Skip to content

ᐅᐸᒃᑕᐅᑦᑕᐃᓕᓂᖃᙱᑦᑐᖅ ᐱᓕᕆᐊᓪᓚᕆᖕᒧᑦ ᐱᓕᕆᓂᐅᔪᒧᑦ

ᒪᓕᒐᓕᐅᖅᑎᐅᖃᑕᐅᔪᑦ, ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎ ᒪᓕᒐᓕᐅᖅᑎᓂᒃ ᐊᒻᒪᓗ ᑲᓇᑕᐅᑉ ᒪᓕᒐᓕᐊᖅᑎᖏᓐᓄᑦ ᐃᓚᒋᔭᐅᔪᑦ ᓄᓇᕗᒻᒥ ᐅᐸᒃᑕᐅᑦᑕᐃᓕᒪᓂᒃᑰᕆᐊᖃᙱᓚᑦ ᖃᓪᓗᓈᑦ ᓄᓇᖓᓐᓂ ᑐᔪᕐᒥᕕᐅᔪᓄᑦ ᑐᓂᔭᐅᒑᖓᒥᒃ ᐃᓚᐅᙱᓐᓂᐅᔪᒥᒃ

ᐊᑐᓕᕐᓂᐊᖅᑐᒥ ᐃᕐᙲᓐᓇᑲᐅᑎᒋ, ᒐᕙᒪᒃᑯᓐᓂ ᑭᒡᒐᖅᑐᐃᔨᐅᔪᑦ ᑐᓂᔭᐅᔪᓐᓇᖅᐳᑦ ᐃᓚᐅᙱᓐᓂᐅᔪ ᐊᑐᕆᐊᖃᕐᓂᐅᔪᒥ ᐅᓪᓗᓂ−14- ᐅᐸᒃᑕᐅᑦᑕᐃᓕᓂᐅᔪᓄᑦ ᓯᕗᓂᐊᓂ ᓄᓇᕗᒻᒧᑦ ᐃᓯᓚᐅᖅᑳᕋᑎᒃ.

ᒪᓕᒐᓕᐅᖅᑎᐅᖃᑕᐅᔪᑦ, ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎ ᒪᓕᒐᓕᐅᖅᑎᓂᒃ ᐊᒻᒪ ᑲᓇᑕᐅᑉ ᒪᓕᒐᓕᐊᖅᑎᖏᓐᓄᑦ ᐃᓚᒋᔭᐅᔪᑦ ᓄᓇᕗᒻᒥ ᐅᐸᒃᑕᐅᑦᑕᐃᓕᒪᓂᒃᑰᕆᐊᖃᙱᓚᑦ ᑐᓂᓯᒍᑎᒃ ᑎᑎᕋᖅᓯᒪᓂᐅᔪᒥ ᑐᒃᓯᕋᐅᒻᒥ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᖓᔪᖅᑳᖓᑕ ᑎᑎᕋᕐᕕᖓ, ᓘᒃᑖᖅ ᒪᐃᑯᓪ ᐹᑐᓴᓐ ᐅᖃᓚᐅᖅᐳᖅ ᐋᒍᔅᑎ 4−ᒥ.

ᐃᒻᒥᒃᑯᑦ-ᐅᐸᒃᑕᐅᑦᑕᐃᓕᓂᐅᔪᖅ ᐃᓚᐅᙱᓐᓂᐅᔪᒥ ᐊᑐᑐᐃᓐᓇᕐᓂᐊᖅᐳᖅ ᐱᓕᕆᐊᒥᓄᑦ ᐊᐅᓪᓛᕐᓂᐅᔪᒧᑦ ᐱᓕᕆᓂᕐᒥ ᒪᓕᒐᓕᐅᖅᑎᐅᖃᑕᐅᔪ ᑲᑎᒪᓂᕐᓄᑦ, ᑲᓇᑕᐅᑉ ᒪᓕᒐᓕᐊᖅᑎᖏᓐᓄᑦ ᐊᒻᒪ ᓂᕈᐊᖅᑕᐅᕝᕕᖏᑕ ᐱᓕᕆᓂᖓᓄᑦ. ᐊᑐᕐᓂᖃᙱᓚᖅ ᓇᖕᒥᓂᖅ ᐱᓕᕆᓂᖏᓐᓄᑦ, ᐅᖃᖅᐳᖅ ᓘᒃᑖᖅ ᒪᐃᑯᓪ ᐹᑐᓴᓐ.
Rajnesh Sharma/NNSL photo

