ᐅᐃᕆᓯᒪᓂᐅᔪᑦ ᐊᔪᓕᖅᑎᑦᑎᓇᓲᖑᕗᑦ ᐃᓚᒋᔭᐅᓂᖓᓂ ᐃᓅᓯᐅᔪᒥ, ᐃᓄᖕᒥ ᐊᒃᓱᕈᕈᑎᖃᖅᑎᓪᓗᒍ ᐃᒥᐊᓗᖕᒥ, ᐊᓯᖏᓐᓂ ᐋᖓᔮᕐᓇᖅᑐᓂ, ᐅᕝᕙᓘᓐᓃᑦ ᐃᓕᖅᑯᓯᐅᔪᓂ ᓲᕐᓗ ᑮᓇᐅᔭᒧᑦ ᐱᙳᐊᕈᑎᖃᕐᓂᕐᒥ ᐅᕝᕙᓘᓐᓃᑦ ᑕᓚᕖᓴᒃᑯᑦ/ᖃᕋᓴᐅᔭᑎᒍᑦ ᐱᙳᐊᕈᑕᐅᔪᓂ ᐅᐃᕆᓯᒪᓂᐅᔪᓂ.
ᐃᒥᐊᓗᓗᐊᖃᑦᑕᕐᓂᕐᒥ ᐱᓗᐊᖅᑐᒥ ᐊᒃᓱᕈᕐᓇᖅᐳᖅ, ᑭᓯᐊᓂ ᐃᒥᐊᓗᖃᑦᑕᕐᓂᖅ ᓱᖏᐅᔾᔭᐅᓯᒪᓕᖅᐳᖅ ᐃᓅᖃᑎᒌᖑᔪᓂ ᑕᐃᑯᖓ ᑎᑭᖦᖢᒍ ᓄᓇᕗᒻᒥ ᒐᕙᒪᒃᑯᑦ ᑎᑭᐅᑎᓯᒪᓂᖏᓐᓂ ᐅᓄᕐᓂᖅᓴᐅᔪᓂ $16 ᒥᓕᐊᓐᓂ ᑮᓇᐅᔭᓂᒃ ᐃᓯᖅᐸᓪᓕᐊᔪᓂ ᐃᒥᐊᓗᖕᓂ ᓂᐅᕕᐊᒃᓴᐅᓂᖏᓐᓄᑦ ᐊᑐᓂ ᖄᖏᖅᓯᒪᓕᖅᑐᓂ ᐊᕐᕌᒍᓄᑦ ᐱᖓᓱᓄᑦ.
ᑕᒪᒃᑭᒐᓚᖕᓂ ᐆᒥᖓ ᐃᖃᓗᖕᓃᓪᓗᐊᑕᖅᖢᓂ, ᐱᐊᒧᑦ ᕙᐃᓂᒧᓪᓗ ᓂᐅᕕᕐᕕᒃ ᐱᕈᖅᑎᑦᑎᓚᐅᖅᐳᖅ 79 ᐳᓴᓐᑎᒥ ᓄᓇᕗᒻᒥ ᐃᒥᐊᓗᖕᓄᑦ ᐊᒻᒪ ᓱᐴᖅᑐᒐᕐᓂ ᓱᓐᓂᕈᑕᐅᓲᓂ ᑲᑎᒪᔨᖏᓐᓄᑦ ᑮᓇᐅᔭᓂᒃ ᐃᓯᖅᐸᓪᓕᐊᔪᓂ 2020-21–ᒥ, ᐅᖃᐅᓯᐅᓪᓗᓂ ᑲᑎᒪᔨᐅᔪᓂ ᒫᓐᓇᓕᓴᐅᓛᓂ ᐊᕐᕌᒍᑕᒫᒥ ᐅᓂᒃᑳᓕᐊᖑᔪᒥ.
