ᓂᕐᔪᑎᓂ ᐸᖅᑭᔭᐅᑦᑎᐊᕐᓂᖏᓐᓂ ᐊᒻᒪ ᓴᐳᔾᔭᐅᓂᖏᓐᓂ ᐊᑕᐅᓯᐅᓪᓗᓂ ᐃᒃᓯᓐᓇᖅᑕᐅᓯᒪᒐᔪᒃᑐᒥ ᐊᑲᐅᙱᓕᐅᕈᑕᐅᔪᖅ ᓵᙵᔪᒥ ᓄᓇᕗᒻᒥ.
ᐊᐃᑦᑖᖑᒐᓗᐊᖅ ᓱᓕᓂᐅᕗᖅ ᐅᑭᐅᖅᑕᖅᑐᒥ ᐱᔭᐅᔪᒪᙱᑦᑐᑦ, ᐃᐱᖅᓯᒪᙱᑦᑐᑦ ᐅᕝᕙᓘᓐᓃᑦ ᐊᓯᐅᖅᑲᔨᔭᐅᔪᑦ ᕿᒻᒦᑦ ᕿᓚᒥᑯᓗᒃ ᐊᑲᐅᙱᓕᐅᕈᑎᙳᕈᓐᓇᖅᐳᑦ ᓄᓇᓕᖕᓂ ᐊᒻᒪᓗ ᐱᑕᖃᙱᓐᓂᖓᓂ ᐊᓯᖏᓐᓂ ᐱᔨᑦᑎᕋᕐᓂᐅᔪᓂ ᑕᑯᓂᐊᖅᐳᑦ ᐃᓅᓯᖓᓐᓂ ᐃᓱᓕᑦᑐᒥ ᖁᑭᖅᑕᐅᓂᖏᓐᓂ.
ᒪᓕᒐᓕᕆᔨᕋᓛᑦ ᐱᓕᕆᐊᒃᓴᖃᒐᔪᒃᐳᑦ ᑲᒪᒋᔭᖃᕐᓂᖏᓐᓂ ᐅᑯᓂᖓ “ᐊᑲᐅᙱᓕᐅᕈᑕᐅᔪᓂ” ᓂᕐᔪᑎᓂᑦ.
ᑲᖏᖅᖠᓂᕐᒥ, ᑎᑭᐅᒪᔪᒧᑦ 150−ᓂ ᕿᒻᒥᓂᑦ ᖁᑭᖅᑕᐅᒐᔪᓚᐅᖅᐳᑦ ᑭᓯᐊᓂ ᑐᑭᒧᐊᒃᑎᑦᑎᔨ ᐃᓄᓕᒫᓄᑦ ᐱᔨᑦᑎᕋᕐᓂᕐᒧᑦ ᒫᒃ ᕙᐃᔭᑦ ᐃᓇᖏᖅᓯᒐᒥ 2017−ᒥ. ᒫᓐᓇ ᐃᖅᓯᓇᖅᑐᑦ ᕿᒻᒥᑦ ᖁᑭᖅᑕᐅᓲᖑᓕᖅᐳᑦ.
ᐃᒪᓐᓇᖔᖅ, ᐃᒃᓯᓐᓇᖅᑕᐅᔪᑦ ᕿᒻᒥᑦ ᐱᓯᒪᔭᐅᓲᖑᕗᑦ ᐊᑕᐅᓯᕐᒥ ᒪᕐᕉᔪᓂ ᕿᒻᒥᖃᕐᕕᖕᒥ ᓄᓇᓕᖕᓂ ᐊᒻᒪ ᐊᓯᐊᓂ ᐊᖏᕐᕋᖅᑖᖅᑎᑕᐅᓪᓗᑎᒃ ᖃᓪᓗᓈᑦ ᓄᓇᖓᓐᓂ, ᐊᑭᖃᕐᓇᓂ ᕼᐋᒻᓚᒃᑯᓐᓄᑦ, ᖁᔭᓐᓇᒦᒃ ᑮᓇᐅᔭᓂ ᐱᕈᖅᑎᑦᑎᓂᐅᔪᒥ ᐊᒃᓱᕈᕐᓂᐅᔪᒥ ᐊᒻᒪ ᑲᓱᕐᕕᒃᓴᓕᐊᖑᔪᒥ ᕙᐃᔭᑦ ᓴᓇᓯᒪᔭᖓᓐᓂ.
