ᐊᑕᐅᓯᒃᑲᓐᓂᕐᒥ ᐊᓂᒎᑎᒋᕗᖅ ᐊᒻᒪᓗ, ᓱᓕᓪᓗᖓ, ᑐᑭᓯᓪᓚᕆᓚᐅᖅᓯᒪᙱᑕᕋ ᓴᐃᓐᑦ ᐹᑐᕆᒃ ᐅᓪᓗᕆᔭᖓᓂᑦ.
ᐃᓛᒃ, ᑕᒻᒪᐅᑎᒋᙵ, ᑕᐃᔅᓱᒪᓂᐅᓚᐅᖅᑐᒥ ᐃᒥᖅᐸᓚᐅᕐᒥᔪᖓ ᐊᖏᐸᓗᒃᑐᒥ ᐆᔭᐅᔭᕐᒥ ᐱᐊᓂᑦ, ᐊᒻᒪ ᓂᓪᓕᐊᕐᔪᐊᖅᐸᒃᖢᖓ ᐃᕆᐊᓛᖅᖢᖓᓗ ᐃᓚᐅᖃᑕᐅᓪᓗᖓ, ᑭᓯᐊᓂ ᑕᒪᓐᓇ ᒥᖕᑭᒥᑦ-ᑕᑯᕗᖅ ᒪᖕᑭᒥᑦ-ᒪᓕᒃᐳᖅ ᐊᓯᓕᒫᖏᓐᓂᑦ.
ᑐᑭᓯᐅᒪᕗᖓ ᖁᕕᐊᓲᑎᖃᕐᓂᕐᒥ ᑕᐃᒃᑯᐊ ᐸᐃᕆᔅ-ᖑᓂᐅᔪᓄᑦ ᑭᓯᐊᓂ ᐱᐅᒍᖅᑕᐃᓕᑕ ᓴᐃᓐᑦ ᐹᑐᕆᒃ ᐅᓪᓗᖓ ᓯᕗᓪᓕᕐᒥ ᐅᒃᐱᕐᓂᕐᒧᑦ ᕿᑲᕐᓂᐅᓚᐅᕐᓂᖓᓂ.
ᐅᖃᐅᑎᔪᓐᓇᖅᐸᒋᑦ, ᑕᐃᒃᑯᓇᓂ ᐅᓐᓄᐊᖑᔪᓂ ᒧᒥᖅᐸᓚᐅᖅᐳᖓ ᐊᐃᕆᔅᒥ ᒧᒥᕐᓂᐅᔪᒥ ᑭᐴᑉ ᖄᖓᓂ ᐃᙱᖅᖢᖓ ᐊᐃᕆᔅ ᕉᕗᕐᔅ ᐃᙱᐅᓯᖓᓂ. ᐊᐅᐸᔮᖓᔪᖅ ᐊᒻᒪ ᐆᔭᐅᔭᖅ (ᐊᖏᓛᖑᓪᓗᓂ ᑲᑎᖅᓱᖅᓯᒪᓂᐅᔪᒥ ᑕᑯᓚᐅᖅᓯᒪᔭᕐᓂᑦ. ᐊᑖᑕᒐ ᐊᐅᐸᔮᖓᕗᖅ ᐊᒻᒪ ᐊᓈᓇᒐ ᐆᔭᐅᔭᐅᓚᐅᖅᐳᖅ.), ᓂᐱᖅᑯᖅᑐᔪᓐᓇᕐᓂᓕᒫᓐᓂ ᐃᙱᖅᖢᖓ ᐅᖓᕙᕆᐊᖅᑎᑦᑎᓗᐊᓚᐅᙱᓚᖅ ᐅᒃᐱᕐᓂᕆᔭᓐᓂᑦ.
ᑭᓯᐊᓂ ᐃᖅᑲᐅᒪᕗᖓ ᓱᓕᓂᕋᖅᖢᖓ ᐃᒥᐊᓗᒃᑲᓐᓂᓚᐅᖅᓯᒪᔾᔮᙱᓐᓂᕋᖅᖢᖓ, ᑕᐅᑐᒃᖢᖓ ᐃᔅᓴᒃᓯᒪᓕᖅᑐᓂ ᐃᓯᒐᐅᔭᓐᓂᑦ, ᐊᑕᐅᓯᐊᑐᐃᓐᓇᙱᖦᖢᖓ.
