ᖃᑦᓰᑕᕐᓗᖓ ᓄᓕᐊᕋ ᐃᖅᑲᐃᑎᖃᑦᑕᖅᐸᕋ ᖃᓄᑐᐃᓐᓇᖅ ᐃᖢᐃᓪᓕᐅᓕᕐᓇᖅᑐᓂᒃ ᑐᓴᓚᐅᕐᓗᓂ ᐃᓱᒪᖃᓗᐊᖅᑕᐅᓕᒋᐊᖃᕐᓂᕐᒧᑦ ᐅᖃᓪᓚᒡᕕᐅᖃᑦᑕᖁᓪᓗᒍ ᐱᐅᖏᑦᑐᒥᒃ ᐋᓐᓂᕐᓇᖅᑐᒥᒃ ᑐᓴᕐᕕᒋᓚᐅᖅᑕᒥᓂᑦ ᐊᑐᖅᑕᐅᓕᖁᓪᓗᒍ. ᖁᓕᓂᑦ 9-ᖏᖅᑕᖅᖢᓂ, ᐱᒍᒪᖃᑦᑕᖅᐳᒍᑦ "ᐃᓕᓐᓂᐊᖅᓯᒪᔪᒧᑦ" ᑕᐃᒪᓐᓇ ᐃᑲᔪᖅᑕᐅᒍᑎᒋᖃᑦᑕᕈᒪᓪᓗᒍ, ᑕᒪᒃᑯᐊ ᐸᐃᑉᐹᖁᑎᖃᖅᑐᑦ ᐃᑲᔪᕐᓂᕐᒧᑦ ᑕᐃᒪᓐᓇ ᓂᕕᖓᓪᓗᑎᒃ ᑕᑯᒃᓴᐅᓪᓗᓂ ᐱᓕᕆᕕᖓᑕ ᐃᓗᐊᓂ ᖃᓄᐃᖏᒻᒪᑦ ᑲᒪᑦᓯᐊᕐᓗᓂ ᐃᓱᒪᒃᓴᖅᓯᐅᑦᓯᐊᕐᓗᓂᓗ ᐱᓕᕆᐊᖃᕈᓐᓇᕋᑦᑕ ᑕᐃᒪᓐᓇ. ᑕᐃᒪ ᐅᓂᒃᑳᕈᑎᒋᑦᓯᐊᕋᓱᖕᓂᐊᖅᐸᕋ.
ᑕᒪᓐᓇ ᑐᑭᖃᖅᖢᓂ 'ᐱᐅᖏᑦᑐᒥᒃ ᐋᓐᓂᕐᓇᖅᑐᒥᒃ' ᐊᑐᕐᓂᖅ ᑐᑭᖃᖅᖢᓂ ᐃᒪᓐᓇ ᐃᖢᐃᓪᓕᐅᕈᑕᐅᔪᑦ ᐃᓕᖕᓄᑦ ᑐᓂᔭᐅᓂᖅ ᐃᑲᔪᕋᓱᐊᖅᑕᕐᓂᑦ. ᑕᐃᒪᓐᓇ ᐱᓕᕆᓗᐊᒧᑦ ᐃᑲᔪᕈᒪᓗᐊᒧᑦ ᑐᓴᕈᒪᓪᓗᑕ ᐅᓂᒃᑳᕆᔭᐅᔪᓂᒃ ᖃᓄᐃᓕᐅᓚᐅᕐᓂᖏᑦ ᑕᐃᒪᓐᓇ ᐃᖕᒥᓂᒃ ᐃᒃᐱᒋᓕᖅᐸᒃᑲᑦᑕ ᑕᐃᒪᓐᓇ ᐃᒃᐱᒋᓪᓚᕆᓕᖅᖢᒋᑦ ᐃᑲᔪᕋᓱᐊᖅᑕᕕᑦ ᐊᑐᓚᐅᖅᑕᖏᑦ, ᐃᓚᖏᓪᓗ ᐊᒃᓱᐊᓗᒃ ᐊᒃᓱᕈᕐᓇᓕᕈᓐᓇᖅᖢᑎᒃ ᐃᑲᔪᖅᐸᒃᑐᑦ ᐃᓱᐃᓪᓕᐅᕈᑎᖃᖅᑐᒥᒃ.