ᓂᐅᕕᐊᒃᓴᐅᔪᑦ ᐊᓯᖏᓐᓄᑦ ᓄᓇᕗᒻᒥ ᓄᓇᓕᐅᔪᓄᑦ ᐱᕈᖅᑎᑦᑎᓂᖃᓚᐅᖅᐳᖅ 11 ᐳᓴᓐᑎᑐᐃᓐᓇᕐᒥ ᓂᐅᕕᖅᑕᐅᓂᐅᔪᓄᑦ (ᐊᒥᐊᒃᑯᔪᑦ 10 ᐳᓴᓐᑎᒥ ᓚᐃᓴᓐᓯᖃᖅᑎᓄᐊᓲᖑᕗᑦ).
ᓲᖃᐃᒻᒪ, ᖃᐅᔨᒪᕗᒍᑦ ᑕᒪᒃᑭᑦ ᐃᒥᐊᓗᐃᑦ ᑎᑭᐅᑎᕙᒃᑐᓂ ᐃᓄᑭᓐᓂᖅᓴᐅᔪᓄᑦ ᐱᓕᕆᕝᕕᐅᔪᓄᑦ ᑕᐃᑯᙵᓲᖑᕗᑦ ᒪᓕᒐᓂᑦ ᓱᕋᐃᓪᓗᑎᒃ. ᐱᕋᔭᖕᓂᒃᑯᑦ ᐃᒥᐊᓗᖕᓂ ᓂᐅᕕᐊᒃᓴᖃᕐᓂᕐᒥ – ᐊᒻᒪᓗ ᑕᒪᒃᑭᓂ ᐃᓅᖃᑎᒌᖕᓂᐅᔪᒥ ᐊᒻᒪ ᑮᓴᐅᔾᔭᒃᓴᓂᕐᒧᑦ ᐊᑲᐅᙱᓕᐅᕈᑕᐅᔪᓂ ᐃᓚᖃᕐᓂᖓᓂ – ᓱᓕ ᓯᓚᐃᕐᕆᓂᐅᓪᓗᓂ ᐃᓚᒋᔭᐅᕗᖅ ᐊᑲᐅᙱᓕᐅᕈᑕᐅᔪᒥ.
ᖁᕐᓗᖅᑐᖅ ᒫᓐᓇᓕᓴᐅᓛᖑᔪᒥ ᓄᓇᓕᐅᔪᒥ ᐅᖃᐅᓯᖃᕐᓂᖓᓂ ᐱᓕᕆᔪᒪᓂᖏᓐᓂ ᓂᕈᐊᕐᔪᐊᖅᑎᑦᑎᓂᕐᒥ ᑭᒡᓕᖃᖅᑎᑦᑎᒃᑲᓐᓂᕐᓂᕐᒧᑦ ᐃᒥᐊᓗᖕᒥ ᑭᖑᓂᐊᓂ 2018–ᒥ ᓂᕈᐊᕐᓂᐅᓚᐅᖅᑐᒥ ᑕᑯᓚᐅᖅᑐᒥ ᑭᓖᖃᖅᑎᑦᑎᓂᐅᔪᓂ ᖃᓱᒋᐊᖅᑎᑕᐅᓂᖏᓐᓂ. ᖃᒪᓂᑦᑐᐊᖅ ᐱᓕᕆᐊᖃᓚᐅᖅᐳᖅ ᓂᕈᐊᕐᔪᐊᕐᓂᐅᔪᒥ ᐊᕐᕌᒎᑉ ᐱᒋᐊᕐᓂᐸᓗᐊᓂ. ᓂᐱᖃᖅᑐᓂ ᐃᑲᔪᖅᓱᐃᓂᖃᕋᓗᐊᖅᑎᓪᓗᒍ, ᐱᒋᐊᕈᑕᐅᔪᖅ ᕿᒥᕐᕈᓂᕐᒧᑦ ᓂᐅᕕᐊᒃᓴᖃᕐᓂᐅᔪᓂ ᐅᕘᓇ ᐃᒥᐊᓗᓕᕆᔨᒃᑯᓐᓂ ᑲᑎᒪᔨᕋᓛᖑᔪᓄᑦ ᖄᖏᖅᓯᐊᕐᔪᓚᐅᖅᐳᑦ 60 ᐳᓴᓐᑎᒥ ᑭᒡᓕᖃᕆᐊᖃᕐᓂᐅᔪᒥ ᐊᓂᒍᖅᑎᑦᑎᓂᕐᒧᑦ.
