Skip to content

Maslow's Pyramid ᒫᔅᓗᑉ ᒪᓕᒐᖏᑦ

ᖃᐅᔨᒪᔪᒃᓴᐅᓕᖅᐳᓯ ᐃᓱᒪᒐᒪ ᓱᓕ ᒐᕙᒪᒃᑯᓐᓄᑦ ᐊᐅᓚᑕᐅᓂᑦᑎᓐᓄᑦ. ᐃᓄᐃᑦ ᖃᐅᔨᒪᑦᓯᐊᖅᑑᔮᖅᖢᑎᒃ ᐅᖃᖃᑦᑕᕐᒪᑕ Maslow-ᐅᑉ ᒪᓕᒐᖏᓐᓂᒃ ᐊᒻᒪ ᓴᓇᖃᑦᑕᕋᑦᑕ ᐋᖅᑭᒃᓯᒪᔪᒥᒃ ᐱᕈᖅᐸᓪᓕᐊᓂᒧᑦ ᑎᒥᒃᑯᑦ ᐋᖅᑭᒪᒍᑕᐅᔪᒥᒃ, ᐃᓱᒪᒃᑯᑦ, ᐃᓱᒫᓗᒍᑎᒃᑯᓪᓗ ᐅᒃᐱᕐᓂᕐᒥᒡᓗ ᖃᓄᖅ ᐃᓱᒪᖕᒪᖔᑦᑕ. ᑎᑎᕋᐅᔭᖅᓯᒪᔪᖅ ᑕᑯᒃᓴᐅᑎᑎᕗᖅ ᖃᓄᖅ ᓱᓇᐅᖏᑦᑐᒥᑦ ᐱᓪᓚᕆᖑᕈᓐᓇᕐᒪᖔᑦᑕ. ᐅᖃᐅᓯᕆᔭᐅᕙᒃᖢᓂᓗ 'ᐱᓪᓚᕆᖑᕈᓐᓇᕈᕕᑦ.' ᓱᖕᒪᑦ ᐊᒃᓱᕈᕐᓇᖅᐸ ᑎᑎᖅᓯᒪᔪᒥ ᒪᔪᕋᕋᓱᐊᕐᓂᖅ? ᑕᐃᒪ ᐃᓱᒪᑦᓯᐊᕋᓱᐊᕐᓗᑕ ᑕᑯᓐᓇᓚᐅᕐᓚᕗᑦ....

ᖃᓄᖅᑑᕆᐊᖃᕋᑦᑕ ᐋᖅᑭᐅᒪᓕᕐᓂᐊᕐᓗᑕ ᐃᖕᒥᓂᒃ. ᑕᐃᒪ ᓵᑕᐅᔪᒃᓴᐅᓂᕐᒧᑦ ᖃᐅᔨᒍᑦᑕ ᐱᕈᖅᐸᓪᓕᐊᓪᓗᑕ, ᐃᓱᒻᒪᒃᐸᓪᓕᐊᕙᒃᐳᒍᑦ ᐊᖏᕐᕋᑦᑎᓐᓂ. ᐅᔾᔨᕐᓇᖅᐳᖅ ᖃᓄᐃᓕᐅᕈᓐᓇᖏᓐᓇᑦᑕ ᑭᓯᐊᓂ ᐅᒃᐱᕐᓂᕐᒥᒃ ᖃᐅᔨᒪᓗᑕ.

ᑕᐃᒪᓐᓇ ᐋᖅᑭᒃᓱᐃᕙᒃᐳᒍᑦ ᑎᒥᒃᑯᑦ, ᐃᓱᒪᒃᑯᓪᓗ ᖃᓄᑐᐃᓐᓇᖅ ᐊᑲᐅᒋᔭᑦᑎᓐᓂᒃ ᐊᑐᕐᓗᑕ ᓱᖏᐅᑎᓯᒪᔭᒃᑎᓐᓂᒃ.

ᑐᐊᕕᓗᐊᖏᓐᓂᖅᓴᐅᔮᖅᖢᑕ, ᑐᑭᓯᐅᒪᓂᖅᓴᐅᓪᓗᑕ, ᓇᒡᓕᒍᓱᖕᓂᖅᓴᐅᓪᓗᑕᓗ, ᐃᖕᒥᓂᒃ ᑲᒪᑦᓯᐊᕐᓂᖅᓴᐅᓪᓗᑕᓗ, ᑕᐃᒪᓐᓇ ᐃᓄᑦᓯᐊᖑᓂᖅᓴᐅᓕᖅᐸᒃᐳᒍᑦ.

