Skip to content

ᓄᕙᔫᐊᕐᓇᖅ-19-ᒥ ᖃᓄᐃᓐᓂᐅᔪᒥ ᓇᓂᔭᐅᔪᖃᖅᐳᖅ ᒥᑦᑎᒪᑕᓕᖕᒥ

ᒥᑦᑎᒪᑕᓕᖕᒥᐅᑕᒥ ᐊᐃᑦᑐᖅᑕᐅᓯᒪᔪᖃᖅᐳᖅ ᓄᕙᔫᐊᕐᓇᖅ-19−ᒥ.

ᐅᓇ ᐃᓄᒃ ᐅᓂᒃᑲᐅᓯᐅᓯᒪᕗᖅ ᖃᓄᐃᙱᓐᓂᖓᓂ ᐊᒻᒪᓗ ᐅᐸᒃᑕᐅᑦᑕᐃᓕᒪᓕᖅᐳᖅ, ᐅᖃᐅᓯᐅᓪᓗᓂ ᓄᓇᕗᒻᒥ ᒐᕙᒪᒃᑯᓐᓂ.

ᓱᒃᑲᔪᒥ ᑭᐅᓂᐅᔪᒧᑦ ᐸᕐᓇᐅᑎᒥᒃ ᐱᒋᐊᖅᑎᑕᐅᓯᒪᕗᖅ ᓄᓇᕘᑉ ᓯᕗᓪᓕᖅᐹᖓᓂ ᖃᓄᐃᓐᓂᐅᔪᒥ ᐊᒥᓱᓄᑦ ᑲᓂᒻᒪᓐᓇᐅᔪᒥ. ᑲᑎᙵᓂᐅᔪᑦ ᐋᖅᑭᒃᓱᖅᑕᐅᓯᒪᓕᕇᖅᐳᑦ ᐊᒻᒪ ᓂᕆᐅᒋᔭᐅᓚᐅᖅᐳᑦ ᑎᑭᓐᓂᐊᕐᓂᖏᓐᓂ ᓄᓇᓕᖕᓄᑦ ᐅᓪᓛᖓᓂ ᐊᐃᑉᕆᓕ 30−ᒥ, ᐅᖃᓚᐅᖅᐳᖅ ᓘᒃᑖᖅ ᒪᐃᑯᓪ ᐹᑐᓴᓐ ᐊᐃᑉᕆᓕ 30−ᒥ ᑐᓴᒐᒃᓴᓕᐊᖑᔪᒥ.

ᓄᓇᕘᑉ ᖁᑦᑎᓛᖓᓂ ᓘᒃᑖᖑᔪᖅ, ᓘᒃᑖᖅ ᒪᐃᑯᓪ ᐹᑐᓴᓐ, ᓴᐅᒥᖕᒥ, ᐊᒻᒪ ᑐᓵᔨ ᐅᓖᐱᑲ ᐃᑭᓪᓗᐊᖅ ᒪᓕᒐᓕᐅᖅᑎᒃᑯᓐᓂ ᐃᖃᓗᖕᓂ ᐊᐃᑉᕆᓕ 30–ᒥ.  Nunavut’s top doctor, Dr. Michael Patterson sits next to translator Ooleepika Ikkidluak at the legislative assembly in Iqaluit on April 30. They listen attentively to reporters who ask questions about the territory’s first Covid-19 case in Pond Inlet. Rajnesh Sharma/NNSL

ᑲᑎᙵᓂᐅᔪᑦ, ᐃᓚᖃᖅᐳᑦ ᐱᖓᓱᓂ ᐋᓪᓕᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᔨᐅᔪᓂ ᐃᓗᐊᖅᓴᐃᔨᓂᑦ, ᐱᒋᐊᑲᐅᑎᒋᓂᐊᖅᐳᑦ ᓄᖅᑲᖅᑎᑦᑎᓇᓱᐊᕐᓂᐅᔪᒥ ᐊᐃᑦᑐᐃᓂᖓᓂ ᐱᓕᕆᓂᐅᔪᓂ ᐊᒻᒪ ᐃᑲᔪᖅᓱᐃᓗᑎᒃ ᐅᖃᐅᔾᔨᒋᐊᕐᓂᕐᒧᑦ ᑲᑎᙵᓂᖃᖅᓯᒪᔭᖏᓐᓂ.

