Skip to content

ᐊᔪᖅᓴᖏᑦᑐᓄᑦ ᐊᑐᖅᑕᐅᕙᒃᑐᓄᖓᐅᓂᖏᑦ

ᖃᓄᐃᓕᐅᖅᑐᐊᓘᓚᐅᖅᐸᑦ ᖃᓄᐃᓕᐅᒃᑲᓐᓂᕆᐊᖃᖅᐱᑕᓗ?

ᑕᐃᒪ ᓄᑖᒥ ᐊᕐᕌᒍᒥ 2018-ᒥ, ᑲᓇᑕᒥ ᐊᓂᒍᐃᓯᒪᓕᖅᐳᑦ ᑯᐃᓐ ᓄᓇᖓᓐᓂᓪᓘᓐᓃᑦ ᖄᖏᖅᖢᑎᒃ ᑖᒃᓰᔭᐃᔭᖅᐸᓕᖅᐳᑦ ᑲᓇᑕᒥᐅᑦ.

ᐊᒻᒪ, ᐅᖃᐅᓯᖃᒃᑲᓐᓂᖁᒪᑉᓗᑕ, ᓯᕗᓪᓕᖅ ᑲᑐᔾᔨᖃᑎᒌᑦ ᐅᑎᕋᓱᐊᖅᑐᑦ ᑕᐃᒪᓐᓇ ᑕᑯᒃᓴᐅᑎᑎᓂᕐᒧᑦ.

ᑕᐃᒪ ᑕᒪᕐᒥᒃ ᐱᔅᓂᔅᖃᖅᑐᑦ ᐊᑐᕆᐊᖃᕐᒪᑕ ᓂᐅᕕᕐᕕᒃᑎᑐᑦ Walmart ᐊᑐᖅᑕᐅᖃᑦᑕᖅᑐᓂᒃ ᑕᒪᒃᑯᐊ ᑮᓇᐅᔭᓕᐅᕈᑎᑦ ᐊᑭᑦᑐᕆᐊᖁᑉᓗᒋᑦ ᑕᒪᒃᑯᐊ ᐱᔅᓂᔅᖃᖅᑐᑦ ᑮᓇᐅᔭᐃᔭᖅᑎᑦᓯᑉᓗᑎᒃ ᐱᓕᕆᔨᒥᖕᓂᒃ, ᓂᐅᕕᖃᑦᑕᖏᓐᓂᖅᓴᓂᒃ ᑕᒪᒃᑯᐊ ᑐᓂᕐᕈᓯᐊᕆᔭᐅᕙᒃᑐᑦ ᐃᓱᒪᒋᖏᓪᓗᒋᑦ, ᐊᑭᓕᖅᑐᐃᑎᑕᐅᑉᓗᑎᒃ ᑕᒪᒃᑯᐊ ᐱᓕᕆᔨᓪᓚᕆᑦ ᐋᓐᓂᐊᖅᑐᓕᕆᔭᐅᓂᕐᒧᑦ ᐊᑭᓕᐃᑎᑕᐅᑉᓗᑎᒡᓗ ᐊᑯᓂ.

ᐊᓐᑎᐅᕆᔪᒥ, ᑖᒃᑯᐊ ᑳᐱᑐᕐᕕᒃ Tim Hortons −ᒥᒃ ᐱᖃᖅᑐᑦ (ᑖᒃᑯᐊ Timmyᑯᑦ) ᐱᓕᕆᐊᖃᖅᓯᒪᓕᕐᒪᑕ ᐊᑯᓂ ᑕᒪᒃᑯᓂᖓ ᐱᓕᕆᐊᒃᓴᖃᓕᓵᖅᑎᓂᒃ ᐊᔪᖅᓴᕐᓂᖅᓴᓂᒃ ᑕᐃᒪᓐᓇ ᑮᓇᐃᔭᓕᐅᑦᓯᐊᖅᑎᑦᓯᖏᑦᓗᑎᒃ.

ᑕᐃᒪ ᓇᓃᑉᐸᑭᐊᒃ Sally Field (Norma Rae) ᐃᑲᔪᖅᑎᒋᒋᐊᖃᓕᕌᖓᑉᑎᒍ?

