Skip to content

Pitter Patter ᐊᓕᐊᓇᐃᑦᑐᒥ ᐅᓪᓚᖕᓂᐅᔪᒥ ᐱᕈᖅᑎᑦᑎᕗᑦ $6000 ᐅᖓᑖᓂ ᓄᑕᕋᓛᕐᓄᑦ ᐊᓐᓄᕌᒃᓴᖏᓐᓄᑦ ᓄᓇᕗᒻᒥ

ᒪᕐᕈᖓᓂ ᐊᕐᕌᒍᑕᒫᒥ Pitter Patter ᐊᓕᐊᓇᐃᑦᑐᒥ ᐅᓪᓚᖕᓂᐅᔪᒥ ᐱᓕᕆᑦᑎᐊᕐᓂᖅᓴᐅᓚᐅᖅᐳᖅ 2019–ᒥ ᐅᓪᓚᖕᓂᐅᔪᒥ, ᐅᖃᓚᐅᖅᐳᖅ ᑭᐊᕆᔅ ᒫᑦᓯᓐ, ᓇᓂᓯᔨᐅᔪᖅ ᐊᑕᐅᓯᕐᒥ ᖃᖓᑕᓂᐅᔪᒥ. 70–ᐸᓗᖕᓂ ᐅᓪᓚᒃᑎᐅᔪᓂ ᐊᒻᒪ 60–ᓂ ᖃᕋᓴᐅᔭᑎᒍᑦ ᖁᙱᐊᖅᑎᐅᔪᓂ, $6,000 ᐅᖓᑖᓂ ᐱᕈᖅᑎᑦᑎᓚᐅᖅᐳᑦ ᑲᑐᔾᔨᖃᑎᒌᖑᔪᓄᑦ ᑐᓂᓯᓂᕐᒥ ᐃᓚᒌᖑᔪᓂ ᓄᑕᕋᓛᓄᑦ ᐊᓐᓄᕌᒃᓴᖏᓐᓂ.

ᒫᑦᓯᓐ ᐅᖃᓚᐅᖅᐳᖅ ᐱᔾᔪᑎᖓ ᐊᑕᐅᓯᕐᒥ ᖃᖓᑕᓂᐅᔪᒥ ᑲᑎᖅᓱᐃᓂᕐᒥ ᐊᒻᒪ ᑐᓐᓂᖅᓴᐃᓂᕐᒧᑦ "ᐊᑐᖅᓯᒪᓗᐊᙱᑦᑐᓂ" ᐅᕝᕙᓘᓐᓃᑦ ᓄᑖᓂᒃ ᓄᑕᕋᓛᓄᑦ ᐊᓐᓄᕌᓂᒃ ᐃᓚᒌᖑᔪᓄᑦ ᓄᓇᕗᓕᒫᒥ. ᐅᓇ ᑮᓇᐅᔾᔭᒐᓱᐊᙱᓐᓂᐅᔪᒥ ᑲᑐᔾᔨᖃᑎᒌᖑᔪᖅ ᓴᖅᑭᑎᑕᐅᓪᓚᕆᓚᐅᖅᐳᖅ 2018–ᒥ.
"ᓴᖅᑭᑎᑦᑎᔪᒪᓚᐅᖅᐳᖓ ᑭᓱᑐᐃᓐᓇᒥᒃ ᑐᓂᓯᔪᓐᓇᕋᔭᖅᑐᓂ ᐃᓄᖕᓂ ᐊᒻᒪ ᓄᑕᕋᓛᓂᑦ ᐅᒃᐱᕆᔭᓐᓂ ᐱᔪᓐᓇᐅᑎᓪᓚᕆᐅᔪᒥᒃ," ᐅᖃᓚᐅᖅᐳᖅ ᓯᓚᑦᑐᖅᓴᕐᕕᒡᔪᐊᒧᑦ ᐃᓕᓐᓂᐊᖅᑎᐅᔪᖅ, ᐅᖃᐅᓯᖃᖅᖢᓂ ᐊᓐᓄᕌᓂᑦ.