ᐅᖃᐅᔾᔨᒋᐊᕐᓂᕐᒧᑦ ᑲᑎᙵᓂᖃᖅᓯᒪᔭᖏᓐᓂ ᐱᒋᐊᖅᓯᒫᓂᒃᐳᖅ ᐊᒻᒪ 20−ᐸᓗᖕᓂ ᐃᓄᖕᓂ ᑲᑎᙵᓂᖃᓚᐅᖅᑐᓂ ᐊᐃᑦᑐᖅᑕᐅᓯᒪᔪᒧᑦ ᐊᓪᓚᕐᕕᐅᓯᒪᕗᑦ ᒥᑦᑎᒪᑕᓕᖕᒥ. ᐅᑯᐊ ᖃᐅᔨᓴᕈᑕᐅᔪᑦ, ᑲᑎᖅᓱᖅᑕᐅᓚᐅᖅᑐᒥ ᐅᓐᓄᐃᓐᓇᕐᒥ, ᖃᐅᔨᓴᖅᑕᐅᓂᐊᖅᐳᑦ ᐃᖃᓗᖕᓂ ᐅᓪᓗᒥ, ᐅᖃᓚᐅᖅᐳᖅ ᐹᑐᓴᓐ, ᐃᓚᒋᐊᖅᓯᓪᓗᓂ Genexpert ᐱᓕᕆᔾᔪᑕᐅᔪᖅ ᖃᓄᐃᓐᓂᐅᔪᓂ ᑐᓂᓯᔪᓐᓇᖅᐳᖅ ᖃᔅᓯᐊᕐᔪᖕᓂ ᐃᑲᕐᕋᓂᑦ.

ᐅᓇ ᖃᐅᔨᓴᖅᓯᓂᐅᔪᖅ ᐱᔪᓐᓇᕐᓂᖓᓂ ᐊᑐᐃᓐᓇᐅᔪᒥ ᐃᖃᓗᖕᓂ ᓴᓂᕐᕙᒃᑕᐅᓯᒪᕗᖅᖁᑦᑎᒃᑐᒥ ᐅᓗᕆᐊᓇᕐᓂᐅᔪᒧᑦᖃᓄᐃᓐᓂᐅᔪᒥ, ᐅᓂᒃᑳᓚᐅᖅᐳᖅ. ᐅᓇ ᖃᓄᐃᓐᓂᐅᕗᖅᐅᖃᐅᓯᒃᓴᓕᐅᕐᓂᖅ ᓱᒃᑲᔪᒥ ᐱᒻᒪᕆᕐᔪᐊᖑᕗᖅ.”

ᐅᑯᐊ ᐃᓄᐃᑦ ᓇᓗᓇᐃᖅᑕᐅᓯᒪᔪᑦ ᐅᖃᐅᔾᔨᒋᐊᕐᓂᕐᒧᑦ ᑲᑎᙵᓂᖃᖅᓯᒪᔭᖏᓐᓂ ᒪᕐᕈᐃᖅᓱᖅᑕᐅᓗᑎᒃ ᐊᓪᓚᕐᕕᐅᓯᒪᓂᐊᖅᐳᑦ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐸᕐᓇᒃᐸᓪᓕᐊᕗᑦ ᓇᒃᓯᐅᔾᔨᓂᐊᕐᓂᖏᓐᓂ ᒪᕐᕈᖓᓐᓂ ᖃᐅᔨᓴᕈᑎᒃᓴᓂ ᖃᐅᔨᓴᖅᑕᐅᓂᐊᖅᑐᓄᑦ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᖃᐅᔨᓴᕐᕕᖓᓂ ᐋᓐᑎᐅᕆᐅᒥ.

ᒪᓕᒃᑐᒥ ᖃᖓᑕᓲᖃᕐᕕᒋᔭᐅᕙᒃᑐᒥ, ᐅᓪᓗᓂ 6−ᐸᓗᖕᓂ ᒥᑦᑎᒪᑕᓕᖕᒥ ᖃᐅᔨᓴᖅᑕᐅᓂᑯᓂ ᖃᓄᐃᓐᓂᖏᓐᓂ ᖃᓪᓗᓈᑦ ᓄᓇᖓᓐᓂ. ᓵᑕᒃᑰᖅᑐᓂ ᖃᖓᑕᓲᓂᑦ, ᐅᑕᖅᑭᓂᖓ ᐅᓪᓗᓄᑦ ᒪᕐᕉᖕᓄᑦ ᐱᖓᓱᓄᓪᓘᓐᓃᖑᔪᓐᓇᖅᐳᑦ, ᐅᖃᐅᔾᔨᓚᐅᖅᐳᖅ ᐹᑐᓴᓐ.