ᓴᐃᓐᑦ ᐹᑐᕆᒃᓚᕆᐅᓚᐅᖅᑐᖅ ᐃᔾᔪᕐᓇᐃᖅᑐᕈᓚᐅᕐᓇᓂ, ᐃᒃᓯᕋᕐᔪᐊᖑᓚᐅᖅᐳᖅ ᓴᖑᑎᑦᑎᓂᕋᖅᓯᒪᔭᐅᓪᓗᓂ ᐊᒥᓱᓂ ᐊᐃᕆᔅ-ᖑᔪᓄᑦ ᐃᓄᖏᓐᓂ ᐅᒃᐱᕐᓂᕐᒧᑦ ᑕᐃᔅᓱᒪᓂᑐᖃᐅᓚᐅᖅᑐᒥ.
ᐃᓱᒪᐃᓐᓇᐅᔭᓚᐅᖅᐳᖓ ᐅᓪᓗᖃᓛᕐᓂᐊᕐᓂᑦᑎᓂ ᐸᐸᑦᑎᓂᐅᔪᒥ ᐃᓕᓴᖅᓯᓂᐅᔪᒧᑦ ᐅᐱᒋᓂᕐᒧᑦ ᐹᑎᐅᑉ ᐱᓕᕆᓂᖓᓐᓂ ᐅᒃᐱᖅᑑᔪᓄᑦ, ᐊᒻᒪ ᐊᓱᐃᓛᒃ ᓴᖅᑭᑦᑎᓗᑎᒃ ᐆᔭᐅᔭᕐᒥ ᐱᐊᒥᑦ ᐊᓯᐊᒎᖅᑐᒥ ᓂᕆᕕᒡᔪᐊᖅᑎᑦᑎᓂᐅᔪᒧᑦ ᐅᐱᒍᓱᖕᓂᕐᒧᑦ ᐊᐃᕆᔅ ᐃᔨᖅᑯᓯᕆᔭᖓᓐᓄᑦ ᑕᒪᐃᑎᒍᑦ. ᑕᐃᒪᓕ, ᐱᔾᔪᑎᒃᓴᐅᕗᖅ ᑲᒪᒋᔭᖃᕐᓂᕐᒧᑦ ᒪᑐᐃᕋᕐᓗᒋᑦ ᒪᑐᔪᓐᓇᕐᓂᐅᔪᓂ ᖁᕕᐊᓲᑎᖃᕐᓂᕐᒥᑦ ᐊᓐᓄᓪᓚᒃᓯᖅᑎᑦᑎᓲᖑᙱᑦᑐᓂᑦ.
ᑎᔅᓯᒍᓱᓲᖑᕗᖓ ᓱᓕ ᓴᐃᓐᑦ ᐹᑐᕆᐅᑉ ᐅᓪᓗᖓ ᕿᑲᕐᓇᓪᓚᕆᐅᓂᖓᓂ ᓅᕙᓐᓛᓐᒥ ᐊᒻᒪ ᓛᐸᑐᐊᒥ. ᐃᓛᒃ ᐅᐱᒋᔭᕆᐊᖃᖅᐸᑎᑦ ᐃᓕᓴᖅᓯᓂᖃᖅᑎᓪᓗᒋᑦ ᐅᓪᓗᑦᑎᐊᕙᐅᔪᒥ ᐹᑎᖃᖅᑎᑦᑎᓂᐅᔪᒧᑦ, ᕼᐃᓖ?
ᐊᒻᒪᓗ ᓇᖕᒥᓂᓂᖃᑕᐅᔪᒪᓇᔭᖅᐱᑦ ᓂᐅᖁᖅᓯᐅᑎᓂᑦ ᐅᓪᓗᖓᓂ ᖄᖏᖅᑐᒥ ᐹᑎᖃᓚᐅᖅᑎᓪᓗᒋᑦ?
