ᐊᓇᐅᓕᒑᒃᑎᓂᒃ ᖁᕕᐊᒋᔭᖃᖅᑐᑦ ᑭᕙᓪᓕᕐᒥ ᑕᐅᑐᒃᑎᑕᐅᓚᐅᖅᐳᑦ ᓯᓚᕐᔪᐊᒥ ᐊᓇᐅᓕᒑᕐᔪᐊᖅᑐᓂᒃ World Series ᐱᓐᖑᐊᖃᑎᒌᒃᑎᓪᓗᒋᑦ L.A. Dodgers ᐊᒻᒪ ᑖᒃᑯᐊ Houston Astros, ᐱᐊᓂᓚᐅᖅᖢᑎᒃ ᓄᕕᐱᕆ 1−ᖑᑎᓪᓗᒍ.
ᓇᓚᐅᑦᓵᖅᐳᖓ, ᑕᒡᕙᓂ ᐱᕙᓪᓕᐊᔪᓂ ᐊᒃᑐᐱᕆ 4−ᓂ ᑎᑎᕋᓚᐅᕋᒪ ᑖᒃᑯᐊ Dodgers (National) ᐊᒻᒪ Astros (American) ᐊᓇᐅᓕᒑᕐᔪᐊᕐᓂᐊᕐᓂᖏᓐᓄᑦ ᓯᓚᕐᔪᐊᒥ ᐊᓇᐅᓕᒑᕐᔪᐊᖅᑎᓪᓗᒋᑦ. ᐊᐃᑦᑖᖑᒐᓗᐊᖅᐳᖅ, 6−ᖓᓂ ᐱᓐᖑᐊᓕᖅᐸᑕ ᑖᔾᔪᒃᑯᑦ ᓵᓚᒃᓴᕐᓂᐊᕐᓂᕋᓚᐅᖅᖢᒋᑦ.
ᖃᓂᑦᑐᒻᒪᕆᐅᓚᐅᖅᐳᖓ ᓇᓚᐅᑲᓴᒃᖢᖓ.
ᑕᐃᒪᓐᓇ, ᓇᓚᐅᓚᐅᖏᑦᖢᖓ ᑖᔾᔪᒃᑯᓐᓂᒃ ᓂᕈᐊᖅᖢᖓ ᓵᓚᒃᓴᕐᓂᐊᕐᓂᖏᓐᓄᑦ, ᑕᐃᒪ ᓚᑭᐅᔪᒃᓴᐅᕗᖅ ᑖᒃᑯᓄᖓ ᑐᕌᓐᑐᒃᑯᓐᓄᑦ Toronto Blue Jays.
ᑕᐃᒪ ᑖᓐᓇ ᐊᖅᓴᒥᒃ ᐃᒋᑦᓯᔨ Yu Darvish ᓯᓚᕐᔪᐊᒥ ᐱᓐᖑᐊᕐᔪᐊᖃᑕᐅᓐᓂᖅᐸᑦ, ᑖᔾᔪᒃᑯᑦ ᓵᓚᒃᓴᖅᓯᒪᓕᕋᔭᖅᐳᑦ.
Darvish ᐊᖅᓴᒥᒃ ᐃᒋᑦᓯᑦᓯᐊᖃᑦᑕᓚᐅᖅᐳᖅ ᑖᔾᔪᒃᑯᓐᓄᑦ ᑭᐴᑎᖃᑦᑕᐅᑎᒍᑕᐅᓚᐅᖅᖢᓂ ᐃᓱᓕᕕᖃᖅᖢᑎᒃ ᑭᒎᑎᒍᓐᓇᕐᓂᖏᑦ, ᑭᓯᐊᓂ ᐱᒋᐊᖅᓯᒪᓕᖅᖢᓂ ᒪᕐᕈᖕᓂᒃ ᐱᓐᖑᐊᕐᔪᐊᕐᓇᒥ.
ᐊᖏᕐᕋᐅᑎᑦᓯᓚᐅᖅᐳᖅ ᓯᑕᒪᓂᒃ 1.2 ᑐᐃᓐᓇᐅᑎᓪᓗᒍ ᓱᓕ ᐊᓇᐅᓕᒑᖅᑐᑦ ᐱᖑᐊᖅᑎᓪᓗᒋᑦ ᐱᖓᔪᖓᓂ ᑕᐃᒪᓐᓇᑦᓴᐃᓐᓇᖅ ᐱᓚᐅᖅᖢᓂ ᐱᓐᖑᐊᖅᑎᓪᓗᒋᑦ 7−ᒋᔭᖓᓂ.