ᓇᓗᓇᐃᖅᓯᔪᒪᕗᒍᑦ ᖄᖏᐅᔾᔨᖏᓐᓂᑦᑎᓐᓂ ᐱᖃᙱᓐᓂᕋᐃᙳᐊᖅᑐᒥ Genexpert−ᑯᑎᒍᑦ. ᐊᒻᒪ ᑕᐃᒫᒃ ᑭᓯᐊᓂ ᖃᐅᔨᒪᑦᑎᐊᓕᕈᑦᑕ ᐱᓕᕆᔾᔪᑎ ᐱᖠᕆᓄᑦᑕᑦᑎᐊᕐᓂᖓᓂ, ᐊᒻᒪ ᖃᐅᔨᒪᓕᕈᑦᑕ ᐊᑐᖅᑕᐅᑦᑎᐊᕈᓐᓇᕐᓂᖓᓂ, ᑕᒪᒃᑭᓂ ᖃᐅᔨᓴᕈᑕᐅᔪᓂ ᐱᓕᕆᓂᐊᖅᐳᒍᑦ,” ᐅᓂᒃᑳᓚᐅᖅᐳᖅ ᐹᑐᓴᓐ.

ᑕᐃᔅᓱᒪᓂᒃᑲᓐᓂᖅ, Genexpert ᐱᓕᕆᔾᔪᑕᐅᔪᖅ ᐊᑐᖅᑕᐅᕙᓚᐅᖅᐳᖅ ᖃᐅᔨᓴᕐᓂᕐᒧᑦ ᐳᕙᒡᓗᖕᓂᐅᔪᒥ.

ᒫᓐᓇᐅᔪᒥ, 7-ᓂ 9-ᓂᓪᓘᓐᓃᑦ ᐃᓄᖕᓂ ᒥᑦᑎᒪᑕᓕᐅᑉ ᐃᓗᐊᓂ ᓱᓕ ᐅᑕᖅᑭᕗᑦ ᐊᓪᓚᕐᕕᐅᓯᒪᕗᑦ ᓄᕙᔫᐊᕐᓇᖅ-19−ᒧᑦ.

ᑕᐃᔅᓱᒪᓂ, ᑕᒪᒃᑭᐅᒪᔪᓂ ᐅᓂᒃᑳᕐᓂᐅᔪᑦ ᖃᓄᖅ ᐊᐃᑦᑐᖅᑕᐅᓯᒪᔪᖅ ᐃᓄᒃ ᐊᐃᑦᑐᖅᑕᐅᓚᐳᕐᓂᖓᓂ ᓄᕙᔫᐊᕐᓇᖅ-19−ᒧᑦ ᖃᐅᔨᒪᔭᐅᙱᓚᖅ. ᐅᕘᓇ ᐅᖃᐅᔾᔨᒋᐊᕐᓂᕐᒧᑦ ᑲᑎᙵᓂᖃᖅᓯᒪᔭᖏᓐᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᑲᑎᙵᓂᐅᔪᑦ ᐃᓱᒪᓕᐅᕆᓇᓱᐊᖅᐳᑦ ᑭᒃᑯᒃᑲᓐᓃᑦ ᓴᖅᑭᔮᕐᕕᐅᓯᒪᓂᖓᓂ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᒧᑦ. “ᑖᒃᑯᓇᑎᒍᑦ ᖃᐅᔨᔪᓐᓇᙱᒃᑯᑎᒍᑦ, ᐅᓄᕐᓂᖅᓴᐅᔪᓄᑦ ᖃᐅᔨᓴᕆᐊᖃᕐᓂᐊᖅᐳᒍᑦ ᓇᓂᓯᓂᕐᒥ ᓇᑭᙶᕐᓂᖓᓂ ᐆᒪᙵᑦ ᐃᓅᑉ ᐊᐃᑦᑐᖅᑕᐅᓂᖓᓂ,” ᐅᖃᓚᐅᖅᐳᖅ ᐹᑐᓴᓐ.

