Skip to content

ᐱᔪᒪᐃᓐᓇᓕᖅᑐᑦ ᐊᔪᙱᑦᑐᓄᑦ ᐊᕐᓇᓄᑦ

ᐊᕐᕌᒍᑕᒫᒥ ᔭᐸᓕᐅᕐᓂᕐᒧᑦ ᐱᓕᕆᐊᖑᔪᖅ ᖁᑦᑎᖕᓂᖅᓴᓄᑦ ᐃᓕᓐᓂᐊᖅᑎᓄᑦ ᑑᒑᓕ ᖁᑦᑎᒃᑐᒥ ᐃᓕᓐᓂᐊᕐᕕᖓᓐᓂ ᐱᔭᕇᓚᐅᖅᐳᑦ ᓇᐅᔮᓂ ᑕᖅᑭᐅᓚᐅᖅᑐᒥ.

ᑲᑎᓪᓗᒋᑦ 8-ᖑᔪᓂ ᓂᕈᐊᖅᑕᐅᓯᒪᔪᓄᑦ ᐃᓕᓐᓂᐊᖅᑎᓂᑦ ᐱᓕᕆᖃᑎᖃᓚᐅᖅᐳᑦ ᑕᓪᓕᒪᓂ ᒥᖅᓱᖅᑎᐅᔪᓂᑦ ᓇᖕᒥᓂᖅ ᓴᐸᓕᐅᕐᓂᕐᒧᑦ ᑕᒪᑐᒪᓂ ᐊᕐᕌᒎᔪᒥ ᐱᓕᕆᐊᖑᓂᖓᓂ.

Grade 10 student Qilikti Itkilik cuts the outside liner of his jacket during a jappa-making program at Tuugaalik High School in Naujaat on March 31, 2018.

ᑕᒪᑐᒪᓂ ᐊᕐᕌᒍᒥ ᐱᓕᕆᐊᖑᔪᖅ ᐱᓚᐅᖅᐳᑦ ᑐᓂᔭᐅᑦᑎᐊᕐᓂᐅᔪᒥ $2,600-ᒥ ᑐᓐᓂᖅᑯᓯᐊᖑᔪᒥ ᑮᓇᐅᔭᓕᐅᕋᓱᐊᙱᑦᑐᓄᑦ ᑲᑎᙵᓂᐅᔪᓂ ᑐᙵᕕᖃᖅᑐᓂ ᑐᕌᓐᑐ, ᐋᓐᑎᐊᕆᐅᒥ ᑕᐃᔭᐅᔪᓄᑦ ᓯᐱᐅᕆᑦᑐᐃᓪ ᑏᕙᓂᑦ ᐃᑲᔪᖅᓱᐃᔪᒪᓚᐅᖅᑐᓂ ᒥᖅᓱᕐᓂᐅᔪᒥ ᐱᓕᕆᐊᖑᔪᒥ ᒪᒃᑐᓄᑦ.

ᑲᑎᙵᔪᓄᑦ ᐅᖃᖅᑎᖓ ᕉᓴᓕᓐ ᓯᒥᑦ ᐅᖃᓚᐅᖅᐳᖅ ᓯᐱᐅᕆᑦᑯᐃᓪ ᑏᕙᐃᑦ ᑐᓴᖅᓯᒪᓚᐅᕐᓂᖏᓐᓂ ᐃᓄᐃᑦ ᓄᓇᕗᒻᒥ, ᐱᓗᐊᖅᑐᒥ ᐊᕐᓇᐃᑦ, ᐊᒃᓱᕉᓴᒃᐸᖕᓂᖏᓐᓂ ᒫᓐᓇᓕᓴᓂ ᐊᒻᒪᓗ ᖃᓄᐃᓕᐅᕐᓂᖃᕈᒪᓚᐅᖅᐳᑦ ᐃᑲᔪᕐᓂᕐᒧᑦ.

ᐅᖃᓚᐅᖅᐳᖅ ᑲᑎᙵᓂᐅᔪᑦ ᓯᕗᓪᓕᕐᒥ ᑲᑎᖃᑎᖃᓚᐅᖅᐳᑦ ᕋᐃᔪᕐᓯᓐ ᓯᓚᑦᑐᖅᓴᕐᕕᒡᔪᐊᒥ ᐱᓕᕆᐊᖑᔪᒥ ᐱᒋᐊᖅᑎᑦᑎᓇᓱᐊᓚᐅᖅᑐᒥ ᑲᑎᙵᓂᐅᔪᒥ ᐊᕐᓇᓄᑦ ᓇᐅᔮᓂ ᑭᓯᐊᓂ, ᑭᓱᓄᒃᑭᐊᖅ ᐱᔾᔪᑕᐅᔪᓄᑦ, ᑲᑎᙵᓂᐅᔪᖅ ᐱᒋᐊᓚᐅᙱᒻᒪᑦ.

ᑲᑎᖅᓱᐃᑐᐃᓐᓇᓚᐅᖅᐳᒍᑦ ᑮᓇᐅᔭᓂᑦ ᐊᒻᒪᓗ ᐱᐅᔪᒥᑦ ᖃᓄᐃᓕᐅᕐᓂᖃᕈᒪᓚᐅᖅᐳᒍᑦ, ᑕᐃᒫᒃ ᐅᖃᖃᑎᖃᓕᓚᐅᖅᐳᖓ ᔪᓕᐊᒥᑦ (ᑑᒑᓕ ᐃᓕᓴᐃᔨᓄᑦ ᐊᖓᔪᖅᑳᖓᑕ ᑐᒡᓕᖓᓄᑦ ᒪᒃᕗᓴᓐ) ᐃᓚᖏᓐᓂ ᐊᔾᔨᒌᙱᑦᑑᑕᐅᔪᓄᑦ ᖃᓄᐃᓕᐅᕐᓂᓄᑦ ᐃᑲᔪᕈᑎᒋᔪᓐᓇᖅᑕᑦᑎᓐᓄᑦ ᖁᑦᑎᒃᑐᒥ ᐃᓕᓐᓂᐊᕐᕕᖓᓐᓂ ᓇᐅᔮᓂᑦ,” ᐅᖃᓚᐅᖅᐳᖅ ᓯᒥᑦ.