"ᑐᕌᒐᒃᓴᖓ ᐆᒪᙵᑦ ᐃᓚᒋᐊᕈᑕᐅᔪᒥ ᐱᔪᓐᓇᖅᑎᑦᑎᓂᕐᒧᑦ ᒐᕙᒪᒃᑯᓐᓂ ᑭᒡᒐᖅᑐᐃᔨᐅᔪᓂ ᐱᓕᕆᓂᖏᓐᓄᑦ ᒐᕙᒪᒃᑯᓐᓄᑦ ᐱᓕᕆᓪᓚᕆᖕᓂᐅᔪᓄᑦ ᐊᒻᒪ ᑎᑭᐅᑎᓂᕐᒧᑦ ᓂᕈᐊᖅᑕᐅᕝᕕᖏᑕ-ᓴᐳᔾᔨᓯᒪᓂᐅᔪᒥ ᐱᓕᕆᐊᒃᓴᖏᓐᓂ," ᐅᖃᓚᐅᖅᐳᖅ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᖓᔪᖅᑳᖓ, ᑕᐃᑲᓂ ᓄᓇᕗᒻᒥ ᒐᕙᒪᒃᑯᓐᓂ ᑐᓴᒐᒃᓴᓕᐊᖑᔪᒥ.

ᐅᓇ ᐃᓚᐅᙱᓐᓂᐅᔪᖅ ᐊᑐᕐᓂᖃᑐᐃᓐᓇᖅᐳᖅ ᐱᓕᕆᐊᒧᑦ ᐊᐅᓪᓛᕐᓂᐅᔪᒥ ᐱᔭᕆᐊᖃᖅᑐᒥ ᐱᓕᕆᓂᕐᒧᑦ ᒪᓕᒐᓕᐅᖅᑎᐅᖃᑕᐅᔪᑦ, ᑲᓇᑕᐅᑉ ᒪᓕᒐᓕᐊᖅᑎᖏᓐᓄᑦ ᐊᒻᒪ ᓂᕈᐊᖅᑕᐅᕝᕕᖏᑕ ᐱᓕᕆᐊᖏᓐᓂ. ᐊᑑᑎᖃᙱᓚᖅ ᓇᖕᒥᓂᖅ ᐱᓕᕆᐊᒃᓴᖏᓐᓄᑦ, ᐅᖃᓚᐅᖅᐳᖅ ᐹᑐᓴᓐ.

ᓇᓗᓇᐃᖅᓯᒋᐊᓚᐅᖅᐳᖅ ᐅᓇ ᐊᐅᓪᓛᕐᓂᐅᔪᖅ ᐃᓚᖃᙱᓚᖅ ᐃᖅᑲᓇᐃᔭᖅᑎᐅᔪᓂ ᐅᕝᕙᓘᓐᓃᑦ ᐃᓚᒋᔭᖏᓐᓄᑦ ᒐᕙᒪᒃᑯᓐᓂ ᑭᒡᒐᖅᑐᐃᔨᐅᔪᓄᑦ.

