Skip to content

ᔫᒥ ᐃᓕᓐᓂᐊᕐᕕᖓ ᕿᓂᖅᐳᑦ ᐊᔪᖅᓴᖅᑐᓄᑦ ᓂᕿᑖᕐᕕᖕᒧᑦ ᐊᑭᓖᓂᐊᖅᑐᓂ ᐱᑕᖃᖅᑎᑦᑎᔨᐅᔪᓂ

ᑮᓇᐅᔭᓂᒃ ᓂᐅᕕᕐᓂᕐᒧᑦ ᐱᖁᑎᓄᑦ ᐃᓕᓐᓂᐊᖅᑎᓄᑦ ᒫᓐᓇ ᐱᔭᐅᔭᕆᐊᖃᖅᐳᖅ ᓄᕙᒡᔪᐊᕐᓇᖅ-19 ᓄᖅᑲᖅᑎᑦᑎᓯᒪᓂᖓᓂ ᐅᐸᒃᓯᒪᓗᓂ ᑮᓇᐅᔭᓕᐅᕋᓱᐊᕐᓂᐅᔪᓂ

ᔫᒥ ᐃᓕᓐᓂᐊᕐᕕᖓ ᑐᕌᒐᒃᓴᖃᖅᐳᖅ ᐱᕈᖅᓴᐃᓂᕐᒧᑦ $10,000–ᓂ ᐊᔪᖅᓴᖅᑐᓄᑦ ᓂᕿᑖᕐᕕᖓᓂ ᐃᓗᓕᖃᐃᓐᓇᕐᓂᖓᓂ ᐊᕐᕌᒍᒧᑦ.
ᐱᒋᐊᕈᑕᐅᔪᖅ ᐱᒋᐊᖅᑎᑕᐅᓯᒪᕗᖅ ᐃᓕᓐᓂᐊᖅᑎᓄᑦ ᐃᑲᔪᖅᓱᐃᔨᐅᔪᒧᑦ ᔭᐃᓴᓐ ᕉᓵᓐᒧᑦ.

ᐃᓕᓐᓂᐊᕐᕕᒃ ᐊᑐᒐᔪᒃᐳᑦ ᑐᓂᓯᒃᑲᐅᕐᔪᐊᕐᓂᖏᓐᓄᑦ ᓄᓇᓕᖕᓂ ᖁᕕᐊᓱᒡᕕᖕᒥ ᖁᙱᐊᖅᑕᐅᓂᐅᕙᒃᑐᒥ ᐊᒻᒪᓗ ᐊᓯᖏᓐᓂ ᐊᕐᕌᒍᑕᒫᒥ ᑲᑎᖃᑎᒌᖕᓂᐅᔪᓂ ᓂᕿᓄᑦ ᑐᓂᓯᓂᐅᔪᓄᑦ. ᑭᓯᐊᓂ, ᕉᓵᓐ ᐅᖃᓚᐅᖅᐳᖅ ᐱᔾᔪᑎᖃᖅᑐᒧᑦ ᓄᕙᒡᔪᐊᕐᓇᖅ-19-ᒧᑦ, ᐃᓕᓐᓂᐊᕐᕕᒃ ᑲᒪᒋᔭᖃᕈᓐᓇᐃᓪᓕᕗᑦ ᐅᐸᒃᓯᒪᔭᐅᔪᓄᑦ ᑮᓇᐅᔭᓕᐅᕋᓱᐊᕐᓂᐅᔪᓂ ᐊᒻᒪ ᑐᓐᓂᖅᑯᓯᐊᖑᔪᓂ.