ᐱᐅᙱᓐᓂᖓᓄᑦ, ᓇᓗᓇᙱᑦᑎᐊᖅᐳᖅ ᑕᒪᕐᒥᒐᓚᐃᑦ ᐃᓄᐃᑦ ᐊᓂᕙᒃᐳᑦ ᐊᒻᒪ ᐊᓐᓄᕌᖅᖢᑎᒃ ᐊᔾᔨᐸᓗᖏᓐᓂ ᐊᐃᕆᔅ ᐊᓐᓄᕌᕆᕙᒃᑕᒥᓂᑦ, ᐃᒥᐊᓗᒃᖢᑎᒃ ᐆᔭᐅᔭᕐᒥ ᐱᐊᒥᑦ, ᐊᒻᒪ ᐃᙱᖅᖢᑎᒃ ᐊᐃᕆᔅᐃᙱᐅᓯᖏᓐᓂᑦ ᓂᐱᖅᑯᖅᑐᑦᑎᐊᖅᖢᑎᒃ ᑭᓯᐊᓂ ᐅᓪᓛᕌᓘᓕᕐᒪᑦ ᑐᑭᓯᐅᒪᓂᖃᙱᑦᑎᐊᖅᑎᓪᓗᒋᑦ ᑭᓇ ᓴᐃᓐᑦ ᐹᑐᕆᒃ-ᖑᓚᐅᕐᓂᖓᓂ ᐊᒻᒪᓗ ᑲᒪᓇᖅᑐᒥ ᐃᓅᓯᖃᓚᐅᕐᓂᖓᓂ.
ᓄᒫᓱᒐᓚᓲᖑᕗᖓ ᑕᒪᓐᓇ ᐱᔾᔪᑎᒋᓪᓗᒍ; ᐃᓱᒪᒋᓇᓱᐊᖅᖢᒍ ᐃᓄᕐᓂᖅᓴᐃᑦ ᐃᓄᐃᑦ ᐃᓕᖕᓂᑦ ᐅᖃᐅᔾᔨᔪᓐᓇᕐᓂᖏᓐᓂ ᐅᓂᒃᑳᕆᓂᐅᔪᓂ ᓵᓐᑕᐅᑉ ᐱᓪᓚᕆᐅᙱᑦᑐᒥ ᐃᓅᓯᖓᓐᓂ, ᐱᓂᖅᓴᐅᓪᓗᓂ ᐃᒃᐱᒋᔭᐅᑦᑎᐊᓚᐅᖅᑐᒥ ᐃᒃᓯᕋᕐᔪᐊᖑᔪᒥᑦ ᐊᑕᐅᓯᐅᓪᓗᓂ ᐱᖓᓱᓂ ᐃᔾᔪᕐᓇᐃᖅᑐᖅᑎᙳᖅᑎᑕᐅᓚᐅᖅᓯᒪᔪᓄᑦ ᐊᐃᐅᕐᓚᓐᒥ ᐃᑲᔪᖅᓯᖅᐸᓚᐅᖅᓯᒪᓂᖓᓄᑦ ᐊᐃᕆᔅ-ᖑᔪᓄᑦ ᐃᓄᖏᓐᓄᑦ.
ᐊᒃᓱᑦ, ᐊᖏᓗᐊᒐᓛᖑᑐᐃᓐᓇᕆᐊᓕᒃ ᓂᕆᐅᒋᔭᖃᕐᓂᕐᒧᑦ, ᕼᐃᓖ? ᐃᓄᐃᑦ ᒪᓕᒐᐅᖅᑰᔨᑎᑐᑦ ᖃᓄᐃᓕᐅᓗᐊᕌᓗᒍᓐᓇᙱᓚᑦ ᑕᐃᔅᓱᒪᓂᑐᖃᐅᓚᐅᖅᑐᒥ ᐅᖃᓕᒫᕐᓂᐅᔪᓂ ᒫᓐᓇᐅᓕᖅᑐᒥ, ᐊᒻᒪᓗ ᖃᐅᔨᒪᓂᖃᙱᓗᐊᕐᓂᖓᓄᑦ ᐱᓪᓚᕆᐅᔪᒥ ᓴᐃᓐᑦ ᐹᑐᕆᒃᒥ ᐱᔾᔪᑎᐅᙱᓗᐊᖅᐳᖅ ᐊᒡᕕᐊᕈᑕᐅᓂᖓᓂ ᖁᕕᐊᓲᑎᖃᑦᑎᐊᕐᓂᐅᔪᒧᑦ.