ᒐᕙᒪᒃᑯᓐᓂ ᑲᑎᒪᔨᐅᔪᑦ ᐃᓚᐅᙱᑎᑕᐅᒐᓗᐊᖅᑎᓪᓗᒋᑦ, ᓂᕈᐊᕈᓐᓇᖅᐳᑦ ᐱᔭᕇᖅᓯᓂᖏᓐᓂ ᐱᓇᓱᐊᕈᓯᕐᓂ ᒪᕐᕉᖕᓂ ᐅᐸᒃᑕᐅᑦᑕᐃᓕᓂᐅᔪ ᐊᐅᓪᓛᖅᑎᓪᓗᒋᑦ ᐱᓕᕆᐊᒥᓄᑦ ᐱᓕᕆᓂᖏᓐᓂ.

"ᐅᓇ ᐃᓚᐅᙱᓐᓂᐅᔪᖅ ᐃᓱᒪᖅᓲᑕᐅᕗᖅ," ᐅᖃᓚᐅᖅᐳᖅ ᐹᑐᓴᓐ.

ᓯᕗᓪᓕᕐᒥ, ᑲᓇᑕᐅᑉ ᒪᓕᒐᓕᐊᖅᑎᖏᓐᓄᑦ ᐃᓚᒋᔭᐅᔪ ᐊᒻᒪᓗ ᑲᓇᑕᒥ ᒪᓕᒐᓕᐊᕆᔭᐅᔪᓂᒃ ᖃᐅᔨᓴᖅᑎ ᒪᓕᒐᓕᐅᖅᑎᓂᒃ ᑎᑎᕋᖅᓯᒪᕙᒌᓚᐅᖅᐳᑦ ᐱᓪᓚᕆᐅᓪᓗᑎᒃ ᐃᖅᑲᓇᐃᔭᖅᑎᐅᓂᖏᓐᓂ ᑭᓯᐊᓂ "ᐃᓚᓕᐅᔾᔨᔭᕆᐊᖃᓚᐅᕋᑦᑕ ᒪᓕᒐᓕᐅᖅᑎᐅᖃᑕᐅᔪᑦ," ᐅᓂᒃᑳᓚᐅᖅᐳᖅ ᐹᑐᓴᓐ, ᐃᓚᒋᐊᖅᓯᓪᓗᓂ, "ᑕᑯᒃᓴᐅᓂᖃᑦᑎᐊᕈᒪᒐᑦᑕ ᐊᒻᒪ ᒪᑐᐃᖓᑦᑎᐊᕐᓗᑕ ᐊᒻᒪ ᐅᔾᔨᕐᓇᑦᑎᐊᖅᑎᑦᑎᓗᑕ."

ᒫᓐᓇᐅᔪᒥ, ᐃᓄᑐᐃᓐᓇᐃᑦ ᐃᓯᕈᓐᓇᖅᐳᑦ ᓄᓇᕗᒻᒧᑦ ᐅᐸᒃᑕᐅᑦᑕᐃᓕᒪᓂᖃᙱᓪᓗᑎᒃ ᑎᑭᓐᓂᐊᕈᑎᒃ ᑰᒡᔪᐊᕌᓗᒃ, ᒫᓂᑑᐸᒥ ᐅᕝᕙᓘᓐᓃᑦ ᓄᓇᑦᓯᐊᕐᒥ. ᐊᓯᐊᒍᑦ ᐅᑯᓄᖓ ᒪᕐᕉᔪᓄᑦ ᐊᐅᓪᓛᕐᓂᕐᒧᑦ ᐱᔪᓐᓇᕐᓂᐅᔪᓄᑦ, ᑕᒪᒃᑭᑦ ᐃᓄᑐᐃᓐᓇᐃᑦ ᑭᓯᐊᓂ ᐱᓪᓚᕆᐅᔪᓄᑦ ᐃᖅᑲᓇᐃᔭᖅᑎᐅᔪᓄᑦ ᐅᐸᒃᑕᐅᑦᑕᐃᓕᒪᔭᕆᐊᖃᖅᐳᑦ ᐱᓇᓱᐊᕈᓰᖕᓂ ᒪᕐᕉᖕᓄᑦ ᖃᓪᓗᓈᑦ ᓄᓇᖓᓐᓂ ᑲᓇᑕᒥ ᐃᓯᓚᐅᖅᑳᕋᑎᒃ ᓄᓇᕗᒻᒧᑦ. ᐅᓇ ᒪᓕᒋᐊᓕᒃ ᐅᐸᒃᑕᐅᑦᑕᐃᓕᓂᐅᔪᖅ ᐃᓕᓯᒪᕗᖅ ᑕᐃᒪᙵᓂ ᒫᔾᔨ 25−ᒥ.