ᑕᐃᒪᓐᓇᐃᖏᓐᓇᓱᒋᒐᓗᐊᖅᖢᓂ ᐅᖃᓪᓚᖃᑎᖃᖅᖢᓂ ᐃᖢᐃᓪᓕᐅᕈᑎᖃᖅᑐᒥᒃ ᑕᐃᒪᓐᓇ ᐃᑎᕈᓐᓇᕐᒪᑦ ᐃᓱᒪᖕᓄᑦ ᐃᒃᐱᒋᐅᑎᖕᓄᓪᓗ ᑕᐃᑲᓃᖏᓐᓇᕐᓗᓂᓗ ᑭᓯᐊᓂ ᐃᖢᐃᓪᓕᕈᑎᖃᖅᑎᑦᓯᓕᕐᓗᓂ ᐃᓕᖕᓂᒃ. ᐅᖃᐅᑎᔭᐅᒐᔪᒃᐳᒍᑦ ᑕᐃᒪ ᐃᓛᓐᓂᒃᑯᑦ ᐊᓂᑎᓪᓗᒍ, ᐅᖃᐅᓯᕆᓗᒍ ᐊᓂᓂᐊᕐᒪᑦ, ᑭᓯᐊᓂ ᖃᓄᐃᖏᓐᓇᓱᒋᓪᓗᓂ ᑲᖑᓱᒃᖢᓂᓗ ᐊᓂᑎᑦᓯᑦᑕᐃᓕᑐᐃᓐᓇᓕᖅᖢᓂ ᐃᓗᒥᐅᑕᕆᖏᓐᓇᓕᖅᖢᓂᐅᒃ.
ᑕᐃᒪᓐᓇ ᐊᖏᒡᓕᕙᓪᓕᐊᑐᐃᓐᓇᖅᐸᑦ, ᖃᓄᖅ ᐅᖃᖅᑐᖃᕌᖓᑦ ᓂᖓᒃᑐᖃᕋᔭᖅᐳᖅ ᖃᓄᐃᓕᔪᖃᑐᐃᓐᓇᕆᐊᖃᖅᖢᓂᓗ ᐱᒻᒪᕆᐅᔪᒥᒃ ᐃᖢᐊᖏᑦᑐᒥᒃ.
ᐅᖃᓕᒫᖅᓯᒪᕗᓯ ᐱᕙᓪᓕᐊᔪᓂ ᑎᑎᕋᖅᓯᒪᔭᓐᓂᒃ ᐅᖃᐅᓯᑦ ᐅᑎᖅᑎᑕᐅᔪᓐᓇᖏᒻᒪᑕ.
ᐅᖃᐅᓯᕆᓗᒍ ᑕᐃᒪᓕ ᐱᐊᓂᒃᐳᖅ.
ᐊᑲᐅᒋᓛᕋ ᖁᕕᐊᒋᓛᕆᓪᓗᒍᓗ ᑕᐃᒪᓐᓇ ᐃᓱᒪᒐ ᐋᖅᑭᒐᓱᐊᖃᑦᑕᖅᐸᕋ ᐃᒡᓗᐊᓛᑦᑎᓐᓄᑦ ᐊᐅᓪᓛᖅᖢᖓ ᐊᒻᒪ ᓯᓂᒃᑕᕆᐊᖅᐸᒃᐳᖓ ᐊᑕᐅᓯᖅ ᒪᕐᕉᒡᓘᓐᓃᑦ ᐅᓐᓄᒃᑯᑦ ᑕᐃᑲᓂ ᖃᓱᔭᖅᑐᖃᑦᑕᖅᐳᖓ. ᓂᐱᖃᖏᓗᐊᒧᑦ ᑐᓴᖅᓴᐅᖃᑦᑕᒻᒪᕆᒃᐳᑦ ᑎᒡᓕᖅᑖᕐᓂᖓ ᐆᒻᒪᑎᒪ, ᐊᒃᓱᕈᕐᓇᖅᑐᖃᑲᐅᑎᒋᓇᓂᓗ, ᐅᖄᓚᐅᑎᖃᕋᓂᓗ ᑕᓚᕕᓴᖃᕋᓂᓗ ᐊᑲᐅᖏᓕᐅᕈᓐᓇᖅᑐᓂᒃ. ᓂᕆᓚᖅᖢᖓ ᖃᐅᔨᓴᓚᐅᖅᖢᒍᓗ ᓯᓚᑎᖓ, ᐃᒃᓯᕚᑐᐃᓐᓇᖅᐸᒃᐳᒍᑦ ᐅᖃᓪᓗᕆᒃᓴᖅᖢᑕᓗ ᐱᓇᓱᐊᕈᓯᐅᓚᐅᖅᑐᒥᒃ ᖃᓄᐃᓕᐅᕈᑕᐅᓚᐅᖅᑐᓂᒃ ᖃᓄᕐᓗ ᐃᒃᐱᒋᓚᐅᕐᓂᑦᑎᓐᓂᒃ. ᑕᐃᒪᓐᓇᐃᓕᐅᖃᑦᑕᖅᐳᒍᑦ ᐃᓗᒥᐅᑕᖃᕈᒪᖏᑦᖢᑕ ᐊᖏᒡᓕᕙᓪᓕᐊᑦᑕᐃᓕᒪᖁᓪᓗᒍᓗ ᐃᓱᒪᒋᔭᖅᐳᑦ, ᓴᒃᑯᐃᓇᓱᐊᖅᖢᑕ ᐃᓄᖕᓂᒃ ᐃᑲᔪᓚᐅᕐᓂᑦᑎᓐᓄᑦ ᐃᓅᓯᓕᕆᓪᓗᒋᑦ.
