ᐅᑭᐅᖅ ᓯᓚᖓᓐᓂ ᓱᒃᑲᔪᒥ ᑎᑭᑉᐸᓪᓕᐊᑎᓪᓗᒍ, ᐊᑦᑕᓇᔾᔭᐃᖅᓯᒪᓂᕐᒥ ᐊᐅᓪᓛᖅᑎᓪᓗᒋᑦ ᐊᒻᒪ ᐊᖑᓇᓱᖕᓂᕐᒥ ᓄᓇᒥ ᐃᓱᒪᒋᔭᐅᓂᖅᐹᖑᕗᖅ ᐊᒥᓱᓄᑦ ᓄᓇᕗᒻᒥᐅᓄᑦ.
ᐊᒃᓱᕈᕐᓂᖃᖅᐳᖅ ᐊᐅᓚᑦᑎᓂᕐᒥ ᐊᑑᑎᖃᑦᑎᐊᖅᑐᒥ ᐸᖅᓴᐃᓂᕐᒧᑦ ᐊᒻᒪ ᓴᐳᔾᔨᓂᕐᒧᑦ (SAR) ᐊᐅᓚᑕᐅᓂᐅᔪᓂ ᓄᓇᕗᒻᒥ, ᐅᖃᐅᓯᐅᓪᓗᓂ ᐸᖅᓴᐃᓂᕐᒧᑦ ᐊᒻᒪ ᓴᐳᔾᔨᓂᕐᒧᑦ ᐊᑭᓕᖅᓱᖅᑕᐅᓇᑎᒃ ᐃᑲᔪᖅᐸᒃᑐᓂ ᕿᑎᕐᒥᐅᓂ.
ᐅᑯᐊ ᐃᓚᖃᖅᐳᑦ ᐊᖏᒡᓕᕙᓪᓕᐊᔪᒥ ᐸᖅᓴᐃᓂᕐᒧᑦ ᐊᒻᒪ ᓴᐳᔾᔨᓂᕐᒧᑦ ᐱᓕᕆᐊᒃᓴᐅᔪᓂ ᐱᑎᑕᐅᔪᒥ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ; ᐊᓯᐅᔨᓂᕐᒥ ᓄᓇᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᐅᔨᒪᓂᐅᔪᒥ; ᐱᓕᒻᒪᒃᓴᕐᓂᕐᒧᑦ ᐃᓚᑰᓂᐅᔪᓂ; ᐱᓕᕆᔾᔪᑎᓄᑦ ᐱᑕᖃᙱᓗᐊᕐᓂᖓᓂ; ᐊᑭᓕᖅᓱᖅᑕᐅᓇᑎᒃ ᐃᑲᔪᖅᑎᐅᔪᓂ ᑕᖃᓗᐊᖅᐸᒃᑐᓄᑦ; ᐱᑕᖃᙱᓗᐊᕐᓂᖓᓂ ᐃᓱᒪᒧᑦ ᐊᒻᒪ ᑎᒥᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐃᑲᔪᖅᓱᐃᓂᐅᔪᓂ ᑭᐅᔨᐅᔪᓄᑦ; ᐊᔪᕐᓇᕐᓂᖓᓂ ᐊᐅᓚᑦᑎᓂᕐᒥ, ᐊᖏᖃᑎᒌᖕᓂᐅᔪᒥ ᐊᒻᒪ ᐋᔩᖃᑎᒌᖕᓂᐅᔪᒥ ᓄᓇᓕᖕᓂ, ᓄᓇᕗᒻᒥ/ᑲᓇᑕᒥ ᐊᕕᒃᑐᖅᓯᒪᓂᐅᔪᓂ, ᒐᕙᒪᑐᖃᒃᑯᓐᓂ ᑭᒡᓕᐅᔪᓂ; ᐊᒻᒪ ᓱᒃᑲᐃᑦᑐᒥ ᑭᐅᓂᐅᔪᓂ ᖃᓪᓗᓈᑦ ᓄᓇᖓᓐᓂ–ᑐᙵᕕᓕᖕᓂ ᐸᖅᓴᐃᓂᕐᒧᑦ ᐊᒻᒪ ᓴᐳᔾᔨᓂᕐᒧᑦ ᐱᖁᑎᖏᓐᓄᑦ.
ᑕᐃᒪᐃᒃᑲᓗᐊᖅᑎᓪᓗᒍ, ᐱᓕᕆᓂᖃᕐᔪᐊᖅᓯᒪᕗᑦ ᐱᓕᒻᒪᒃᓴᐃᓂᕐᒥ ᐱᔪᒪᔪᓂ ᓄᓇᖃᖅᑎᐅᔪᓂ ᐸᖅᓴᐃᓂᕐᒧᑦ ᐊᒻᒪ ᓴᐳᔾᔨᓂᕐᒧᑦ ᐱᓕᕆᔾᔪᓯᐅᔪᓂ ᓄᓇᕗᓕᒫᒥ.
