Skip to content

ᖃᐅᔨᓴᕐᓂᕐᒧᑦ ᐊᒻᒪ ᐃᓕᖅᑯᓯᓕᕆᓂᕐᒧᑦ ᐃᒡᓗᓕᒑᕐᔪᖕᒥ

ᐅᓄᕐᓂᖅᓴᐅᔪᓂ 40−ᓂ ᐃᓕᓐᓂᐊᖅᑎᓂᑦ ᐊᒻᒪ ᐃᓕᓴᐃᔨᓂᑦ ᑭ>ᓪᓕᕐᒥ ᐃᒪᕐᒧᐊᓚᐅᖅᐳᑦ ᖃᐅᔨᓴᕐᓂᕐᒧᑦ ᐊᑎᖓᓄᑦ ᐊᕐᒡᕋᒍᑕᒫᒥ ᑭᕙᓪᓕᕐᒥ ᖃᐅᔨᓴᕐᓂᕐᒧᑦ ᐃᓕᓴᐃᔨᐅᔪᓄᑦ ᓄᓇᓕᖕᓂ (KSEC) ᖃᐅᔨᓴᕐᓂᕐᒧᑦ ᑕᖕᒫᕐᕕᖓᓄᑦ ᐃᒡᓗᓕᒑᕐᔪᖕᒥ ᓯᑎᐱᕆ 6−ᒥ 10−ᒧᑦ.

ᑕᒪᕐᒥᑦᑎᐊᖅ ᑭᕙᓪᓕᕐᒥ ᑭᒡᒐᖅᑐᖅᑕᐅᓚᐅᖅᐳᖅ ᑕᒪᑐᒪᓂ ᐊᕐᕌᒎᔪᒥ, ᐊᒻᒪ ᐊᓕᐊᓇᐃᓚᐅᖅᐳᖅ ᑎᑭᕋᕐᔪᐊᕐᒥᓂ ᐅᑎᕐᓂᖏᓐᓂ ᐃᓚᐅᖃᑕᐅᓚᐅᙱᖦᖢᑎᒃ ᐊᕐᕌᒍᓄᑦ ᐱᖓᓱᓄᑦ,” ᐅᖃᓚᐅᖅᐳᖅ ᑭᕙᓪᓕᕐᒥ ᖃᐅᔨᓴᕐᓂᕐᒧᑦ ᐃᓕᓴᐃᔨᐅᔪᓄᑦ ᓄᓇᓕᖕᓂ ᐃᓕᓴᐃᔨᓄᑦ ᐊᖓᔪᖅᑳᖓᑕ−ᑐᖓᓕᖓ ᐊᒻᒪ ᖃᐅᔨᓴᕐᓂᕐᒧᑦ ᑕᖕᒫᕐᕕᖓᓄᑦ ᐊᐅᓚᑦᑎᔨᐅᔪᒥ ᒋᓕᓐ ᐳᕌᑯᓪᐹᖕᒃ ᕕᒃᑐᕐ ᓴᒻᒧᖅᑐᖅ ᐃᓕᓐᓂᐊᕐᕕᖓᓐᓂ ᐃᒡᓗᓕᒑᕐᔪᖕᒥ.