ᐃᓕᑦᑎᓚᐅᖅᑎᓪᓗᒍ ᒥᖅᓱᕐᓂᕐᒧᑦ ᐱᓕᕆᐊᖑᔪᒥ “ᖁᕕᐊᕐᔪᐊᓕᓚᐅᖅᐳᑦ” ᐃᑲᔪᕈᕐᓇᕐᓂᖏᓐᓂ, ᐅᖃᓚᐅᖅᐳᖅ.

ᐃᓄᖕᓂ ᐃᑲᔪᕈᒪᓲᖑᕗᒍᑦ ᐱᔪᒪᓪᓚᕆᒃᑐᓄᑦ, ᐊᒻᒪᓗ ᐃᖏᕐᕋᔪᓐᓇᕐᓗᑎᒃ ᐃᓅᓯᕐᒧᑦ ᐃᑲᔪᕐᓂᖃᓚᐅᖅᑎᓪᓗᑕ ᓴᓇᔭᐅᓚᐅᕐᓂᖏᓐᓄᑦ,” ᐅᖃᓚᐅᖅᐳᖅ. “ᐱᒻᒪᕆᐅᔪᒥ ᖃᓄᐃᓕᐅᕐᓂᖃᖁᔨᕗᒍᑦ ᖃᓄᐃᓕᐅᕐᓂᕆᔭᕐᓄᑦ.”

ᓯᒥᑦ ᐅᖃᓚᐅᖅᐳᖅ ᑲᑎᙵᓂᐅᔪᑦ ᓯᕗᓪᓕᕐᒥ ᐅᖃᓪᓚᖕᓂᖃᓚᐅᖅᐳᑦ ᒥᖅᓱᕐᓂᕐᒧᑦ ᐱᓕᕆᐊᖑᔪᒥ ᑲᑎᙵᓂᕆᔭᐅᔪᓄᑦ, ᑕᐃᒫᒃ ᖁᑦᑎᒃᑐᒥ ᐃᓕᓐᓂᐊᕐᕕᖓᑦ ᐱᓕᕆᐊᖑᔪᖅ ᑕᐃᒪᐃᓪᓗᐊᓚᐅᕆᕗᑦ.

ᐅᖃᓚᐅᖅᐳᖅ ᑐᕌᓐᑐᒥ ᑲᑎᙵᓂᐅᔪᑦ ᐱᐅᒋᑦᑎᐊᓚᐅᕆᕙᖓ ᑕᒪᓐᓇ ᐱᓕᕆᓂᐅᔪᖅ ᐃᑲᔪᖅᓱᐃᓂᖓᓐᓂ ᐃᓕᓐᓂᐊᖅᑎᓄᑦ.

ᑮᓇᐅᔭᑦ ᓇᒃᓯᐅᑎᓚᐅᖅᐸᕗᑦ ᔪᓕᐊᒧᑦ ᐱᓕᕆᐊᖑᔪᒧᑦ, ᐊᒻᒪ ᓇᒃᓯᐅᔾᔨᓯᒪᓕᖅᐳᖅ ᐃᓚᖏᓐᓂ ᐊᔾᔨᓕᐅᖅᑕᐅᓚᐅᖅᑐᓂ ᐱᓕᕆᐊᖑᔪᒧᑦ ᐊᒻᒪᓗ ᐱᐅᔪᒻᒪᕆᐅᓪᓗᑎᒃ,” ᐅᖃᓚᐅᖅᐳᖅ.

ᑕᐃᒪᙵᓂ 2002-ᒥ, ᓯᐱᐅᕆᑦᑎᐅᓪ ᑏᕙᐃᑦ ᑲᒪᒋᔭᖃᖅᓯᒪᕗᑦ ᐊᔾᔨᒌᙱᕈᓘᔭᖅᑐᓂ ᑐᓐᓂᖅᓴᖅᑕᐅᕕᐅᕙᒃᑐᓄᑦ ᐱᒋᐊᕈᑕᐅᔪᓄᑦ, ᐅᖃᓚᐅᖅᐳᖅ ᓯᒥᑦ.

ᑕᐃᒪᓕ, ᐃᓱᒪᓚᐅᖅᐳᒍᑦ ᖃᓄᐃᓕᐅᕈᒪᓲᖑᕗᒍᑦ ᐃᑲᔪᕐᓂᐊᖅᑐᓂ ᐊᓯᖏᓐᓂ ᐃᓄᖕᓂ ᐊᒻᒪᓗ ᐅᕙᑦᑎᓐᓂᑐᐊᕌᓗ ᐃᑲᔪᖅᐸᙱᓪᓗᑕ,” ᐅᖃᓚᐅᖅᐳᖅ. “ᓇᒃᓯᐅᔾᔨᓚᐅᕆᕗᒍᑦ 350 ᐃᕕᐊᖏᓕᓴᕐᓂᑦ ᐊᕐᓇᓄᑦ ᑕᑉᐸᐅᖓ, ᑭᓯᐊᓂ ᑖᓐᓇ ᐅᓂᒃᑳᒃᓴᐅᕗᖅ ᖃᖑᒃᑰᓛᖅᑐᒥ.”