ᐱᒋᐊᓚᐅᖅᑐᒥ ᒥᑭᖦᖢᓂ ᓯᓚᒥ ᕿᒻᒥᒃᑯᕕᐅᔪᒥ ᐃᓂᒃᓴᙳᖅᐳᖅ ᑎᒍᒥᐊᕈᓐᓇᖅᑐᒥ 6−ᓂ ᓯᓚᒥᐅᑕᓂ ᕿᒻᒥᓄᑦ ᐊᒻᒪ ᐅᖅᑰᓴᖅᑕᐅᓯᒪᔪᒥ ᐃᒡᓘᑉ ᐃᓗᐊᓂ ᕿᒻᒥᒃᑯᕕᖕᒥ ᐱᔭᕇᖅᑕᐅᓵᓚᐅᖅᑐᒥ ᑕᒪᑐᒪᓂ ᐅᑭᐊᒃᓵᖑᔪᒥ ᐃᑭᐊᖅᑎᓕᖅᓯᒪᔪᒥ ᐃᐅᒥᐊᕐᔪᐊᒃᑯᑦ ᐴᕐᔪᐊᖑᔪᒥ ᐃᓚᒋᐊᖅᓯᒪᔪᒥ ᐅᖅᑰᓴᕐᓂᐅᔪᒥ ᒪᓕᒐᓕᕆᔨᕋᓛᑦ ᒍᓛᔾᔪᖓᓂ ᓴᓂᐊᓂ.
ᐅᓇ ᐊᔪᕐᓇᙱᑦᑐᑯᓘᓪᓗᓂ ᑭᓯᐊᓂ ᐃᓱᒪᑐᓂᐅᓪᓗᓂ ᐃᓱᒪᓂᐅᕗᖅ ᐃᔾᔪᐊᖅᑕᐅᔪᓐᓇᖅᑐᒥ ᑕᒪᒃᑭᒐᓚᖕᓂ ᓄᓇᓕᐅᔪᓂ, ᐊᒻᒪ ᐱᔭᕆᐊᖃᑐᐃᓐᓇᕋᔭᖅᐳᖅ ᖃᔅᓯᐊᕐᔪᓂᑐᐃᓐᓇᖅ ᐊᑭᓕᖅᓱᖅᑕᐅᓇᑎᒃ ᐃᑲᔪᖅᑎᓂ ᐊᐅᓚᑦᑎᓂᕐᒧᑦ.
ᕙᐃᔭᑦ ᐅᖓᕙᕆᐊᒃᑲᓐᓂᐅᔭᖅᐸᖓ, ᖃᓂᑦᑐᒥ ᐱᓕᕆᖃᑎᖃᖅᖢᓂ ᒪᓕᒐᓕᕆᔨᕋᓛᓂᑦ ᐅᕘᓇ ᑲᖏᖅᖠᓂᕐᒥ ᓇᔾᔨᓕᖅᑎᑦᑎᔪᓐᓇᐃᓪᓕᑎᑦᑎᓂᕐᒧᑦ ᐊᒻᒪ ᓴᐳᔾᔭᐅᓂᕐᒧᑦ, ᑲᑐᔾᔨᖃᑎᒌᖑᔪᖅ ᐃᒻᒥᖕᓂᒃ ᐊᐅᓚᑕᐅᔪᖅ ᐊᒻᒪ ᐸᐃᔾ ᐴᑦᒧᑦ. ᑮᓇᐅᔭᓂ ᐱᕈᖅᓴᐃᓲᖑᕗᖅ ᐊᑐᐃᓐᓇᖃᖅᑎᑦᑎᓂᕐᒥ ᓇᔾᔨᓕᖅᑎᑦᑎᔪᓐᓇᐃᓪᓕᑎᑦᑎᓂᕐᒧᑦ ᐅᐸᒐᒃᓴᐅᔪᓂᑦ ᐊᒻᒪ ᑐᓂᓯᓲᖑᕗᖅ ᓂᕐᔪᑎᓄᑦ ᐃᓗᐊᖅᓴᐃᔨᓂᑦ ᐱᔨᑦᑎᕋᕐᓂᐅᔪᒥ, ᐊᒻᒪᓗᑦᑕᐅᖅ ᐃᑲᔪᖅᓱᐃᓂᕐᒥ ᓴᐳᔾᔨᔨᐅᖃᑎᒥᓂᑦ ᑲᑎᙵᓂᐅᔪᒥ ᖃᒪᓂᑦᑐᐊᕐᒥ.