ᔫᒥ ᐃᓕᓐᓂᐊᕐᕕᖓ ᑐᕌᒐᒃᓴᖃᖅᐳᖅ ᐱᕈᖅᓴᐃᓂᕐᒧᑦ $10,000–ᓂ ᐊᔪᖅᓴᖅᑐᓄᑦ ᓂᕿᑖᕐᕕᖓᓂ ᐃᓗᓕᖃᐃᓐᓇᕐᓂᖓᓂ ᐊᕐᕌᒍᒧᑦ.
ᐱᒋᐊᕈᑕᐅᔪᖅ ᐱᒋᐊᖅᑎᑕᐅᓯᒪᕗᖅ ᐃᓕᓐᓂᐊᖅᑎᓄᑦ ᐃᑲᔪᖅᓱᐃᔨᐅᔪᒧᑦ ᔭᐃᓴᓐ ᕉᓵᓐᒧᑦ. NNSL file photo

"ᓄᕙᒡᔪᐊᕐᓇᖅ-19–ᒧᑦ ᐊᒻᒪᓗ ᓂᕿᑦ ᐊᑭᖏᓐᓂ ᕿᓃᓐᓇᐅᔭᖅᐳᖓ ᐱᓕᕆᓂᐅᔪᓂ ᓱᕈᓯᖁᑎᕗᑦ ᐊᑐᐃᓐᓇᖃᐃᓐᓇᐅᔭᕐᓂᖏᓐᓂ ᓂᕿᓄᑦ," ᑎᑎᕋᓚᐅᖅᐳᖅ ᐅᒃᑐᐱᕆ 1–ᒥ ᕙᐃᔅᐳᒃᑯᑦ ᑎᑎᕋᕐᓂᐅᔪᒥ. "ᐱᔾᔪᑎᖃᖅᑐᒧᑦ ᓄᕙᒡᔪᐊᕐᓇᕐᒧᑦ ᐊᖏᔪᓂ ᑮᓇᐅᔭᓕᐅᕋᓱᐊᕐᓂᖃᔾᔮᙱᓚᖓ ᐊᑭᓖᒐᔪᒃᑐᓂ ᐊᖏᔪᒥ ᐃᓚᖓᓐᓂ ᐊᔪᖅᓴᖅᑐᓄᑦ ᓂᕿᑖᕐᕕᖓᓂ."

ᕉᓵᓐ ᐃᓴᒃᐸᓪᓕᐊᓕᓚᐅᖅᐳᖅ ᓇᖕᒥᓂᖃᖅᑎᐅᔪᓄᑦ ᐱᓇᓱᐊᕈᓯᐅᓚᐅᖅᑐᒥ. ᑕᐃᒪᙵᓂ ᐅᒃᑐᐱᕆ 1–ᒥ ᐱᔭᕇᓚᐅᖅᐳᖅ ᓇᓗᓇᐃᖅᓯᓂᐅᔪᒥ ᒪᕐᕉᖕᓂ ᑐᓂᓯᓂᐅᓂᐊᖅᑐᓂ ᐊᑭᓖᔪᓐᓇᕋᔭᖅᑐᓂ $1,000–ᒥ ᑕᖅᑭᑕᒫᒥ ᐃᓗᓪᓕᖅᓴᕐᓂᕐᒧᑦ ᐊᔪᖅᓴᖅᑐᓄᑦ ᓂᕿᑖᕐᕕᖓᓂ ᑕᖅᑭᒧᑦ, ᐃᓚᖃᖅᑐᒥ DJ Specialties, ᓯᕗᓪᓕᖅᐹᖑᓗᓂ ᐊᑭᓖᔪᓐᓇᖅᑐᓂ ᐱᑕᖃᖅᑎᑦᑎᔪᓂ ᑕᖅᑭᒧᑦ ᐅᒃᑐᐱᕆᒧᑦ.

"ᐊᓯᒃᑲᓐᓂᐊᓂ ᐃᓄᖕᒥ ᐃᓴᓚᐅᖅᐳᖅ ᐊᒻᒪ ᐅᖃᖅᖢᓂ ᑐᓂᓯᔪᒪᓇᔭᕐᓂᖏᓐᓂ ᑕᖅᑭᒃᑲᓐᓂᕐᒧᑦ ᐊᒻᒪ ᐅᖃᓚᐅᖅᐳᖅ ᑭᓇᐅᓂᖓᓂ ᐅᖃᖁᔨᙱᓚᖅ," ᐅᖃᓚᐅᖅᐳᖅ ᕉᓵᓐ.

