Skip to content

TEA TALK: Puigukungiluglu Akhayok

UBLUKKUT. NAVVALAALOK HAMNA TITIGAKTAGA ILITAGILUGU INUUHITJUTAIT AKHAYONNUAQ. UBLUMI, TITIGAKTUNGA PUIGUNGILUGU INUUHIA. UBLUMI TAMAAT INUUYUNGA HAKUGIKTUKHAUYUNGA. IPAKHANI ILAUGUMAVLUNGA ILIHAGIAHUNGA ILIHAKPAALIVIKMUN INUINNAQTUT UKAUHIINIK IKALUKTUUTIAMI. ILINIAKATITGALU HAKONGAKLU KUDLAKLU. ILIHAIYII ANGULALIK AYUIKHAQTAATIGUT. UBLUUMAANLU UPAKTAVUT INIKNIGIINUAVUT PONGOKLU PANAAKLU PITQUHIRNIKKUT ILIHAUTINIQ HAVAKVIANI. APIQKUTIIKHANIK APIGIGAPTA PONGOKMUNLU PANAAMUNLU. TAMAPTA ITKAUMAVAKTAVUT AKHAYONNUAK. UNGNAGALUAHUGU MAMIHAJAVUGUT QUVIATTAKHIKLUTALU. ALAGANALAITTUQ PITIAQTUQ UVAMNUT. TAIMA PIJUKHAUGAPTA. UNIPKAANIK NALAGAPTA IIMA...INUUHAAT ANGNAIT ANIIKTUKHAUJUNGNUUQ KILAMIINNUAQ HILAMI. HIIGNAIJAQTUT NAGUJUMIK INUUJUMAAKTUT. IMAALU HIIGNAIJUT UKAKPAALAAHIMAITUMIGUUK NIRITILLUTIK UMNAAQHIMAITTUMIKLU MIQHUQTUTLU. IIMAA TAIVAKTAA IIMGNAAQHIMAITTUMIKLU NIVJAKHIMAITTUMIKLU. TUPAGAAGNAVIT TAIMA AJUKHALAITTUMIK NUTAQQANUT. UNIPKANIK IMANI UKAKHIMMAAKTUT QANUQ DEWLINMIT ATKAKPAKTUT BOMBALIAKKUT KINMITUKHUTIKLU NIUVARIAKLUTLU PULAGIAKTUT INUNGNUT IKALUKTUUTIAK MIKIPLUNI. NUUMMARIAHUTIKLU. INUKATTIAKKANGNITTUQ. PIHUINNAQPAKHUTIKLU INUIN. QUNGNIAGIAKHIMAJUTLU DOTKUNNILU ILIHAKVIANILU. ALIK GORDON HAMANIITILLUNI ATANIUJUQ KAVAMATKUNI KAVGAK UQAQTIUJUQ ITTIMAKLU HAMANIITILUNILU. IMANILU KINMIKAKTUT AMIRAIKPAKTUT. ULAISIKHUTIK. IMAILIUQTAIT KINMIMUT TEE! HAA! TALIKPIKKUT. HAUMIKKUTLU. TATJA KINMIKAKGUIKTUT. HAMMALU UNIIPKAAT....NALGUUKTIKPAGAIT. INUIN ATUINAQTAIT QINNGARNAIPKUTAITLU. IIMALU UNIIPKAAKTUT....UQANUANGA KUMIKHUGU IQITQUMMINIQ. NUTAQQAT UQARUMAAKTUT QILAMINNUAQ. ILIHAUTAIT PUIGUKTAILLITIKHAVUT. HAMMALU....AGLINGNAKTUQ (amazing) . NANGNAVIGJAUJUQ (honorable). NIRITAAGAPTA UPAKTAVUT KANIAKLU INIKNIGIIT MUNAKTAUYUT AANIAKVIKMI. OTOTAKLU KONGOALUKLU NEEVEE LU TAHAMANIITTUT. MUNAKHITLU. IKAJUQTIUJUTLU. QUVIATTAKTUK KANIAK PULAGAPTA. TEETUKHUTA KANIAK. ANGUNAHUAKTITIRUT UNIPKAKTUQ. HAMMA UKAKTAIT ILANGIT KANIAM.....UPALUGNINAKHIVAKTUT (time to prepare and plan to go out on the land.) UPINGIJIKHAMUT (going to your spring camp.) ANGUNAHUARVIQARNIRMUT (place where there is an abundance of wildlife, in search of wildlife for harvesting.) HAMMA TAIVAKTAIT KANIAM.....TAHIKJUAQ (big lake) TAHIGAK (tiny lake) HAGVAKTUK (downhill creek) ATIKTUT (in search of breathing holes for seals) MAULIKTUN (people gathering together on the ocean) MAULIKVIKMIITTUN (different groups gathering on the ocean) AGLUP NAUNAIPKUTA NAGATAK (marker for aglu seal hole) NARIAQTITAK (when a dog is sniffing for aglu) NULUGAKLUGU (when he catches a seal) IHAAQTAQLUGU (so others can help) NIIPPAKLUGU (stand at the aglu and rest and wait) KINMIT UUNIAQ NATTIQ ANILGAULIKKATA. AITUUN (giving thanks and being grateful to the seal by giving it water or melted snow by opening their jaw/mouth.) HAMMA KANIAM UNIPKAGNIT.....AGLIRUHUKTUQ, AGLIRNAQTUQ. UKAKTUQHAUJUQ KILAMINUAQ. (depression: get it out right away, tell your granny/grandpa, don't keep inside, cry it out, let it out when you hurting ANIRIAQAQRAMI (otherwise it will stick inside your body, to your flesh, your inner/well-being) MAMIHAUTIKARAMI KILAUT NUMIKLUTIT (when grieving pick-up the drum and dance) UKAKVIKHAILIUTUQ IHUMAALUTINI (talk to your siblings if afraid to talk to your parents) ILIGANAITTURALUIT (ones who you are not afraid to approach) IIHUIRUHUKTUQ (uneasy, uncomfortable) AGLIQTAQTUQ (karma teaching, like a curse, wishing wrong upon) *NIQHIUQTUQ* (feeding our souls) MAKITQARNIQ (revive) HULIJAKHAQAQPAKLUTIT (always keeping busy, always have activities.)

