ᖃᓪᓗᓈᑦ ᓄᓇᖓᓐᓂ, ᖃᐅᔨᓴᖅᑐᖃᓕᕌᖓᑦ ᕿᒥᕐᕈᔪᖃᓕᕌᖓᓪᓘᓐᓃᑦ ᖃᓄᖅᑑᕈᑕᐅᓂᐊᖅᑐᒥᒃ, ᑭᒃᑯᑐᐃᓐᓇᐃᑦ ᐊᑐᖃᑦᑕᖅᐳᑦ ᖃᓄᐃᓕᐅᕈᑕᐅᓂᐊᖅᑐᓂᒃ ᒪᓕᒐᒃᓴᖃᖅᖢᑎᒡᓗ. ᑕᐃᒪᓐᓇ ᐅᖃᐅᓯᕆᓚᐅᕐᓗᒋᑦ ᑕᒪᒃᑯᐊ ᖃᓄᖅᑑᕈᑕᐅᓇᓱᐊᕐᓂᐊᖅᑐᑦ ᓯᓚᑐᓂᒃᑯᑦ ᐊᑐᕐᓗᓂ, ᐱᕕᒃᓴᖃᑦᓯᐊᕐᓗᓂᓗ ᐱᒻᒪᕆᐅᓕᖅᐸᓪᓕᐊᑐᐃᓐᓇᕐᓗᓂᓗ ᖃᓄᐃᓕᐅᖅᑎᑕᐅᓂᐊᖅᑐᑦ ᐊᒃᓱᕈᖅᑎᓪᓗᒋᑦ.
ᐅᖃᐅᓯᖃᖅᐳᖓ ᐃᒡᓗᑭᒃᓴᕐᓂᑦᑎᓐᓂᒃ ᓄᓇᕗᒻᒥ ᓄᓇᓕᖕᓂ. ᒫᓐᓇ ᓯᕗᓕᖅᑎᒋᔭᖅᐳᑦ ᖃᓄᐃᓕᐅᕈᑎᖃᖏᑐᐊᖅᐸᑕ ᓴᒃᑯᐃᓗᑎᒃ ᖃᐅᔨᓴᕈᑎᓂᒃ ᖃᐅᔨᓴᒃᑲᓐᓂᕈᑎᓂᒡᓗ ᓄᓇᕗᒻᒥᐅᓂᒃ ᐊᒃᓱᕈᑐᐃᓐᓇᕐᓂᐊᖅᐳᒍᑦ ᐃᒡᓗᖃᑦᓯᐊᖏᑎᑕᐅᖏᓐᓇᕐᓗᑕ.
ᕿᑎᕐᒥᐅᓂ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ, ᐊᔪᖏᑦᑐᓂᒃ ᐋᖅᑭᒃᓯᔪᓐᓇᖅᑐᒥᒃ ᐱᓂᐊᕋᓱᒋᓚᐅᕋᓗᐊᕋᑦᑕ ᐃᖅᑲᓇᐃᔭᖅᑎᖃᖅᖢᑕ ᖃᐅᔨᓴᖃᑦᑕᖅᖢᑎᒃ ᐃᒡᓗᓂᒃ ᐊᑐᖅᑐᐊᒐᒃᓴᓂᒃ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᑦᑕ ᐃᒡᓗᒃᓴᖏᓐᓂᒡᓗ, ᐅᓂᒃᑳᖃᑦᑕᖅᖢᑎᒃ ᖃᓄᐃᑦᑑᓂᖏᓐᓄᑦ ᐃᒡᓗᐃᑦ ᐊᒻᒪ ᖃᓄᖅ ᐋᖅᑭᓱᖅᑕᐅᒋᐊᖃᕐᓂᖏᓐᓄᑦ – ᑭᓯᐊᓂ, ᐊᑕᐅᓯᖅ ᐅᖃᖅᓯᒪᓂᖓᓄᑦ ᑕᒪᒃᑯᓂᖓ ᐃᖃᓗᖕᓄᑦ ᑕᒪᕐᒥᒃ ᓅᓐᓂᐊᓕᖅᐳᑦ.
ᓄᓇᓕᐸᐅᔭᖏᑦ ᐃᓄᒋᐊᕐᓂᖃᓚᐅᕐᒪᑕ 8000–ᓂᒃ ᐊᒥᓱᙳᕐᓂᐊᖅᑐᒃᓴᐅᓪᓗᑎᒡᓗ ᓄᓇᕗᒻᒥ ᒐᕙᒪᒃᑯᑦ ᑕᒪᐃᓐᓂᒃ ᐱᓕᕆᐊᖃᓕᖅᐸᑕ. ᑭᓱᕈᓘᔭᖃᖅᖢᑎᒡᓗ, ᑕᒪᒃᑯᐊ ᐱᓐᖑᐊᕐᕕᑦ ᓱᓇᑐᐃᓐᓇᐃᑦ ᐃᖃᐃᓕᓴᕐᕕᑦ, ᓂᐅᕕᕐᕕᓪᓗ.
ᖃᐅᔨᓴᖅᑎᓪᓗᒋᑦ ᐊᑕᐅᓯᖅ ᐅᖃᐅᓯᕆᔪᓐᓇᖅᐸᕋ ᐅᓇ Maslow's Pyramid. ᐊᑖᓂᑦ ᐱᒋᐊᕐᓂᖃᖅᖢᓂ, ᐅᑯᐊ ᓂᕿᑦ, ᐃᒪᐃᑦ ᐊᒻᒪ ᐃᒡᓗᐃᑦ.