ᑲᓇᑕᐅᑉ ᐃᒪᖓᓐᓂ ᒥᐊᓂᖅᓯᔩᑦ ᓯᒡᔭᖅᐸᓯᖕᒥ ᓴᐳᔾᔨᓂᐅᔪᒥ ᐅᒥᐊᖃᕐᕕᖓ ᐱᔭᕇᓚᐅᖅᐳᑦ ᑎᓴᒪᖓᓂ ᐱᓕᕆᑦᑎᐊᕈᓐᓇᕐᓂᐅᔪᒥ ᐊᕐᕌᒎᑉ ᐃᓚᖓᓐᓂ ᑲᖏᖅᖠᓂᕐᒥ ᓯᑎᐱᕆ 7–ᒥ.
ᐱᓕᕆᐊᖑᔪᖅ ᐊᔭᐅᕆᕗᖅ ᓄᓇᖃᖅᑳᖅᓯᒪᔪᓂ ᐃᓕᓐᓂᐊᖅᑎᓂ ᑲᓇᑕᓕᒫᒥ ᐱᓕᕆᓕᒪᓂᖃᕐᓂᕐᒥ ᐃᖅᑲᓇᐃᔭᕐᓗᑎᒃ ᐃᒪᖓᓐᓂ ᒥᐊᓂᖅᓯᔨᓂᑦ, ᑲᑎᓪᓗᒍ 8–ᖑᔪᓂ ᐃᓕᓐᓂᐊᖅᑎᓂᑦ ᐃᓚᐅᖃᑕᐅᔪᓐᓇᖅᓯᒪᔪᓂ ᑭᕙᓪᓕᕐᒥ ᖄᖏᖅᓯᒪᓕᖅᑐᒥ ᐊᕐᕌᒎᔪᒥ.
6–ᖑᔪᑦ ᑕᒪᑐᒪᓂ ᐊᕐᕌᒎᔪᒥ ᐱᓕᕆᔨᖏᑦ ᓄᓇᖃᖅᑳᖅᓯᒪᓂᐅᕗᑦ, ᐃᓚᖃᖅᑐᒥ ᒪᕐᕉᖕᓂ ᐃᓄᖕᓂ ᐃᓕᓐᓂᐊᖅᑎᐅᔪᓂ ᐃᓕᑦᑎᓯᒪᑐᐃᓐᓇᙱᑦᑐᓂ ᐱᓕᕆᓂᐅᔪᓂ, ᑭᓯᐊᓂ ᐃᑲᔪᓚᐅᖅᐳᑦ ᐃᓕᓐᓂᐊᖅᑎᑦᑎᓂᕐᒥ ᐃᖅᑲᓇᐃᔭᖃᑎᒥᓂᒃ ᐃᓄᒃᑎᑐᒐᓛᖕᒥ ᐱᓕᕆᑎᓪᓗᒋᑦ, ᐃᐊᒪ ᒧᐊᕐ, ᐱᓕᕆᔨᒻᒪᕆᐅᔪᒥ ᐃᒪᖓᓐᓂ ᒥᐊᓂᖅᓯᔩᑦ ᐸᖅᓴᐃᓂᕐᒧᑦ ᐊᒻᒪ ᓴᐳᔾᔨᓂᕐᒧᑦ ᐱᓕᕆᐊᖑᔪᒥ, ᐅᖃᓚᐅᖅᐳᖅ ᐱᒻᒪᕆᕐᔪᐊᖑᓂᖓᓂ.
ᒧᐊᕐ ᐅᔾᔨᕈᓱᓚᐅᕆᕗᖅ ᐃᖅᑲᓇᐃᔭᖅᑎᐅᔪᑦ ᐃᓚᐅᖃᑕᐅᓚᐅᕐᓂᖏᓐᓂ ᖃᕋᓴᐅᔭᑎᒍᑦ ᐅᒥᐊᕐᔪᐊᒥ ᐃᖏᕐᕋᓂᐅᔪᓂ ᐱᓕᒻᒪᒃᓴᕐᓂᐅᔪᓂ, ᐃᓅᓕᓴᐃᓂᕐᒧᑦ ᐱᓕᒻᒪᒃᓴᕐᓂᐅᔪᒥ, ᐃᓕᓐᓂᐊᕐᓂᐅᔪᓂ ᐱᖅᑯᓯᑐᖃᖅᑎᒍᑦ ᖃᐅᔨᒪᓂᐅᔪᒥ ᐊᒻᒪ ᓄᓇᙳᐊᓕᐅᕐᓂᕐᒥ ᓄᓇᓕᖕᓂ ᐃᒪᖓᓐᓂ.