Darvish ᑕᐃᒪ ᓂᕈᐊᒐᒃᓴᐅᓕᖅᐳᑦ ᑭᓇᒥᐊᒧᑦ ᐱᒍᒪᔭᐅᒃᐸᑦ ᐃᓚᖓᒍᑦ ᐱᑦᓯᐊᓚᐅᖏᑦᑐᐃᓐᓇᖅᐳᖅ.
ᑕᐃᒪ ᖃᐅᔨᒪᕗᒍᑦ ᐊᑭᑐᔪᒻᒪᕆᐅᓂᐊᕐᒪᑦ ᐱᔭᐅᒍᒪᒃᐸᑦ, ᑭᓯᐊᓂ ᓯᓚᕐᔪᐊᒥ ᐱᓐᖑᐊᕐᔪᐊᖅᑐᑦ ᐊᓇᐅᓕᒑᕐᔪᐊᖅᑐᑦ ᐱᑦᓯᐊᖏᑉᐸᑕ ᕿᑐᖏᐅᕈᑎᑦ ᒥᒃᖠᕙᓪᓕᐊᓂᐊᖅᐳᑦ ᐱᓐᖑᐊᖅᑎᓄᑦ ᑕᐃᒪᓐᓇ ᐊᑭᕋᖃᖅᐸᑕ ᐊᔪᖏᑦᓯᐊᖅᑐᓂᒃ ᓵᓚᒃᓴᑐᐃᓐᓇᕆᐊᖃᖅᑐᓂᒃ.
ᐅᖃᓪᓚᓚᐅᖅᑎᓪᓗᒍ ᐱᓐᖑᐊᕌᓂᒃᓯᒪᓕᖅᑎᓪᓗᒋᑦ, Darvish ᐱᓐᖑᐊᕆᐊᓪᓚᒋᐊᕈᒪᕗᖅ ᓱᖁᑎᒃᓴᖏᓪᓗᓂ ᐱᓐᖑᐊᖅᑎᓂᒃ, ᑮᓇᐅᔭᖅᑖᖅᑎᑕᐅᓂᐊᕐᓂᕋᖅᑕᐅᒐᓗᐊᕈᓂ ᐊᒥᓱᓂᒃ.
ᑕᐃᒪᓐᓇ ᑕᒡᕙ Jaysᑯᑦ ᐱᓇᓱᒋᐊᖃᓕᖅᐳᑦ Darvish−ᒥᒃ.
ᑖᒃᑯᐊ Jays ᕿᓂᓚᐅᕐᒪᑕ ᑕᓪᓕᒪᒋᔭᐅᓂᐊᖅᑐᒥᒃ ᐋᖅᑭᒃᓱᐃᖁᔨᑉᓗᑎᒃ ᐃᒋᑦᓯᖃᖅᑕᖅᑐᓂᒃ, ᑭᓯᐊᓂ Darvish ᖃᓄᐃᓕᖓᓂᖓᓂ ᑐᕌᓐᑐᒥᐅᑦ ᐋᖅᑭᒃᓱᐃᒋᐊᖃᑐᐃᓐᓇᕆᐊᖃᖅᐳᑦ ᐸᕐᓇᐅᑎᒋᓯᒪᔭᒥᖕᓂᒃ ᔭᐸᓂᓯᒥᐅᒥᒃ ᐱᖔᕐᓗᑎᒃ ᑐᖏᓕᐊᓂ ᐱᖓᔪᖓᓂᓗ ᐱᒋᐊᖅᑎᑕᐅᓂᐊᕐᓗᓂ.
ᑕᒪᒃᑯᐊ ᐊᓇᐅᓕᒑᖅᑎᓂ ᐃᒋᑦᓯᔨᑦ ᐊᒥᓱᑦ ᓴᐱᓕᓚᐅᕐᒪᑕ ᑕᐃᒪᓐᓇ ᓯᓚᕐᔪᐊᒥ ᐱᓐᖑᐊᖅᓯᒪᓕᖅᖢᑎᒃ ᓴᐱᓕᖅᓯᒪᕗᑦ − ᐱᖃᑕᐅᑉᓗᓂ Mitch Williams, ᓵᓚᐅᓚᐅᖅᑐᖅ ᐱᓐᖑᐊᓕᖅᑎᓪᓗᒋᑦ ᓯᑕᒪᖓᓂ 1993−ᒥ ᓯᓚᕐᔪᐊᒥ ᐱᓐᖑᐊᖅᑎᓪᓗᖏᑦ ᐱᓐᖑᐊᖃᑎᖃᖅᖢᑎᒃ Jaysᑯᓐᓂᒃ ᐊᒻᒪ ᐅᓪᓚᒃᑎᑦᓯᑉᓗᑎᒃ ᐊᖏᕐᕋᒧᑦ Joe Carterᒥᒃ ᐱᓐᖑᐊᓕᖅᑎᓪᓗᒋᑦ 6-ᖓᓂ ᑐᕌᓂᓐ ᓵᓚᒃᓴᓚᐅᖅᖢᑎᒃ.