ᐱᓕᕆᐊᖑᓂᐅᔪᖅ ᑕᒪᑐᒪᓂ ᐊᕐᕌᒍᒥ ᖃᔭᖅᑐᕐᓂᕐᒥ ᐊᒻᒪᓗ, ᖄᒃᑲᓐᓂᐊᒍᑦ 9−ᖑᔪᓂ ᐊᕕᒃᓯᒪᓂᐅᔪᓄᑦ ᖃᐅᔨᓴᕐᓂᕐᒧᑦ ᐃᓕᓴᐃᔨᐅᔪᓂ, ᖃᓄᐃᓐᓂᐅᔪᖅ ᐅᐸᒃᑎᑦᑎᓚᐅᕆᕗᖅ ᐊᑭᓕᖅᓱᖅᑕᐅᓇᑎᒃ ᐃᑲᔪᖅᑎᐅᔪᓂ ᐃᓕᓴᐃᔨᐅᔪᓂᑦ ᓲᕐᓗ ᐊᑯᓂᐅᔪᒥ ᑭᕙᓪᓕᕐᒥ (ᓵᓚᖃᐅᓯᐊᖅᓯᒪᔪᒥ) ᖃᐅᔨᓴᕐᓂᕐᒧᑦ ᐃᓕᓴᐃᔨᒥ ᑲᑕᕆ ᐅ’ᑳᓄᓪ (ᓇᖕᒥᓂᖅ ᕿᑲᕐᓂᖃᓚᐅᖅᑐᒥ ᐃᓂᖓᓐᓂ ᓄᐊᑦ ᐸᐃᒥ ᐃᓚᐅᖃᑕᐅᓂᕐᒧᑦ) ᐊᒻᒪ ᐊᒡᓂᑯ ᐄᒍᓪ ᐅᔭᕋᖕᓂᐊᕐᕕᖓᓐᓄᑦ ᐱᓕᕆᐊᖓᓄᑦ ᐃᓕᓴᐃᔨᐅᔪᒥ ᑲᐃᑦᓕᓐ ᐳᕉᐅᓪ.

ᐳᕌᑯᓪᐹᖕᒃ ᐅᖃᓚᐅᖅᐳᖅ ᑭᕙᓪᓕᕐᒥ ᖃᐅᔨᓴᕐᓂᕐᒧᑦ ᐃᓕᓴᐃᔨᐅᔪᓄᑦ ᓄᓇᓕᖕᓂ ᑕᐃᔅᓱᒥᖓᑦᑕᐃᓐᓇᖅ ᐱᓕᕆᓂᖃᕋᓱᐊᓲᖑᕗᖅ ᒪᕐᕉᖕᓄᑦ ᒪᓕᖃᑦᑕᐅᑎᔪᓄᑦ ᑕᖕᒫᕐᕕᐅᔪᓄᑦ.

ᑎᕆᐊᖅ ᐋᕈᐊᖅ ᐆᒃᑐᖅᐳᖅ ᒪᒪᖅᑐᒻᒪᕆᐊᓗᖕᒥ ᓲᓕ ᑎᒻᐳᓪᒥ ᐃᒥᐊᓗᙳᐊᒥ ᓱᕈᓰᑦ ᐋᓕᒃᔅ, ᔭᓯ, ᐊᒻᒪ ᐊᐃᓴᒃ ᖁᙱᐊᖅᑎᓪᓗᒋᑦ ᖃᒪᓂᑦᑐᐊᕐᒥ ᓯᖓᐃᔪᓄᑦ ᓂᑭᑦᑎᐊᕙᓕᕆᓂᕐᒧᑦ ᐱᓕᕆᐊᖑᔪᒥ ᖁᕕᐊᓱᒍᑎᖃᕐᓂᕐᒧᑦ ᓄᓇᕐᔪᐊᒥ ᐃᒥᐊᓗᖕᒧᑦ ᐃᓪᓕᐊᑉ ᐊᒃᑐᖅᑕᐅᓯᒪᓂᖓᓄᑦ ᐅᔾᔨᕈᓱᖕᓂᕐᒥ ᐅᓪᓗᖓᓂ ᖃᒪᓂᑦᑐᐊᕐᒥ 9.
ᑎᕆᐊᖅ ᐋᕈᐊᖅ ᐆᒃᑐᖅᐳᖅ ᒪᒪᖅᑐᒻᒪᕆᐊᓗᖕᒥ ᓲᓕ ᑎᒻᐳᓪᒥ ᐃᒥᐊᓗᙳᐊᒥ ᓱᕈᓰᑦ ᐋᓕᒃᔅ, ᔭᓯ, ᐊᒻᒪ ᐊᐃᓴᒃ ᖁᙱᐊᖅᑎᓪᓗᒋᑦ ᖃᒪᓂᑦᑐᐊᕐᒥ ᓯᖓᐃᔪᓄᑦ ᓂᑭᑦᑎᐊᕙᓕᕆᓂᕐᒧᑦ ᐱᓕᕆᐊᖑᔪᒥ ᖁᕕᐊᓱᒍᑎᖃᕐᓂᕐᒧᑦ ᓄᓇᕐᔪᐊᒥ ᐃᒥᐊᓗᖕᒧᑦ ᐃᓪᓕᐊᑉ ᐊᒃᑐᖅᑕᐅᓯᒪᓂᖓᓄᑦ ᐅᔾᔨᕈᓱᖕᓂᕐᒥ ᐅᓪᓗᖓᓂ ᖃᒪᓂᑦᑐᐊᕐᒥ 9.

