ᓄᓇᕗᒻᒥ ᒐᕙᒪᒃᑯᑦ ᐅᖃᐅᓯᖃᓚᐅᖅᐳᑦ ᔭᓄᐊᕆ 6−ᒥ ᐅᓂᒃᑳᕆᑲᑕᔾᔮᕈᓐᓃᕐᓂᖏᓐᓂ ᐃᓄᑐᐃᓐᓇᓂ ᓄᕙᒡᔪᐊᕐᓇᖅ-19 ᐊᐃᑦᑐᐃᓂᐅᔪᓂ, ᓂᕈᐊᖔᖅᖢᑎᒃ “ᐊᐅᓚᑦᑎᓂᕐᒥ ᐃᑲᔪᕈᑎᒃᓴᑦᑎᓐᓂ ᓇᓕᒧᑎᑦᑎᓂᕐᒧᑦ ᓄᕙᒡᔪᐊᕐᓇᖅ-19−ᒧᑦ ᑭᐅᓂᐅᔪᒥ ᓄᓇᕗᒻᒥᐅᑦ ᐊᑐᐃᓐᓇᖃᕐᓂᖏᓐᓂ ᐊᓯᖏᓐᓄᑦ ᐱᓪᓚᕆᐅᔪᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐸᖅᑭᓂᐅᔪᒥ ᐱᔨᑦᑎᕋᕐᓂᐅᔪᓂ,” ᐅᖃᐅᓯᐅᓪᓗᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᒥᓂᔅᑕᖓ ᔮᓐ ᒪᐃᓐ.
ᐅᖃᐅᔾᔨᙱᖔᕐᓗᑎᒃ ᐃᓄᓕᒫᓂ ᖃᔅᓯᓂ ᐃᓄᖕᓂ ᖃᓂᒻᒪᒃᓯᒪᓂᖏᓐᓂ ᐊᒻᒪ ᐱᓯᒪᓂᕐᒥ ᑕᒻᒪᖅᓯᒪᙱᑦᑎᐊᖅᑐᓂ ᓇᐃᓴᖅᑕᐅᓯᒪᔪᓂ, ᓈᒻᒪᒃᓯᕗᖅ ᑭᒃᑯᓕᒫᑦ ᐊᖏᕐᕋᕆᔭᐅᔪᒥ ᐊᒃᑐᖅᑕᐅᓯᒪᓂᖏᓐᓂ ᐊᑕᐅᓯᕐᒥ ᐃᓄᖕᒥ ᐱᖃᕐᓂᕋᖅᑕᐅᒍᓂ. ᑕᒧᑐᒪ ᐅᖓᑖᓄᑦ, ᐋᓐᓂᐊᕈᑕᐅᖃᑦᑕᖅᑐᑦ ᓴᖅᑭᑦᑐᖃᖅᐸᑦ, ᑕᒪᒃᑭᑦ ᐃᓚᒋᔭᐅᔪᑦ ᐊᖏᕐᕋᐅᔪᒥ ᐋᓐᓂᐊᕈᑕᐅᖃᑦᑕᖅᑐᓂ ᐃᓱᒪᒋᔭᐅᓂᐊᖅᐳᑦ ᓄᕙᒡᔪᐊᕐᓇᖅ-19−ᒥ ᐱᖃᕐᓂᕋᖅᑕᐅᓗᑎᒃ ᐊᒻᒪ ᓇᓗᓇᐃᖅᓯᓂᕐᒧᑦ ᖃᐅᔨᓴᕐᓂᐅᔪᒥ ᐱᔭᕆᐊᖃᔾᔮᙱᓚᑦ.