11–ᖑᔪᓂ ᓄᓇᓕᖕᓂ ᑲᓇᑕᒥ ᐸᓖᓯᓂᑦ ᐅᓪᓚᒋᐊᖅᑐᓚᐅᖅᐳᑦ 5 ᑭᓛᒥᑐᒥ ᑕᐃᑯᖓ Pitter Patter ᐊᓕᐊᓇᐃᑦᑐᒥ ᐅᓪᓚᖕᓂᐅᔪᒥ ᐃᖃᓗᖕᓂ ᐋᒍᔅᑎ 15–ᒥ. ᐊᑖᓂ ᓴᐅᒥᖕᒥ ᐅᑯᐊᖑᕗᑦ, ᐊᖓᔪᖅᑳᖅ ᐲᑕ ᑰᑦᔅᐳᒍᕐ, ᓵᔾᔭᓐᑦ ᓯᐅᓪᐱ, ᐸᓖᓯ ᕋᐃᔭᓐ ᒪᑭᐊᕆᓐ, ᐸᓖᓯ ᒍᕋᒡ ᐴᓵᒻᑉ, ᐸᓖᓯ ᑳᓚᐃᓐ ᒧᐊᕆᓐ-ᓚᕙᒃ, ᐸᓖᓯ ᑎᐊᕆᓐᔅ ᑎᖕ ᐊᒻᒪ ᐸᓖᓯ ᑯᐃᓐᑎᓐ ᕚᓐᑎ ᓵᕝ. ᖁᓛᓂ, ᓴᐅᒥᖕᒥ: ᐸᓖᓯ ᑖᓂᐅᓪ ᑮᓕᖕ, ᐸᓖᓯ ᐋᓕᒃᓵᓐᑐᕐ ᑕᐃᒍᓪ, ᐸᓖᓯ ᑕᐃᕕᑦ ᕼᐃᐅᐳᑦ ᐊᒻᒪ ᐸᓖᓯ ᑕᐃᓗᕐ ᐋᓯᓅᓪ. Natalie Maerzluft photo

ᐅᖃᐅᓯᐅᓪᓗᓂ ᒫᑦᓯᓐᒧᑦ, ᑕᒪᑐᒪᓂ ᐊᕐᕌᒎᔪᒥ ᐅᓪᓚᖕᓂᖓ "ᐱᓕᕆᑦᑎᐊᕐᓂᖅᓴᒻᒪᕆᐅᓚᐅᖅᐳᖅ"2019–ᒥ ᐱᔾᔪᑎᖃᖅᑐᒥ ᖁᕝᕙᖅᓴᖅᑕᐅᓂᖓᓂ ᐊᒻᒪᓗ ᓯᕗᓪᓕᖅᐹᑦᑎᐊᒥ ᖃᕋᓴᐅᔭᑎᒍᑦ ᐅᓪᓚᖕᓂᐅᔪᒥ.

ᖃᓄᐃᓐᓂᐅᔪᖅ ᖁᕝᕙᖅᓴᖅᑕᐅᓚᐅᖅᐳᖅ ᐃᓗᐊᓂ ᐃᖃᓗᖕᓂ ᑲᓇᑕᒥ ᐸᓖᓯᒃᑯᓐᓂ ᐊᖓᔪᖅᑳᖃᕐᕕᖓᓂ. 11–ᓂ ᑲᓇᑕᒥ ᐸᓖᓯᐅᔪᑦ ᐊᖏᖅᑕᐅᓚᐅᖅᐳᑦ ᐅᓪᓚᖕᓂᕐᒧᑦ 5 ᑭᓛᒥᑐᓂ ᐸᓖᓯᒧᑦ ᐊᓐᓄᕌᖏᓐᓂ ᐊᑐᕐᓗᑎᒃ. ᐱᕈᖅᓴᐃᓚᐅᖅᐳᑦ ᐊᒻᒪ ᑐᓂᓯᓪᓗᑎᒃ $1,500–ᒥ ᐊᑕᐅᓯᕐᒥ ᖃᖓᑕᓂᐅᔪᒧᑦ.