ᖄᒃᑲᓐᓂᐊᒍᑦ ᖃᔭᖅᑐᕐᓂᕐᒥ, ᑕᖕᒫᕐᕕᑦᑎᓐᓂ ᖃᓄᐃᓕᐅᕐᓂᐅᔪᓂ ᑕᒪᑐᒪᓂ ᐊᕐᕌᒍᒥ ᓯᕗᓪᓕᖅᐹᓄᑦ ᐅᐸᒃᑐᓄᑦ ᐃᓅᓕᓴᐃᓂᐅᒧᒥ ᐊᒻᒪ ᐃᓕᑦᑎᓂᕐᒧᑦ GPS (ᑕᒻᒪᕇᒃᑯᑎ),” ᐅᖃᓚᐅᖅᐳᖅ ᐳᕌᑯᓪᐹᖕᒃ.

ᐅᖃᓕᒫᖅᖢᓂ ᐃᓕᓐᓂᐊᖅᑏᑦ ᐅᖃᐅᓯᒃᓴᒥᓂᑦ ᐅᕙᑦᑎᓐᓂ ᐊᐅᓪᓛᖃᑎᖃᓲᖑᕗᑦ ᐊᕐᕌᒍᑕᒫᒥ, ᐊᒥᓱᑦ ᖁᓱᓚᐅᖅᐳᑦ ᐊᒻᒪ ᑲᑉᐱᐊᓱᒃᖢᑎᒃ ᖃᔭᖅᑐᖅᐸᓪᓕᐊᓕᓵᖅᖢᑎᒃ ᐱᓕᕆᐊᖑᔪᒥ, ᑭᓯᐊᓂ, ᑕᖕᒫᕐᓂᐅᑉ ᐃᓱᐊᓂ, ᖃᔭᖅᑐᖃᑦᑕᕐᓂᑰᖅᑰᔨᓚᐅᖅᐳᑦ ᐃᑲᕐᕋᑦ ᑎᓴᒪᓄᑦ ᐅᖓᑎᒻᒪᕆᐊᓗᖕᓂ.

ᑲᒪᓇᖅᑑᓪᓗᑎᒃ ᑲᑎᙵᓂᐅᔪᓂ ᐃᓕᓐᓂᐊᖅᑎᓂᑦ ᐱᓕᕆᖃᑎᒋᔭᕆᐊᒃᓴᖅ ᑕᒪᑐᒪᓂ ᐊᕐᕌᒎᔪᒥ,” ᐅᖃᓚᐅᖅᐳᖅ.

ᑕᒪᑐᒪᓂ ᐊᕐᕌᒎᔪᒥ ᑲᑎᙵᓂᐅᔪᖅ ᐃᓚᖃᓚᐅᕐᓂᖓᓂ ᖃᔅᓯᐊᕐᔪᖕᓂ ᖁᑦᑎᖕᓂᓕᖕᓂ 9−ᓂ ᐃᓕᓐᓂᐊᖅᑎᓂᑦ, ᐳᕌᑯᓪᐹᖕᒃ ᐅᖃᓚᐅᖅᐳᖅ ᐱᓕᕆᐊᖑᔪᖅ ᑐᕌᖓᓂᖃᖅᐳᖅ ᖁᑦᑎᖕᓂᓕᖕᓂ 10−ᒥ 12−ᒧᑦ ᐱᓲᖑᖕᒪᑕ ᖁᑦᑎᒃᑐᒥ ᐃᓕᓐᓂᐊᕐᕕᖕᒧᑦ ᑲᑎᖅᓱᖅᐸᓪᓕᐊᓂᐅᔪᓂ ᓈᓴᐅᑎᓂᑦ ᑐᕌᖓᓂᐅᔪᒥ ᐃᓚᐅᖃᑕᐅᓂᕐᒧᑦ ᑕᖕᒫᕐᕕᖕᒥ.