ᐊᔪᕐᓇᙱᓐᓂᖅᓴᐅᓇᔭᖅᑎᓪᓗᒍ ᒐᕙᒪᒃᑯᓐᓂ ᖃᐅᔨᓴᖅᓯᓂᖏᓐᓂ ᐊᖏᕐᕋᒦᑦᑐᓂ ᐃᓄᑐᐃᓐᕼᓇᓂᐅᙱᑦᑐᖅ, ᓴᖅᑭᑎᑦᑎᙱᓚᖅ ᑕᒻᒪᖅᓯᒪᙱᑦᑎᐊᖅᑐᒥ ᖃᓄᐃᓐᓂᐅᔪᒥ ᐊᐃᑦᑐᐃᓂᐅᔪᒥ ᖁᐱᕐᕈᐃᑦ ᐊᐃᑦᑐᐃᓐᓇᖅᑐᒥ, ᐱᓗᐊᖅᑐᒥ ᐅᓄᕐᓂᖏᓐᓂ ᐊᖏᕐᕋᒦᑦᑐᓄᑦ ᐊᔾᔨᒌᙱᕐᔪᐊᕈᓐᓇᕐᓂᖏᓐᓂ, ᐃᓱᒪᒋᓇᒍ ᐊᖏᓂᖓᓂ ᐃᒡᓘᔪᒥᒃ.
ᓱᒃᑲᔪᒥ ᓄᕙᒡᔪᐊᕐᓇᕐᒧᑦ ᖃᐅᔨᓴᕈᑕᐅᔪᑦ – ᑐᒃᓯᕋᖅᑕᐅᓯᒪᔪᓂ ᒐᕙᒪᑐᖃᒃᑯᓐᓂ – ᓂᕆᐅᒋᔭᐅᕗᑦ ᑎᑭᓛᕐᓂᖏᓐᓂ ᑎᑭᑉᐸᓪᓕᐊᔪᒥ ᐱᓇᓱᐊᕈᓯᐅᔪᒥ, ᓈᒻᒪᒃᑐᓂ ᖃᐅᔨᓴᕈᑎᓂᒃ ᑎᓴᒪᓄᑦ ᐊᑐᓂ ᐃᓄᖕᒧᑦ. ᐃᓚᖏᑦ ᐊᑐᐃᓐᓇᐅᓂᐊᖅᐳᑦ ᖃᖓᑕᓲᓕᐊᕐᓂᕐᒧᑦ ᐃᓯᕐᕕᖓᓂ ᒥᑦᑕᕐᕕᖕᓂ ᓲᕐᓗ ᐃᐊᑦᒪᓐᑕᓐᒥ, ᐅᐃᓂᐱᐊᒡ, ᐋᑐᕚ, ᔭᓗᓇᐃᕝ, ᓴᓂᑭᓗᐊᖅ, ᑲᖏᖅᖠᓂᖅ ᐊᒻᒪ ᐃᖃᓗᖕᓂ. ᐊᐅᓪᓛᖅᑎᐅᔪᑦ ᖃᐅᔨᓴᕆᐊᖃᖅᐳᑦ ᐅᓪᓗᖓᓂ 6−ᒥ ᐊᒻᒪ 14−ᖓᓂ ᐅᐸᒃᑕᐅᑦᑕᐃᓕᒪᓂᖓᓂ.
ᑐᑭᓯᓇᖅᐳᖅ ᐅᓄᕐᓂᐅᔪᓂ ᓇᓗᓇᐃᖅᓯᓂᐅᔪᒥ ᖃᐅᔨᓴᖅᑕᐅᓂᐅᔪᓂ ᑎᑭᐅᑎᓕᓚᐅᕐᓂᖓᓂ ᐱᓪᓚᕆᐅᔪᒥ ᐅᓄᓗᐊᕐᓂᖏᓐᓄᑦ – ᐊᒻᒪᓗ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᖓᔪᖅᑳᖓ ᓘᒃᑖᖅ ᒪᐃᑯᓪ ᐹᑐᓴᓐ ᐅᖃᓚᐅᕐᓂᖓᓂ, “ᑭᓱᑐᐃᓐᓇᒥᒃ ᓴᒃᑯᑦᑎᔭᕆᐊᖃᕐᓂᐊᖅᐳᑦ,” ᑭᓯᐊᓂ ᐊᐃᑦᑖᕈᓱᖕᓇᖅᖢᓂ ᓂᕈᐊᕐᓂᐅᕗᖅ ᓵᙵᔪᒃᓴᐅᔪᓐᓇᕐᓂᕐᒥ ᓇᖏᖅᓯᒪᓂᕐᒥ.