ᒐᕙᒪᒃᑯᑦ ᑲᑎᒪᔨᐅᔪᑦ ᑐᓂᔭᐅᔪᓂ ᐃᓚᐅᙱᓐᓂᐅᔪ ᒪᓕᒋᐊᖃᖅᐳᑦ ᑖᒃᑯᓂᖓᑦᑕᐃᓐᓇᖅ ᐱᓕᕆᔾᔪᓯᐅᔪᒥ ᓇᓗᓇᐃᖅᑕᐅᓯᒪᔪᓄᑦ ᐱᓪᓚᕆᐅᔪᓄᑦ ᐃᖅᑲᓇᐃᔭᖅᑎᐅᔪᓄᑦ ᐃᓯᖅᑐᓄᑦ ᓄᓇᕗᒻᒧᑦ. ᐅᓇ ᑐᑭᖃᖅᐳᖅ ᐃᒻᒥᓂᒃ−ᐅᐸᒃᑕᐅᑦᑕᐃᓕᒪᓂᐅᔪᒥ ᐊᖏᕐᕋᒥ ᐃᖅᑲᓇᐃᔭᙱᑎᓪᓗᒍ ᓯᕗᓪᓕᖅᐹᓂ ᐅᓪᓗᓂ 14−ᓂ ᐅᑎᓚᐅᖅᑎᓪᓗᒋᑦ.

ᐃᒃᐱᒍᓱᑦᑎᐊᕆᐊᖃᖅᐳᑦ ᐃᓅᖃᑎᒥᓂᒃ ᐅᖓᓯᒋᒋᐊᖃᕐᓂᖏᓐᓂ ᐃᖅᑲᓇᐃᔭᕐᕕᖕᒥ, ᒪᑐᐊᖅᓯᒪᓗᑎᒃ ᐅᖓᓯᒌᒋᐊᖃᕐᓂᐅᔪᒥ ᐋᖅᑭᐅᒪᑎᑕᐅᔪᓐᓇᙱᒃᑯᓂ ᐊᒻᒪ ᐃᒻᒥᓂᒃ−ᓇᐅᑦᑎᖅᓱᕐᓗᑎᒃ ᐋᓐᓂᐊᕈᑕᐅᕙᒃᑐᓄᑦ ᓄᕙᒡᔪᐊᕐᓇᖅ-19−ᒧᑦ, ᐅᖃᓚᐅᖅᐳᖅ ᐹᑐᓴᓐ. ᐃᓚᒋᐊᖅᓯᓚᐅᖅᐳᖅ ᐃᓚᐅᙱᓐᓂᐅᔪᓄᑦ ᐃᖅᑲᓇᐃᔭᖅᑎᐅᔪᑦ ᐱᔪᓐᓇᖅᑎᑕᐅᕗᑦ ᐊᑕᐅᓯᕐᒥ ᐅᐸᖕᓂᐅᔪᒧᑦ ᓂᕿᑖᕐᕕᖕᒧᑦ ᓂᐅᕕᕐᕕᖕᒧᑦ ᐃᑲᔪᖅᑎᒃᓴᖃᙱᒃᑯᑎᒃ ᓂᕿᒃᓴᒥᓄᑦ.

