ᕿᑭᖅᑖᓗᖕᒥᐅᑦ ᐱᕗᑦ ᐃᕐᙳᓯᕐᒥ

ᑲᖏᖅᖠᓂᖅ

ᕿᑭᖅᑖᓗᖕᒥᐅᑦ ᓵᓚᖃᓚᐅᖅᐳᑦ ᑭᔭᓪᓕᖅ ᑲᓇᒃᔅᓂ 3-1−ᒥ ᐱᓂᕐᒧᑦ ᐊᒃᓱᕈᕈᑕᐅᔪᒥ ᐃᕐᙳᒥᕐᒥ ᒪᕐᕉᖕᓄᑦ ᐱᙳᐊᕐᓂᐅᔪᓄᑦ ᐊᑕᐅᓯᕐᒧᑦ ᑲᖏᖅᖠᓂᕐᒥ ᐱᓇᓱᐊᕈᓯᐅᓚᐅᖅᑐᒥᑦ.

ᑲᑎᙵᓂᐅᔪᑦ ᐊᐅᓚᓚᐅᖅᐳᑦ ᕕᕈᐊᕆ 20-22−ᒥ ᑲᖏᖅᖠᓂᕐᒥ ᐊᓐᓂᑭᑕᕐᕕᖓᓐᓂ.

ᐱᙳᐊᖅᑎᑦ ᕿᑭᖅᑖᓗᖕᒥ ᖁᕕᐊᓲᑎᖃᖅᐳᑦ ᓵᓚᖃᓚᐅᖅᑎᓪᓗᒋᑦ ᑭᕙᓪᓕᕐᒥ ᑲᓇᒃᔅᓂ ᐱᓂᕐᒧᑦ ᕼᐋᑭᒥ ᐊᒃᓱᕈᕐᓂᐅᔪᒥ ᑲᖏᖅᖠᓂᕐᒥ ᕕᕈᐊᕆ 22−ᖑᑎᓪᓗᒍ.

ᕿᑭᖅᑖᓗᖕᒥᐅᑦ ᑲᑎᙵᓂᐅᔪᑦ ᐅᓇᑕᒃᑲᓐᓂᕆᐊᖃᓚᐅᖅᐳᑦ ᐊᒻᒪᓗ ᐱᓪᓗᑎᒃ ᐱᙳᐊᕐᓂᐅᔪᓂᑦ ᒪᕐᕈᖓᓐᓂ ᐊᒻᒪ ᐱᖓᔪᖓᓐᓂ ᑲᑎᙵᓂᐅᔪᓄᑦ ᓵᓚᐅᓚᐅᖅᑎᓪᓗᒋᑦ ᐱᒋᐊᕈᑖᓂ 3-1−ᒥ ᑲᓇᒃᔅᓄᑦ.

ᓵᓚᖃᕐᓂᐅᔪᖅ ᑐᓂᓯᕗᖅ ᕿᑭᖅᑖᓗᖕᒥ ᑭᒡᒐᖅᑐᐃᔪᓐᓇᖅᑎᑕᐅᓪᓗᑎᒃ ᓄᓇᕗᒻᒥ ᒥᐊᕆᑕᐃᒻᒥ ᕼᐋᑭᒥ ᐅᐊᖕᓇᒥ ᔫᓂᐊᖑᔪᓄᑦ ‘C’ ᓵᓚᖃᕋᓱᐊᕐᓂᐅᔪᒥᑦ ᐊᐃᑉᕆᓕ 4-8−ᒥ ᓂᒋᕐᒥ ᓯᒡᔭᖓᓂ ᐋᒃᑎᐸᓚᒃᔅᒥ ᑯᕌᐸᐅᑦ, ᐳᕆᓐᔅ ᐃᐊᕗᑦ ᕿᑭᖅᑕᖓᓂ.

ᖃᓄᐃᓐᓂᐅᔪᖅ ᐅᐸᒃᑎᑦᑎᓂᐊᖅᐳᖅ ᕿᑭᖅᑖᓗᖕᒥ ᓵᓚᖃᖅᑎᐅᔪᓄᑦ ᓅᕙ ᓯᑰᑦᑎᐊᒥ ᐊᕕᒃᑐᖅᓯᒪᓂᐅᔪᓄᑦ ᔫᓂᐊᒥ ᕼᐋᑭᖅᑎᐅᔪᓄᑦ, ᓂᐅ ᐳᕋᓐᔅᐅᐃᒃ ᔫᓂᐊᓂ ᕼᐋᑭᖅᑎᐅᔪᓄᑦ ᐊᒻᒪᓗ ᐳᕆᓐᔅ ᐃᐊᑦᕗᑦ ᕿᑭᖅᑕᖓᓂ ᔫᓂᐊ ‘C’ ᕼᐋᑭᖅᑎᐅᔪᓄᑦ.