ᔭᓄᐊᕆ 6−ᒥ, 244−ᓂ ᐋᓐᓂᐊᖃᖅᑐᓂ ᓄᕙᒡᔪᐊᕐᓇᖅ-19−ᒥ ᐱᑕᖃᕐᓂᐅᔪᓂ ᑎᑎᕋᖅᑕᐅᓯᒪᔪᓂ ᓄᓇᕗᓕᒫᒥ ᑐᕌᖅᑎᑦᑎᓯᒪᔪᒥ 6−ᓂ ᐅᓂᒃᑎᑕᐅᔭᕆᐊᖃᕐᓂᐅᔪᓂ. ᐃᖃᓗᐃᑦ ᖁᑦᑎᓛᖑᔪᒥ ᐱᖃᓚᐅᖅᐳᖅ ᒫᓐᓇᒧᑦ ᑎᑭᖦᖢᒍ ᒫᓐᓇᐅᔪᒥ ᐊᐃᑦᑐᐃᓂᐅᔪᒥ, ᑎᑭᐅᑎᓪᓗᓂ 86−ᓂ ᐱᖃᕐᓂᐅᔪᓄᑦ ᐊᒻᒪ ᐅᓂᒃᑳᕆᓪᓗᓂ 72−ᓂ ᐋᓐᓂᐊᕐᓂᖃᖅᑐᓂ ᔭᓄᐊᕆ 6−ᒥ. 48−ᖑᓚᐅᖅᐳᑦ ᐊᕐᕕᐊᓂ, 45−ᓂ ᑲᖏᖅᖠᓂᕐᒥ, 20−ᓂ ᐸᖕᓂᖅᑑᒥ, 18−ᓂ ᐃᒡᓗᓕᖕᒥ, 17−ᓂ ᓴᓂᕋᔭᖕᒥ, 6−ᓂ ᕿᑭᖅᑕᕐᔪᐊᒥ, ᒪᕐᕉᒃ ᐃᒡᓗᓕᒑᕐᔪᖕᒥ ᐊᒻᒪ ᐊᑕᐅᓯᖅ ᐊᑐᓂ ᓇᓗᓇᐃᖅᑕᐅᓯᒪᔪᓂ ᖃᒪᓂᑦᑐᐊᕐᒥ, ᐃᖃᓗᒃᑑᑦᑎᐊᕐᒥ ᐊᒻᒪ ᒥᑦᑎᒪᑕᓕᖕᒥ.
ᐱᑕᖃᕋᓱᒋᔭᐅᓂᖃᕆᕗᖅ ᓴᓂᑭᓗᐊᕐᒥ.
ᑕᒪᕐᒥᒐᓚᐃᑦ ᐅᑯᓇᓂ ᐱᖃᕐᓂᐅᔪᓂ ᓇᓗᓇᐃᖅᑕᐅᓯᒪᕗᑦ Omicron variant−ᒥ.
ᖃᐅᔨᓴᙱᓪᓗᑎᒃ ᐅᓄᕐᓂᐅᔪᓂ ᐱᖃᕐᓂᐅᔪᓂ ᑐᕌᖓᔪᒥ ᑕᑯᒃᓴᐅᑎᑦᑎᕗᖅ ᓄᓇᕘᑉ ᐱᔪᓇᙱᓐᓂᖓᓂ ᑲᒪᒋᔭᖃᕐᓂᕐᒥ ᐅᓄᕐᓂᐅᔪᓂ ᐱᖃᕐᓂᐅᔪᓂ ᓴᖅᑭᑉᐸᓪᓕᐊᔪᓄᑦ.
