Skip to content

ᖃᓄᖅ ᑐᓴᐅᒪᑎᑦᓯᔪᓐᓇᕐᓂᕆᔭᖅᐳᑦ

ᐅᓪᓗᒥᐅᓕᖅᑐᖅ ᑐᓴᐅᒪᖃᑦᑕᐅᑎᓂᖅ ᐊᔾᔨᒋᖏᓕᕐᒪᒍ ᑕᐃᑦᓱᒪᓂᐅᓚᐅᖅᑐᑉ. ᑎᑎᖃᐅᓯᐊᕋᔪᓚᐅᖏᑉᐳᒍᑦ ᑎᑎᖃᕐᓂᐊᕐᕕᒃᑯᑦ. ᑎᑎᖃᐅᓯᐊᕐᓇᖅᐸᓚᐅᖅᖢᓂᓗ ᑭᓯᐊᓂ ᓇᓪᓕᐅᕐᓂᖅᓯᐅᓕᕌᖓᑦᑕ ᐅᕙᓘᓐᓃᑦ − ᓚᑭᐅᒍᕕᑦ − ᖁᕕᐊᓱᒡᕕᖕᒥ.
ᐱᖓᓱᓂᒃ ᐅᖃᐅᓯᖃᕐᓂᐊᖅᐳᖓ ᑐᓴᐅᒪᑎᑎᓂᐅᑉ ᒥᒃᓵᓄᑦ ᐱᔾᔪᑎᖃᖅᑐᓂᒃ − ᐊᒥᓱᒻᒪᕆᐅᖕᒪᑕ, ᑖᒃᑯᐊ ᑭᓯᐊᓂ ᐅᖃᐅᓯᕆᒍᒪᓪᓗᐊᖅᖢᒋᑦ ᐱᖓᓱᑦ: ᑐᓴᐅᒪᖃᑦᑕᐅᑎᓂᖅ ᑐᓴᖅᑎᑦᓯᖃᑦᑕᕐᓂᖅ ᐱᕙᓪᓕᐊᔪᑎᒍᑦ; ᑎᑎᖃᒃᑯᑦ ᑐᓴᒐᒃᓴᑎᒍᓪᓗ ᐱᕙᓪᓕᐊᔪᑎᒍᑦ; ᐃᓱᒪᒋᔭᕐᓂᒃ ᐅᖃᐅᓯᖃᑦᓯᐊᕐᓂᖅ ᐃᒃᐱᒋᔭᕐᓂᒡᓗ.
ᑐᓴᖅᑕᐅᓂᖅ ᐃᓱᒪᒋᔭᐅᔪᓂᒃ ᐃᒃᐱᒋᔭᐅᔪᓂᒡᓗ ᐱᒻᒪᕆᐅᑎᒃᑲᒃᑯᑦ ᑕᒪᓐᓇ ᐅᖃᐅᓯᕆᔭᐅᒃᑲᓐᓂᕆᐊᖃᖅᐳᖅ ᖃᐅᔨᒋᐊᖅᑕᐅᓗᓂ. ᐃᓅᓪᓗᑕ ᑐᓴᐅᒪᑎᑦᓯᔪᓐᓇᖅᐳᒍᑦ ᐃᓱᒪᒋᔭᑦᑎᓐᓂᒃ ᐃᒃᐱᒋᔭᑦᑎᓐᓂᒡᓗ. ᐃᓛᓐᓂᒃᑯᑦ ᐳᐃᒍᖃᑦᑕᕋᑦᑕ ᑎᒥᕗᑦ ᖃᓄᐃᓕᐅᕐᓂᖏᓐᓂᒃ ᖃᐅᔨᒪᔭᐅᓪᓗᑎᒡᓗ ᖃᓄᖅ ᐃᓱᒪᓂᑦᑎᓐᓂᒃ ᐅᖃᐅᓯᕆᖏᒃᑲᓗᐊᕐᓗᒋᑦ.
ᐃᔨᑎᑦ ᓇᓗᓇᖏᒐᔭᕐᒪᑕ ᖁᕕᐊᓱᖏᑦᑐᑦ, ᑕᓕᑎᓪᓗ ᐊᒧᓯᒪᓗᒋᑦ, ᓂᖓᓪᓗᖓᓗᑎᓪᓗ ᐃᔨᒋᕐᔪᐊᕐᓗᑎᓪᓗ. ᑕᐃᒪᓐᓇᐃᓕᐅᖅᐸᖕᒪᑕ ᐅᖃᓚᐅᖏᓐᓂᕐᒥᖕᓂ ᖃᓄᖅ ᐃᓱᒪᓂᕐᒧᑦ.