ᐅᖃᓚᐅᖅᐳᖅ ᑕᒪᑐᒪ ᐊᕐᕌᒎᔪᒥ ᖃᓄᐃᓐᓂᖓ ᐊᖏᕐᔪᐊᖅᑐᒥ ᐊᓯᔾᔨᕐᓂᖃᓚᐅᖅᐳᖅ ᑕᐅᑐᒃᖢᒍ ᓯᕗᓂᐊᓂ ᐊᕐᕌᒍᓂᑦ ᓄᓇᒥ−ᑐᙵᕕᖃᖅᑐᒥ ᑕᖕᒫᕐᕕᐅᔪᖅ ᐱᓕᕆᐊᖑᔭᕆᐊᖃᓚᐅᕐᓂᖓᓂ ᕕᒃᑐᕐ ᓴᒻᒧᖅᑐᖅ ᐃᓕᓐᓂᐊᕐᕕᖓᓐᓂ ᐱᔾᔪᑎᖃᖅᑐᒥ ᓇᓄᕐᓄᑦ ᐊᑲᐅᙱᓕᐅᕈᑕᐅᔪᓄᑦ ᐊᕕᒃᓯᒪᓂᐅᔪᒥ.

ᐊᒥᓱᐊᓗᖕᓂ ᓇᓄᕐᓂ ᑕᑯᔪᖃᖅᓯᒪᖕᒪᑦ ᓄᓇᓕᑦᑎᓐᓂ ᐊᒻᒪ, ᑲᑎᙵᓂᖃᖅᖢᓂ ᑐᖁᑕᐅᔪᓄᑦ ᓇᓄᕐᓄᑦ ᐹᖅᓯᓂᐅᔪᓄᑦ ᐊᕕᒃᓯᒪᓂᖅᐳᑦ ᐊᑐᖅᓯᒪᔭᖏᓐᓂ, ᐃᓕᓐᓂᐊᕐᕕᖕᒦᖏᓐᓇᕈᒪᓚᐅᖅᐳᒍᑦ ᐊᒻᒪ ᐅᓪᓗᕐᒥ ᐊᐅᓪᓛᕐᓂᖃᖅᐸᒡᓗᑕ ᓄᓇᒥ ᑕᖕᒫᙱᖔᕐᓗᑕ ᑕᖕᒫᕐᓂᑦᑎᓐᓂ,” ᐅᖃᓚᐅᖅᐳᖅ.

ᐳᕌᑯᓪᐹᖕᒃ ᐅᖃᓚᐅᖅᐳᖅ ᐃᓕᓐᓂᐊᖅᑏᑦ ᓂᕿᓕᐅᕈᓐᓇᓚᐅᖅᐳᑦ ᓱᓕ ᓱᐴᔫᓂᑦ ᐃᓕᓐᓂᐊᕐᕕᐅᑉ ᐅᓕᒃᓯᒪᔪᒥ ᑐᖅᓲᖓᓐᓂ.

ᐊᕐᕌᒍᑕᒫᒥ ᖃᓄᐃᓐᓂᐅᔪᖅ ᓅᓛᖅᑐᒃᓴᐅᑕᐅᕗᖅ ᖃᒪᓂᑦᑐᐊᕐᒧᑦ 2019−ᒥ ᐊᒻᒪ 2020−ᒥ, ᐅᖃᓚᐅᖅᐳᖅ.