ᐅᓄᙱᓐᓂᖅᓴᐅᔪᓂ ᐃᓄᖕᓂ ᐅᓂᒃᑎᑕᐅᓯᒪᕗᑦ ᐋᓐᓂᐊᕕᖕᒧᑦ ᐆᒥᑯᕌᓐᒥ, ᖁᔭᓐᓇᒦᕐᔪᐊᖅ ᐋᓐᓂᐊᓕᕇᒃᑯᓯᖅᓯᒪᓂᐅᔪᓄᑦ ᐊᒃᓱᕈᕐᓂᐅᔪᒥ, ᑭᓯᐊᓂ ᐅᓄᕐᓂᐅᔪᑦ ᐱᖃᕐᓂᐅᔪᓂ ᖁᑦᑎᒃᓯᓗᐊᖅᐸᑦ, ᐅᓂᒃᑎᑕᐅᓂᐅᔪᑦ ᐊᖏᓗᓂ ᐃᓱᒫᓘᑎᕐᔪᐊᖑᕐᓂᐊᖅᐳᖅ, ᐱᓗᐊᖅᑐᒥ ᓄᓇᕗᒻᒥ ᐃᒡᓕᑭᒃᓴᓗᐊᕐᓂᐅᔪᒥ ᐊᒻᒪ ᐊᓂᖅᓵᖅᑑᑎᓂᑦ, ᐊᒻᒪ ᐱᔭᕆᐊᖃᕐᓂᐅᔪᒥ ᖃᖓᑕᓲᒃᑰᖅᑎᑦᑎᓂᕐᒥ ᐋᓐᓂᐊᕕᓕᐊᖅᑐᓄᑦ ᖃᓪᓗᓈᑦ ᓄᓇᖓᓐᓄᑦ ᐃᓅᓕᓴᖅᑕᐅᔭᖅᑐᕐᓂᕐᒧᑦ.
ᒫᓐᓇ ᐱᓂᖅᓴᒻᒪᕆᐅᔪᒥ, ᐃᒃᐱᖕᓇᖅᑑᔮᖅᑐᒥ ᐊᓯᒃᑲᓐᓂᕐᒥ ᑕᑯᔪᐊᓗᖕᒥ ᑎᑎᕋᖅᓯᒪᓂᐅᔪᒥ ᐃᓚᑰᓂᐅᔪᓂ ᐊᒻᒪᓗ ᐊᒥᒐᓗᐊᕐᓂᐅᔪᒥ ᐱᓪᓚᕆᐅᔪᓂ ᓇᖕᒥᓂᖅ ᓴᐳᔾᔨᓯᒪᔾᔪᑎᓂᑦ ᐊᓐᓄᕌᓂᒃ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐃᖅᑲᓇᐃᔭᖅᑎᐅᔪᓂ, ᐱᒻᒪᕆᐅᕗᖅ ᓄᓇᕗᒻᒥᐅᑦ ᐱᔪᓐᓇᕐᓂᓕᒫᖏᓐᓂ ᒪᓕᑦᑎᐊᕐᓂᖏᓐᓂ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᑎᓕᐅᕈᑕᐅᔪᓂ.
ᐱᓯᒪᙱᒃᑯᑕ ᑕᒪᒃᑯᓂᖓᓕᒫᖅ ᑐᓴᒐᒃᓴᐅᔪᓂ, ᐊᓂᒍᕋᓱᒋᐊᖃᖅᐳᒍᑦ ᐆᒥᖓ ᑭᖑᓪᓕᖅᐹᖑᔪᒥ ᑐᐊᕕᕐᓇᕐᓂᐅᔪᒥ ᐃᓅᔪᓐᓃᖅᑐᖃᓗᐊᖅᑕᐃᓕᒪᑎᑦᑎᓂᕐᒧᑦ.