ᒪᓕᒐᓕᕆᔨᕋᓛᒃᑯᑦ ᑐᓂᓯᓲᖑᒋᕗᑦ ᐋᓐᓂᐊᓕᕇᒃᑯᓯᖅᓯᓂᕐᓂ ᕿᒻᒥᓄᑦ ᐱᔭᒥᓄᑦ, ᐊᒻᒪᓗᑦᑕᐅᖅ ᕿᒻᒥᓄᑦ ᐊᒡᔭᖅᑕᐅᔪᓄᑦ ᓇᖕᒥᓂᖃᖅᑐᓄᑦ ᐃᓄᓕᒫᓄᑦ ᐊᑦᑕᓇᔾᔭᐃᖅᓯᓯᒪᓂᕐᒧᑦ ᐱᖦᖤᙱᓴᕐᓂᕐᒥ ᐃᓱᒫᓘᑕᐅᒐᔪᒃᑎᓪᓗᒍ ᓄᓇᕗᒻᒥ.
ᐅᑯᐊ ᒥᑭᓐᓂᖅᓴᐅᔪᑦ ᐱᒋᐊᕈᑕᐅᔪᑦ ᐱᒻᒪᕆᐅᓂᖅᓴᐅᕗᑦ ᐃᓱᒪᒋᓪᓗᒍ ᐊᔪᕐᓇᕐᓂᖓᓂ ᓵᙵᔭᐅᓂᐅᔪᓂ ᐃᖃᓗᖕᓂ ᐆᒪᔪᓂᒃ ᑎᒍᐊᖑᔪᓂᑦ ᓴᐳᔾᔨᕕᖕᒥ (IHS), ᐃᓂᖃᕐᕕᐅᔪᒥ ᐊᐅᓪᓚᖅᑎᑦᑎᓂᕐᒧᑦ ᑐᓂᔭᐅᔪᓄᑦ ᓂᕐᔪᑎᓂᑦ ᓄᑖᓄᑦ ᐊᖏᕐᕋᐅᓂᐊᖅᑐᓄᑦ ᐊᒻᒪ ᑲᑐᔾᔨᖃᑎᒌᖑᔪᓄᑦ ᖃᓪᓗᓈᑦ ᓄᓇᖓᓐᓂ.
ᐃᖃᓗᖕᓂ ᐆᒪᔪᓂᒃ ᑎᒍᐊᖑᔪᓂᑦ ᓴᐳᔾᔨᕕᒃ ᐊᓯᐅᔨᓚᐅᖅᐳᖅ ᐃᓂᒋᔭᖓᓂ ᓯᑎᐱᕆᒥ ᐊᕐᕌᓂ ᐊᑐᖅᑐᐊᕐᓂᖓᓂ ᓄᓇᓕᐸᐅᔭᒥ ᐃᖃᓗᖕᓂ ᐃᓱᓕᑎᓪᓗᒍ. ᐅᖅᑯᐊᖃᙱᒃᑲᓗᐊᖅᑎᓪᓗᒍ, ᑲᑎᙵᓂᐅᔪᖅ ᐅᖃᐅᓯᖃᓚᐅᖅᐳᖅ ᓄᕕᐱᕆ 17−ᒥ ᐃᓅᖃᑎᒌᖑᔪᓄᑦ ᓯᐊᒻᒪᖅᑎᑦᑎᓂᖓᓂ ᑎᑎᕋᕐᓂᐅᔪᒥ ᐃᑲᔪᖅᓯᒪᓂᖏᓐᓂ 53−ᓂ ᓂᕐᔪᑎᓂᑦ ᐊᔾᔨᒌᙱᑦᑐᓂ ᓄᓇᓕᐅᔪᓂ ᐊᒻᒪ 29−ᓂ from ᐃᖃᓗᖕᓂ ᑕᐃᒪᙵᓂ ᓯᑎᐱᕆ 1−ᒥ, ᐅᖃᖅᖢᓂ “ᓴᒃᑯᑕᐅᓂᐅᔪᓂ ᑎᑭᑉᐸᒃᐳᑦ ᐱᓇᓱᐊᕈᓯᑕᒫᒥ ᓄᓇᓕᖕᓂ ᐊᒻᒪ ᐃᖃᓗᖕᓂ. ᐃᓚᖏᑦ ᕿᒻᒥᑦ ᐃᓱᓕᑦᑎᔪᒥ ᓄᓇᓕᐸᐅᔭᒥ ᕿᒻᒥᒃᑯᕕᖓᓐᓂ ᓱᓕ ᐅᕙᑦᑎᓐᓄᐊᓲᖑᕗᑦ.”
