Skip to content

Eskimos ᐊᑦᓯᖅᑕᐅᓯᒪᕗᑦ ᐃᓄᖕᓂᑦ ᓴᕆᒪᓱᒍᑎᖃᖅᖢᑎᒃ ᐊᑭᕋᖅᑐᖏᑦᖢᑎᒃ

ᑕᐃᒪ ᐆᒃᑐᑎᑦᓯᐊᕙᖃᖅᐳᒍᑦ ᐊᔾᔨᒌᖏᓐᓂᖏᓐᓂᒃ ᐃᓄᖕᓄᑦ ᐱᒻᒪᕆᐅᑎᑕᐅᔪᑦ, ᑖᒃᑯᐊᖑᓕᖅᖢᑎᒃ ᐊᑦᓯᖅᑕᐅᓯᒪᓂᖏᑦ ᐃᑦᒪᓐᑕᒥ ᑲᓇᑕᒥ ᕗᑦᐹᒃᑎᑦ ᐊᑎᖃᕐᒪᑕ, Eskimos.

Kivalliq News Editor Darrell Greer

ᑕᒪᒃᑯᐊ ᐱᒍᒪᔭᒥᖕᓂᒃ ᐱᒍᒪᔪᑦ ᐊᒃᓱᕈᕐᒪᕆᒃᖢᑎᒃ ᐊᓯᔾᔩᒍᒪᔪᑦ, ᑭᓯᐊᓂ ᐊᒥᓲᓂᖅᓴᐃᑦ ᑭᕙᓪᓕᕐᒥᐅᑕᐃᑦ ᐃᓄᐃᑦ ᐃᓱᒪᖃᑦᑕᕐᒪᑕ, ᑕᒪᒃᑯᐊ ᓄᓇᕗᒥᐅᑕᐅᖏᑦᑐᑦ ᐱᒻᒪᕆᐅᓂᖅᓴᓂᒃ ᐱᓕᕆᐊᖃᕆᐊᖔᓚᐅᕐᓕᑦ.

ᐃᒪᓐᓇ, ᓲᕐᓗ ᓄᓇᕗᒥ ᐃᒡᓗᑭᒃᓴᕐᓂᕐᒥᒃ, ᓂᕿᖃᑦᓯᐊᖏᓐᓂᕐᒥᒃ, ᐋᓐᓂᐊᖃᕐᓇᖏᑦᑐᓕᕆᔨᑦ ᐃᓕᓐᓂᐊᖅᑐᓕᕆᓂᕐᓗ, ᐱᕋᔭᖕᓂᕐᒃ, ᐃᓅᓯᕐᒥᖕᓂᒃ ᑭᐱᓯᖃᑦᑕᕐᓂᖅ, ᐱᓕᕆᐊᒃᓴᖃᖏᓐᓂᕐᓗ, ᐃᓐᓇᑐᖃᖃᕐᕕᖃᖏᑦᖢᑕᓗ, ᐊᑭᑐᔪᒻᒪᕆᐅᑉᓗᑎᒡᓗ ᐃᓅᓇᓱᐊᕈᑎᑦ, ᐃᖏᕐᕋᔭᒍᑎᑦ ᐊᒻᒪ ... ᑕᐃᒪ, ᖃᐅᔨᒪᕗᑎᑦ ᖃᓄᐃᓕᐅᕐᒪᖔᕐᒪ.

ᑕᒪᒃᑯᐊ ᐃᓱᒪᒋᓗᒋᑦ ᓄᓇᓕᖕᓂᒥᐅᑦ − ᑎᑎᕋᖃᑦᑕᖅᑐᑦ Fackbook-ᑯᑦ ᐊᓯᐊᒍᓪᓗ ᐊᐱᖅᓱᕈᑎᖃᖃᑦᑕᖅᑐᑦ ᖃᕆᑕᐅᔭᒃᑯᓪᓗ ᑎᑎᕋᖃᑦᑕᐅᑎᒍᑎᒃᑯᑦ − ᐊᒥᓲᓂᖅᓴᐃᑦ ᐃᓄᐃᑦ ᖃᓄᐃᒃᓴᖏᒻᒪᑕ ᐃᑦᒪᓐᑕᓐ ᕗᑦᐹᒃᑎᖏᓐᓂᒃ ᐊᓂᒍᖅᑕᐅᖁᑉᓗᒍᓗ ᑕᒪᓐᓇ.