ᐋᒍᔅᑎ 4–ᒥ, $21 ᒥᓕᐊᓐᓂ ᐊᑐᖅᑕᐅᓯᒪᕗᑦ ᐅᐸᒃᑕᐅᑦᑕᐃᓕᓂᐅᔪᖅ ᑐᔪᕐᒥᕕᐅᔪᓄᑦ ᖃᓪᓗᓈᑦ ᓄᓇᖓᓐᓂ.
Rajnesh Sharma/NNSL photo

ᐱᐅᓂᖅᓴᐅᔪᒥ ᓄᓇᕗᒻᒥ ᖃᐅᔨᓴᖅᑕᐅᓂᖃᕆᐊᖃᖅᐳᑦ
ᐋᒍᔅᑎ 10−ᒥ, ᓄᓇᕗᒻᒥ ᒐᕙᒪᒃᑯᑦ ᑎᑎᕋᕐᕕᖏᑦ ᒪᑐᐃᒃᑲᓐᓂᕐᓂᐊᖅᐳᑦ ᐃᓄᓕᒫᓄᑦ. ᑭᓯᐊᓂ, ᐊᒥᐊᒃᑯᖏᑦ ᐱᓕᕆᓂᐅᔪᑦ ᑎᑎᕋᖅᓯᒪᔪᓂ ᓄᓇᕘᑉ ᐊᖅᑯᑎᖓᓂ ᐲᖅᑕᐅᓂᐊᖅᐳᖅ "ᑕᑎᖃᑦᑎᐊᕈᓐᓇᖅᑐᒥ, ᐸᐸᑕᐅᑦᑎᐊᕈᓐᓇᖅᑐᒥ ᖃᐅᔨᓴᕐᓂᐅᔪᒥ ᐱᔪᓐᓇᕐᓂᖓᓂ ᓄᓇᕗᒻᒥ," ᐅᖃᓚᐅᖅᐳᖅ ᐹᑐᓴᓐ.

ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᖓᔪᖅᑳᖓ ᐅᖃᓚᐅᖅᐳᖅ ᐅᓪᓗᓪᓚᕆᖕᒥ ᐱᓯᒪᙱᓚᖅ ᖃᖓ ᐱᐅᓂᖅᓴᒥ ᖃᐅᔨᓴᖅᑕᐅᓂᖃᕐᓂᐊᕐᓂᖓᓂ ᐱᔪᓐᓇᕐᓂᐅᔪᒥ ᓄᓇᕗᒻᒥ.

"ᖃᔅᓯᒐᓚᖕᓂ ᐃᓄᖕᓂ ᐊᒃᓱᕈᑦᑎᐊᖅᖢᑎᒃ ᐱᓕᕆᔪᓂ ᐱᓕᕆᔾᔪᑕᐅᔪᓂ ᐊᐅᓚᑦᑎᐊᕐᓂᖏᓐᓂ ᐊᒻᒪ ᓇᓗᓇᐃᖅᑕᐅᓗᑎᒃ. ᑭᓯᐊᓂ ᐊᑯᓂᐅᕗᖅ ᐊᒻᒪᓗ, ᐅᕙᓂ ᖃᓄᐃᓐᓂᐅᔪᒥ, ᐱᐅᙱᑦᑐᓂ ᑐᓴᒐᒃᓴᐅᔪᓂ ᐱᐅᙱᓐᓂᖅᓴᐅᓂᐊᖅᐳᖅ ᑐᓴᒐᒃᓴᖃᙱᑦᑎᐊᕐᓂᐅᔪᒥ. ᑕᐃᒫᒃ ᐊᔪᖅᓯᓯᒪᕗᒍᑦ ᓇᒦᓐᓂᑦᑎᓐᓂ ᒫᓐᓇᐅᔪᒥ."