ᐊᓯᐊᖑᓪᓗ, ᖃᓄᐃᓕᖏᑦᓯᐊᒻᒪᕆᒡᓗᑎᓪᓘᓐᓃᖅ ᐆᒻᒪᑎᒃᑯᑦ ᐃᓱᒪᒋᔭᑎᑦ ᐊᒃᓱᕈᕐᓇᓗᐊᕐᒪᑕ ᐋᓐᓂᑲᓐᓂᕈᑕᐅᔪᓐᓇᖅᖢᑎᒡᓗ.
ᐅᖃᕈᓐᓇᖅᖢᑕᓗ ᐅᖃᐅᓯᕆᒋᐊᖃᖅᑕᑦᑎᓐᓂᒃ ᖁᕕᐊᓇᖏᑦᑐᖅ ᐱᕙᓪᓕᐊᖁᓇᒍ ᐊᖏᒡᓕᕙᓪᓕᐊᖁᓇᒍ. ᐅᖃᓗᒍᓐᓇᖅᐳᒍᑦ ᐱᖃᓐᓇᑦᑎᓐᓄᑦ ᐅᖃᐅᓯᕆᓗᒋᑦ ᐃᓱᒪᒋᔭᕗᑦ ᐃᒃᐱᒋᔭᕗᓪᓗ, ᑎᒥᐅᔪᓄᓪᓗ ᐃᓚᓕᐅᑎᔪᓐᓇᖅᐳᒍᑦ ᐃᖢᕐᕆᔮᖅᑎᓂᒃ ᐅᓗᕆᐊᓇᖏᑦᑐᒃᑯᓪᓗ ᐃᑲᔪᕈᓐᓇᖅᑐᓂᒃ ᖃᐅᔨᑎᑕᐅᑦᓯᐊᕐᓗᑕ ᐊᓯᖏᑦ ᐃᓄᐃᑦ ᓄᓇᓕᖕᓂᒥᐅᑕᐅᖃᑕᐅᓂᖏᓐᓄᑦ ᑕᐃᒪᓐᓇ ᐃᒃᐱᒋᔭᑦᑎᓐᓂᒃ ᐊᑐᖅᑐᖅᑕᐅᖅ ᐱᑕᖃᕐᓂᖏᓐᓄᑦ.
ᓯᕗᓪᓕᖅᐸᐅᓗᑕ ᐅᖃᖅᑳᕆᐊᖃᖅᐳᒍᑦ ᐃᒪᓐᓇ “ᑕᐃᒪᓐᓇᐃᒍᒪᖏᑉᐳᖓ, ᐃᓅᑑᓗᖓ ᑕᐃᒪᓐᓇᐃᓕᐅᕈᒪᖏᑉᐳᖓ.”
ᐃᖅᑲᐅᒪᕗᖓ ᑕᐃᑦᓱᒪᓂ 1960-ᓂ, ᑎᖕᒥᓲᖃᖅᐸᓚᐅᕋᑦᑕ ᐊᑕᐅᓯᐊᖅᖢᑕ ᑕᖅᑭᒥ ᐊᐅᓪᓚᖅᓯᒪᓚᐅᖅᖢᖓᓗ ᓄᓇᑦᑎᓐᓂᑦ, ᑕᖅᑭᓂᐊᖅᑐᒧᑦ ᕿᓚᓈᖅᐸᓚᐅᖅᐳᖓ ᑎᑎᖃᐅᓯᐊᕐᓂᐊᕋᒪ ᖃᐅᔨᒪᓪᓗᖓ ᐊᓈᓇᓐᓂᑦ ᑐᓴᖅᑎᑕᐅᓗᖓᓗ ᖃᓄᐃᓕᐅᕐᓂᖏᓐᓄᑦ ᓄᓇᑦᑎᓐᓂ ᐱᕚᓪᓕᕈᑎᒋᕙᓚᐅᖅᐸᕋ ᓯᕗᓂᒃᓴᖃᑦᓯᐊᕐᓂᓐᓂᒡᓗ ᖃᐅᔨᓪᓗᖓ.
ᑕᐃᒪᓐᓇ ᑕᒪᑦᑕ ᓂᕆᐅᖕᓂᖃᖅᐳᒍᑦ. ᑕᐃᒪᓐᓇ ᑲᑉᐱᐊᓱᖏᓪᓗᑕ ᐃᖕᒥᓂᒃ ᐅᖃᐅᓯᕆᒋᐊᖃᖅᐸᕗᑦ ᐃᓱᒪᔭᖅᐳᑦ ᐃᒃᐱᒋᔭᖅᐳᓪᓗ.