ᑕᐃᒪ 'ᐱᖁᑎᑖᖅᑎᑕᐅᓯᒪᕗᖓ' ᖁᕕᐊᒋᑉᓗᒍᓗ ᑕᐃᒪᓐᓇ ᑎᑎᕋᐅᓯᖃᕆᐊᒃᓴᖅ ᖃᓄᖅ ᐃᓱᒪᖕᒪᖔᕐᒪ ᑕᒪᒃᑯᓂᖓ ᓂᐱᓕᐅᖅᑕᐅᓯᒪᔪᓂᒃ ᓂᐱᓕᐅᖅᐸᒃᑐᓂᒡᓗ, ᖃᓄᕐᓗ ᑎᑕᖕᓂᕐᒧᑦ ᐃᓅᓯᖃᖅᑐᑦ. ᑕᐃᒪᓐᓇ ᖁᕕᐊᓲᓯᐊᖅᓯᒪᑉᓗᖓ ᓄᓇᓕᖕᓂᒥᐅᓂᑦ ᑕᐃᒪᓐᓇ −ᐱᐅᒋᔭᐅᒃᐸᑦ ᐱᐅᒋᔭᐅᖏᑉᐸᓪᓘᓐᓃᑦ − ᑕᐃᒪᓐᓇ ᑐᓴᕐᓈᖃᑦᑕᕐᓂᖅ ᐊᑐᖅᑕᐅᔪᒻᒪᕆᐅᑉᓗᓂ ᑭᕙᓪᓕᕐᒥᐅᓄᑦ.
ᑕᐃᒪᓘᓐᓃᑦ, ᐃᓄᐃᑦ ᑭᕙᓪᓕᕐᒥᐅᑦ ᖁᕕᐊᒋᔭᖃᕐᒪᑕ ᑎᑕᐅᑎᓂᒃ ᑎᑕᒃᐸᒃᑐᓂᒡᓗ ᑐᓴᕐᓈᖅᑎᓂᒡᓗ ᐊᒻᒪ ᑕᒪᓐᓇ ᑎᑎᕋᐅᓯᕆᒍᒪᒃᑲᐅᑉᓗᖓ ᑕᒪᒃᑯᓂᖓ.
ᐊᓯᖏᑦ ᐅᖃᐅᓯᕆᖃᑦᑕᖅᑕᒃᑲ ᑎᑎᕋᐅᓯᕆᖃᑦᑕᖅᑕᒃᑲ ᐱᔾᔪᑎᒋᑉᓗᒋᑦ, ᑕᒪᒃᑯᐊ ᓱᓕᑦᓯᐊᖅᐳᑦ ᐃᓱᒪᒋᔭᒃᑲ ᐊᔾᔨᒌᖏᑦᑐᑦ ᐊᒻᒪ, ᑕᐃᒪ ᑐᓴᕐᓈᕐᓂᖅ ᓯᕗᓪᓕᖅᐸᐅᑉᓗᓂ ᑕᐃᒪᓐᓇ ᐃᓱᒪᒋᖃᑦᑕᖅᑕᒃᑲ.
ᑕᐃᒪ ᖃᕆᑕᐅᔭᒃᑯᑦ ᓂᐱᓕᐅᖅᓯᒪᔪᒥᒃ ᐱᐅᒃᓴᕈᕕᓪᓘᓐᓃᑦ ᐅᕙᓘᓐᓃᑦ ᑕᒪᒃᑯᐊᑐᖃᓂᒃ 8-track ᖑᓂᕋᖅᑕᐅᔪᒥᒃ ᐱᖃᕈᕕᑦ ᑐᓴᕐᓈᕈᑎᖃᕈᕕᑦ, ᑕᐃᒪ ᖃᐅᔨᒪᒋᐊᖃᓗᒃᑖᖅᐳᒍᑦ ᓂᐱᓕᐅᖅᓯᒪᓪᓚᕆᒃᑐᑦ ᑐᓴᕐᓈᕈᑎᓄᑦ ᐱᓐᖑᐊᖅᑕᐅᕙᒃᑐᑦ ᐅᑎᖅᑎᑕᐅᕙᓪᓕᐊᓕᖅᐳᑦ.