ᐅᑯᐊ ᓂᕈᐊᕐᓂᐅᒐᔪᒃᑐᑦ ᖃᔅᓯᒐᓚᖕᓂ ᓄᓇᓕᐅᔪᓂ ᑕᑯᒃᓴᐅᑎᑦᑎᕗᑦ ᐱᔪᒪᓂᐅᔪᒥ ᓇᓂᓯᓂᕐᒥ ᐋᖅᑭᒍᑎᒃᓴᒥ, ᐃᓱᓕᒃᑲᓗᐊᕈᑎᒃ ᐱᐅᒋᔭᐅᙱᓐᓂᖏᓐᓂ ᐊᒻᒪ ᐃᓱᐊᓂ ᐱᓕᕆᓂᖃᑦᑎᐊᙱᓪᓗᑎᒃ.
ᑭᒡᓕᖃᖅᑎᑕᐅᓂᐅᔪᑦ ᐲᖅᓯᔪᓐᓇᖅᐳᑦ ᐱᒋᐊᕐᓂᕆᔭᖓᓂ ᐊᑲᐅᙱᓕᐅᕈᑕᐅᔪᒥ, ᑭᓯᐊᓂ ᐋᖅᑭᒃᓯᔾᔮᙱᓚᑦ ᐊᑖᓃᑦᑐᒥ ᓱᔪᐃᓂᐅᔪᓂ ᐊᔭᐅᕆᕙᒃᑐᓂ ᐅᐃᕆᓯᒪᓂᐅᔪᓂ ᐃᓕᖅᑯᓯᐅᔪᓂᑦ.
ᐸᖅᑭᑦᑎᐊᕐᓂᕐᒥ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐊᒻᒪᓗ ᑐᐊᕕᕐᓇᕐᓂᐅᔪᒥ ᓄᓇᕗᒻᒥᐅᑦ ᐊᑐᖅᑕᖏᓐᓂ ᓯᕗᒻᒧᒃᐸᓪᓕᐊᑦᑎᐊᕐᓂᐅᓛᖑᕗᑦ, ᐊᒻᒪ ᐊᒥᓱᓂ ᐃᓄᑦᑎᐊᕙᒃᑕᖃᖅᐳᖅ ᓄᓇᒥ ᐱᓕᕆᐊᒃᓴᓂ ᐱᓕᕆᔪᓂ ᐊᓯᖏᓐᓂ ᐃᑲᔪᕐᓂᕐᒧᑦ ᖃᐅᒪᓂᕐᒧᐊᕐᓂᕐᒧᑦ.
ᐅᓂᒃᑳᖑᔪᓂ ᓂᕆᐅᖕᓂᐅᔪᒧᑦ ᐅᖃᐅᓯᐅᕙᓪᓕᐊᕗᑦ, ᒪᒃᑯᒃᑐᓅᒍᓂ ᐊᑭᕋᖅᑐᖅᑐᓂ ᐱᑕᖃᙱᓗᐊᕐᓂᖓᓂ ᐃᑲᔪᕈᑎᒃᓴᓂ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐅᕝᕙᓘᓐᓃᑦ ᐆᒪᓯᒪᐃᓐᓇᖅᓯᒪᔪᓂ ᐋᓐᓂᖅᓯᖅᑕᐅᖃᑦᑕᕐᓂᕐᒧᑦ ᖄᖏᐅᑎᓯᒪᔪᓂ ᐊᔪᓕᕈᑎᒋᓯᒪᓚᐅᖅᑕᖏᓐᓂ ᐊᒻᒪ ᑕᑯᔪᒪᔪᓂ ᐊᓯᖏᓐᓂ ᐱᓕᕆᑦᑎᐊᕈᓐᓇᕐᓂᖏᓐᓂ.