“ᐊᒥᓱᐃᑦ ᐃᓂᐅᔪᑦ ᓄᓇᙳᐊᓕᐅᖅᓯᒪᙱᓚᑦ, ᑕᐃᒫᒃ ᑕᐃᑯᙵᕐᓂᐊᖅᐳᑦ ᐊᒻᒪ ᐃᒻᒥᓂᒃ ᓇᓗᓇᐃᒃᑯᓯᕐᓗᓂᒋᑦ,” ᐅᖃᓚᐅᖅᐳᖅ ᒧᐊᕐ.
ᐃᒪᖓᓐᓂ ᒥᐊᓂᖅᓯᔩᑦ ᐱᓕᕆᓂᖃᑎᖃᖅᐳᑦ ᑲᓇᑕᒥ ᖃᐅᔨᓴᐃᓂᐅᔪᒥ ᐊᒻᒪ ᓄᓇᙳᐊᓕᕆᓂᕐᒥ ᐃᒪᐅᔪᓄᑦ ᐱᔨᑦᑎᕋᕐᓂᐅᔪᒥ, ᖃᐅᔨᓴᖅᐸᒃᑐᓂ ᑕᒪᒃᑭᓂ ᖃᐅᔨᓴᖅᑕᐅᓂᑯᓂ ᑎᑎᕋᖅᓯᒪᔪᓂᒃ ᐃᒪᖓᓐᓂ ᒥᐊᓂᖅᓯᔩᑦ ᐅᒥᐊᕐᔪᐊᓂ ᐊᑐᓲᖑᔪᓂ ᑕᐃᔅᓱᒥᖓ ᖃᐅᔨᓴᖅᑕᐅᓂᑯᓂ ᑎᑎᕋᖅᓯᒪᔪᓂᒃ ᓄᑖᙳᕆᐊᖅᑎᑦᑎᕙᒃᑐᓂ ᓄᓇᙳᐊᓂ ᐃᓂᐅᔪᒧᑦ.
ᐅᓇ ᐱᒻᒪᕆᐅᕗᖅ ᐅᖓᕙᕆᐊᖅᑎᑦᑎᓂᕐᒥ ᐊᑦᑕᓇᔾᔭᐃᖅᓯᓯᒪᓂᕐᒧᑦ ᓇᖕᒥᓂᖅ ᐊᐅᓪᓛᕐᓂᑐᐃᓐᓇᐅᙱᑦᑐᒥ, ᑭᓯᐊᓂ ᓂᐅᕕᐊᒃᓴᐅᓂᖃᖅᐸᒃᑐᓂ ᐅᒥᐊᕐᔪᐊᓄᓄᑦᑕᐅᖅ.
ᐊᕐᕌᒍᑲᓴᑦ ᐱᖓᓱᓂ ᐳᓚᕋᕐᓂᐅᔪᒥ ᐅᒥᐊᕐᔪᐊᖑᔪᒥ ᐃᒃᑲᕐᕆᑦᑐᖃᓚᐅᖅᑎᓪᓗᒍ ᑰᒑᕐᔫᑉ ᖃᓂᒋᔭᖓᓂ 2018–ᒥ, ᐅᓯᑲᑦᑕᕐᓂᕐᒧᑦ ᐊᑦᑕᓇᔾᔭᐃᓯᓯᒪᓂᕐᒧᑦ ᑲᑎᒪᔨᐅᔪᓂ ᑲᓇᑕᒥ ᑎᑎᕋᐃᓚᐅᖅᐳᑦ ᖃᐅᔨᓴᐃᓂᐅᔪᒥ ᐅᓂᒃᑳᓕᐊᒥ ᓇᓂᓯᓚᐅᖅᑐᒥ ᐱᑕᖃᙱᓐᓂᐅᔪᒥ ᖃᐅᔨᓴᐃᓂᐅᔪᓂ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐃᒫᓗᖓᓂ ᑕᑯᒃᓴᐅᑎᑦᑎᓂᖓᓂ ᐊᖏᐸᓗᒃᑐᓂ ᐅᓗᕆᐊᓇᕐᓂᐅᔪᓂ ᐅᒥᐊᕐᔪᐊᓄᑦ ᐃᖏᕐᕋᔪᓄᑦ ᐅᑭᐅᖅᑕᖅᑐᒥ ᐃᒪᖓᓐᓂ.