ᑕᐃᒪᓐᓇ ᐊᑐᑐᐃᓐᓇᕆᐊᖃᖅᖢᓂ Darvish, ᐊᔪᖏᓐᓂᖅᓴᐅᓯᒪᑉᓗᓂ Williamsᒥᑦ ᐊᒻᒪ ᓴᐱᓕᑲᐅᑎᒋᒍᓐᓇᖏᓐᓂᖅᓴᐅᑉᓗᓂᓗ.
ᑕᐃᒪᓐᓇᐃᓕᖓᐃᓐᓇᕐᓂᐊᖅᐸᑦ ᐊᑎᓕᐅᖃᑎᖃᓚᐅᖏᓐᓂᐊᓂ, ᑖᒃᑯᐊ Jaysᑯᓐᓄᐊᕈᓂ ᐱᐅᓂᖅᓴᐅᓂᐊᖅᐳᖅ. ᐊᒻᒪ ᐊᔪᖏᑦᓯᐊᕐᒪᑦ ᑖᓐᓇ Darvish.
ᑕᐃᒪᓐᓇ ᐊᓇᐅᓕᒑᖅᑎᐅᖃᑕᐅᓯᒪᓕᖅᐳᖅ, Darvish, ᐅᑭᐅᓕᒃ 31ᓂᒃ, ᓵᓚᒃᓴᖃᑕᐅᓯᒪᑉᓗᓂ−ᓵᓚᐅᓯᒪᑉᓗᓂᓗ 3.42. ᐊᓇᐅᓯᖏᑎᑦᓯᓯᒪᑉᓗᓂ 1,021 ᑕᒡᕙᓂ 832 ᐱᓐᖑᐊᕐᓂᐅᔪᓂ ᐃᒋᑦᓯᑉᓗᓂ.
ᑕᓐᓇ Darvish ᐊᑎᓕᐅᖃᑎᖃᕐᓂᖅᐸᑦ Jaysᑯᓐᓂᒃ, ᑕᐃᒪᓐᓇ ᓵᓚᒃᓴᑐᐃᓐᓇᕆᐊᖃᕐᓂᐊᖅᖢᑎᒃ ᐊᒻᒪ ᐱᑦᓯᐊᕈᓂ, ᐅᑎᑐᐃᓐᓇᕆᐊᖃᖅᐳᑦ ᓯᓚᕐᔪᐊᒥ ᐊᓇᐅᓕᒑᕐᔪᐊᓕᖅᐸᑕ.
ᖃᓄᑐᐃᓐᓇᖅ ᐊᔾᔨᒌᖏᑦᑐᓂᒃ ᐱᔾᔪᑎᖃᖅᖢᑎᒃ ᑕᒪᒃᑯᐊ ᓂᐅᕕᖅᑕᐅᔪᓐᓇᖅᑐᑦ ᐊᑎᓕᐅᓕᖅᐸᒃᐳᑦ ᐱᓐᖑᐊᕐᕕᒋᒍᒪᔭᒥᖕᓂ ᑕᐃᒪ ᒫᓐᓇᐅᓂᖓᓂ Darvish ᐊᒻᒪ Jays ᐱᖃᑎᒌᑦᓯᐊᕈᓐᓇᕐᒪᑕ.
ᑕᐃᒪᑐᖅ ᑕᒪᕐᒥᒃ ᑕᐃᒪᓐᓇ ᐃᓱᒪᓂᐊᖅᐳᑦ.
ᑕᐃᒪᓐᓇᐃᑉᐸᑦ, ᐊᒃᑐᐱᕆ ᐊᓇᐅᓕᒐᕐᓂᖅ ᑐᕌᓐᑐᒥᐅᓄᑦ ᓵᓚᒋᔭᐅᑐᐃᓐᓇᕆᐊᖃᖅᐳᖅ 2018-ᒥ.