ᐃᖃᓗᖕᓂ ᐆᒪᔪᓂᒃ ᑎᒍᐊᖑᔪᓂᑦ ᓴᐳᔾᔨᕕᒃ ᒫᓐᓇᐅᔪᒥ ᐊᐅᓚᑦᑎᕗᖅ ᐅᒥᐊᕐᔪᐊᒃᑰᕈᑎᓂ ᐴᕐᔪᐊᓂ ᐊᒻᒪ ᑎᒍᐊᖅᑎᓂ ᓴᖅᑭᑦᑐᖃᖅᓯᒪᕗᖅ ᐱᔭᕆᐊᖃᕐᓂᐅᔪᒥ, ᑭᓯᐊᓂ ᑕᒪᓐᓇ ᒪᑭᒪᔾᔪᑕᐅᔪᓐᓇᙱᓚᖅ ᖃᓄᐃᓕᖓᓂᖓᓂ ᐱᓪᓚᕆᐅᔪᒥ ᐱᔨᑦᑎᕋᕐᓂᐅᑎᓪᓗᒍ ᓄᓇᓕᖕᒥ.
ᓄᓇᕘᑉ ᓯᕗᓪᓕᖅᐹᖓᓂ – ᐊᒻᒪ ᑖᓐᓇᑐᐊᖑᓪᓗᓂ – ᐅᓪᓗᓕᒫᖅᓯᐅᑎᐅᓪᓗᓂ ᓂᕐᔪᑎᓂᑦ ᐃᓗᐊᖅᓴᐃᔨᐅᔪᓄᑦ ᐅᐸᒃᑕᐅᕝᕕᖓ ᒪᑐᐃᓚᐅᖅᐳᖅ ᐃᖏᕐᕋᔭᒃᖢᓂ ᐅᐸᒃᑕᐅᕝᕕᐅᓪᓗᓂ 2011−ᒥ ᐊᒻᒪ ᐃᓂᖃᓕᖅᐳᖅ ᓂᐊᖁᙴᒥ.
ᐊᐅᓪᓛᖅᐸᒃᑐᓂ ᓂᕐᔪᑎᓂᑦ ᐃᓗᐊᖅᓴᐃᔨᐅᔪᓄᑦ ᐊᓯᐊᖑᓪᓗᓂ ᐱᒻᒪᕆᐅᓪᓗᓂ ᐃᓚᖏᔭᐅᖃᑕᐅᕗᖅ ᓂᕐᔪᑎᓂᑦ ᑎᒍᐊᕆᔭᐅᔪᓂ ᖃᓄᐃᙱᑦᑎᐊᕐᓂᖏᓐᓄᑦ, ᐊᒻᒪᓗᑦᑕᐅᖅ ᓇᔾᔨᓕᖅᑎᑦᑎᔪᓐᓇᐃᓪᓕᑎᑦᑎᓂᕐᒧᑦ ᐃᑲᔪᕐᓂᕐᒧᑦ ᒥᒃᖠᒋᐊᖅᑎᑦᑎᓂᕐᒥ ᐃᓄᒋᐊᖕᓂᖏᓐᓂ ᐱᔭᐅᔪᒪᙱᑦᑐᓂ ᕿᒻᒥᐊᕐᔪᓄᑦ.