ᑕᒪᒃᑭᐅᒪᐸᓗᒃᑐᓂ ᑎᑎᕋᖅᓯᒪᓂᖃᕐᓂᐊᖅᑐᒃᓴᐅᕗᒍᑦ ᖃᐅᔨᒋᐊᕐᕕᒃᓴᐅᔪᓄᑦ ᐅᓪᓗᒥᒥ ᖃᐅᒃᐸᓪᓘᓐᓃᑦ,” ᐃᓚᒋᐊᖅᓯᓚᐅᖅᐳᖅ ᐹᑐᓴᓐ. ᑭᓯᐊᓂ, ᖃᓄᖅ ᐊᑯᓂᐅᑎᒋᔪᒥ ᐱᔭᕇᕐᓂᐊᕐᓂᖓᓂ ᐅᖃᐅᔾᔨᒋᐊᕐᓂᕐᒧᑦ ᑲᑎᙵᓂᖃᖅᓯᒪᔭᖏᓐᓂ ᒪᓕᖕᓂᖃᕐᓂᐊᖅᐳᖅ ᖃᓄᑎᒋ ᐊᐃᑦᑐᐃᓂᖃᖅᓯᒪᓂᖓᓂ, ᐅᓂᒃᑳᓚᐅᖅᐳᖅ.

ᓄᓇᕘᑉ ᓯᕗᓪᓕᖅᐹᖓᓂ ᖃᐅᔨᓴᖅᑕᐅᓂᖓᓄᑦ ᐱᖃᕐᓂᖓᓂ ᓄᕙᔫᐊᕐᓇᖅ-19−ᒧᑦ ᓇᓗᓇᐃᖅᑕᐅᓚᐅᖅᐳᖅ ᐊᐃᑉᕆᓕ 29−ᒥ. ᑐᓴᒐᒃᓴᓕᐊᖑᓂᐅᔪᒥ ᐱᓕᕆᐊᖑᔪᒥ 11 ᐅᓪᓛᒃᑯᑦ ᐅᓪᓗᒥ, ᐹᑐᓴᓐ ᓴᖅᑭᑎᑦᑎᓚᐅᖅᐳᖅ ᐃᑲᕐᕋᓄᑦ 12−ᓂ ᖄᖏᖅᓯᒪᓕᖅᑐᓂ ᐱᑕᖃᕐᓂᖓᓂ ᖃᓄᐃᓐᓂᐅᔪᒥ ᖃᐅᔨᔭᐅᓂᖓᓂ.

ᐊᐃᑦᑐᖅᑕᐅᓯᒪᔪᖅ ᐃᓄᒃ ᐋᓐᓂᐊᕈᑕᐅᖃᑦᑕᖅᑐᓂ ᓴᖅᑭᔮᕐᓂᖃᓕᓚᐅᖅᐳᖅ ᐱᓇᓱᐊᕈᓯᐅᓚᐅᖅᑐᒥ ᐊᒻᒪ ᐊᓪᓚᕐᕕᐅᓚᐅᖅᐳᖅ ᐊᐃᑉᕆᓕ 23−ᒥ. ᑐᙵᕕᖃᖅᑐᒥ ᐅᖃᐅᓯᒃᓴᓂ ᖃᐅᔨᒪᔭᐅᔪᓄᑦ, ᐹᑐᓴᓐ ᐅᖃᓚᐅᖅᐳᖅ ᐃᓄᒃ ᐅᐸᒃᑕᐅᑦᑕᐃᓕᒪᓯᒪᕗᖅ ᐊᖏᕐᕋᒥᓂ.

ᐹᑐᓴᓐ ᐅᖃᐅᔾᔩᓐᓇᓚᐅᖅᐳᖅ ᐅᓂᒃᑳᓕᐅᖅᑎᐅᔪᓄᑦ ᓴᖅᑭᑎᑦᑎᔾᔮᙱᓐᓂᖓᓂ ᐅᕝᕙᓘᓐᓃᑦ ᐅᖃᐅᓯᖃᕐᓗᓂ ᐅᖃᐅᓯᒃᓴᐅᔪᓂ ᐊᐃᑦᑐᖅᑕᐅᓯᒪᔪᒧᑦ ᐃᓄᖕᒥ ᑲᙳᓇᖅᑑᔭᕆᐊᖃᕐᓂᖓᓂ ᐊᒻᒪ ᓴᐳᔾᔭᐅᓯᒪᔭᕆᐊᖃᕐᓂᖓᓄᑦ ᐱᔾᔪᑕᐅᔪᓄᑦ.