ᑕᐃᑲᓃᓚᐅᖏᓐᓇᒪ ᐊᑦᓯᖅᑕᐅᑎᓪᓗᒋᑦ Eskimoᒥᒃ ᑖᒃᑯᓄᖓ ᐱᓐᖑᐊᖅᑎᓄᑦ ᕗᑦᐹᒃᑎᓄᑦ, ᑕᐃᒪᓐᓇ ᐃᓱᒪᓚᐅᖅᑐᒃᓴᐅᑉᓗᑎᒃ ᐃᓄᐃᑦ ᓴᓐᖏᓂᖏᓐᓂᒃ ᑎᒥᒃᑯᑦ, ᓯᑎᑉᓗᑎᒡᓗ, ᐊᔪᖏᑦᓯᐊᖅᖢᑎᒡᓗ ᐱᓇᓱᐊᕈᒪᔭᒥᖕᓂᒃ ᖃᓄᑐᐃᓐᓇᖅ ᓱᓇᑐᐃᓐᓇᕐᓄᓪᓗ ᓱᖏᐅᑎᑲᐅᑎᒋᔪᓐᓇᖅᖢᑎᒃ ᖃᓄᑐᐃᓐᓇᖅ ᐱᒍᒪᒃᑲᐅᑉᓗᑎᒃ ᐊᒃᓱᕈᒃᑲᐅᑉᓗᑎᒃ ᐊᓐᓇᐅᒪᓇᓱᐊᒃᑲᐅᑉᓗᑎᒡᓗ ᑲᔪᓯᑦᓯᐊᕈᒪᒃᑲᐅᑉᓗᑎᒡᓗ.

ᖃᑉᓗᓈᒧᑦ ᐃᑦᒪᓐᑕᒥᐅᑕᒧᑦ ᑕᐃᒪᓐᓇ ᐅᓂᒃᑳᕆᔭᐅᓯᒪᑎᓪᓗᒍ ᐊᒻᒪ ᓴᕆᒪᒋᔭᐅᑉᓗᓂ ᐃᓄᖕᓄᑦ ᐊᑭᕋᖅᑐᕈᑎᒋᑉᓗᒍ ᐊᑦᓯᓚᐅᖏᑕᒃᓴᕆᖕᒪᒍ.

ᓲᖃᐃᒻᒪ, ᐊᒥᓱᑦ ᐅᖃᕋᔭᖅᐳᑦ ᑕᐃᒪᓐᓇᐅᖏᑦᑐᖅ ᐅᖃᕋᓱᐊᖅᑐᖓ − ᐱᔮᕆᔫᔮᖏᒃᑲᓗᐊᖅᑐᒃᑯᑦ ᐊᑭᕋᖅᑐᕐᓂᖅ ᐊᑐᖅᑕᐅᔪᓐᓇᕐᒪᑦ, ᐊᑭᕋᖅᑐᖏᑦᑑᔮᕋᓗᐊᕐᓗᓂ, ᑕᐃᒪᓐᓇ ᐃᓕᖁᓯᖃᖅᓯᒪᓂᖏᓐᓄᑦ ᐃᓱᒪᒋᔭᐅᖏᓐᓇᕐᓗᑎᒃ, ᐱᐅᖏᓐᓂᖏᓐᓄᑦ ᐊᒻᒪ ᑭᒡᒐᖅᑐᐃᓂᖏᓐᓄᑦ ᑕᐃᒪᓐᓇᐃᑦᑐᓂᒃ.

ᑭᓯᐊᓂ ᑕᖅᑭᐅᓯᒪᓕᖅᑐᓂ ᐃᓅᓯᖅᐳᑦ ᐅᑉᓗᒥᐅᓕᖅᑐᖅ ᐃᖢᐊᖏᔾᔪᑎᖃᖅᓯᒪᓕᕐᒪᑕ ᑕᒪᒃᑯᓂᖓ Corn Pops ᐅᑉᓛᕈᒥᑕᒃᓴᓂᒃ, ᐊᖓᔮᕐᓇᖅᑐᓂᒃ ᓱᐴᖅᑐᒐᕐᓗᖕᓂᒃ ᐊᒻᒪ ᑕᐃᒪᐅᓕᕆᑉᓗᑎᒃ Edmonton Eskimos ᐱᐅᓯᑎᑦᓯᓇᓱᐊᖅᖢᑎᒃ ᓯᓚᕐᔪᐊᒥ ᐃᓅᓯᖃᑦᓯᐊᖁᑉᓗᒋᑦ ᑭᑐᑐᐃᓐᓇᐃᑦ.

ᐃᒻᒪᖄ ᐅᑭᐅᖁᖅᑐᓗᐊᓕᖅᐳᖓ, ᑭᓯᐊᓂ ᑕᒪᒃᑯᐊ ᐃᓄᐃᑦ ᖃᐅᔨᒪᔪᒃᓴᐅᖏᓕᕐᒪᑕ ᖃᓄᖅ ᑕᐃᑉᓱᒪᓂᑐᖃᖅ “ᐊᑭᕋᖅᑐᖅᐸᓚᐅᕐᓂᖏᓐᓄᑦ' ᓴᓂᓕᒥᐅᑕᕆᔭᐅᔪᑦ ᑕᐃᒪᓐᓇ ᐊᐅᓚᖁᑎᖓᑦ ᐊᔾᔨᒋᔭᐅᖏᑉᐸᓪᓗ. ᑕᒪᓐᓇ ᒥᑕᐅᑎᒋᑉᓗᒍ, ᑭᓯᐊᓂ ᑐᑭᓯᔪᒃᓴᐅᕗᓯ.