ᑕᐃᒪ, ᑕᒪᒃᑯᐊ ᒥᑕᐅᑎᑦ ᓱᖁᑎᒋᖏᓪᓗᖏᑦ, ᑕᑯᓐᓇᕆᐊᖃᒃᑲᓐᓂᖅᐳᒍᑦ 1979-ᒥ ᑕᑯᓐᓇᖅᑕᐅᓚᐅᖅᓯᒪᔪᒥᒃ ᑕᓐᓇ Field ᐃᓕᑕᕆᔭᐅᓚᐅᖅᓯᒪᖕᒪᑦ ᐊᔪᖏᓐᓂᖓᓄᑦ ᐱᑦᓯᐊᕐᓂᖓᓄᑦ ᐱᓐᖑᐊᖅᖢᓂ ᐊᒻᒪ ᐃᓕᑕᕆᔭᐅᒃᑲᓐᓂᖅᖢᓂ ᑕᒪᐃᓐᓂᑦ New York ᐊᒻᒪ Los Angeles Film Critics ᑕᕐᕆᔭᒐᒃᓴᓕᐅᖅᑎᓄᑦ.

ᑕᐃᒪᓐᓇᐃᒃᑯᕕᑦ, ᐅᖃᐅᑎᔭᐅᒐᔭᖅᐳᑎᑦ ᖃᓄᖅ ᐱᓕᕆᓂᖅ ᐊᑐᖅᑕᐅᕙᖕᓂᖓᓄᑦ ᑕᐃᒪᓐᓇ ᐊᔪᖅᓴᖏᑦᓯᐊᖅᖢᑎᒃ ᐱᔅᓂᔅᖃᖅᑐᑦ ᐱᒑᖓᑕ.

ᑕᐅᑐᒐᓱᐊᑦᓯᐊᕐᓂᐊᖅᐳᓯ ᑕᒡᕙᓂ ᑕᕐᕆᔭᒐᒃᓴᒥ Field ᐊᑖᑕᖓ ᑐᖁᖕᒪᑦ ᐆᒻᒪᓯᕆᑉᓗᓂ ᐱᓕᕆᖏᓐᓇᖁᔭᐅᑉᓗᓂ ᐃᓱᒪᑕᒥᓄᒃ ᑕᐃᒪᓐᓇᐃᒃᑲᓗᐊᖅᑎᓪᓗᒍ ᐆᒻᒪᓯᕆᒐᓗᐊᖅᑎᓪᓗᒍ.

ᐋᐊ, ᑕᐃᒪᓐᓇᐃᑉᐸᓚᐅᖅᓯᒪᖕᒪᑕ ᐱᓕᕆᑎᑦᓯᔪᑦ ᑕᐃᑉᓱᒪᓂᑐᖃᖅ ᐊᒃᓱᕈᑦᓯᐊᖅᖢᑎᒃ ᐱᓕᕆᑉᓗᑎᒃ, ᖃᓄᑐᐃᓐᓇᖅ ᑎᒡᓕᒐᖅᐸᒃᖢᑎᒡᓗ, ᐃᑲᔫᓯᐊᖅᑖᖅᑎᑕᐅᕙᖏᑦᖢᑎᒡᓗ ᐊᑭᓕᖅᑐᖅᑕᐅᓂᖏᓪᓗ ᒥᑭᔫᑉᓗᑎᒃ.

ᑕᒡᕙᓂ ᑲᓇᑕᒥ, ᐅᓂᒃᑳᓕᐅᓚᐅᖅᐳᑦ ᑖᒃᑯᐊ Fraser Institute ᐊᐅᒐᓯᐅᓚᐅᖅᑐᒥ ᐃᓚᒌᑦ ᐊᑭᓕᐅᑎᖃᖃᑦᑕᓕᕐᓂᖏᓐᓄᑦ 42.5 ᐳᓴᓐ ᑮᓇᐅᔭᓕᐊᒥᖕᓂᒃ ᑖᒃᓰᔭᐃᔭᑎᓄᑦ ᑲᓇᑕᐅᑉ ᒐᕙᒪᒃᑯᖏᓐᓄᑦ, ᓄᓇᓕᑦ ᒐᕙᒪᖏᓐᓄᑦ ᓄᓇᕗᑦ ᐊᒻᒪ ᓄᓇᓕᖕᓂ ᒐᕙᒪᒋᔭᐅᔪᓄᑦ.