"ᐃᓚᐅᖃᑕᐅᔪᒪᓚᐅᖅᐳᑦ ᖃᓄᐃᓐᓂᕆᔭᑦᑎᓐᓂ," ᐅᖃᓚᐅᖅᐳᖅ ᒫᑦᓯᓐ. "ᐅᓪᓚᖃᑕᐅᓚᐅᖅᐳᑦ, ᑕᒫᓃᕈᓘᔭᖃᑕᐅᓚᐅᖅᐳᑦ. ᖁᕕᐊᓇᑦᑎᐊᓚᐅᖅᐳᖅ ᑕᐃᑲᓃᓐᓂᖏᓐᓂ."

ᑳᓯᑎ-ᐋᓐ ᓇᑦᓱᕐ, ᓴᐅᒥᖕᒥ, ᑭᐅᕐᔅᑎᓐ ᒪᒃᑖᓄᑦ, ᑭᐊᕆᔅ ᒫᑦᓯᓐ, ᓴᐃᑎ ᐱᖕᒃᓯᓐ ᐊᒻᒪ ᐋᓐᔨᓚ ᐋᔅᑐᕆᐊ ᐊᑕᐅᓯᕐᒥ ᖃᖓᑕᓂᐅᔪᒥ ᐅᖓᓯᒃᑎᒋᕗᑦ ᑲᑎᒪᔨᐅᓪᓗᑎᒃ. ᑕᒪᒃᑭᑦ ᐅᑯᓂᖓ ᓯᓚᑦᑐᖅᓴᕐᕕᒡᔪᐊᒥ ᐃᓕᓐᓂᐊᖅᑎᐅᔪᑦ ᐃᓚᖃᖅᖢᑎᒃ 6–ᒋᔭᖓᓂ ᑲᑎᒪᔨᐅᖃᑎᒋᔭᖓᓐᓂ ᑲᓵᓐᑐᕋ ᕼᐃᑭᒥ ᐃᑲᔪᓚᐅᖅᐳᑦ ᐸᕐᓇᐃᓂᕐᒧᑦ 2020–ᒥ Pitter Patter ᐊᓕᐊᓇᐃᑦᑐᒥ ᐅᓪᓚᖕᓂᐅᔪᒥ. Natalie Maerzluft photo

ᖄᒃᑲᓐᓂᐊᒍᑦ ᖁᕝᕙᖅᓴᐃᓂᕐᒥ ᖃᓄᐃᓐᓂᐅᔪᒥ ᓈᓚᐅᑎᒃᑯᑦ, ᐃᓅᖃᑎᒌᖑᔪᓄᑦ ᓯᐊᒻᒪᖅᑎᑦᑎᓂᐅᔪᒃᑯᑦ, ᓂᕕᙵᑕᓂᑦ ᐃᖃᓗᖕᓂ ᐊᒻᒪ ᖃᐅᔨᒋᐊᖅᖢᑎᒃ ᐊᕐᕌᓂ ᐃᓚᐅᖃᑕᐅᓚᐅᖅᑐᓄᑦ, ᐊᑕᐅᓯᕐᒥ ᖃᖓᑕᓂᐅᔪᒥ ᐋᖅᑭᒃᓯᓚᐅᖅᐳᑦ ᑭᐳᒥ ᖁᕝᕙᖅᓴᐃᓂᕐᒧᑦ ᐱᔾᔪᑕᐅᔪᓄᑦ ᓂᐅᕕᕐᕕᖕᒥ.