ᐹᑐᓴᓐ ᐅᖃᓚᐅᕆᕗᑕᐅᖅ ᐅᐸᒃᑕᐅᑦᑕᐃᓕᓂᐅᔪᓄᑦ ᑐᔪᕐᒥᕕᐅᔪᑦ ᐲᖅᑕᐅᓂᐊᖅᐳᑦ ᓄᓇᕘᑉ−ᐃᓗᐊᓂ ᖃᐅᔨᓴᕈᓐᓇᕐᓂᐅᔪᒥ ᐱᔪᓐᓇᖅᑎᑦᑎᓕᕈᓂ "ᐊᑯᓂᐅᓗᐊᙱᑦᑐᒥ ᖃᐅᔨᓴᖅᑕᐅᓂᑯᓂ ᖃᓄᐃᓕᖓᓂᖏᓐᓂ ᑕᒪᒃᑭᓄᑦ ᖃᓄᐃᓕᖓᓂᐅᔪᓄᑦ." ᒫᓐᓇᐅᔪᒥ, ᑕᐃᒪᐃᒐᔪᒃᑐᒥ ᖃᐅᔨᓂᐅᔪᒥ ᖃᐅᔨᓴᖅᑕᐅᓂᑯᓄᑦ ᐅᓪᓗᓄᑦ 7−ᖑᒐᔪᒃᐳᑦ, ᐅᖃᓚᐅᖅᐳᖅ ᓘᒃᑖᖅ, ᐅᖃᕆᐊᖅᖢᓂ ᒪᓕᖕᓂᖃᖅᐳᖅ ᓄᓇᓕᐅᔪᒥ ᐊᒻᒪ ᖃᖓᑕᓂᕐᒧᑦ ᐊᑐᖅᑕᐅᕙᒃᑐᓄᑦ.

ᐋᒍᔅᑎ 4–ᒥ, $21 ᒥᓕᐊᓐᓂ ᐊᑐᖅᑕᐅᓯᒪᕗᑦ ᐅᐸᒃᑕᐅᑦᑕᐃᓕᓂᐅᔪᖅ ᑐᔪᕐᒥᕕᐅᔪᓄᑦ ᖃᓪᓗᓈᑦ ᓄᓇᖓᓐᓂ.
ᓱᓕ ᓄᕙᒡᔪᐊᕐᓇᖅ-19–ᓂ ᖃᓄᐃᓐᓂᖃᙱᓚᖅ ᓄᓇᕗᒻᒥ. ᒫᓐᓇᒧᑦ ᑎᑭᖦᖢᒍ, 1,825–ᓂ ᐃᓄᖕᓂ ᖃᐅᔨᓴᖅᑕᐅᓯᒪᕗᑦ ᓄᕙᒡᔪᐊᕐᓇᖅ-19–ᒧᑦ ᐊᒻᒪ 272 ᐃᓄᖕᓂ ᖃᐅᔨᓴᖅᑕᐅᕙᓪᓕᐊᕗᑦ ᐊᐃᑦᑐᐃᓐᓇᖅᑐᒧᑦ.

ᐋᒍᔅᑎ 4 ᑭᖑᓪᓕᖅᐹᖑᓪᓗᓂ ᐋᖅᑭᒃᑕᐅᓯᒪᔪᒥ ᐱᓇᓱᐊᕈᓯᑕᒫᒥ ᓄᕙᒡᔪᐊᕐᓇᖅ-19−ᒧᑦ ᑐᓴᒐᒃᓴᓕᐊᖑᔪᒥ ᐋᒍᔅᑎᒧᑦ. ᐅᑯᐊ ᓄᑖᙳᕆᐊᖅᑎᑕᐅᓂᐅᔪᑦ ᓂᕆᐅᒋᔭᐅᕗᑦ ᐅᑎᓛᕐᓂᖏᓐᓂ ᓯᑎᐱᕆᒥ. ᒪᓕᒐᓕᐅᖅᑎᓄᑦ ᑲᑎᒪᓂᐅᔪᑦ ᐃᒃᓯᕚᖅᑐᒃᓴᐅᑕᐅᒋᕗᑦ ᑕᖅᑭᐅᓛᖅᑐᒥ.