ᐅᓇ ᑐᑭᖃᖅᐳᖅ ᒪᑐᐊᖅᓯᒪᓂᕐᒥ ᐃᒡᓗᐃᑦ ᕿᒪᒃᑯᕕᐅᒃ, ᐋᖅᑭᐅᒪᑎᑦᑎᓂᕐᒥ ᐊᒡᒐᓂ ᐅᐊᓴᒐᔪᖕᓂᐅᔪᒥ, ᐊᖑᒻᒪᑎᓯᒪᓂᕐᒥ ᓴᓗᒻᒪᖅᓴᐃᒐᔪᖕᓂᕐᒥ ᐊᒃᑐᖅᑕᐅᒐᔪᒃᑐᓂ ᖄᖑᔪᓂᑦ, ᐋᖅᑭᐅᒪᑎᑦᑎᓂᕐᒥ ᐃᓅᖃᑎᒌᖑᔪᓂ ᐅᖓᓯᒌᒋᐊᖃᕐᓂᐅᔪᒥ ᐊᒻᒪᓗ ᐊᖏᕐᕋᖅᓯᒪᐃᓐᓇᕐᓗᓂ ᐊᔪᕐᓇᙱᓐᓂᓕᒫᖓᓂ.
ᐊᔪᕐᓇᙱᑦᑐᑯᓘᒐᓗᐊᖅᑎᓪᓗᒍ ᓴᐱᓕᕐᓂᕐᒥ, ᐃᓱᒪᑦᑎᐊᕆᐊᕐᓗᓯ ᐊᓂᒎᑎᓂᐊᕐᒥᒐᑦᑎᒍᑦ. ᐊᑐᖅᐸᒡᓗᑎᒃ ᐃᑲᔪᖅᑕᐅᓂᕐᒧᑦ ᐅᖃᓗᒡᕕᐅᔪᓂ ᐊᑐᐃᓐᓇᐅᔪᓂ ᐃᑲᔪᖅᓯᖅᑕᐅᒃᑲᓐᓂᕆᐊᖃᕈᕕᑦ, ᐊᒻᒪ ᑲᓱᖃᑎᖃᖅᐸᒡᓗᑎᑦ ᐅᐸᒃᓯᒪᓇᑎᑦ ᓇᒡᓕᒋᔭᔅᓯᓐᓂ.
ᒫᓐᓇᒧᑦ ᑎᑭᖦᖢᒍ ᑕᖃᓇᖅᓯᒪᕗᖅ, ᑭᓯᐊᓂ ᒫᓐᓇ ᐊᑐᕋᑦᑕ ᐊᐃᑦᑐᐃᓂᐅᔪᒥ ᑕᒪᒃᑭᓗᒃᑖᑦ ᐅᔾᔨᖅᓱᑦᑎᐊᖅᖢᑕ ᐱᓕᕆᓚᐅᕐᓂᑦᑎᓐᓂ ᐱᑎᑦᑎᑦᑕᐃᓕᒪᓂᐅᓚᐅᖅᑐᒥ, ᒪᕐᕈᐃᒃᑲᓐᓂᖅᑐᒥ ᐊᒃᓱᕈᒃᑲᓐᓂᕆᐊᖃᖅᐳᒍᑦ, ᑕᐃᒪᐃᓚᐅᕐᓂᑦᑎᓐᓂ ᐊᐃᑉᕆᓕ 2020−ᒥ, ᐊᒥᓱᓂ ᓄᓇᕗᒻᒥᐅᓂ ᐊᑦᑕᓇᔾᔭᐃᖅᓯᓯᒪᓇᓱᐊᕐᓗᑕ ᐊᔪᕐᓇᙱᓐᓂᓕᒫᖓᓐᓂ.