ᓯᑏᕙᓐ ᑳᕈᑕᓐ ᐊᑕᐅᓯᐅᓪᓗᓂ ᐃᑲᔪᖅᓱᐃᔨᐅᕗᖅ. ᑲᑎᒪᑎᑦᑎᓯᒪᕗᖅ ᑲᖏᖅᖠᓂᕐᒥ ᐊᒻᒪ ᖃᒪᓂᑦᑐᐊᕐᒥ ᐱᓕᕆᔾᔪᑎᖃᖅᑐᒥ ᐅᓂᒃᑳᖅᑐᐊᕐᓂᕐᒥ ᐊᒻᒪ ᐅᖃᐅᓯᖃᕐᓂᖓᓐᓂ ᐊᑐᖅᑕᐅᓂᑯᓂ ᐃᓄᖕᓂ ᐊᑐᖅᓯᒪᔪᓂ ᐋᓐᓂᖅᓯᕆᓂᐅᔪᒥ, ᐅᐃᕆᓯᒪᓂᐅᔪᒥ ᐊᒻᒪ ᐱᓂᕐᓗᕐᔪᐊᖅᑕᐅᓂᕐᓂ.
“ᓯᕗᓪᓕᖅᐹᖑᔪᖅ ᑐᑭᓯᔭᕆᐊᖃᖅᑕᕗᑦ ᐱᑎᑦᑎᓚᐅᙱᑦᑐᑎᑦ ᑕᐃᒪᐃᓚᐅᕐᓂᖓᓂ,” ᐅᖃᓚᐅᖅᐳᖅ ᑳᕈᑕᓐ. “ᐊᒻᒪ ᒪᕐᕈᖓᓂ, ᐱᒻᒪᕆᕐᔪᐊᖑᕗᖅ ᓴᐅᓯᑐᐃᓐᓇᙱᓐᓂᑦᑎᓐᓂ ᐅᑯᓂᖓ ᐃᓅᓯᑦᑎᓐᓂ. ᐅᖃᓪᓚᒍᑎᕆᔭᕆᐊᖃᖅᐸᕗᑦ. ᓱᖏᐅᓐᓇᖅᓯᑎᑦᑎᔭᕆᐊᖃᖅᐳᒍᑦ ᐅᖃᓪᓚᖕᓂᐅᔪᓂ ᑕᐃᒃᑯᓄᖓ ᐊᒃᓱᕈᕈᑎᒋᔭᑦᑎᓐᓂ.”
ᐃᓄᐃᑦ ᓴᐱᓕᖅᓯᒪᑎᓪᓗᒋᑦ ᐊᒻᒪ ᐃᓄᑑᔮᖅᖢᑎᒃ, ᐊᔪᕐᓇᙱᓚᖅ ᓴᖑᓂᕐᒧᑦ ᐃᓗᒻᒧᑦ, ᑭᓯᐊᓂ ᑲᑉᐱᐊᓇᕋᓗᐊᖅᑎᓪᓗᒍ ᑭᓇᑐᐃᓐᓇᒧᑦ ᐅᖃᖃᑎᖃᕐᓂᕐᒥ ᐊᒃᓱᕈᕐᓇᖅᑐᒃᑰᖅᑎᓪᓗᑎᑦ, ᒪᑐᐃᕐᓂᖅ ᓯᕗᓪᓕᖅᐸᐅᓪᓗᓂ ᐱᓕᕆᓂᐅᕗᖅ ᐃᓕᖕᓂ ᒪᑐᐃᖅᓯᓂᕐᒥ ᓄᑖᖑᔪᓄᑦ ᐱᕕᒃᓴᖃᕐᓂᐅᔪᓄᑦ.
