯᒃᓴᓂᑦ.
"ᐱᔭᕇᖅᓯᒪᓕᕐᒪᑕ ᐆᒥᖓ ᐱᓕᕆᐊᖑᔪᒥ, ᑐᑭᓯᐅᒪᓂᖃᑦᑎᐊᕐᓂᖅᓴᐅᓕᖅᐳᑦ ᐋᓐᓂᕐᓂᕐᒧᑦ-ᐊᒻᒪᓗ-ᐋᓐᓂᐊᕐᓇᓂᑦ ᐱᓕᕆᓂᐅᔪᓂᑦ ᐃᑲᔪᕈᑕᐅᓂᐊᖅᑐᒥ ᑐᓂᓯᓂᕐᒧᑦ ᐸᖅᑭᑦᑎᐊᕐᓂᖅᓴᐅᓂᐅᔪᒥ ᐃᓄᖕᓂᑦ ᓄᓇᓕᖕᓂᑦ.
"ᐱᓕᕆᔾᔪᑎᒃᓴᖅᑖᒃᑲᓐᓂᔾᔮᙱᑦᑐᑦ ᐱᓯᒫᓂᒃᑕᒥᓂᑦ, ᑭᓯᐊᓂ ᐅᖃᖃᑎᖃᖅᑐᖓ ᐊᖓᔪᖅᑳᖓᓐᓄᑦ (ᒫᒃ) ᕙᐃᔭᑦᒧᑦ ᐃᓚᓯᓂᕐᒧᑦ ᐊᐅᖕᒧᑦ ᖃᐅᔨᓴᕈᑎᒥᒃ (ᐊᐅᖕᒧᑦ ᖃᐅᔨᓴᕈᑎᒥᒃ) ᑐᐊᕕᕐᓇᖅᑐᒧᑦ ᓄᓇᓯᐅᒻᒥ ᖃᐅᔨᓴᕈᓐᓇᕐᓂᐊᕐᒪᑕ ᐊᐅᑉ ᓱᑲᖓᓐᓂ ᐃᓄᖕᓄᑦ ᑎᒥᒥᒍᑦ ᓱᑲᖃᓗᐊᖅᑐᓂᑦ.
"ᐅᖃᓪᓚᖕᒥᔪᒍᑦ ᐃᓕᑦᑎᒃᑲᓐᓂᕐᓂᕐᒥ Naloxone−ᒥ ᐊᒻᒪᓗ Narcan−ᒥ (ᐊᑐᖅᑕᐅᓲᖅ ᑐᐊᕕᕐᓇᖅᑐᒥ ᐃᓅᓕᓴᐃᓂᖓᓂ ᐆᐱᐅᐊᑦᒧᑦ ᐱᓗᐊᖅᑐᕕᓂᐅᔪᒧᑦ) ᐱᔾᔪᑎᖃᖅᖢᓂ – ᐊᑲᐅᙱᓕᐅᕈᑕᐅᖅᑰᔨᙱᒃᑲᓗᐊᖅᖢᓂ ᐅᕙᓂ ᓄᓇᓕᐅᔪᒥ, ᐊᑲᐅᙱᓕᐅᕈᑕᐅᖕᒪᑦ ᑕᒪᕐᒥᒐᓚᖕᒥ ᑲᓇᑕᒥ – ᐱᐅᕗᖅ ᐃᓕᑦᑎᓂᕐᒥ ᑕᒪᑐᒥᖓ ᐊᒻᒪᓗ ᐸᕐᓇᒃᓯᒪᓗᓂ ᑐᐊᕕᕐᓇᖅᑐᒥ ᓴᖅᑭᑦᑐᖃᑳᓪᓚᖕᓂᖅᐸᑦ."
ᓯᐊᕆᓐ ᐅᖃᓚᐅᖅᑐᖅ ᓄᓇᕗᒻᒥ ᐱᔭᕆᐊᖃᕐᓂᖃᙱᒃᑲᓗᐊᖅᑎᓪᓗᒍ ᓄᑖᙳᕆᐊᖅᑎᑦᑎᓂᕐᒧᑦ ᓯᕗᓪᓕᖅᐹᒥ ᑭᐅᔨᐅᔪᓄᑦ ᐱᓕᒻᒪᒃᓴᓂᖓᓂ ᐊᕐᕌᒍᑦ ᐱᖓᓱᑦ ᐊᓂᒍᕌᖓᑦ, ᑕᐃᒪᓐᓇᑎᑐᑦ ᐱᔪᓐᓇᕐᓂᖃᕐᕕᐅᔪᓄᑦ, ᐃᓱᓂᑦᑎᐊᕙᐅᓇᔭᖅᐳᖅ ᑲᖏᖅᖠᓂᕐᒥ ᖃᑦᑎᕆᔨᓂᑦ ᐃᖅᑲᐃᑎᑦᑎᓂᕐᒧᑦ ᐃᓕᓐᓂᐊᕐᓂᖃᕐᓗᑎᒃ ᐊᕐᕌᒍᑦ ᖃᔅᓯᐊᕐᔪᐃᑦ ᐊᓂᒍᕌᖓᑦ.
ᐅᖃᓚᐅᖅᐳᖅ ᐃᓕᓐᓂᐊᕐᓂᖅ ᐱᓕᕆᐊᖑᔪᓐᓇᖅᐳᖅ ᐃᓗᐃᓐᓇᖓᓂ.
"ᐃᒻᒥᖕᓂᒃ ᐃᓕᓴᐃᔪᓐᓇᖅᐳᑦ ᖃᓄᖅ ᐊᔪᙱᓐᓂᐅᔪᑦ ᐃᖏᕐᕋᐃᓐᓇᖅᑎᑕᐅᔪᓐᓇᕐᓂᖏᓐᓂ, ᐅᕝᕙᓘᓐᓃᑦ ᐊᖓᔪᖅᑳᖅ ᕙᐃᔭᑦ ᐱᓕᒻᒪᒃᓴᐃᔪᓐᓇᖅᐳᖅ ᐃᓄᖕᓂᑐᐃᓐᓇᖅ ᑐᓂᓰᓐᓇᕐᓂᕐᒧᑦ ᐱᓕᒻᒪᒃᓴᓂᐅᔪᒥ.
"ᒫᒃ (ᕙᐃᔭᑦ) ᐊᒻᒪᓗ ᐅᕙᖓ ᐱᓕᕆᖃᑎᒌᒃᓯᒪᕗᒍᑦ ᐊᒻᒪᓗ ᖃᐅᔨᒪᖃᑦᑕᐅᑎᓪᓗᓄᒃ ᐊᕐᕌᒍᒐᓴᓄᑦ, ᑕᐃᒫᒃ ᐅᐱᑉᐳᖓ ᐅᕙᓐᓂ ᖃᐃᖁᔨᓚᐅᕐᒪᑦ ᑕᒪᐅᙵ ᓯᕗᓪᓕᖅᐹᑦᑎᐊᒥ ᐊᒻᒪ ᐃᓕᓴᐃᓗᖓ."