ᓄᕙᒡᔪᐊᕐᓇᕐᒥ ᑭᒡᓕᖃᖅᑎᑕᐅᓂᐅᔪᑦ ᐊᔪᕐᓇᖅᑎᑦᑎᒃᑲᓐᓂᖅᓯᒪᕗᖅ ᐱᓕᕆᖃᑎᖃᕐᓂᕐᒥ ᓄᓇᓕᐅᔪᓂ, ᑭᓯᐊᓂ ᐃᒪᖓᓐᓂ ᒥᐊᓂᖅᓯᔩᑦ ᐱᓕᕆᔨᖏᑦ ᐱᓕᕆᐊᖃᓚᐅᖅᐳᑦ ᑎᓴᒪᓂ ᐱᓕᒻᒪᒃᓴᐃᓂᐅᔪᓂ ᐱᓕᕆᓂᐅᔪᓂ, ᐊᑕᐅᓯᖅ ᑲᑐᔾᔭᐅᓪᓗᓂ ᐱᓕᕆᓂᐅᓪᓗᓂ ᑲᖏᖅᖠᓂᕐᒥ ᖃᑦᑎᕆᔨᒃᑯᓐᓂ, ᐊᒻᒪᓗᑦᑕᐅᖅ ᐱᖓᓱᓂ ᐸᖅᓴᐃᓂᕐᒧᑦ ᐊᒻᒪ ᓴᐳᔾᔨᓂᕐᒧᑦ ᐱᓕᕆᓂᙳᐊᖑᔪᓂ ᑕᒪᑐᒪᓂ ᐊᐅᔭᐅᔪᒥ.
ᒧᐊᕐ ᐅᖃᓚᐅᖅᐳᖅ ᐃᒪᖓᓐᓂ ᒥᐊᓂᖅᓯᔩᑦ ᓂᕆᐅᒃᐳᑦ ᐃᓚᐅᑎᑦᑎᒃᑲᓐᓂᕈᓐᓇᕐᓂᖏᓐᓂ ᐃᓕᓐᓂᐊᖅᑎᒃᑲᓐᓂᕐᓂ ᑭᕙᓪᓕᕐᒥ ᐊᐅᔭᐅᓛᖅᑐᒧᑦ.
ᕿᑎᕐᒥᐅᓂ ᐸᖅᓴᐃᓂᕐᒧᑦ ᐊᒻᒪ ᓴᐳᔾᔨᓂᕐᒧᑦ ᐱᓕᕆᐊᒃᓴᐅᔪᖅ, ᕿᒥᕐᕈᔪᒥ ᓄᓇᕘᑉ ᓄᓇᓕᖕᓂ–ᑐᙵᕕᓕᖕᓂ ᐸᖅᓴᐃᓂᕐᒧᑦ ᐊᒻᒪ ᓴᐳᔾᔨᓂᕐᒧᑦ ᐱᓕᕆᔾᔪᓯᐅᔪᒥ ᓇᓗᓇᐃᖅᓯᓂᕐᒧᑦ ᓴᙱᓂᐅᔪᓂ, ᐊᒃᓱᕈᕐᓂᐅᔪᓂ ᐊᒻᒪ ᑐᕌᒐᕆᔭᐅᔪᓂ ᐱᐅᓯᒋᐊᖅᑎᑦᑎᓂᕐᒧᑦ ᑭᐅᓂᐅᔪᓂ, ᐱᓕᕆᓂᖃᓚᐅᖅᐳᑦ ᑲᑎᒪᓂᕐᔪᐊᖑᔪᒥ ᐅᖃᐅᓯᖃᕐᓂᕐᒧᑦ ᐃᖃᓗᒃᑑᑦᑎᐊᕐᒥ 2020-ᒥ. ᖃᓄᐃᓐᓂᐅᔪᖅ ᑲᑎᖃᑎᖃᖅᑎᑦᑎᓚᐅᖅᐳᖅ ᐅᓄᕐᓂᖅᓴᐅᔪᓂ 60–ᓂ ᐸᖅᓴᐃᓂᕐᒧᑦ ᐊᒻᒪ ᓴᐳᔾᔨᓂᕐᒧᑦ ᐃᓚᒋᔭᐅᔪᓂ ᑕᓪᓕᒪᓂ ᕿᑎᕐᒥᐅᓂ ᓄᓇᓕᐅᔪᓂ ᐊᒻᒪᓗᑦᑕᐅᖅ ᐃᓕᓐᓂᐊᕐᓂᓂ ᐊᒻᒪ ᑭᒡᒐᖅᑐᐃᔨᓂ ᒐᕙᒪᑐᖃᒃᑯᓐᓂ ᐊᒻᒪ ᓄᓇᕗᒻᒥ ᐱᓕᕆᕝᕕᐅᔪᓂ ᐊᒻᒪ ᒐᕙᒪᓕᕆᔨᐅᔪᓄᑦ.