ᐅᖃᐅᓯᒃᓴᖅᑕᖃᖅᐳᖅ ᐅᖃᐅᓯᕆᔾᔮᙳᑕᑦᑎᓐᓂ ᐃᑲᔪᖅᓱᐃᔪᒪᙱᓐᓇᑦᑕ ᐸᓯᒃᖠᓂᐅᔪᒥ ᑲᙳᓈᕆᓂᕐᒥᓪᓘᓐᓃᑦ ᐃᓄᖕᓂ. ᑭᓇᑐᐃᓐᓇᖅ ᐱᔪᒪᙱᓚᖅ ᓄᕙᔫᐊᕐᓇᖅ-19−ᒥ. ᑭᓇᑐᐃᓐᓇᖅ ᓄᓇᓕᖓᓅᕈᔾᔨᔪᒪᙱᓚᖅ. ᐊᒻᒪ ᐱᔪᒪᙱᓚᒍᑦᐃᑲᔪᖅᓱᐃᔪᒪᙱᓚᖓ ᑕᐃᒪᐃᑦᑐᒐᓚᖕᓂ. ᑕᐃᒫᒃ ᐃᓚᒋᔭᐅᔪᓂ ᐆᒪᙵᑦ ᐅᖃᐅᓯᕆᔾᔮᙱᑕᑦᑎᓐᓂ,” ᐅᖃᓚᐅᖅᐳᖅ.

ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᖓᔪᖅᑳᖓ ᐅᖃᓚᐅᖅᐳᖅ ᐱᒋᐊᕐᓂᖓᓂ ᐊᒥᓱᓄᑦ ᑲᓂᒻᒪᓐᓇᐅᔪᒥ ᖃᖓᑐᐃᓐᓇᐅᔪᒥ ᓄᕙᔫᐊᕐᓇᖅ-19 ᑎᑭᓐᓇᔭᓚᐅᕐᓂᖓᓂ ᓄᓇᕗᒻᒧᑦ.

ᓂᕆᐅᓚᐅᖅᐳᒍᑦ ᕿᓚᒻᒥᐅᓂᖅᓴᐅᔪᒥ ᐊᑯᓂᐅᓂᖅᓴᐅᙱᑦᑐᒥ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᑦ ᓇᓂᔭᐅᓂᐊᕐᓂᖓᓂ ᓄᓇᕗᒻᒥ,” ᐅᖃᓚᐅᖅᐳᖅ ᐹᑐᓴᓐ. ᐅᖃᐅᓯᕆᓪᓗᓂᐅᒃ, ᐃᒻᒥᓄᑦ ᑲᒪᓇᕆᔭᖓᓐᓂ “ᐃᒪᓐᓇ ᐊᑯᓂᐅᑎᒍᔪᒥ ᑎᐅᑭᑎᓚᐅᙱᓚᖅ.”

ᓯᕗᓪᓕᖅᐹᒥ ᑕᐅᑐᒃᑕᑐᐊᖃᑲᐃᓐᓇᕐᓂᕐᒧᑦ ᓇᓂᓯᓂᕐᒥ ᐊᒻᒪ ᓄᖅᑲᖅᑎᑦᑎᓯᒪᓗᓂ ᐊᐃᑦᑐᐃᓂᐅᔪᒥ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᒥ ᐱᑎᑦᑎᑦᑕᐃᓕᒪᓂᕐᒧᑦ ᐊᐃᑦᑐᐃᒃᑲᓐᓂᕐᓂᐅᔪᒥ ᓄᓇᓕᐅᑉ ᐃᓗᐊᓂ ᐊᒻᒪᓗ ᐊᓯᖏᓐᓄᑦ ᓄᓇᓕᐅᔪᓄᑦ,” ᐅᖃᓚᐅᖅᐳᖅ ᐹᑐᓴᓐ.