ᑕᐃᒪᓐᓇ ᐱᕈᖅᐸᓪᓕᐊᓪᓗᑕ ᐃᓐᓇᕈᖅᐸᓪᓕᐊᓪᓗᑕᓗ, ᐊᑲᐅᔪᒥᒃ ᐱᑕᖃᖅᐳᖅ ᑕᒪᒃᑯᐊ ᑎᓕᐅᕆᔪᑦ ᓯᓚᑎᑦᑎᓐᓂ. ᑕᐃᒪᓐᓇ ᑎᑎᕋᖃᑦᑕᖅᐳᖓ ᐃᓕᓯᒪᓪᓗᖓ ᓯᓚᑎᒥᐅᑕᓐᓂᑦ.

ᓄᓇᒥᐅᑕᐅᕙᓚᐅᖅᐳᒍᑦ ᑕᐃᑦᓱᒪᓂ ᐊᒻᒪ ᓄᓇᓕᖕᓄᑦ ᐃᓕᔭᐅᓯᒪᓕᖅᖢᑕ ᓄᓇᑖᖅᓯᒪᓕᖅᑎᓪᓗᑕᓗ ᐆᒪᔪᐃᓪᓗ ᐃᒪᕐᓗ ᐱᒋᓕᖅᖢᑎᒍ ᑕᒪᓐᓇ ᐊᓯᔾᔨᕈᓐᓇᖏᓕᖅᐳᖅ. ᑕᐃᒪ ᒪᔅᓗ ᒪᓕᒐᖏᓐᓂᒃ ᐱᓕᕆᐊᖃᓕᖅᐳᒍᑦ.

ᐃᓄᑐᐃᓐᓇᐅᓪᓗᑕ ᐆᒪᓪᓗᑕ ᐱᔪᓐᓇᕐᓂᖃᖅᐳᒍᑦ ᑕᒪᒃᑯᐊ ᓂᕿᑦ, ᐃᒡᓗᖃᕐᓂᖅ ᐊᓐᓄᕌᖃᕐᓂᕐᓗ. ᐊᒻᒪ ᐊᖏᕈᑎᖃᖅᓯᒪᓕᖅᐳᒍᑦ ᒪᓕᒐᓕᐅᖅᑎᑖᖅᖢᑕ ᑲᑎᒪᔨᒃᓴᓂᒃ, ᑭᓯᐊᓂ ᑕᒪᓐᓇ ᐊᐅᓚᒍᓐᓇᖏᓐᓇᑦᑎᒍ. ᒐᕙᒪᒃᑯᑦ ᐃᑲᔪᖃᑦᑕᕋᓱᒋᓚᐅᖅᐸᒃᑲ ᐃᓄᖕᓂᒃ ᑲᒪᑦᓯᐊᖅᖢᑎᒃ. ᑕᒪᒃᑯᓂᖓ ᐋᖅᑭᐅᒪᔪᓂᒃ ᐊᑭᕋᖅᑐᕐᓂᕋᓄᑦ ᐃᓱᒪᒋᔭᐅᑦᑕᐃᓕᓚᖓ, ᑭᓯᐊᓂ ᑮᓇᐅᔭᖃᕆᐊᖃᖅᐳᒍᑦ ᐱᑎᑕᐅᓗᑕ ᓯᓚᑖᓂᒥᐅᑕᑦᑎᓐᓂᑦ ᑕᒫᓂ ᓄᓇᕗᒥ ᑲᓇᑕᐅᑉ ᒐᕙᒪᒃᑯᖏᓐᓂᑦ ᑮᓇᐅᔭᖃᖅᑎᑕᐅᒋᐊᖃᖅᐳᒍᑦ − ᑭᒡᓕᖃᖅᖢᑎᒡᓗ ᑮᓇᐅᔭᑦ.