Mothers and grandmothers were treated to an afternoon tea party on May 8 at the Elder's Palace, each receiving a rose and a small gift of scented candles. Front row seated are: Annie PANAK Atighioyak, Ann Wingnek, middle row seated is Mabel PONGOK Etegik, Back right row seated is Kakolak Avadluk, far left seated in back is Bessie PIHOAK Omilgoetok. Happy Mothers' Day!
Navalik Tologanak/NNSL photo

INIGAPTA AANIAKVIKMIT NAULAQHAMIK HANJURUT. MANIKKAMIINIARAPTA INIKKATA HANAJAVUT. NOAH KUPTANA ILIHAIJI HANAPLUTA NAULAQHAMIK. ANGNAINNAIN ILIHAKTURUT UUKTUKHUTA HANALRUTINIIK UUKTUKTURUT. KILAMINNUAQ INIKKUT HANAJAVUN.

MANIKKAMIINIARAPTA KANGIKHOMUNGGAUJURUT. TEETURIAKHUTA NIRILUGAKHUTALU. KUDLAK SIKITUMIK ATUKMAN IKAJUKTUK QUANA. APKUT TARJUMI MAUJAINNAQ . TIKITPURUT IKLUKPAKVIA HAMLATKUT. PINNIQ NUNA UPINGAALIKMAN. ALAPAAKNAIKMANLU HUMANGGNITTUQ.

ILAURAMA ILIHAKTUNIK UKAUHIINIK INUINNAIT QUVIAHUKTUNGA. ILANI ULAMNIKPAKTUNGA UKALIRAARAMA INUKTUT. NAAMMAQTUQ AI. UUKTUKATTAKNIAQPUNGA NUUTKAKHIMAITUMIK. QUANA ANGULALIK, HAKONGAK, KUDLAK, PONGOK, PANAK, KANIAK, KUPTANA, JIMLU. MAMITIRAMA UBLUK TAMAAT NAGUHIVJAKTUNGA UUMATIGA HAGUGIKHILIQTUQ.

IRNIRA TOLOGAKNAK GUUTI MUNARINIAQTATIT UBLUK TAMAAT. KUNIKPARIT.

TAIMA.