ᐄᓛᒃ, ᑕᐃᒪᓐᓇ ᐱᕙᓪᓕᐊᕌᕐᔪᒃᓯᒪᕗᖅ ᑕᒪᒃᑯᐊ ᐅᑎᖅᑎᑕᐅᓂᖏᑦ ᓂᐱᓕᐅᖅᓯᒪᔪᑦ ᑐᓴᕐᓈᒐᒃᓴᐃᑦ ᐊᕐᕌᒎᓯᒪᓕᖅᑐᓂ, ᑭᓯᐊᓂ, ᑕᐃᒪᓐᓇᐃᓕᐅᖅᖢᑎᒃ ᐱᕈᖅᐸᓪᓕᐊᑐᐃᓐᓇᖅᐳᖅ.
ᐱᐅᕗᖅ ᐊᒥᐊᓕᑲᒥᐅᑦ, 2017-ᒥ ᓂᐅᕕᐊᒃᓴᖃᖃᑦᑕᓚᐅᕐᒪᑕ ᓂᐱᓕᐅᖅᓯᒪᔪᓂᒃ ᓂᐱᓂᒃ ᑐᓴᕐᓈᒐᒃᓴᓂᒃ ᐊᒥᓱᖑᖅᐸᓪᓕᐊᓚᐅᕐᒪᑕ 9-ᐳᓴᑐᐃᓐᓇᖅ ᐊᕐᕌᒎᓚᐅᖅᑐᒥᑦ, ᑎᑭᐅᑎᑉᓗᑎᒃ 14.3 ᒥᓕᔭᓐ ᔫᓂᑦᖑᓂᕋᖅᑕᐅᔪᓂᒃ.
ᑕᒪᒃᑯᐊ ᓂᐅᕕᐊᒃᓴᐃᑦ ᐊᒥᐊᓕᑲᐃᑦ ᓄᓇᖓᓐᓂ ᐊᕐᕌᒍᒥ 1991-ᒥ ᓂᐅᕕᖅᑕᐅᓚᐅᖅᖢᑎᒃ.
ᐊᒻᒪ, ᐊᐅᒃᓴᕋᐃᑦᑐᑦ ᓂᐱᑦ LP−ᖑᓂᕋᖅᑕᐅᔪᑦ 14-ᐳᓴᓐ ᓂᐅᕕᖅᑕᐅᓚᐅᖅᐳᑦ, ᑕᒪᓐᓇ Nielsen ᑐᓴᕐᓈᕈᑎᒦᑦᖢᑎᒃ. ᕙᐅ.
ᑕᐃᒪ, ᑎᑕᒃᑎᑕᖃᖅᐳᖅ ᑕᐃᑲᓂ ᑯᐃᓐ ᓄᓇᖓᓂ Liverpool, England−ᒥᐅᑕᓂᒃ, ᑕᐃᒪᓐᓇ ᑐᓴᕐᓈᖃᑦᑕᖅᖢᒋᓪᓗ ᐱᕙᓪᓕᐊᔪᓕᕆᔨᕌᖓᒪ, ᐊᒻᒪ ᑖᒃᑯᐊ ᓯᑕᒪᑦ ᐊᖑᑎᑦ, ᖃᐅᔨᒪᔭᐅᑉᓗᑎᒃ Beatles−ᖑᓂᖏᓐᓄᑦ, ᑕᒪᐃᑕᓗ.
ᑖᒃᑯᐊ ᑕᐃᑲᓂᒥᐅᑕᐃᑦ − ᖃᐅᔨᒪᔭᐅᑉᓗᑎᒃ ᐊᑎᖏᑦ ᐃᒪᓐᓇ John (Lennon), Paul (McCartney), George (Harrison) ᐊᒻᒪ Ringo (Starr) – ᖃᐅᔨᒪᔭᐅᓕᑦᓯᐊᓚᐅᖅᓯᒪᕗᑦ 1960-ᒥ ᑕᒪᐃᓐᓄᑦ ᐃᓄᖕᓄᑦ ᓇᓂᑐᐃᓐᓇᖅ ᓯᓚᕐᔪᐊᒥ ᑎᑕᐅᓯᖏᓐᓄᑦ ᑲᑎᓚᐅᖅᓯᒪᑉᓗᑎᒃ.
ᐊᒻᒪ ᑕᐃᒪᓐᓇ ᐱᐅᒃᓴᕐᓂᖅ ᓂᐱᓂᒃ ᐊᐅᒃᓴᕋᐃᑦᑐᓂᒃ ᐊᓯᔾᐅᖏᑉᐳᖅ.