ᑕᐃᒪ, ᑖᒃᓰᔭᐃᔭᕈᑎᑦ ᖃᓄᐃᓕᖓᑎᑕᐅᖃᑦᑕᕐᒪᖔᑕ ᐆᒃᑑᑎᖃᕐᓗᖓ, ᐊᑭᓖᖃᑦᑕᕋᑉᑕ 37.4 ᐳᓴᓂᒃ ᑮᓇᐅᔭᓕᐊᑉᑎᓐᓂᑦ ᐃᓅᓇᓱᐊᕈᑎᒋᑉᓗᒋᑦ.

ᐊᒃᓱᕈᖅᖢᑕ ᐱᓕᕆᖃᑦᑕᓕᖅᐳᒍᑦ ᐊᑭᓕᐅᑎᖃᒃᑲᓐᓂᕈᓐᓇᖁᔭᐅᑉᓗᑕ "ᒐᕙᒪᒃᑯᑉᑎᓐᓄᑦ" ᓇᖕᒥᓂᖅ ᐱᑎᑕᐅᖏᓐᓂᖅᓴᐅᑉᓗᑕ.

ᐊᐃᑦᑖᕈᓱᒃᐳᖓ Tim Horton−ᑯᓐᓂᒃ ᐱᖁᑎᖃᖅᑐᓂᒃ ᐊᑭᓕᖅᑐᐃᒍᑎᓪᓗ ᐊᑭᑦᑐᕆᐊᖅᑕᐅᕙᖕᓂᖏᓐᓄᑦ ᐃᓅᓯᖃᑦᓯᐊᕐᓂᖅᓴᐅᖁᑉᓗᒋᑦ ᑲᓇᑕᒥᐅᑕᐃᑦ.

ᐊᒻᒪ ᐳᐃᒍᕆᐊᖃᖏᑉᐳᒍᑦ, ᖃᑉᓯᐅᓪᓚᕆᖕᓂᖏᓐᓄᑦ ᐅᖃᐅᓯᕆᒍᑉᑭᑦ ᑕᒡᕙᓂ ᖃᓄᑐᐃᓐᓇᖅ ᐊᒻᒪ ᑲᓇᑕᒥᐅᑕᐅᖏᑦᑐᓂᒃ ᐅᖃᐅᓯᖃᕈᒪ ᐊᑭᕋᖅᑐᕐᓂᒻᓄᑦ ᐅᖃᐅᓯᕆᔭᐅᖃᑦᑕᓕᕋᔭᖅᐳᖓ.

ᐅᑭᐅᑦ ᖃᑉᓰᓐᓇᑯᓗᐃᑦ ᓯᑕᒪᑐᐃᓐᓇᐃᑦ, ᖃᐅᔨᓴᖅᑐᖃᖅᖢᓂ 2011-ᒥ ᑖᒃᑯᐊ ᖃᐅᔨᓴᖅᑐᑦ BBC−ᑯᑦ ᐃᓄᒋᐊᖕᓂᖃᖅᑐᓂᒃ 160,000 ᓂᒃ ᑯᐃᓐ ᓄᓇᖓᓂ ᓇᓗᓇᐃᖅᓯᓚᐅᖅᐳᑦ 7 ᑖᒃᓰᔭᐃᔭᕈᑎᓄᑦ ᑖᒃᑯᓇᖓᑦ.

ᓇᓂᑭᐊᖅ ᖃᖓᑭᐊᒃ, ᖃᐅᔨᒪᑎᕐᔪᐊᖅ Friedrich Nietzsche ᐃᒡᓚᖅᑐᒃᓴᐅᕗᖅ ᖃᓄᐃᓕᖓᓕᕐᓂᖏᓐᓄᑦ ᐃᓄᐃᑦ ᐃᓅᓯᖃᓕᕐᓂᖏᓪᓗ ᖃᓄᖅ.

ᑕᒡᕙᓂ ᓄᑖᓂᒃ ᐊᑐᖃᑦᑕᓕᖅᑎᓪᓗᑕ ᓱᓇᑐᐃᓐᓇᕐᓂᒃ, ᐅᑎᒧᑦ ᐃᖏᕐᕋᕗᒍᑦ, ᐊᒻᒪ ᐊᒃᓱᕈᖅᖢᑕ ᑕᐃᒪᓐᓇ ᐊᓯᔾᔨᖅᑕᐅᒍᒪᖏᑦᖢᑕ ᑕᒪᒃᑯᓄᖓ ᖃᕆᑕᐅᔭᒃᑯᑦ ᐊᐅᓚᑕᐅᔪᓄᑦ!