ᐅᖃᓪᓚᖕᓂᐅᔪᑦ ᐊᓯᐅᖅᑲᔪᓄᑦ ᐊᒻᒪ ᐃᓄᐊᖅᑕᐅᓯᒪᔪᓄᑦ ᓄᓇᖃᖅᑳᖅᓯᒪᔪᓄᑦ ᐊᕐᓇᓄᑦ ᓂᕕᐊᖅᓵᓄᓪᓗ

ᑲᖏᖅᖠᓂᖅ

ᑎᑎᕋᖅᓯᒪᓂᐅᔪᑦ ᐊᑖᓂ ᐃᓅᕗᑦ ᐅᓂᒃᑳᓚᐅᖅᑐᓂ ᓇᖕᒥᓂ ᐅᓂᒃᑳᖏᓐᓂ ᐅᕝᕙᓘᓐᓃᑦ ᑐᓂᓯᓪᓗᑎᒃ ᐅᖃᓪᓚᖕᓂᐅᔪᒥ ᐊᓯᖏᓐᓄᑦ ᑲᓇᑕᒥ ᓱᓕᔪᓂᒃ ᖃᐅᔨᓇᓱᐊᕐᓂᕐᒧᑦ ᐊᓯᐅᖅᑲᔪᓄᑦ ᐊᒻᒪ ᐃᓄᐊᖅᑕᐅᓯᒪᔪᓄᑦ ᓄᓇᖃᖅᑳᖅᓯᒪᔪᓄᑦ ᐊᕐᓇᓄᑦ ᓂᕕᐊᖅᓵᓄᓪᓗ (MMIWG) ᑲᖏᖅᖠᓂᕐᒥ ᐱᓇᓱᐊᕈᓯᐅᓚᐅᖅᑐᒥ.

ᐊᓯᐅᖅᑲᔪᓄᑦ ᐊᒻᒪ ᐃᓄᐊᖅᑕᐅᓯᒪᔪᓄᑦ ᓄᓇᖃᖅᑳᖅᓯᒪᔪᓄᑦ ᐊᕐᓇᓄᑦ ᓂᕕᐊᖅᓵᓄᓪᓗ ᓱᓕᔪᓂᒃ ᖃᐅᔨᓇᓱᐊᕐᓂᕐᒧᑦ ᐱᓕᕆᐊᖑᓚᐅᖅᐳᖅ ᑲᖏᖅᖠᓂᕐᒥ ᕕᕈᐊᕆ 20-22−ᒧᑦ.

ᕕᕈᐊᕆ 20:

* ᓗᐊᕋ ᒪᑲᓐᓯ (ᐊᔭᖓᓄᑦ, ᐱᐊᑦᓯ ᖃᓚᓯᖅ)

* ᓂᑭ ᑯᒪᒃᓯᐅᑎᒃᓴᖅ (ᐃᒡᓗᖓᓄᑦ, ᔭᓯᑲ ᒪᐃᑯᓪ)

* ᒪᐃᑲ ᐋᕆᐊᖅᐊᓈᓇᑦᑎᐊᖓ (ᐊᑎᖓ ᐅᖃᐅᓯᐅᙱᑦᑐᖅ), ᓄᑲᖓ, ᑎᐴᕋ ᐃᕙᓗᐊᕐᔪᒃ, ᐸᓂᖓ, ᓲᓛ (ᕕᕕᐊᓐ) ᐋᕆᐊᖅ, ᐃᕐᙳᑕᖏᑦ, ᐊᓕᔭ ᐊᒻᒪ ᐋᓕᒃᓵᓐᑐᕋ ᑎᒍᕌᔅ ᐊᒻᒪ ᐊᙵᖓ ᕇᐸ ᐋᕆᐊᖅ)

ᕕᕈᐊᕆ 21:

* ᓲᐱ ᓇᓱᒃ (ᐅᑯᐊᖓ, ᑕᓚ ᐆᑦᑐᕙ)

ᐃᒦᓕᐊ ᐊᖓᓕᒃ (ᐸᓂᖓ, ᐄᑕᑦ ᐊᖓᓕᒃ)

ᓲᓴᓐ ᐃᓄᐊᕋᖅ ᐊᒻᒪ ᐸᓂᖓ, ᑭᓪᓚᖅ ᐃᓄᐊᕋᖅᓯᑐᕋᐅᔅ (ᐅᖃᓪᓚᖕᓂᐅᔪᖅ ᓲᓛᒧᑦ (ᕕᕕᐊᓐ) ᐋᕆᐊᖅ, ᐊᓕᔭ ᐊᒻᒪ ᐋᓕᒃᓵᓐᑐᕋ ᑎᒍᕌᔅ)

ᕕᕈᐊᕆ. 22:

ᔮᓂᑦ ᐳᕉᔅᑐᕐ

ᒫᑕ ᐊᒫᖅ ᐅᑕᒃ

ᓲᓴᓐ ᐊᒡᓘᒃᑲᖅ

ᐅᓪᓗᒃᓴᖓ ᐋᖅᑭᒋᐊᖅᑕᐅᒃᑲᓐᓂᖅᑐᖅ

ᖃᒪᓂᑦᑐᐊᖅ

ᓄᓇᓕᐅᔪᒻ ᖃᒪᓂᑦᑐᐊᕐᒥ ᐋᖅᑭᒋᐊᖅᓯᒃᑲᓐᓂᖅᐳᑦ ᖃᒪᓂᑦᑐᐊᕐᒥ ᕼᐋᑭᖅᑎᕋᓛᓄᑦ ᑲᑐᔾᔨᖃᑎᒌᖑᔪᓄᑦ ᐃᓚᒌᓄᑦ ᐅᓪᓗᖓᓐᓂ ᒫᔾᔨᒧᑦ.