ᒫᓐᓇᐅᔪᒥ, ᐅᖅᓱᖅᑑᒥ ᐸᖅᓴᐃᓂᕐᒧᑦ ᐊᒻᒪ ᓴᐳᔾᔨᓂᕐᒧᑦ ᑲᑎᒪᔨᕋᓛᖑᔪᓂ ᐱᕈᖅᓴᐃᓐᓇᖅᐳᖅ ᐃᖏᕐᕋᓂᐅᔪᒥ, ᐋᒻᐳᕐ ᐃᓖᕼᐃᑐᒃ ᐱᓕᕆᕐᔪᐊᖅᖢᓂ, ᑕᑯᒃᓴᐅᑎᑦᑎᔪᒥᒃ ᐊᑕᐅᓯᑐᐊᕐᒥ ᑐᕌᖓᓂᖃᖅᑐᒥ ᐃᓄᖕᒥ ᐊᖅᓴᒥᒃ ᐊᒃᓴᑳᓕᖅᑎᑦᑎᓂᕐᒧᑦ ᓇᓕᐊᑐᐃᓐᓇᓂ ᐱᒋᐊᕈᑕᐅᔪᓄᑦ.
ᑲᑎᒪᔨᕋᓛᑦ ᒫᓐᓇ ᐅᓄᕐᓂᖅᓴᐅᔪᓂ 12-ᓂ ᐊᑭᓕᖅᓱᖅᑕᐅᓇᑎᒃ ᐃᑲᔪᖅᑎᖃᓕᖅᐳᑦ ᐊᒻᒪᓗ ᓄᓇᓕᐅᔪᑦ ᐱᕈᖅᓴᐃᓯᒪᕗᑦ $21,000–ᓂ ᐱᙴᑎᒍᑦ ᑕᐃᒪᙵᓂ ᒫᔾᔨᒥ, ᐱᔪᓐᓇᖅᑎᑦᑎᓪᓗᑎᒃ ᑲᑎᙵᐅᓂᔪᓂ ᓂᐅᕕᕐᓂᕐᒧᑦ ᓄᑖᒥ ᓯᑭᑑᕐᒥ ᓯᑎᐱᕆᐅᑉ ᓄᙳᐊᓂ. ᑲᑎᙵᓂᐅᔪᑦ ᓱᓕ ᑮᓇᐅᔭᓂ ᐱᕈᖅᑎᑦᑎᕙᓪᓕᐊᕗᑦ ᐊᓯᖏᓐᓄᑦ ᐱᔭᕆᐊᓕᖕᓂ ᐱᓕᕆᔾᔪᑎᓂᑦ ᐊᒻᒪ ᓱᓇᒃᑯᑖᓄᑦ.
ᐃᓖᕼᐃᑐᒃ ᑎᑎᕋᖅᐸᒃᑭᕗᖅ ᓄᓇᖃᖅᑎᐅᔪᓄᑦ ᕙᐃᔅᐳᒃᑯᑦ, ᓲᕐᓗ, ᐅᔾᔨᕈᓱᖕᓂᕐᒥ ᓯᓚᑦᑎᐊᕙᐅᙱᓐᓂᐅᔪᓂ ᑎᑭᑉᐸᓪᓕᐊᔪᓂ ᐊᒻᒪ ᐃᖅᑲᐃᑎᑦᑎᔪᒥᒃ ᐅᖃᐅᔾᔨᓂᖏᓐᓂ ᐃᓚᒋᔭᐅᔪᓂ ᐱᒻᒪᕆᐅᔪᓂ ᐅᓂᒃᑳᖅᓯᒪᓂᐅᔪᓂ ᐊᐅᓪᓛᕐᓂᐅᔪᓄᑦ ᐱᓕᕆᓂᐊᕐᓂᖏᓐᓂ ᓄᓇᒥᑦ.
ᐅᑯᐊ ᐃᖏᕐᕋᓂᐅᓪᓗᓂ ᐱᓕᕆᓂᐅᕗᑦ ᑭᓇᑐᐃᓐᓇᒧᑦ ᐃᑲᔪᕈᒪᔪᓂ ᓄᓇᓕᖏᓐᓂ ᐊᑦᑕᓇᔾᔭᐃᖅᓯᓯᒪᓂᕐᒧᑦ.