ᐃᓚᖃᖅᖢᓂ ᑕᓪᓕᒪᓂ ᑲᑎᒪᔨᐅᖃᑕᐅᔪᓄᑦ ᐊᒻᒪ ᖃᔅᓯᐊᕐᔪᖕᓂ ᓄᓇᓕᖕᓂ ᐊᑭᓕᖅᓱᖅᑕᐅᓇᑎᒃ ᐃᑲᔪᖅᑎᐅᔪᓂ, ᒫᑦᓯᓐ ᐋᖅᑭᒃᓱᐃᓚᐅᖅᐳᑦ ᐅᓪᓚᖕᓂᐅᔪᒥ ᐃᖃᓗᖕᓂ ᐋᒍᔅᑎ 15–ᒧᑦ. ᐅᓪᓚᒃᑎᐅᔪᑦ ᓂᕈᐊᕈᓐᓇᓚᐅᖅᐳᑦ 5 ᑭᓛᒥᑐᒥ, 10 ᑭᓛᒥᑐᒥ ᐅᕝᕙᓘᓐᓃᑦ 21 ᑭᓛᒥᑐᒥ ᐊᖅᑯᑎᐅᔪᒥ. "5 ᑭᓛᒥᑐᒥ ᑕᐅᓄᙵᐅᓚᐅᖅᐳᖅ ᒐᕙᒪᑐᖃᒃᑯᑦ ᐊᖅᑯᑎᖓᓐᓄᑦ, 10 ᑭᓛᒥᑐᒥ ᑕᐃᑯᖓ ᑕᓯᕐᔪᐊᑉ ᐃᑭᑎᑦᑎᕝᕕᖓᓄᑦ. ᐊᒻᒪᓗ ᐊᓱᐃᓛᒃ 21 ᑭᓛᒥᑐᒥ ᑲᑎᙵᓂᐅᓚᐅᖅᐳᖅ ᑕᒪᒃᑭᓂᒃ," ᐅᖃᓚᐅᖅᐳᖅ ᒫᑦᓯᓐ.

ᒪᓕᑦᑎᐊᕐᓂᕐᒧᑦ ᐃᓅᖃᑎᒌᖑᔪᓄᑦ ᐅᖓᓯᒌᒋᐊᖃᕐᓂᐅᔪᒥ ᒪᓕᒋᐊᓕᖏᓐᓂ, ᐅᓪᓚᖕᓂᐅᔪᑦ ᐱᒋᐊᓚᐅᖅᐳᑦ ᐃᑲᕐᕋᑕᒫᒥ ᐱᒋᐊᖅᖢᑎᒃ 11 ᐅᓪᓛᒃᑯᑦ.
ᐋᒍᔅᑎ 15–ᒥ ᐊᒻᒪ ᐋᒍᔅᑎ 16–ᒥ, ᖃᕋᓴᐅᔭᑎᒍᑦ ᐅᓪᓚᖕᓂᐅᔪᑦ ᐋᖅᑭᒃᓱᖅᑕᐅᓯᒪᓚᐅᖅᐳᑦ ᐃᓄᑐᐃᓐᓇᕐᓄᑦ ᓄᓇᕘᑉ ᓯᓚᑖᓄᑦ. ᐃᓚᓯᓚᐅᖅᐳᖅ ᐃᓄᖕᓂ ᑲᓇᑕᓕᒫ

ᑏᓇ ᑎᑰᑑ ᐊᒻᒪ ᐃᓚᐃᓐ ᐳᕋᔅᑭ ᐱᓱᒃᐳᑦ ᐱᒋᐊᕐᕕᖓᓂ ᐱᒋᐊᕐᓂᕐᒧᑦ ᐅᓪᓚᖕᓂᐊᕐᓂᖏᓐᓂ ᐃᖃᓗᖕᓂ ᐋᒍᔅᑎ 15–ᒥ. Natalie Maerzluft photo

ᒥ ᐃᓚᖃᖅᑐᒥ ᑲᓇᑕᐅᑉ ᓯᓚᑖᓂ ᐃᓚᐅᖃᑕᐅᔪᓄᑦ ᒪᒃᓯᑯᒥ, ᓂᐅ ᓰᓚᓐᒥ ᐊᒻᒪ ᔫᓇᐃᑎᑦ ᔅᑕᐃᑦᔅᓂ ᐃᓚᐅᖃᑕᐅᓚᐅᖅᐳᑦ ᖃᕋᓴᐅᔭᑎᒍᑦ ᖃᓄᐃᓐᓂᐅᔪᒥ.