2017−ᒥ ᐊᐱᖅᓱᖅᑕᐅᓂᐅᔪᒥ ᑭᕙᓪᓕᕐᒥ ᑐᓴᒐᒃᓴᓕᕆᔨᒃᑯᓐᓂ, ᓘᒃᑖᖅ ᔫᓇᔅ ᐅᐊᑦᓴᓐ ᐅᐃᓂᐱᐊᒡᒥ−ᑐᙵᕕᓕᖕᒥ Tuxedo ᓂᕐᔪᑎᓄᑦ ᐋᓐᓂᐊᕕᖓᓂ, ᐊᐅᓪᓚᖅᑎᑦᑎᓯᒪᔪᓂ ᓂᕐᔪᑎᓂᑦ ᐃᓗᐊᖅᓴᐃᔨᐅᔪᓂᑦ ᑲᖏᖅᖠᓂᕐᒧᑦ ᐅᓄᕐᓂᖅᓴᐅᔪᒥ ᐊᕐᕌᒍᓄᑦ 20−ᓄᑦ, ᐅᖃᓚᐅᖅᐳᖅ ᐊᒥᓱᑦ ᓄᓇᓕᐅᔪᑦ ᐱᓕᕆᐊᖃᕆᐊᖃᖅᐳᑦ ᐃᓕᓯᒪᔪᓂ, ᐃᑲᔪᖅᓯᖅᑕᐅᓗᑎᒃ ᒐᕙᒪᒃᑯᓐᓂ ᐱᓕᕆᔨᐅᔪᓂ ᐅᕝᕙᓘᓐᓃᑦ ᐱᒋᐊᕐᕕᐅᔪᒥ ᐊᐅᓚᑕᐅᓂᐅᔪᒥ, ᓇᓗᓇᐃᖅᓯᓂᕐᒧᑦ ᑎᒍᐊᖃᖅᑎᐅᔪᑦ ᓂᕐᔪᑎᓂ ᐸᖅᑭᓂᖃᕈᓐᓇᖁᓪᓗᒋᑦ ᓂᕐᔪᑎᖏᑦ ᐱᔭᕆᐊᖃᖅᑕᖏᓐᓂ.
“ᐊᒥᓱᒻᒪᕆᐊᓗᖕᓂ ᐃᓚᖃᖅᐳᖅ ᐅᕙᓂ ᓄᓇᕗᒻᒥ ᐱᖃᙱᑦᑐᓂ ᖃᓄᐃᑦᑐᑐᐃᓐᓇᕐᒥ ᓂᕐᔪᑎᓂᑦ ᐃᓗᐊᖅᓴᐃᔨᐅᔪᓄᑦ ᐱᔨᑦᑎᕋᕐᓂᐅᔪᒥ ᐊᑐᐃᓐᓇᐅᔪᓂ ᐊᒻᒪ ᐊᐃᑦᑖᖑᒐᓗᐊᖅ ᖃᓄᐃᓐᓂᐅᔪᓂ ᓂᕐᔪᑎᓄᑦ ᐃᓂᖃᖅᑐᓂ ᑕᐃᒃᑯᓇᓂ ᓄᓇᓕᐅᔪᓂ ᑖᖦᓱᒥᖓ ᐱᔾᔪᑎᖃᖅᑐᒧᑦ,” ᐅᐊᑦᓴᓐ ᐅᖃᓚᐅᖅᐳᖅ.
ᐃᓚᖓᓐᓂ ᐊᖏᔪᐊᓗᖕᓂ ᐱᐅᓯᒋᐊᕐᓂᖃᖅᓯᒪᕗᖅ ᓇᒡᓕᒍᓱᖕᓂᐅᔪᒥ ᐸᖅᑭᓂᐅᔪᒥ ᑎᒍᐊᕆᔭᐅᔪᓄᑦ ᓂᕐᔪᑎᓂᑦ ᓄᓇᕗᒻᒥ, ᑭᓯᐊᓂ ᓱᓕ ᐃᓂᒃᓴᖃᖅᐳᖅ ᓄᓇᓕᐅᔪᓂ ᐃᑲᔪᕐᓂᖏᓐᓂ ᑎᑭᐅᑎᓂᕐᒧᑦ ᐃᓱᒪᑐᔪᓄᑦ ᐋᖅᑭᒍᑎᒃᓴᓂ, ᐅᕝᕙᓘᓐᓃᑦ ᑕᑯᓂᕐᒧᑦ ᖃᓄᖅ ᓱᖏᐅᔾᔨᔪᓐᓇᕐᓂᖏᓐᓂ ᐃᓚᖏᓐᓂ ᐃᓱᒪᓕᐊᖑᔪᓂ ᐱᓕᕆᓯᒪᔪᓂ ᐊᓯᖏᓐᓂ ᓄᓇᓕᐅᔪᓂ.