ᑖᒃᑯᐊ Beatles ᖁᑦᓯᓛᖑᑐᐃᓐᓇᓚᐅᖏᑉᐳᑦ, ᒪᕐᕈᐃᖅᑕᖅᖢᑎᒃ ᖁᑦᓯᓛᖑᓚᐅᖅᖢᑎᒃ ᐊᓯᐊᓂᑲᓯᐅᑦ ᓄᓇᖓᓐᓂ ᓂᐅᕕᖅᑕᐅᔪᑦ ᓂᐱᓕᐅᖅᓯᒪᔭᖏᑦ 2017-ᖑᑎᓪᓗᒍ. ᖁᕕᐊᒋᐅᖏᓐᓇᓚᐅᖅᖢᑎᒡᓗ ᑲᔪᓯᑦᓯᐊᖏᓐᓇᓚᐅᖅᖢᑎᒡᓗ ᓂᐅᕕᖅᑕᐅᖃᑦᑕᐃᓐᓇᖅᖢᑎᒃ ᓂᐱᓕᐅᖅᓯᒪᔭᖏᑦ ᐃᓛᓐᓂᒃᑯᑦ ᑐᑭᖃᖏᒻᒪᕆᒃᖢᓂ ᓱᖕᒪᑦ ᑕᐃᒪᓐᓇᐃᓐᓂᖏᓐᓄᑦ ᓂᐅᕕᖅᑕᐅᓗᐊᕐᓂᖏᑦ.
ᑖᓐᓇ Giles Martin ᐊᒃᓱᕈᖅᐳᖅ 50-ᓂᒃ ᐅᑭᐅᓂᒃ ᓇᓪᓕᐅᕐᓂᖅᓯᐅᖅᑎᓪᓗᒋᑦ ᓂᐱᓕᖅᓯᒪᔭᖏᑦ Beatles White Album ᑕᐃᑲᓂ London's Abbey Road Studiosᒥ, ᑕᒪᒃᑯᐊᓗ ᐱᔭᐅᒍᒪᕙᓪᓕᐊᖏᓐᓇᕐᓂᐊᖅᖢᑎᒃ.
ᑕᒡᕙᓂ ᐊᕐᕌᒍᒥ 2017−ᒥ ᓂᐱᓕᐅᖅᓯᒪᔭᖓᑦ , Sgt. Pepper's Lonely Hearts Club Band ᓂᐅᕕᖅᑕᐅᓛᖑᓚᐅᖅᓯᒪᕗᑦ ᐊᒥᓲᓂᖃᖅᖢᑎᒃ 72,000 ᓇᓪᓕᐅᕐᓂᖅᓯᐅᕐᓂᖏᓐᓄᑦ ᓂᐱᓕᐅᖅᑕᐅᓯᒪᔪᑦ 72,000−ᓂᒃ. ᑖᒃᑯᐊ ᓂᐱᓕᐅᖅᑕᖓᑦᑕᐅᖅ Abbey Road ᖃᓂᑦᖢᓂ ᑐᖏᓕᕆᔭᐅᑉᓗᓂ ᓂᐅᕕᖅᑕᐅᑉᓗᑎᒃ 66,000.
ᐊᒻᒪᓗᒃᑲᓐᓂᒻᒪᕆᒃ ᐃᓕᕿᑕᒫᕐᓇᒻᒪᕆᒃᑐᖅ ᑕᓐᓇ ᓇᒻᒪ 2 ᓂᕆᐅᓇᑦᓯᐊᓚᐅᕋᓗᐊᖅᖢᓂ ᑕᐃᒪᓐᓇᐃᓚᐅᖏᑉᐳᖅ ᑖᒃᑯᐊ ᓴᓂᐊᒍᑦ Abbey Road, ᓂᐅᕕᖅᑕᐅᓛᖑᓯᒪᑉᓗᓂ ᓂᐱᓪᓚᕆᐅᑉᓗᓂ ᓂᐱᓕᐅᖅᑕᐅᓯᒪᔪᓂᑦ ᑕᐃᑉᓱᒪᓂᑐᖃᖅ, ᖁᑦᓯᓛᖑᓚᐅᖅᖢᓂ ᐊᒥᐊᓕᑲᐃᑦ ᓄᓇᖓᓐᓂ ᓂᐅᕕᖅᑕᐅᔪᓂ ᓯᑕᒪᐃᖅᑕᖅᖢᑎᒃ ᐅᑭᐅᓂ 2009-2012-ᒧᑦ ᓂᐅᕕᖅᑕᐅᔪᑦ.