ᕉᓵᓐ ᐱᒋᐊᖅᑎᑦᑎᓚᐅᖅᐳᖅ ᐃᓕᓐᓂᐊᕐᕕᐅᑉ ᐊᔪᖅᓴᖅᑐᓄᑦ ᓂᕿᑖᕐᕕᖓᓂ ᐃᖅᑲᓇᐃᔭᓕᓵᖅᑎᓪᓗᒍ ᔫᒥ ᐃᓕᓐᓂᐊᕐᕕᖓᓂ ᐊᕐᕌᒍᑦ 9–ᖑᓕᖅᑐᓂ.

"ᖃᔅᓰᖅᓱᒐᓚᒃᑐᒥ ᓱᕈᓰᑦ ᐅᑎᖅᐸᓚᐅᖅᐳᑦ ᐅᓪᓗᕈᒻᒥᓴᕆᐊᖅᓯᒪᓂᐅᔪᒥ ᐊᒻᒪ ᐅᕙᓐᓄᑦ ᐅᖃᖅᖢᑎᒃ ᓂᕿᖃᙱᓐᓂᖏᓐᓂ," ᐅᖃᓚᐅᖅᐳᖅ.

ᐃᖃᓗᖕᓂ ᔫᒥ ᐃᓕᓐᓂᐊᕐᕕᖓ ᕿᓂᖅᐳᑦ ᓄᓇᓕᖕᓂ ᐊᑭᓖᔪᓐᓇᖅᑐᓂ ᐱᑕᖃᖅᑎᑦᑎᔪᓂ ᑐᓂᓯᔪᓐᓇᖅᑐᓂ $1,000–ᒥ ᑕᖅᑭᑕᒫᒥ ᐃᑲᔪᕐᓂᕐᒧᑦ ᐊᔪᖅᓴᖅᑐᓄᑦ ᓂᕿᑖᕐᕕᖓᓂ ᐃᓗᓕᖃᑦᑎᐊᕈᓐᓇᕐᓂᖓᓂ. ᐱᔾᔪᑎᖃᖅᑐᒧᑦ ᓄᕙᒡᔪᐊᕐᓇᖅ-19–ᒧᑦ ᐃᓕᓐᓂᐊᕐᕕᒃ ᐊᑐᕈᓐᓇᐃᓪᓕᓯᒪᖕᒪᑕ ᐅᐸᒃᓯᒪᔪᓄᑦ ᑮᓇᐅᔭᓕᐅᕋᓱᐊᕐᓂᐅᔪᓂ ᐊᒻᒪ ᑐᓐᓂᖅᑯᓯᐊᖑᔪᓂ.
photo courtesy of Jason Rochon

ᐱᒋᐊᓚᐅᖅᓯᒪᕗᖅ ᐃᓗᓪᓕᖅᓯᓂᖓᓂ ᒥᑭᑦᑐᒥ ᐴᖑᔪᒥ ᓂᕿᖃᖅᑐᓂ ᐃᓕᓐᓂᐊᕐᕕᐊᕈᓯᐊᑕ ᓯᓚᑎᖓᓐᓂ. ᑭᓯᐊᓂ, ᐅᔾᔨᕆᓚᐅᖅᐳᖅ ᕿᑐᑦᑐᒐᐅᔭᖅ ᕿᓚᒥᐊᓗᒃ ᐃᓗᓕᖃᕉᓐᓃᖅᐸᖕᓂᖓᓂ. ᑕᐃᒫᒃ ᓄᑖᙳᕆᐊᖅᑎᑦᑎᓕᓚᐅᖅᐳᖅ ᐃᓂᐅᔪᒥ ᖃᔅᓯᐊᕐᔪᖕᓄᑦ ᖁᓕᕈᐊᓄᑦ. ᕿᓚᒻᒥᐅᔪᒥ ᐊᔪᖅᓴᖅᑐᓄᑦ ᓂᕿᑖᕐᕕᖓ ᐃᑲᔪᕈᑎᒃᓴᐅᖏᓐᓇᖅᓯᒪᕗᖅ ᐃᓕᓐᓂᐊᕐᕕᖕᒥ ᑕᐃᒪᙵᓂ.