ᐱᓂᕐᓗᒡᔪᐊᖅᓯᒪᓂᐅᔪᓄᑦ ᐊᒻᒪ ᐅᐃᕆᓯᒪᓂᐅᔪᓂ ᒪᒥᓴᕐᕕᐅᔪᒥ ᑎᑭᓐᓂᐊᖅᑐᒥ ᐃᖃᓗᖕᓄᑦ ᐃᑲᔪᕐᓂᐅᓂᐊᖅᐳᖅ ᑎᑭᒃᑯᓂ – ᑕᐃᒪᑐᖅ – ᐊᕐᕌᒍᒃᑲᓐᓂᕐᓂ ᑎᓴᒪᓂ, ᑭᓯᐊᓂ ᐃᑲᔪᖅᓱᐃᓂᐅᒃᑲᓐᓂᖅᑐᓂ ᓴᓇᔭᐅᔭᕆᐊᖃᖅᐳᑦ ᐊᖓᔪᖅᑳᖃᕐᕕᐅᑉ ᓯᓚᑖᓂ.
ᓈᒻᒪᒃᓴᙱᓐᓂᖏᓐᓂ ᑕᑯᒃᓴᐅᑎᑦᑎᔪᑦ ᓂᓪᓕᓚᐅᖅᑐᓂ ᑕᒪᑐᒪᓂ ᐱᓇᓱᐊᕈᓯᐅᔪᒥ ᐃᖃᓗᖕᓂ, ᑲᖏᖅᖠᓂᕐᒥ ᐊᒻᒪ ᐊᓯᖏᓐᓂ ᓄᓇᓕᐅᔪᓂ ᓇᓚᐅᑉᐳᑦ, ᐊᑯᓂᐅᓗᐊᖅᐳᖅ, ᐊᒻᒪ ᓈᒻᒪᙱᓚᖅ
ᐃᓄᐃᑦ ᑲᑕᐃᓐᓇᖅᐸᒃᑎᓪᓗᒋᑦ ᖁᐱᓯᒪᓂᐅᔪᓂ ᑐᓂᔭᐅᓯᒪᖕᒪᑕ ᑖᔅᓱᒥᖓᑦᑕᐃᓐᓇᖅ ᐱᑕᖃᙱᓗᐊᕐᓂᖓᓂ ᓂᕈᐊᒐᒃᓴᐅᔪᓂ ᐅᓄᕐᓂᖅᓴᐅᔪᓄᑦ ᐊᕐᕌᒍᓄᑦ 20–ᓄᑦ.
ᓄᑖᖑᔪᒥ ᓄᓇᕗᒻᒥ ᒐᕙᒪᐅᔪᓂ ᐱᔪᓐᓇᕐᓂᖅᑖᖅᓯᒪᕗᑦ. ᓯᕗᓕᖅᑎᕗᑦ, ᒥᓂᔅᑕᐅᔪᓂ ᑲᑎᒪᔨᐅᔪᑦ ᐊᒻᒪ ᒪᓕᒐᓕᐅᖅᑎᐅᔪᑦ ᐊᐃᖏᓐᓂ ᐃᒧᓯᔭᕆᐊᖃᖅᐳᑦ ᐊᒻᒪ ᐊᒃᓱᕈᕐᓗᑎᒃ ᐱᓕᕆᖃᑎᖃᕆᐊᖃᖅᐳᑦ ᓄᓇᕗᒻᒥ ᑐᙵᕕᒃᑯᓐᓂ ᐊᒻᒪ ᒐᕙᒪᑐᖃᒃᑯᓐᓂ ᑎᑭᐅᑎᓂᕐᒧᑦ ᐊᑕᐅᓯᑐᐊᖑᙱᑦᑐᒥ ᒪᒥᓴᕐᕕᐅᔪᒥ.