ᑕᐃᒪᓐᓇ ᐊᒥᓱᒻᒪᕆᐊᓘᕗᑦ ᓂᐅᕕᖅᑕᐅᓂᑯᑦ. ᑖᒃᑯᐊ ᑭᖑᓪᓕᕐᒥ ᓯᑕᒪᑦ Beatles ᑲᑎᒪᓚᐅᖅᓯᒪᑉᓗᑎᒃ ᐊᐅᒐᓯ 20, 1969-ᒥ, ᑭᖑᓪᓕᖅᐹᒥᒃ ᓂᐱᓕᐅᖅᖢᑎᒃ Abbey Road−ᒥᒃ, ᐊᒥᓱᓂ ᐅᑭᐅᓂᓗ ᓂᐱᓕᐅᑦᓯᐊᖅᓯᒪᑉᓗᓂ LP ᑕᑭᔫᑉᓗᓂ, ᑎᑕᒃᑎᑦ ᑭᒃᑯᑐᐃᓐᓇᐃᑦ ᓵᓚᒃᓴᓚᐅᖅᓯᒪᖏᑦᖢᑎᒃ ᑖᒃᑯᓂᖓ.
ᑕᓐᓇ ᓇᓪᓕᐅᕐᓂᖅᓯᐅᕈᑎᑦ ᓂᐱᓕᐅᖅᑕᐅᓯᒪᔪᖅ White Album ᓴᖅᑭᓐᓂᐊᓚᐅᖅᖢᓂ ᓄᕕᐱᕆ ᓯᕗᓪᓕᕐᒥ ᓂᐱᓕᐅᖅᑕᐅᓯᒪᔪᖅ ᓄᕕᐱᕆ 22, 1968-ᒥ.
ᐊᒻᒪ, ᐊᒥᓱᑦ ᐃᓄᐃᑦ ᐃᓱᒪᖕᒪᑕ ᓄᑖᓂᒃ ᐃᓚᒋᐊᖅᑕᐅᔪᓐᓇᖏᓐᓂᖓᓄ ᑐᓴᕐᓂᓗᐊᕐᓂᖓᓄᑦ ᑖᓐᓇ White Album ᓂᐱᓕᐅᖅᑕᐅᓯᒪᔪᖅ, ᑖᒃᑯᐊ Beatlesᑯᓐᓂᒃ ᑐᓴᕐᓂᕈᓱᒃᑐᑦ ᑕᒪᓐᓇ ᓱᓕᖏᒻᒪᑦ.
ᑐᑭᓯᒋᐊᕈᑎᒃᓴᖅᑕᖃᖏᑉᐳᑦ ᑐᓴᖅᑎᑕᐅᓯᒪᔪᓂᒃ ᐃᔨᕋᖅᑐᖅᑕᐅᑉᓗᑎᒃ ᐅᑉᓗᒥᒧᑦ 50-ᓂ ᐊᕐᕌᒍᓂ ᓇᓪᓕᐅᕐᓂᖅᓯᐅᕈᑎᖓᑦ ᐱᑕᖃᑐᐃᓐᓇᕆᐊᖃᖅᖢᓂ, ᐊᑯᓂᐅᑎᒋᔪᖅ ᑎᑕᒃᖢᑎᒃ 11-ᒥᓂᑦ ᑖᓐᓇ Revolution #1 ᑐᓴᕐᓂᕆᔭᐅᕐᔪᐊᕐᓂᐊᖅᐳᖅ, ᐊᒻᒪ ᐱᐅᓛᖑᑉᓗᓂᓗ ᑐᓴᕐᓂᓛᖑᑉᓗᓂ Beatles−ᑯᓐᓄᑦ ᓂᐱᓕᐅᖅᑕᐅᓯᒪᔪᖅ 21−ᒥᓂᔅ ᐊᑯᓂᐅᑎᒋᔪᖅ ᑎᑕᐅᑎᖓᑦ Helter Skelter.
ᑐᓴᖅᑎᑕᐅᒃᑲᓐᓂᕈᒫᖅᐳᓯ.