ᕉᓵᓐ ᐅᖃᐅᔾᔨᓚᐅᖅᐳᖅ ᓄᓇᕗᒻᒥ ᑐᓴᒐᒃᓴᓕᕆᔨᒃᑯᓐᓂ ᐊᐱᕆᕙᙱᓐᓂᖓᓂ ᐃᓕᓐᓂᐊᖅᑎᓂᑦ ᐊᑐᖅᐸᒃᑐᓂ ᐊᔪᖅᓴᖅᑐᓄᑦ ᓂᕿᑖᕐᕕᖓᓂ ᖃᓄᐃᒻᒪᑦ ᐊᑐᖅᐸᖕᓂᖏᓐᓂ, ᖁᓕᕈᐊᑦ ᐃᓗᓕᖃᐃᓐᓇᖅᑎᑦᑎᑐᐃᓐᓇᖃᑦᑕᖅᐸᖓ.

"ᑲᙳᓇᖅᑐᖅᑕᖃᙱᓚᖅ ᐊᐱᕆᔭᕆᐊᖃᙱᒻᒪᑕ ᓂᕿᑖᕈᒪᓂᕐᒧᑦ," ᐅᖃᓚᐅᖅᐳᖅ. "ᖃᐅᔨᒪᕗᖓ ᖁᔭᓕᕐᔪᐊᖃᑦᑕᕐᓂᖏᓐᓂ ᐊᒻᒪ ᐊᑐᖅᑕᐅᖏᓐᓇᑦᑎᐊᓲᖑᕗᖅ.

ᑕᐃᒪᙵᓂ ᕉᓵᓐ ᓴᓇᓚᐅᖅᑎᓪᓗᒍ ᕙᐃᔅᐳᒃᑯᑦ ᑎᑎᕋᕐᓂᕆᔭᖓᓂ, ᖃᔅᓯᒐᓚᖕᓂ ᐊᓯᖏᓐᓂ ᓄᓇᓕᖕᓂ ᑲᒻᐸᓂᐅᔪᓂ ᐃᓴᒃᓯᒪᕗᑦ ᑲᑎᒪᖃᑎᖃᕈᒪᓪᓗᑎᒃ ᐃᒻᒥᖕᓂᒃ.

"ᒫᓐᓇᐅᔪᒥ, ᑕᖅᑮᓐᓇᕐᓄᑦ 6-ᓄᑦ ᐊᑭᓕᖅᑕᐅᓯᒪᓂᐊᖅᐳᖅ ᑎᑭᑉᐸᓪᓕᐊᔪᓄᑦ ᐅᓪᓗᓂ 6-ᓂ. 10–ᑐᐃᓐᓇᓂ ᑕᖅᑭᖅᑕᖃᖅᐳᖅ ᐃᓕᓐᓂᐊᕐᓂᕐᒧᑦ ᐊᕐᕌᒎᔪᒥ ᑕᐃᒫᒃ ᑎᑭᐅᑎᓕᒑᓕᖅᑐᒍᑦ," ᕉᓵᓐ ᐅᖃᓚᐅᖅᐳᖅ.

"ᑕᐃᒪᑐᖅ ᐃᓄᐃᑦ ᐅᖃᓚᐅᖅᑐᑦ ᑐᓂᓯᓂᐊᕐᓂᕋᓚᐅᖅᑐᑦ ᐃᑲᔪᓪᓚᕆᖕᓂᐊᖅᐳᑦ."