ᑕᑯᓐᓇᕈᓐᓇᕈᑦᑕ ᖃᓄᐃᓕᐅᕐᒪᖔᑕ ᑎᑎᕋᖅᓯᒪᔪᓂ ᐃᓄᐃᑦ ᖃᓄᖅ ᐱᔪᓐᓇᐅᑎᖃᕐᓂᖏᓐᓄᑦ ᐱᔾᔪᑎᖃᖅᑐᓂ, ᖃᐅᔨᕗᒍᑦ ᐱᓕᕆᐊᕆᔭᐅᒋᐊᖃᕐᓂᖓᓄᑦ ᑕᒪᓐᓇ ᓂᕈᐊᖅᑕᐅᓯᒪᔪᓄᑦ ᖃᐅᔨᒪᔪᓄᓪᓗ ᖃᓄᖅ ᐱᑎᑕᐅᒋᐊᖃᖅᓯᒪᓂᖏᓐᓄᓪᓗ ᐃᓄᐃᑦ ᐱᓗᐊᖅᑐᒥᒃ ᓱᓇᖃᖅᑎᑕᐅᒋᐊᖃᕐᓂᖏᑦ ᐃᒡᓗᕐᔪᐊᖃᖅᑎᑕᐅᒋᐊᖃᖅᖢᑎᒡᓗ ᐱᔨᑦᓯᕋᖅᑕᐅᒋᐊᖃᖅᖢᑎᒡᓗ.
ᐊᒃᓱᕈᖃᑦᑕᖅᑐᓂᒃ ᐃᓅᓯᕐᒥᖕᓂᒃ ᐃᓱᒪᓇᑎᒃ ᑲᑎᒪᔨᖃᓕᖅᐳᒍᑦ ᒪᓕᒐᓕᐅᖅᑎᓂᒃ ᓄᓇᕗᒻᒥ ᐊᐅᓪᓚᔾᔭᒃᑎᑦᓯᒍᒪᓪᓗᑎᒃ ᓄᓇᕗᒻᒥᐅᓂᒃ ᐱᓕᕆᐊᖃᖅᖢᑎᒃ. ᓂᕈᐊᖅᑎᑦ ᐃᓱᒫᓗᒋᔭᖏᓐᓂᒃ ᐱᓕᕆᐊᖃᖃᑦᑕᖅᖢᑎᒃ ᒥᓂᔅᑕᓄᑦ ᐅᖃᐅᓯᖃᖃᑦᑕᖅᐳᑦ ᑭᓯᐊᓂ ᑕᒡᕗᖓ ᓄᖅᑲᖃᑦᑕᖅᖢᑎᒃ.
ᒐᕙᒪᐅᔪᑦ, 8ᖑᓪᓗᑎᒃ ᐱᓕᕆᕕᒃ ᐊᕕᒃᑐᖅᓯᒪᔪᑦ ᐊᒻᒪ ᑕᓪᓕᒪᐅᓪᓗᑎᒃ ᑯᐊᐳᕇᓴᖏᑦ, ᐃᒡᓗᓕᕆᓂᖅ ᑖᓐᓇ ᑯᐊᐳᕇᓴᐅᖃᑕᐅᓪᓗᓂ ᓄᒃᑎᖅᑕᐅᓯᒪᓕᖅᖢᓂ ᑭᐅᖃᑦᑕᕆᐊᖃᕐᓂᕐᒧᑦ ᓵᑕᐅᔪᒃᓴᐅᖃᑦᑕᕆᐊᖃᖅᖢᑎᒃ ᑐᓴᖅᑎᑦᑎᖃᑦᑕᕆᐊᖃᖅᖢᑎᒡᓗ ᐱᔨᑦᓯᕋᐅᑎᒋᔭᒥᖕᓂᒃ.
ᐊᑕᐅᓰᖅᑕᖏᓪᓗᑎᒃ ᐅᖃᖃᑦᑕᖅᓯᒪᒐᒪ ᐊᑐᐊᒐᐃᑦ ᐱᖁᔭᕋᓛᓪᓗ ᐋᖅᑭᒋᐊᖅᑕᐅᔪᓐᓇᕐᒪᑕ ᐊᑲᐅᓂᖅᓴᒃᑯᑦ ᑭᒡᒐᖅᑐᐃᑦᓯᐊᖁᓪᓗᒋᑦ ᑐᐊᕕᕐᓇᖅᑐᓂᒃ ᐱᔨᑦᓯᕋᐅᑎᖃᑦᓯᐊᖁᓪᓗᒋᑦ. ᑕᒪᓐᓇ ᐃᓱᒪᒃᓴᖅᓯᐅᕈᑕᐅᔪᓐᓇᖅᐳᖅ.
ᓄᓇᕗᒻᒥᐅᑦ ᐋᓐᓂᖅᓯᒪᖕᒪᑕ, ᐃᓚᔮᕇᑦ ᓄᑦᓲᑎᖃᑦᑕᐅᑎᓪᓗᑎᒃ, ᐃᓐᓇᑐᖃᐃᑦ ᐋᓐᓂᐊᖅᑎᑕᐅᓪᓗᑎᒃ ᐃᖢᐃᓪᓕᐅᖅᑎᑕᐅᓪᓗᑎᒃ, ᐃᓅᓯᓕᕆᓂᕐᒧᑦ ᐱᓕᕆᕕᒃ ᐊᒃᓱᕈᖅᑎᑕᐅᓪᓗᑎᒃ ᓅᒍᓐᓇᖏᑉᐳᑦ ᓱᓕ ᖃᐅᔨᓴᕈᑎᖃᐃᓐᓇᑐᐃᓐᓇᖅᖢᑎᒃ.