ᓄᓇᕗᒥᐅᑕᐅᓪᓗᑕ ᓇᓂ ᓄᓇᖃᕐᓂᖅᐳᑦ ᐱᔾᔪᑎᒋᓪᓗᒍ ᖃᓄᑐᐃᓐᓇᖅ ᐃᓱᒪᓕᐅᕆᐊᖃᖅᐸᒃᐳᒍᑦ ᑮᓇᐅᔭᓕᐅᕈᑎᒃᓴᖃᕈᓐᓇᖁᓪᓗᑕ. ᐊᐅᓚᑦᓯᔨᐅᓂᕐᒧᑦ ᓱᓕ ᐱᑎᓐᓇᓱᐊᖅᐸᕗᑦ ᐱᓕᕆᐊᒃᓴᖃᑎᓐᓇᓱᐊᖅᐸᕗᑦ ᓄᓇᕗᒥᐅᑦ ᐃᓕᓐᓂᐊᖅᑎᑕᐅᓇᓱᐊᖅᖢᑎᒃ ᑭᓯᐊᓂ ᐊᒃᓱᕈᕐᓇᖅᐳᖅ. ᑕᒪᓐᓇ ᐅᖃᐅᓯᒃᓴᐅᓂᐊᖅᐳᖅ ᓯᕗᓂᒃᓴᐅᓂᐊᖅᑐᒥ ᓴᖅᑭᑎᑕᐅᒋᐊᖃᖅᖢᓂᓗ ᐱᒋᐊᕐᓂᐊᕋᑦᑎᒍ.

ᑕᒪᒃᑯᐊ ᓯᓚᑎᒥᐅᑕᕗᑦ ᐊᒃᓱᕈᕐᓇᕈᑕᐅᓪᓗᑎᒃ ᑐᓗᕈᑕᐅᓪᓗᑎᒃ ᐃᓅᓪᓗᑕ ᐱᔪᓐᓇᐅᑎᕗᑦ ᐱᔨᑦᓯᕋᐅᑎᕗᓪᓗ ᓂᕿᑦ, ᐃᒡᓗᖃᕐᓂᖅ ᐊᓐᓄᕌᖃᕐᓂᕐᓗ ᐱᑕᖃᕆᐊᖃᖅᐳᑦ ᐱᕈᖅᐸᓪᓕᐊᓂᐊᕈᑦᑕ ᓄᓇᑦᑎᓐᓂ ᐱᕈᖅᑎᑦᓯᓂᐊᕈᑦᑕ ᐱᔪᓐᓇᑦᓯᐊᕐᓗᑕ ᓯᕗᒻᒧᑦᓯᐊᕐᓂᐊᕈᑦᑕᓗ.

ᐅᕙᑦᑎᓐᓄᑦ, ᐃᑲᔪᖅᑐᐃᓂᐊᕈᑦᑕ ᐅᔭᕋᖕᓂᐊᕐᓂᕐᒥᒃ ᐃᖃᓗᒃᓯᐅᕐᓂᕐᒥᒡᓗ ᐳᓚᕋᖅᑐᓕᕆᓂᕐᒥᒡᓗ ᑲᔪᓯᑦᓯᐊᖅᑎᑎᒋᐊᖃᖅᐳᒍᑦ ᖁᕕᐊᓱᖕᓂᐊᖅᐳᒍᑦ.

ᑕᒪᒃᑯᐊ ᐊᑲᐅᖏᓕᐅᕈᑎᒋᓯᒪᔭᖅᐳᑦ ᐊᒃᓱᕈᕈᑎᒋᕙᕗᑦ ᑕᐃᒪᓐᓇ ᓇᖕᒥᓂᖅᓱᕐᓂᐊᕈᑦᑕ.

ᑐᑭᓯᐅᒪᕗᖓᓗ ᐅᖃᐅᓯᖃᓕᕐᒪᑕ ᒐᕙᒪᒃᑯᑦ ᐱᓕᕆᐊᖏᓐᓂᒃ ᓄᓇᑦᑎᓐᓂ ᐱᓕᕆᐊᕆᔭᐅᓂᐊᓕᖅᖢᑎᒃ ᖃᓄᐃᓕᐅᕈᑎᒋᔭᐅᓂᐊᕐᓂᖏᓐᓄᑦ ᐃᓚᐅᑎᑕᐅᑦᓯᐊᕆᐊᖃᖅᐳᓪᓗ ᓄᓇᕗᒥᐅᑦ ᑕᐃᒪᓐᓇ ᐱᓕᕆᒍᔾᔭᐅᓗᑎᒃ ᐱᓂᐊᖅᐸᑕ.
ᐱᓪᓚᕆᒍᓐᓇᖅᐳᒍᑦ ᐱᒍᒪᔭᑦᑎᓐᓂᒃ ᐊᑐᕐᓗᑕ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑕᐃᒪᓐᓇ ᖁᕕᐊᒋᔭᑦᑎᓐᓂᒃ ᐱᒍᒪᔭᑦᑎᓐᓂᒡᓗ ᐱᓂᐊᕈᑦᑕ.