ᐃᓱᒪᒃᑯᑦ, ᐃᓄᐃᑦ ᓴᓐᖏᔪᒻᒪᕆᐅᖕᒪᑕ ᐃᖕᒥᓂᒡᓗ ᖃᓄᐃᓐᓂᕐᒥᖕᓄᑦ ᖃᐅᔨᒪᓪᓗᑎᒃ ᑭᓯᐊᓂ ᑕᒪᑦᑕᓗᒃᑖᖅ ᑕᐃᒪᓐᓇᐃᓕᐅᕈᓐᓇᖏᓐᓇᑦᑕ ᓴᒃᑯᐃᑲᐅᑎᒋᔪᓐᓇᖏᓐᓇᑦᑕ.
ᐊᖑᑎᑦ ᓴᓐᖏᓇᓱᐊᖅᐸᒃᐳᑦ ᖃᓄᐃᓐᓂᖏᓐᓂᕋᖅᖢᑎᒡᓗ ᐃᒃᐱᒍᓱᖏᓐᓂᕋᖅᖢᑎᒡᓗ, ᑭᓯᐊᓂ ᐊᔪᖏᓐᓇᓱᐊᑐᐃᓐᓇᖅᐳᑦ ᐃᖕᒥᓂᒃ ᑕᐃᒪᓐᓇ ᐳᐃᒍᕋᓱᐊᖃᑕᐅᒋᐊᖃᕋᓗᐊᖅᖢᑎᒃ ᐅᖃᐅᓯᖃᕐᓗᑎᒡᓗ ᖃᓄᐃᓕᐅᕈᑕᐅᓯᒪᔪᓂᒃ ᐃᑲᔪᓚᐅᖅᑕᒥᖕᓄᑦ. ᑕᐃᒪᓐᓇ ᓴᓐᖏᓇᓱᐊᒃᑲᐅᓪᓗᑎᒡᓗ ᐱᕈᖅᐸᓪᓕᐊᒋᐊᖃᕋᓗᐊᖅᖢᑎᒃ ᐊᒻᒪ, ᑭᓯᐊᓂ ᑕᐃᒪᓐᓇ ᖃᐅᔨᖃᑦᑕᖅᐳᒍᑦ ᐃᖕᒥᓂᒃ ᐃᑲᔪᕈᑦᑕ ᑕᐃᒪᓐᓇ ᐅᔾᔨᕐᓇᖅᓯᕙᓪᓕᐊᕙᒃᐳᑦ ᐃᑲᔪᕐᓂᖅᓴᐅᔪᓐᓇᕋᑦᑕ ᐊᓯᑦᑎᓐᓂᒃ ᑕᐃᒪᓐᓇᐃᓕᐅᖃᑦᑕᕈᑦᑕ.
ᑕᐃᒪ ᑐᑭᓯᐅᒪᒋᐊᖃᖅᐳᒍᑦ ᐃᓗᒥᐅᑕᖃᑯᑖᕆᐊᖃᖏᓐᓇᑦᑕ ᑐᓴᖅᑕᑦᑎᓐᓂᒃ ᐅᖃᐅᓯᕆᒋᐊᖃᕋᑦᑎᒍ ᓴᒃᑯᔪᓐᓇᖁᓪᓗᒍ.