ᑕᐃᒪᑐᖅ, ᑕᒪᕐᒥᒐᓚᐃᑦ ᐃᓄᐃᑦ ᓇᓴᒥᓂᑦ ᑎᒃᑯᐊᓯᒐᓛᓚᐅᖅᐳᑦ ᐹᑎᒧᑦ ᓴᐃᓐᑦ ᐹᑐᕆᒃ ᐅᓪᓗᖓᓂ, ᐊᒻᒪᓗ, ᓄᓇᕗᒻᒥ ᓄᓇᓕᑦᑎᓐᓂ ᐃᒥᐊᓗᖃᕈᓐᓇᖅᑎᑕᐅᔪᓂ, ᐅᓄᐸᓗᒃᑐᓂ ᓂᐅᖁᙳᔪᖃᕐᔪᐊᓚᐅᖅᐳᖅ ᖄᖏᓚᐅᖅᑐᒥ ᓈᑦᑎᖑᔭᐅᓚᐅᖅᑐᒥ ᐅᓪᓛᖓᓂ ᐃᒥᐊᓗᓗᐊᒐᓚᖕᓂᐅᔪᒥ ᐊᐃᕆᔅᒥ ᐃᓕᖅᑯᓯᕆᔭᖓᓐᓄᑦ.
ᑭᓯᐊᓂ, ᑕᐃᒃᑯᓄᖓ ᐊᕐᕌᒍᑕᒫᒥ ᐊᑎᕙᒃᑐᓂ ᐆᔭᐅᔭᕐᒥ ᐊᒻᒪ ᖁᕕᐊᓲᑎᖃᖅᖢᑎᒃ ᐊᖏᓛᖓᓐᓂ ᓴᐃᓐᑦ ᐹᑐᕆᒃ ᐅᓪᓗᙳᑐᐊᕌᖓᑦ, ᐃᓱᒪᓂᑦᑎᐊᕚᓘᔪᓐᓇᖅᐳᖅ ᖃᔅᓯᐊᕐᔪᖕᓂ ᒥᓂᑦᓂ ᐅᖃᓕᒫᕐᓂᕐᒧᑦ ᖃᔅᓯᐊᕐᔪᖕᓂ ᑲᑎᙵᓂᐅᔪᓂ ᐊᖑᑕᐅᓚᐅᖅᑐᒥ ᖁᒻᒧᒃᑎᑦᑎᓂᕆᕙᒃᑕᕐᓄᑦ ᐱᐊᒥᑦ ᐊᕐᕌᒍᒐᓴᓄᑦ.
ᑕᐃᒪᓐᓇ ᖃᐅᔨᒪᓇᔭᖅᐳᑎᑦ ᓇᓗᓇᙱᑦᑎᐊᖅᑐᒥ, ᐊᖑᑦ ᖁᒻᒧᐊᖅᑎᑦᑎᓂᕆᕙᒃᑕᕐᓂᑦ ᐱᐊᕌᓗᖕᓂ ᐱᓂᖃᓪᓗᐊᑦᑎᐊᕐᓂᖓ ᐅᐱᒋᔭᐅᓂᐅᔪᒥᑦ.
ᐊᒻᒪᓗ, ᖁᕕᐊᓱᒍᑎᖃᕐᓂᐅᔪᒥ ᓵᓚᖃᖅᑕᐃᓕᒪᑎᑦᑎᓂᕐᒧᑦ ᐱᒻᒪᕆᐅᓂᖓᓂ ᐅᓪᓗᖓᓂ ᐅᒃᐱᖅᑐᓄᑦ: ᕿᓚᐅᑉ ᐹᖓᓃᓐᓂᐊᖅᐳᑎᑦᑐᑦ ᐃᑲᕐᕋᐅᑉ ᓯᕗᓂᐊᓂ ᓵᑖᓇᓯ ᖃᐅᔨᓚᐅᙱᓐᓂᖓᓂ ᑐᖁᖓᓕᕐᓂᕐᓂᑦ!
ᑭᖑᕙᕋᓗᐊᕐᓗᖓ ᖁᕕᐊᓱᒋᑦᑎ ᓴᐃᓐᑦ ᐹᑐᕆᒃ ᐅᓪᓗᖓᓐᓂ ᑕᒪᒃᑭᓄᑦ.