ᑕᒪᒃᑭᑦ ᐃᓚᐅᖃᑕᐅᔪᑦ ᐊᑭᓖᓚᐅᖅᐳᑦ $30–ᒥ ᐃᓚᐅᖃᑕᐅᓂᕐᒧᑦ ᐊᑭᓕᐅᑎᒥᒃ. ᐃᖃᓗᖕᓂ ᐅᓪᓚᒃᑎᐅᔪᑦ ᐱᓚᐅᖅᐳᑦ Pitter Patter ᐅᕕᓂᕈᕐᒥ, ᐊᑕᐅᓯᕐᒥ ᖃᖓᑕᓂᐅᔪᒥ ᑕᓕᐊᕐᒥ, ᐅᓪᓚᒃᑐᖅᓯᐅᑎ ᓇᓗᓇᐃᒃᑯᑕᐅᔪᒥ, ᓂᓚᖃᐅᒻᒥ ᐊᒻᒪ ᓇᓕᐊᖕᓂᑐᐃᓐᓇᖅ ᑭᓕᕝ ᑯᑯᖕᒥ ᐅᕝᕙᓘᓐᓃᑦ ᐹᑉᑯᐊᓐᒥ.

ᒫᑦᓯᓐ, ᐃᓅᓚᐅᖅᓯᒪᔪᒥ ᕼᐋᒧᓪᑎᓐ, ᐋᓐᑎᐊᕆᐅᒥ ᑭᓯᐊᓂ ᐱᔭᕇᓚᐅᖅᑐᒥ ᒪᕐᕈᖓᓂ ᐃᓕᓐᓂᐊᕐᕕᖕᒧᑦ ᐃᓕᓐᓂᐊᕐᓂᖓᓂ ᓄᓇᕗᒻᒥ, ᐅᖃᓚᐅᖅᐳᖅ ᐃᑲᔪᕈᒪᓚᐅᖅᐳᖅ ᐃᓚᒌᖑᔪᓂ ᓄᓇᕘᑉ ᐃᓗᐊᓂ ᐅᔾᔨᕆᓚᐅᖅᑎᓪᓗᒍ ᐱᑕᖃᙱᓗᐊᕐᓂᖓᓂ ᐊᑐᐃᓐᓇᖃᕐᓂᐅᔪᒧᑦ ᓄᑕᕋᓛᖅᓯᐅᑎᓂᒃ ᐊᓐᓄᕌᓂᑦ.

ᔪᐊᑕᓐ ᑕᐅᑭ 10 ᑭᓛᒥᑐᒥ ᐅᓪᓚᖕᓂᐅᔪᒥ ᐋᒍᔅᑎ 15–ᒥ. Natalie Maerzluft photo

ᑭᓇᑐᐃᓐᓇᖅ ᕿᓂᖅᑐᓂ ᓄᑕᕋᓛᖅᓯᐅᑎᓂᒃ ᐊᓐᓄᕌᓂᒃ ᖃᐅᔨᒋᐊᕈᓐᓇᖅᐳᑦ ᒫᑦᓯᓐᒧᑦ ᐅᕘᓇ ᐊᑕᐅᓯᕐᒥ ᖃᖓᑕᓂᐅᔪᒥ ᕙᐃᔅᐳᒃᑯᑦ ᑲᑎᙵᓂᐅᔪᒥ ᐅᕝᕙᓘᓐᓃᑦ ᖃᐅᔨᒋᐊᕐᓗᒍ ᐃᖃᓗᖕᓂ ᑕᒻᒫᑎᕝᕕᖕᒧᑦ ᐅᕗᖓ 867-975-3390.

"ᖃᓄᐃᓐᓂᐅᔪᖅ ᐱᓕᕆᑦᑎᐊᕐᔪᐊᓚᐅᖅᐳᖅ," ᐅᖃᕆᐊᓪᓚᓚᐅᖅᐳᖅ 20-ᓂ-ᐅᑭᐅᓕᖕᒥ, ᐃᓚᒋᐊᖅᓯᓪᓗᓂ "ᑲᑐᔾᔨᖃᑎᒌᖑᔪᑦ ᐆᒻᒪᑎᓐᓄᑦ ᐱᓐᓇᕆᕐᔪᐊᖅᐸᕋ. ᐱᐅᒋᑦᑎᐊᖅᐸᕋ. ᐊᒻᒪᓗ ᑕᐃᒪᑐᖅ ᐊᖅᑯᑎᒋᔭᐅᑦᑎᐊᖏᓐᓇᕐᓂᐊᖅᐳᖅ."