ᑕᒪᕐᒥᒃ ᐃᖃᐃᓕᓴᐅᑎᓂᒃ ᐱᓐᖑᐊᖃᖅᐸᒃᑐᑦ ᓴᕆᒪᓱᖁᔭᐅᕙᒃᐳᑦ ᓇᓗᓇᐃᒃᑯᑕᒥᓂᒃ ᐅᕕᓂᕈᖓᑕ ᓵᖓᓃᑦᑐᒥᒃ ᐅᔾᔨᖅᑐᖅᑎᑦᓯᓂᖅᓴᐅᓗᑎᒃ ᐊᑎᖓ ᑐᓄᐊᓃᑦᑐᖅ ᓱᖁᑎᒋᔭᐅᖏᓐᓂᖅᓴᐅᓗᓂ. ᑕᐃᒪᓐᓇ ᐱᐅᕗᖅ ᐅᖃᐅᓯᖅ.

ᑕᐃᒪᓐᓇᐃᓚᐅᖅᐸ ᑭᕕᐊᖅ − ᓯᕗᓪᓕᖅᐸᐅᑉᓗᓂ ᐃᓄᒃ ᒪᓕᒐᑎᒍᑦ ᐃᑲᔪᖅᑎᖑᖅᓯᒪᔪᖅ ᓵᓚᒃᓴᐅᑎᖃᓚᐅᖅᓯᒪᑉᓗᓂᓗ Vanier Award−ᒥᒃ ᐃᓕᑕᕆᔭᐅᒍᓯᐊᒥᒃ ᑲᓇᑕᒥ ᑕᓪᓕᒪᒋᔭᐅᑉᓗᓂ ᐃᓅᓱᒃᑐᓂ − ᐊᑭᕋᖅᑐᕋᓱᐊᓚᐅᖅᓯᒪᕚ ᐊᑎᑉᓗᓂ ᑖᒃᑯᓂᖓ ᐊᓐᓄᕌᖏᓐᓂᒃ Edmonton Eskimos ᑕᐃᑉᓱᒪᓂ ᐱᓐᖑᐊᖅᑎᐅᖃᑕᐅᓕᖅᖢᓂ 1955−ᒥ?

ᐊᐱᕆᑉᓗᒍ ᑲᖏᖅᖠᓂᕐᒧᐊᖅᓯᒪᑎᓪᓗᒍ ᑕᐃᑉᓱᒪᓂᖃᖅ, ᐃᖅᑲᐅᒪᑦᓯᐊᖅᖢᖓ ᐅᖃᓚᐅᖅᓯᒪᖕᒪᑦ ᐊᑭᕋᖅᑐᕋᓱᒋᖏᓪᓗᓂᐅᒃ ᐊᑎᖏᑦ ᐃᓄᖕᓂᒃ. ᑕᐃᒪᓘᓐᓃᑦ, ᐅᖃᓚᐅᖅᐳᖅ ᓴᕆᒪᓱᑦᓯᐊᓚᐅᕋᒥ, ᒫᓐᓇᓵᖑᓂᖅᓴᐅᓚᐅᖅᑐᒥᓗ ᐅᖃᐅᓯᕆᒃᑲᓐᓂᓚᐅᖅᖢᓂᐅᒃ ᐱᕙᓪᓕᐊᔪᑎᒍᑦ.

ᓴᕆᒪᓱᑦᓯᐊᓚᐅᖅᖢᓂ ᐆᒻᒪᑎᖓ ᖁᕕᐊᓱᖏᓕᓚᐅᖅᐳᖅ ᐋᓐᓂᓚᐅᖅᓯᒪᖕᒪᑦ ᐱᓐᖑᐊᖃᑕᐅᑎᓪᓗᒍ ᕗᑦᐹᖃᑕᐅᖃᑦᑕᖏᓕᖅᖢᓂᓗ.

ᑲᖏᖅᖠᓂᕐᒥᐅᑕᐅᓯᒪᓕᖅᖢᖓ ᐅᑭᐅᑲᓴᐅᓕᖅᑐᓄᑦ ᐊᕙᑎᓄᑦ ᐊᒻᒪ ᖁᕕᐊᒋᑉᓗᒍᓗ ᓄᓇᒋᒋᐊᒃᓴᖅ ᐃᓄᑦᓯᐊᖃᖅᖢᓂᓗ, ᐅᒃᐱᕈᓱᒃᐳᖓ ᑖᒃᑯᐊ ᐊᑎᖓᑦ Edmonton Eskimos ᐃᓱᒫᓗᒍᑎᒋᒋᐊᖃᖏᑉᐸᕗᑦ, ᑭᓯᐊᓂ, ᓱᖃᐃᒻᒪ Grey Cupᒥᒃ ᐱᓐᖑᐊᕐᔪᐊᕈᑎᖃᓕᕌᖓᑕ ᖁᕕᐊᒋᔭᒡᓗᒋᑦ.