ᖃᓄᐃᓐᓂᐅᔪᖅ ᑕᑯᒃᓴᐅᑎᑦᑎᔪᒥ ᐱᙳᐊᕐᓂᕐᓂᑦ, ᑮᓇᐅᔭᓂᒃ ᐱᕈᖅᑎᑦᑎᓇᓱᐊᕐᓂᕐᒧᑦ ᐊᒧᓯᓂᐅᔪᓂᑦ ᐊᒻᒪᓗ ᐅᓪᓗᓕᒫᒥ ᓂᐅᕕᕐᕕᕋᓛᓕᖕᒥ ᐃᑲᔪᖅᓱᐃᓂᕐᒧᑦ ᓄᓇᓕᖕᓂ ᕼᐋᑭᖅᑎᕋᓛᓂᑦ ᐱᙳᐊᖅᑎᐅᔪᓄᑦ, ᓯᕗᓪᓕᕐᒥ ᐋᖅᑭᒃᑕᐅᓯᒪᓚᐅᖅᐳᖅ ᕕᕈᐊᕆ 24−ᒧᑦ.

ᐅᓪᓗᓪᓚᕆᖓ ᐃᓚᒌᓄᑦ ᐊᓕᐊᓇᐃᒍᓱᖕᓂᐅᔪᒥ ᐅᓪᓗᖓᓄᑦ ᒫᔾᔨᒥ ᓱᓕ ᐅᖃᐅᓯᐅᓚᐅᙱᓚᖅ.

ᐳᐃᔨᓂᑦ ᐊᖑᓇᓱᖕᓂᖅ

ᑭᕙᓪᓕᖅ/ᓴᓪᓕᑦ

ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖑᔪᑦ ᐱᔪᓐᓇᖅᓯᓂᖃᕐᓂᐊᖅᐳᑦ (ᑕᕆᐅᕐᒥ−ᐳᐃᔨᓄᑦ ᐊᖑᓇᓱᖕᓂᕐᒥ ᓯᑯᒥᑦ) ᓴᓪᓕᓂ ᒫᔾᔨ 4-10−ᒧᑦ.

ᑕᖕᒫᕐᓂᓕᒃ ᐃᓄᖕᓄᑦ ᐊᖑᑎᓅᕗᖅ ᐅᑭᐅᓕᖕᓂ 15-29−ᒧᑦ ᑭᕙᓪᓕᕐᒥ ᐊᕕᒃᑐᖅᓯᒪᓂᐅᔪᒥ ᐱᔪᒪᓇᔭᖅᑐᓄᑦ ᐃᓕᑦᑎᓂᕐᒥ ᐱᖅᑯᓯᑐᖃᖅᑎᒍᑦ ᐃᓄᖕᓄᑦ ᐊᔪᙱᓐᓂᕆᔭᐅᔪᓄᑦ ᐃᓄᑐᖃᕐᓂᑦ ᓄᓇᒦᑎᓪᓗᒋᑦ.

ᐊᖏᕈᑕᐅᓇᓱᐊᖅᑐᖅ ᖃᓄᐃᓕᐅᕐᓂᐅᔪᑦ ᑕᖕᒫᕐᕕᖕᒥ ᐃᓚᖃᖅᐳᑦ ᓄᓇᒥ− ᐊᒻᒪ ᑕᕆᐅᕐᒥ−ᐳᐃᔨᓂᑦ ᐊᖑᓇᓱᖕᓂᕐᒥᑦ ᐊᒻᒪᓗ ᐊᖑᓇᓱᖕᓂᕐᒧᑦ ᐊᔪᙱᓐᓂᐅᔪᓄᑦ, ᐃᓕᑦᑎᓂᕐᒥ ᐆᒪᔪᓐᓇᕋᓱᐊᕐᓂᕐᓄᑦ ᐊᔪᙱᓐᓂᐅᔪᓂᑦ ᓄᓇᒦᑎᓪᓗᒋᑦ, ᐱᖅᑯᓯᑐᖃᖅᑎᒍᑦ ᐃᓄᐃᑦ ᓯᓚᒥᒃ ᕿᒥᕐᕈᐊᕐᓂᖏᓐᓄᑦ, ᐃᓅᓯᕐᒥ ᐊᔪᙱᓐᓂᐅᔪᓂᑦ ᐊᒻᒪ ᒪᒥᓴᕐᓂᕐᒧᑦ, ᓴᒃᑯᓂ ᐊᒻᒪ ᐅᓈᓕᐅᕐᓂᕐᒥᑦ.

Leave a comment

Your email address will not be published. Required fields are marked *